علاوة العمل الاضافي والتلفون

[حرف]

امس كان نقاش مجموع الشباب عن العمل والاضافي وعلاة السيارة الاضافية وعلاوة التلفون والبونص السنوي بأنها من بداية السنة راح تقطع
بس للحين ماحد اكيد هل القطع على الجميع او على الغير مستحقين فقط

صراحة ظلم ان يتساوى الي قاعد في مكتبة من سبع ونص لين وحدة ونص مثل الي شغله برا ويشتغل ساعة اضافية بعد الانتهاء من ساعات العمل الرسمية

اتمنى ان يكون فيه انصاف

[qatari911]

الله كريم
نداوم قبل الدوام بنص ساعه
ونطلع بعد انتهاء الدوام رسمي بساعه ولا يصرف لنا عمل اضافي
لكن للامانه البوينص يعطونا اول السنه
مع ذلك حاب شغلي لان الي حوالي متعاونين بكل شي ومخلصين شغلنا
لكن القطع اعتقد اشاعة لان ما سمعت بهالشي لا بشغلي ولا الي حولي

[حرف]

المشكلة الشباب الي في راس غاز يقولون وصلهم ايميل بخصوص البونص بانه ماراح يصرف لهم


الاهم هو العمل الاضافي والسيارة والتلفون
ياليت يكون فيه انصاف فمن غير الانصاف ان يتساوى الي قاعد في مكتبه مثل الي يستخدم سيارته الشخصية لاعمال جهه عمله واستخدام تلفونه الشخصي للشغل

[باحث علم]

فيه اشاعات بدت تنتشر ان عام 2016 بتكون فيه اخبار مب زينه للموظفين الله يستر

[رُفق المجنّا]

في جهة عملي سيتم قطع العمل الاضافي وسنة 2016 فرصة للأفراد والدولة للاقتصاد في الصرف

صحيح اني بتأثر ولكن الحمدلله أتخذت تدابير في 2015 راح تخفف علي شوي وهذا من فضل الله سبحانه

الله يعين

[A-Alansari]

المشكلة الشباب الي في راس غاز يقولون وصلهم ايميل بخصوص البونص بانه ماراح يصرف لهم


الاهم هو العمل الاضافي والسيارة والتلفون
ياليت يكون فيه انصاف فمن غير الانصاف ان يتساوى الي قاعد في مكتبه مثل الي يستخدم سيارته الشخصية لاعمال جهه عمله واستخدام تلفونه الشخصي للشغل

احسن حل يطلب من دوامه يوفرون له سياره مب ملزوم يستخدم سيارته

وحتى بدل التلفون يطلب يصرفون له تلفون خاص في الدوام

مايقدرون يمنعونه من هالشي وهو مب ملزوم يستخدم تلفونه الخاص بالشغل او سيارته

[حرف]

فيه اشاعات بدت تنتشر ان عام 2016 بتكون فيه اخبار مب زينه للموظفين الله يستر

هذي سمعناها وسمعنا ان بعض الوزارات وجهت كتب بإيقاف بعض العلاوات

[الدوحه1]

هذي سمعناها وسمعنا ان بعض الوزارات وجهت كتب بإيقاف بعض العلاوات


العلاوات المذكوره في قانون الموارد البشريه مايقدرون يقوفونها الا بتعديل للقانون وهذا يطلب مرسوم اميري لان القانون نزل بمرسوم اميري.
العلاوات المستحقه للقطريين في قانون الموارد البشريه:
علاوة السكن : 2400 - 6000 ريال
العلاوه الاجتماعيه:4000 - 6400 ريال
بدل تنقل : 1000 - 2000 ريال
طبيعة العمل : 25 - 35% من الاساسي

اما العلاوات الاخرى فهي اختياريه وليست اجباريه:
بدل العمل الاضافي : لاتزيد عن 7000 ريال شهريا
بدل الهاتف : 300 - 1000 ريال شهريا

[حرف]

في جهة عملي سيتم قطع العمل الاضافي وسنة 2016 فرصة للأفراد والدولة للاقتصاد في الصرف

صحيح اني بتأثر ولكن الحمدلله أتخذت تدابير في 2015 راح تخفف علي شوي وهذا من فضل الله سبحانه

الله يعين

هل وصلكم كتاب رسمي ؟

[رحال]

چ
العلاوات المذكوره في قانون الموارد البشريه مايقدرون يقوفونها الا بتعديل للقانون وهذا يطلب مرسوم اميري لان القانون نزل بمرسوم اميري.
العلاوات المستحقه للقطريين في قانون الموارد البشريه:
علاوة السكن : 2400 - 6000 ريال
العلاوه الاجتماعيه:4000 - 6400 ريال
بدل تنقل : 1000 - 2000 ريال
طبيعة العمل : 25 - 35% من الاساسي

اما العلاوات الاخرى فهي اختياريه وليست اجباريه:
بدل العمل الاضافي : لاتزيد عن 7000 ريال شهريا
بدل الهاتف : 300 - 1000 ريال شهريا

صحيح كلامك عين العقل ..
هم يقصدون اللي مايشتغلون عمل إضافي وياخذون العلاوة ..*

[محمد11]

والزيادة السنويه !!

