بيت بدون منهولات !!

[وحيد-الشوق]

السلام عليكم

يا اخوان شفت في بيت رفيج اخوي مافي ولا منهول عنده في الحوش ماشاء الله او بالاحرى ماشفت اغطية !! بس لقيت كم بيب طالع في الحوش وقالي هذا نظام كويتي غير متدوال في الدوحة هو ينصحني نشتغل نفس الشغل وقالي اقضل لك واجمل وانظف ومابتعاني من الحشرات لأنه عندنا منهولات كثيره ورا البيت ملاحظة البيت الي شفته دورين وبنيان تجاري اعتقد هل هذا النظام عملي وممتاز ام لا ملاحظة البايب طالع من تحت البلاط وفي بروز تقريباً 3 اماكن

يليت اصحاب الخبره يفيدونا

[معماري قطري]

شفت هالنظام في كتاب ووضحه واحد لي وطريقته مصمتة أكثر وسهلة أكثر واقتصادية بعد .. بس تحتاج تصميم مختص وحماية بخرسانة لمكان دوس السيارات وهذا مهم حتى للعادي .. وممكن تمريره قريب من حايط البيت ومن الأساسات وحتى بشكل قطري داخل البيت وفتحات الفحص والتنظيف ممكن تكون بمستوى الأرضية تقريباً .. سو بحث عنها في اليوتيوب .. الطريقة الأمريكية وباشوف انا وباحط في موضوع يوتيوبيات البناء لو حصلت شيء

[الرايــق]

طيب وكيف بتم الصيانه لو حصل خلل..

اللي اعرفه ان بيب الصرف موصل.من المنهول الخارجي للمنهول داخل حدود البيت
والمنهل موجود لعمل الصيانه من قبل اشغال

[معماري قطري]

طيب وكيف بتم الصيانه لو حصل خلل..

اللي اعرفه ان بيب الصرف موصل.من المنهول الخارجي للمنهول داخل حدود البيت
والمنهل موجود لعمل الصيانه من قبل اشغال

بايب الصرف الرئيسي كبير يكون في حدود 20 سم والبايبات الفرعية 10 سم تصب فيه وفيه تكون بايبات مركبه بوصلات شكل حرف y ومنها طالع بايب عمودي للفحص والتسليك لو دعت الحاجة .. انا شفت الطريقة وتابعت الشرح سريع وعارف انها فيها تفاصيل كثيرة صعبة على الغالبية يستوعبونها لذلك قلت لازم يكون فيه تصميم واشراف

فايدتها كبيرة خصوصاً تفتك من المنهولات وتكاثر الحشرات فيهم والبايب ممكن يمر قريب الجدار ويوفر مساحة كبيرة للزراعة .. انا ان شاء الله معتمدها لأي بنيان مستقبلي وانصح بها

[الرايــق]

اخوي يعطيك العافية انا مهندس مدني

حسب علمي المنهولات للصرف داخل الفيلا تكون مسؤولية اشغال عند الصيانه او حدوث خلل
طبعا ال sewer house connection
فشلون عمليا ممكن تطبق هالفكرة
الا اذا كان المنهول من خارج ال boundary wall

وهل مسموح او لا

[معماري قطري]

والله يا اخوي ما ادري عن مسؤولية أشغال بس توقعي هم مسؤولين عن المنهول الأخير اللي عند الباب ( باب الحوش ) مثل ما المياه مسؤولين عن البايب الخارجي اللي يوصل للعداد ومثل ما كهرماء مسؤولين عن خط الكهرباء الخارجي .. داخل حدود ملكيتك مسؤوليتك وتجيب شركات خاصة .. والله يعينهم أشغال وايد عليهم الشغل الخارجي.

عن شلون الصيانة واللي بتكون يا ازالة واستبدال أو تسليك فهذي بالنسبة للتسليك أو التنظيف مثل ما ذكرت قبل فيه فتحات حول 20 سم دائرية من نفس البايب تنفتح وتتسلك.

