هل في قانون يمنع من فتح درايش البنت هاوس على الجار ؟!

[الضمين]

السلام عليكم ورحمة الله وبركاته
مساكم الله بالخير
سؤال للي مطلع على مثل هالأمور هل يوجد ماده او نص تمنع هالشي
واللي يعطيني الماده الله يجزاه خير

[qatara]

حتا لو مافيه قانون
من باب حسن الجوار عيب

هل ننتضر من القانون يعلمنا الغلط والعيب
وكلنا يعرف السنع من شرعنا ومباديه قبل القانون
اين عادتنا وتقليدنا واخلاقياتنا وحشمتنا كعرب ومسلمين

واعتقد نعم يوجد قانون
نشاء الله يجيك حدا الاخوه الموجودين
او البلديه والتخطيط العمراني

[الضمين]

الشكاوي على الله qatara
المفروض ان جاري له حق وانا اصمم البيت احاول قد مااقدر الغي اي دريشه تفتح على جاري وهي مالها شغل وخصوصا البنت هاوس*
لكن الله يعين

[معماري قطري]

عيل سووا درايشكم من الدور الثاني كلها على داخل ولا ارفعوا أسوار بيتكم لو يهمكم الجار لهالدرجة

وشبتشوفون عند الجار غير درايش مسكره وحوش .. درايش الدور الثاني تكشف والثالث كذلك بس الثالث أكثر

نشوف مبنى الأوقاف على شارع الوعب 3 أدوار كاملين وبدرايش مغطاة بجي آر سي وتطل على الجيران وهذي الدرايش ما يبين من وراها لكن تكشف للي داخل كل اللي حوله ووافقوا عليها .. في النهاية ما فيه قانون دائم ومثبت هذي اجتهادات هندسية وقوانين تخطيطية قابلة للتجاوز وللتغيير عندنا .. فيه كذلك بيوت ثلاث أدوار ومطلة على شارع مفتوح لكن اللي فيها يقدر ( لو حب ) يراقب بمناظير خاصة يشوف حتى على بعد كبير وبوضوح كامل

[مضارب دوسري]

والله عندي دريشه مفتوحه على جاري وحتى بيته شعبي
ولا عمري فكرت استخدمها


لان هالامر عيب ومنقود وغلط ومن سوء الجوار


ما كنت مركز عليها فالتصميم

بس كنت مركز على دريشة البنت هاوس
وخليتها تطل على السطح مباشرة

[$الملياردير$]

نعم ممنوع وهي ليست قانون بالمعنى الصحيح ... ولكن هي اشتراطات خاصة بالتطوير ... بس اللي اعرفه في مرونه يعني لو الجار اخوك ممكن تعهد خطي منه وصورة بطاقته بالموافقة وتكتب في إتمام البناء لتفادي المشاكل لاحقا ... وبحسب البلدية ... ادري بتقول اخوي مايصير بلدية و بلدية بس هذا اللي حاصل في حل اخوي انك تتعهد للجار انك تخلي على الشباك شرائح الألمنيوم اللي تجبر الرؤيا للأسفل ... هذا اذا رضى الجار ...... بس وانا اخوك الواحد يقيس على نفسه لو انت مكانه بترضى حد يكشف بيتك كله ..... دمت بود

[$الملياردير$]

انا الحين ظهر بيت جاري كله يكشف بيتي من الاول للبنت هاوس .... ما قدر أسوي حل الا الحاجز ....

[$الملياردير$]

من وجهة نظري الجار قبل الدار ... وهذا اللي وصى علية رسولنا الكريم اللهم صلي علية وسلم

[الضمين]

عيل سووا درايشكم من الدور الثاني كلها على داخل ولا ارفعوا أسوار بيتكم لو يهمكم الجار لهالدرجة

وشبتشوفون عند الجار غير درايش مسكره وحوش .. درايش الدور الثاني تكشف والثالث كذلك بس الثالث أكثر

نشوف مبنى الأوقاف على شارع الوعب 3 أدوار كاملين وبدرايش مغطاة بجي آر سي وتطل على الجيران وهذي الدرايش ما يبين من وراها لكن تكشف للي داخل كل اللي حوله ووافقوا عليها .. في النهاية ما فيه قانون دائم ومثبت هذي اجتهادات هندسية وقوانين تخطيطية قابلة للتجاوز وللتغيير عندنا .. فيه كذلك بيوت ثلاث أدوار ومطلة على شارع مفتوح لكن اللي فيها يقدر ( لو حب ) يراقب بمناظير خاصة يشوف حتى على بعد كبير وبوضوح كامل

مبنى الاوقاف مب مقياس في الوضع اللي نتكلم فيه احنا نتكلم عن منطقه سكنيه بيوت لازقه في بعض والعرب لهم خصوصيه يبون ياخذون راحتهم وسط بيوتهم طبعا انا مااعمم على الجميع يمكن البعض عنده الموضوع عادي ومايهتم بهالامور

[الضمين]

والله عندي دريشه مفتوحه على جاري وحتى بيته شعبي
ولا عمري فكرت استخدمها


لان هالامر عيب ومنقود وغلط ومن سوء الجوار


ما كنت مركز عليها فالتصميم

بس كنت مركز على دريشة البنت هاوس
وخليتها تطل على السطح مباشرة

بيض الله وجهك وهذا هو المفروض ان الانسان يفكر لبعيد انه ممكن يضايق جاره يوم من الايام مادام اني اقدر والشي اللي بسويه ماراح يضرني ضرر كبير فليش ماأقدم الطيب

[الضمين]

نعم ممنوع وهي ليست قانون بالمعنى الصحيح ... ولكن هي اشتراطات خاصة بالتطوير ... بس اللي اعرفه في مرونه يعني لو الجار اخوك ممكن تعهد خطي منه وصورة بطاقته بالموافقة وتكتب في إتمام البناء لتفادي المشاكل لاحقا ... وبحسب البلدية ... ادري بتقول اخوي مايصير بلدية و بلدية بس هذا اللي حاصل في حل اخوي انك تتعهد للجار انك تخلي على الشباك شرائح الألمنيوم اللي تجبر الرؤيا للأسفل ... هذا اذا رضى الجار ...... بس وانا اخوك الواحد يقيس على نفسه لو انت مكانه بترضى حد يكشف بيتك كله ..... دمت بود

المفروض يالملياردير يكون هناك قانون ونص واضح يمنع التعدي على الجار بأي طريقه لاني اشوف كشف الجار نوع من انواع التعدي على خصوصية الآخرين
طبعا مانتكلم على درايش الدور الثاني لانها اجباريه
لكن المشكله في درايش البنت هاوس لان يقدر يفتح الدريشه على السطح وبالتالي مش مجبور يفتح دريشه على جنب وتكون مطله على جاره

[$الملياردير$]

نعم اخوي الضمين بس ... احنا مع القانون ... بس يكون واضح ومطبق ع الجميع مب لما تروح من حدود بلدية لا خرى ... كنك طالع من حدود ولاية الى ولاية ... مساحات البنت هاوس ارتفاعات المجالس الكباين وغيره ... وعلى فكره دائماً ...مثال انا كنت حاط كبينة دريول في منطقتي اللي تتبع بلدية الدوحة ... وحولوني نيابة و شرطة .. ًاحترمت القانون بس مناطق اخرى تابعه لبلديات اخرى الكبائن عادي و التجاوزات عادي ...هل في عدل ..... دائماً العدل يوصل الى الرضا... وجزاك الله خير ... دمت بود

[بوخالد911]

احترام الجار ليس شرطاً أن يكون مدوناً بقانون ما.