[برويقن]

وبدل اجازة بيوقف في سنة 2016

[الدوحه1]

وبدل اجازة بيوقف في سنة 2016


يعني خلاص مانقدر حتى انبيع نص الاجازه السنويه؟؟؟

[بوخالد911]

الله يسهل.

[بعيد النظر]

في هـ الفترة بتنتشر اشاعات كثيرة ..
بخصم ولا اقتصاص علاوة من العلاوات ..
وكلها بسبة الوضع الراهن ..


لحتى الحين مافي شي رسمي ..
الا ان بعض الشركات الخاصة .. حرمو موظفينها من البونص السنوي

[رُفق المجنّا]

هل وصلكم كتاب رسمي ؟

نعم

..

[@فهد@]

احيانا كثيره جدا بعض القرارت المهمه مايتم نشرها مباشره وممكن تتفاجا بها لكي تخف الصدمه علي الموظفين
مثال تم انقاص الزيادة السنويه بنسبة 50 % في احد الشركات الحكوميه في دوله مجاوره بدون اعلانه رسميا ..
وهناك طرق عجيبه لتوفير النفقات ... السنه المقبله سنه صعبه اقتصاديا علي معظم الدول .. يختلف الاثر من دوله الي اخري .. دول الخليج كافه تعاني من انخفاض الميزانيه بشكل غير مسبوق .. لذلك لابد من الحكمه في المصاريف .. والبعد عن الاسراف والصرف الغير مبرر ..

كل صاحب نعمه محسود ونحن في بلادنا محسودين علي امور كثيره .. الله يديم الخير والستر علي الجميع,, ويوفق حكامنا لكل خير

[][ الوحيد ][]

وصلنا كتاب ايقاف علاوة العمل الاضافي ..

الحمدلله على كل حال ..

[حمد بن سعد]

المعروف انه العمل الاضافي للي يداوم ساعات اضافيه احنا المدراء عندنا يخذونها بدون لايدامون ويوم طالبنها قالو داومو انزين والحبايب .


حسبي الله ونعم الوكيل
حسبي الله ونعم الوكيل
حسبي الله ونعم الوكيل

[A-Alansari]

المعروف انه العمل الاضافي للي يداوم ساعات اضافيه احنا المدراء عندنا يخذونها بدون لايدامون ويوم طالبنها قالو داومو انزين والحبايب .


حسبي الله ونعم الوكيل
حسبي الله ونعم الوكيل
حسبي الله ونعم الوكيل

اعتقد المدراء يصرف لهم بدل عمل اضافي كعلاوه في الراتب بلغ معين ومايحق لهم يطالبون بعمل اضافي

[الدوحه1]

في بعض الجهات(التابعة لقانون الموارد البشريه) يصرفون علاوات تحت عدة مسميات منها "علاوه تشجيعيه / علاوات اخري"
هل راح يتم وقف هالعلاوات؟؟؟

[بعيد النظر]

احنا السينرية مالهم علاوة اوفر تايم

[بوخالد911]

اعتقد المدراء يصرف لهم بدل عمل اضافي كعلاوه في الراتب بلغ معين ومايحق لهم يطالبون بعمل اضافي

للأسف المدراء يصرف لهم كامل العمل الاضافي باجمالي مبلغ 7000 ريال شهرياً
سواء داوموا لفترة ما بعد الدوام الرسمي ام لم يداوموا

[بوخالد911]

[ الوحيد ][;10273831']وصلنا كتاب ايقاف علاوة العمل الاضافي ..

الحمدلله على كل حال ..

للعلم فقط
هذا القرار الاداري مخالف لقانون الموارد البشرية !!!

مخالف لهذة المادة


• المادة 40
يستحق الموظف بدل عمل إضافي عن ساعات العمل الإضافي التي يكلف بها بقرار من الرئيس التنفيذي، بناءً على اقتراح مدير الإدارة المعنية.
ويحسب هذا البدل على أساس أن ساعة العمل الإضافي تساوي ساعة وربعاً في أيام العمل العادية، وساعة ونصفاً في أيام العطلات الرسمية.

!