اتشرف بمداخلتك وحتى انا بالنسبة لي هذا الموضوع جديد علي وان شاء الله اعرف عنه أكثر.

[Azizuk]

اليوم تشرفت بحضور ولقاء العضو وحيد الشوق والعضو السليطي ونعم الرجال

جدا محترمين وراقين في التعامل

و سعدت بلقاء أعضاء المنتدى

وذلك لاكتساب الخبرات ومناقشة بعض الامور المتعلقة بالبناء

كما تشرفت بالسابق بلقاء عملاق وامبراطور قسم البناء والديكور

الأخ المهندس معماري قطري ونعم الرجل

وبخصوص المنهولات انا غامرت وسويت المنهولات مخفيه او بالاصح

المنهولات موجوده بس غير مكشوفه صراحه مب عارف كيف اشرح لكم الموضوع بالضبط

عندي صور راح انزلها لتعم الفايدة للجميع وطبعا الصور راح تنزل مقلوبة لاني بنزلها من الآي فون

ناسف لعدم الاستطاعة تنزيل الصور

راح ارسل الصور لصاحب الموضوع اذا قدر ينزل الصور

[معماري قطري]

انا كسول يا بو سعود وعدتك بمرور سريع وللحين ما أوفيت

بالنسبة لأَنظمة الصرف الصحي فيه كم نوع .. حتى فيه منهولات تجي جاهزة وصغيرة شوي بس النظام الأمريكي انا اشوفه أفضلهم لأَنه محكم الإغلاق وحتى رجوع الروائح والمياه مرة ثانية مستحيل .. One way flow to the sewer main line .. والزهيوي مستحيل يدخل من منهول الحكومة الا يسبح ضد التيار

هذي الواي كونكشن ومنها نربط خط ثاني بالرئيسي أو نعمل فتحة تسليك عمودية


https://www.youtube.com/watch?v=nitfCjYBQKQ

[الرايــق]

يعطيك العافية اخوي معماري علي الافادة

اخوي بخصوص المنهول اللي داخل البيت اللي جاي من خط الصرف الخارجي
هو مسؤولية اشغال بدليل اي تطوير للصرف الصحي بالمنطقة بيشمل houseconnection للفلل ومجبور المقاول يدخل لداخل الفيلا يقوم بتغيير البايب اللي جاي من المنهول الخارجي لمنهول البيت كاملا

غالبا لا يكون هناك منهول خارج الفيلا للصرف لان ال corridor محجوز لخطةط اوريدو و كهرماء والغاز و و الخ..
الا في حالات نادرة يحكمها اتجاه ال flow اللي جاي من المنهول الخارجي يكون مسوي زاوية اكبر من المسموح بها ولا يصلح وقتها التوصيل لمنهول داخل المنزل صعب فيتم انشاء منهول خارجي لتغيير الاتجاه كما المطلوب والمسموح به..

[معماري قطري]

الله يعافيك إخوي الرايق ومشكور على التوضيح .. وهذا يعني إن النظام ممكن استعماله وربطه بالمنهول الأخير وقبل المنهول الأخير لازم نسوي منهول واحد للنظام للفحص ولإزالة أي عائق كبير

[مضارب دوسري]

اتوقع فيه منهولات بس مخفيه
النوع اللي يركب ف غطا المنهول من بلاط الحوش

[Azizuk]

95689

95690

95691

95692

95693

[مضارب دوسري]

95689

95690

95691

95692

95693

يعطيك العافيه عالتوضيح بالصور

بس هذا اذا صار انسداد او شي بتروح على راعي البيت 10_صفر

البساطه حلوه

[Azizuk]

95694

هذا الله يسلمك الغطاء ينفتح وتقدر تنظف اذا صار لو سمح الله انسداد

الفكرة ان في منهولات بس مربوطة ابعض على شكل حرف وأي وممكن تفتح الغطاء وتنظف الانسداد

