استفسار عن تقسيم ارض باسم اكثر من شخص

[العرابي]

السلام عليكم ورحمه الله وبركاته

توجد ارض بالدوحه باسم اكثر من شخص ونود تقسيمها بالتساوي

سالت الشهر العقاري قال مو عندنا قال تروح المحكمه سالته اي محكمه قال لا اعلم

لكن اي محكمه المتخصصه في العقارات ؟

هل بامكاني بعد تقسيم الارض اصدار صك خاص لك قطعه واين اذهب بعد تقسيم الارض ان شاء الله

[السمسمه]

ما فمهت الموضوع هل تبي تعطي كل واحد نصيبه في الارض نفسه والا تبي تفرزها وتقسمها حق كل شخص،،،
ياليت تتواصل معاي على الخاص ،،،
الاجراءات هذي مرت علي عوار راس،،،

[لبيبة]

وعليكم السلام ورحمة الله وبركاته،

أرجو من الأخ/الأخت السمسمه وباقي الإخوان المشاركين الإفادة في نفس الموضوع ومب على الخاص، لأن عندي نفس الاستفسار، ولا اعرف الفرق بين ان نعطي نصيب الشخص في الارض وبين الفرز والتقسيم.

[العرابي]

ما فمهت الموضوع هل تبي تعطي كل واحد نصيبه في الارض نفسه والا تبي تفرزها وتقسمها حق كل شخص،،،
ياليت تتواصل معاي على الخاص ،،،
الاجراءات هذي مرت علي عوار راس،،،

الله يعطيك العافيه لا استطيع ارسال رساله على الخاص

لان مشاركاتي لم تصل الى 50

[قطر833]

بختصار شديد
تروحون التخطيط الاحد او الثلاثاء او الخميس( مكانهم خلف فندق الدانه واستاد الدوحه القديم) وماراح يقصرون معاكم بتجلسون مع مهندس عندهم ومساح فقط كلهم في نفس المكان
في ساعه بالكثير بيحددون لكم المساحه والابعاد
وبعدها كتاب من الملاك للسجل العقاري مع صور البطاقه وراح يبعثون مساح( واذا مستعجلين تدفعون 2000 حق مساح معتمد يرفع تقريره) من عندهم ( وزارة العدل)
وبتاخذون شهر تقريبا على مايطلع السند

بالنسبه للمحاكم معناتها ناس مختلفين ويبون حد يحكم بينهم
وموضوعكم واضح انتوا متفقين بالتساوي وان رحتوا المحاكم بتخلصون بعد سنتين

نصيحه مهمه جدا: اجلسوا مع حد مختص في العقار لان في امور يصعب شرحها للاطمئنان

[قطر833]

الحاله الثانيه :
1- الارض ماتنفرز
2- الارض تجاريه وفي فرزها تضيع قيمتها
3- الارض عماير وصغيره 1000 متر وانتوا 4 اشخاص ايضا بتضيع قيمتها
4- الارض تنفرز بس انتوا مب عاجبكم الموقع الي يبغي طرف والي يبغي جهه معينه
في هذي الحالات تعرضون عقاركم للبيع وتقسمون المبلغ وينتهي الموضوع