[A-Alansari]

للأسف المدراء يصرف لهم كامل العمل الاضافي باجمالي مبلغ 7000 ريال شهرياً
سواء داوموا لفترة ما بعد الدوام الرسمي ام لم يداوموا

اي هذا الي اقصده لكن المشكله انهم ماقومون بعمل اضافي ابدا واذا راح فعاليه ولا شي حده نص ساعه ويطلع

[حمد بن سعد]

للأسف المدراء يصرف لهم كامل العمل الاضافي باجمالي مبلغ 7000 ريال شهرياً
سواء داوموا لفترة ما بعد الدوام الرسمي ام لم يداوموا



يستاهلون مساكين رواتبهم ضعيفه

[حمد بن سعد]

كان عندنا مدير يصرف لنا كل البدلات ولا ياخذ شي يقول انتو الموظفين تحتاجونها اكثر منا حولوه البند المركزي وتوه في ريعان شبابه

صباحك خير يابوسعد عسى من جابك الجنه

[حرف]

بدل التذاكر السنوي
هل جاء فيه كلام

[مختلف جداََ]

بدل التذاكر السنوي
هل جاء فيه كلام

لا تخاف عليه

[الدوحه1]

بدل التذاكر السنوي
هل جاء فيه كلام

قانون الموارد البشريه الحالي مافيه "بدل تذاكر"؟؟؟

هل تقصد "منحة الراتب"؟؟

[حرف]

لا تخاف عليه

ليش ؟

[حرف]

قانون الموارد البشريه الحالي مافيه "بدل تذاكر"؟؟؟

هل تقصد "منحة الراتب"؟؟

لا اخوي اقصد بدل التذاكر في الشركات الي جاهم امر بإيقاف البونص السنوي
وكذلك بدل التذاكر للضباط في الداخلية والدفاع

[الدوحه1]

لا اخوي اقصد بدل التذاكر في الشركات الي جاهم امر بإيقاف البونص السنوي
وكذلك بدل التذاكر للضباط في الداخلية والدفاع


بال اوصلت الى وقف بدل التذاكر عن الضباط؟؟؟؟
هل هالتقشف بيشمل "الكوره"؟؟؟
لان شفت في ميزانيه 2016 حوالي 28 مليار ريال مخصصه للمنشئات الرياضيه؟؟؟

[حرف]

بال اوصلت الى وقف بدل التذاكر عن الضباط؟؟؟؟
هل هالتقشف بيشمل "الكوره"؟؟؟
لان شفت في ميزانيه 2016 حوالي 28 مليار ريال مخصصه للمنشئات الرياضيه؟؟؟



والله ياخوي مايندرى
اعتقد هالبدلات مثل غيرها من عمل اضافي لطبيعة عمل او علاوة تلفون ولا بونص سنوي
شالفرق بينها؟

[Qtr37]

نزل البونس السنوي الحمدلله

[المخفي]

اي شركة

[Qtr37]

ليست شركة :)

[بانغ بانغ]

الحمدلله امورنا طيبة والله يعينهم اللي في الجهات الغامضة

اتوقع كلها اشاعات

[رجل الجزيرة]

الحمدلله امورنا طيبة والله يعينهم اللي في الجهات الغامضة

اتوقع كلها اشاعات

نعم كلها إشاعات، نزل الراتب مع العلاوات والحمد لله بس أعتقد لو فيه إيقاف العلاوات فأكيد بيعلمون الموظفين.

[حرف]

الحين الي في وزارات ويشتغلون سبع ساعات ومايطلعون يعني شغلهم في المكتب
ويعطونهم بدل عمل اضافي وبدل سيارة غير عن بدل المواصلات وبدل تلفون
هذولا الي المفروض ويقفون عليهم هالعلاوات لانهم غير مستحقين
بالنسبة لبدل تذاكر في الحكومة بس الداخلية والدفاع للضباط فقط المفروض بعد هذي يوقفونهم لسد العجز الي تمر به الدوله

[حرف]

نعم كلها إشاعات، نزل الراتب مع العلاوات والحمد لله بس أعتقد لو فيه إيقاف العلاوات فأكيد بيعلمون الموظفين.

اخوي انت شغال في مؤسسة حمد واكيد السليب سلري نزل في السستم
هاه بشر فيه خصومات للعمل الاضافي عندكم وعلاوة السيارة الخاصة والتلفون ولا لا ؟

[omhamodi]

للأسف المدراء يصرف لهم كامل العمل الاضافي باجمالي مبلغ 7000 ريال شهرياً
سواء داوموا لفترة ما بعد الدوام الرسمي ام لم يداوموا

والله ما قلت الا الصج عندنا المديرة والنائبة الاكاديمية مصخوها الصراحة

[وحيد-الشوق]

الحين الي في وزارات ويشتغلون سبع ساعات ومايطلعون يعني شغلهم في المكتب
ويعطونهم بدل عمل اضافي وبدل سيارة غير عن بدل المواصلات وبدل تلفون
هذولا الي المفروض ويقفون عليهم هالعلاوات لانهم غير مستحقين
بالنسبة لبدل تذاكر في الحكومة بس الداخلية والدفاع للضباط فقط المفروض بعد هذي يوقفونهم لسد العجز الي تمر به الدوله

تبي مدير او حد من الهوامير والكبارية تنقص رواتبهم هههههههه الدنيا ياخوي ماشيه على مبدأ الغني يزداد غنى والفقير يطق راسه في الطوفه او يشرب من البحر روح شوف المدراء اغلب مكاتبهم فاضيه ياريال حتى ماتشوفهم يبصمون



والله ما قلت الا الصج عندنا المديرة والنائبة الاكاديمية مصخوها الصراحة

الله كريم :)