والا في منهول بيكون بغطاء من الامنيوم ممكن فتحه بس بدل ما هو مفتوح هذا مغلق لعدم تجمع الحشرات والصراصير بداخله

[Azizuk]

95695

95696

95697

95698

95699

وهذا اخر منهول داخل البيت قبل ربطه بمنهول الحكومة

[معماري قطري]

ما قصرت يا بو سعود جزاك الله خير على التوضيح

طريقة حماية البايب مكان دوس السيارات بالطابوق جيدة ومناسبة وبالخرسانة بعد ممكنة وسهلة .. الخرسانة ببساطة تنصب حول البايب بحيث تغلفه وتحميه من أي ضغط خارجي .. لكن لو العمق كبير قبل الوصول للمنهول الأخير ما نحتاج لا طابوق ولا خرسانة

[وحيد-الشوق]

الشرف لي اخوي عبدالعزيز وجزيل الشكر لك الله يوفقك في بنيانك ويبارك لك في البيت

الشكر موصول لجميع الاخوة اعتقد الموضوع فيه مخاطره والله اعلم ماندري عقب يصير شيء ونتوهق مع البلدية واشغال

[معماري قطري]

الشرف لي اخوي عبدالعزيز وجزيل الشكر لك الله يوفقك في بنيانك ويبارك لك في البيت

الشكر موصول لجميع الاخوة اعتقد الموضوع فيه مخاطره والله اعلم ماندري عقب يصير شيء ونتوهق مع البلدية واشغال

على هذا الأساس انا دوم اقول أي شيء تسويه لازم بترخيص وتصميم وموافقات لأنهم هم يفيدونك ما يضرونك بس لازم مهندس فاهم يوضح لهم بالحسابات .. هذا الموضوع يتراوى لي بسيط وبالعكس تحسين للنظام الموجود

[asulaiti]

أنا أفكر أسوي هذه الطريقة حتى أتخلص من مشاكل المنهولات وما تجلبها من حشرات وخلافه ..
(ملينا من مظهر الزهيوية وهم يدخلون عليك داخل البيت بدون موعد مسبق !! .. لا ... يمر جدامك لا سلام ولا كلام .. ولا كأنك انت موجود أصلاً يا صاحب البيت !!) :rolleyes2:

راح أطلب من المهندس في اجتماعي القادم هذا الأمر وأتناقش معه ..

لكن خوفي من الخدم وسوء استخدامهم للحمامات ..
مرات يتخلصون من مواد ويرمونها في المرحاض ويسحبون السيفون وراها !!
أسهل الطرق عندهم من كثر ما متعودين على الكسل !!

وكثيراً ما تحدث .. وصارت معاي اكثر من مرة للأسف ..

لذلك تجدني مرة أفكر بهذه الطريقة واتخلص من مشاكل الحشرات (قدر المستطاع .. لان ممكن زهيوي جاري يسير علينا !!) ..

ومرات أقول خلنا على الطريقة الاعتيادية لسهولة الصيانة .. لو صار الخدم تسببوا في انسداد أو شيء .........

[معماري قطري]

إنت وايد تحاتي اخوي السليطي

الطريقة اللي مسويها عبدالعزيز باني المنهولات وممرر فيها البايبات مباشرة وهي مسكرة .. لو بيحتاج يقص البيب ويحول لطريقة المنهول يقدر وحتى الغطاء ماخذ ألمنيوم اللي ينفتح من الصوبين .. ما شاء الله عليه استوى مهندس بالفطرة والاطلاع

نصيحتي له يخلي المنهول ما يكمل بنيانه بالكامل من عزل وشغل كامل الا تكون تكلفته بسيطة .. وان شاء الله ما يحتاج للرجوع للمنهولات .. ولو احتاج بنيانها بعدين سهل .. لكن خطوة الحفر والطابوق والتجهيز بعد إحتياط جيد يبقى البلاستر والعزل وقص البايبات وما اظن بيحتاجها

[asulaiti]

إنت وايد تحاتي اخوي السليطي

لا والله ياخوي مو مسألة محتاه .. لكن أشاور لمعرفة ميزة هذه الشغلة أو تلك ..

لأني توني جديد بقراطيسي في موضوع البنيان ..

وماخاب من استشار يا بوعبدالله ..

[معماري قطري]

لا والله ياخوي مو مسألة محتاه .. لكن أشاور لمعرفة ميزة هذه الشغلة أو تلك ..

لأني توني جديد بقراطيسي في موضوع البنيان ..

وماخاب من استشار يا بوعبدالله ..

توكل على الله سوها وخلها قريبة من البيت حتى توفر المساحة الباقية للزراعة وخل الجزء المرتفع بس 5 سم فوق البلاط وما يقصونه ويركبون الغطاء الا بعد التبليط

إحنا نسوي المنهولات ليش؟ للتسليك لو فيه انسداد والتسليك يتم من البيب ونفس الشيء عندنا الوضع في هذا الحل الجيد واللي يبعد عنك مداخل مستر زهيوي

[مـــحـــمــد]

سمعت انه في منهولات تنباع
في البحرين مصنوعه من تقريبا الفيبر قلاس
ركبها واحد ويقول انها ممتازه وماتجمع الوصخ
ولا يقدر الاخ زهيوي يتكاثر فيها

هل هذا الكلام صحيح او لا
ياليت الى عنده فكره عن هالموضوع يفيدنا فيها

[asulaiti]

أنا أمس اجتمعت مع المهندس اجتماع مطول حول تعديلات طلبتها للخرائط .. ومن ضمنها التخلص من كل المنهولات ..
فكرت بها كثيراً .. خصوصاً مع سوالف الخدم واستخدامهم السيء للمراحيض .. حيث بسبب الكسل والاهمام (سواء بشكل متعمد أو غير متعمد)
أسهل طريقة للتخلص من أغراضهم الصغيرة هو المرحاض مع سحب السيفون !!
لكن ومع وجود غرف التفتيش قد يحل الموضوع نوعاً ما .. بالاضافة إلى تكاثر الحشرات ..
وخاصة (الاستاذ زهيوي) ... لن يكون له مكان يعشش فيه في المنزل .. لذا تشجعت في طلبها ..

والله الموفق ...

[Azizuk]

السليطي شكل الزهيوي ملعوزك

صدقني الزهيوي بيطلع بيطلع لك لو مسوي منهولات من ذهب

انا شفت في أمريكا وهذا في أواخر السبعينيات كأنو يرشون مبيدات حشريه ريحتها قويه كأنها فقس

حتى لما يجون يشيلون حاويات الزبالة الكبيرة اعزكم الله يرشون هالماده عشان ماتتجمع فيها الحشرات

[asulaiti]

السليطي شكل الزهيوي ملعوزك

ياخوك ما دانيهم !!

خاصة اللي بو رتبة طيار !!!! :nice:

[معماري قطري]

سمعت انه في منهولات تنباع
في البحرين مصنوعه من تقريبا الفيبر قلاس
ركبها واحد ويقول انها ممتازه وماتجمع الوصخ
ولا يقدر الاخ زهيوي يتكاثر فيها

هل هذا الكلام صحيح او لا
ياليت الى عنده فكره عن هالموضوع يفيدنا فيها

موجودة في قطر وتكون صغيرة دائرية .. حتى مب فايبر قلاس بلاستيك مثل نوع البايبات البنية .. شفتها من زمان عند واحد ورا شبيب وعلي العطية وما ادري اذا تغير محله أو لا .. في داعوس جنوبي استاد الدوحة

[معماري قطري]

السليطي شكل الزهيوي ملعوزك

صدقني الزهيوي بيطلع بيطلع لك لو مسوي منهولات من ذهب

انا شفت في أمريكا وهذا في أواخر السبعينيات كأنو يرشون مبيدات حشريه ريحتها قويه كأنها فقس

حتى لما يجون يشيلون حاويات الزبالة الكبيرة اعزكم الله يرشون هالماده عشان ماتتجمع فيها الحشرات

فيه نوعيات من التمديدات تمنع دخول الحشرات من برا .. انا موصفها لي الاستشاري ومشرف عليها حتى صوت الماي يكون خفيف لأَن فيها غطاء يسمح بمرور الماي ويسكر بعده .. لا ماي ولا ريحة وهذي مهمة جداً بس المنهولات تبقى تجمع للحشرات ولو قضينا عليها بهذي الطريقة بنكون صحيح وفرنا تصميم مناسب وجيد .. صراحة هذي التحسينات البسيطة يفترض تكون ضمن قانون الصرف الصحي عندنا واللي يبدأَ من البيت أو المكتب .. وحتى النوعيات الرديئة لازم ما تنباع في السوق نهائياً وطريقة التركيب تكون ستاندرد واحد متفق عليه وواضح

[Azizuk]

موجودة في قطر وتكون صغيرة دائرية .. حتى مب فايبر قلاس بلاستيك مثل نوع البايبات البنية .. شفتها من زمان عند واحد ورا شبيب وعلي العطية وما ادري اذا تغير محله أو لا .. في داعوس جنوبي استاد الدوحة

موجودة عند محل عيال محمد

[مـــحـــمــد]

موجودة في قطر وتكون صغيرة دائرية .. حتى مب فايبر قلاس بلاستيك مثل نوع البايبات البنية .. شفتها من زمان عند واحد ورا شبيب وعلي العطية وما ادري اذا تغير محله أو لا .. في داعوس جنوبي استاد الدوحة


موجودة عند محل عيال محمد


شلون ياجماعه تنصحوني اركبها ؟؟
عندي واحد من الربع مركبها ويقول لاتجمع الماي ولا الوصخ (عزكم الله)

[معماري قطري]

شلون ياجماعه تنصحوني اركبها ؟؟
عندي واحد من الربع مركبها ويقول لاتجمع الماي ولا الوصخ (عزكم الله)

راجع لك انا اقتنعت بالنظام اللي بدون منهولات الا المنهول الأخير

[وحيد-الشوق]

على هذا الأساس انا دوم اقول أي شيء تسويه لازم بترخيص وتصميم وموافقات لأنهم هم يفيدونك ما يضرونك بس لازم مهندس فاهم يوضح لهم بالحسابات .. هذا الموضوع يتراوى لي بسيط وبالعكس تحسين للنظام الموجود

طيب هل الطريقة في الاساس مسموح فيها يعني مالنتوهق او نتخالف اهنيه المشكلة الواحد متردد وودنا نفتك من منظر الزهيويه


أنا أفكر أسوي هذه الطريقة حتى أتخلص من مشاكل المنهولات وما تجلبها من حشرات وخلافه ..
(ملينا من مظهر الزهيوية وهم يدخلون عليك داخل البيت بدون موعد مسبق !! .. لا ... يمر جدامك لا سلام ولا كلام .. ولا كأنك انت موجود أصلاً يا صاحب البيت !!) :rolleyes2:

راح أطلب من المهندس في اجتماعي القادم هذا الأمر وأتناقش معه ..

لكن خوفي من الخدم وسوء استخدامهم للحمامات ..
مرات يتخلصون من مواد ويرمونها في المرحاض ويسحبون السيفون وراها !!
أسهل الطرق عندهم من كثر ما متعودين على الكسل !!

وكثيراً ما تحدث .. وصارت معاي اكثر من مرة للأسف ..

لذلك تجدني مرة أفكر بهذه الطريقة واتخلص من مشاكل الحشرات (قدر المستطاع .. لان ممكن زهيوي جاري يسير علينا !!) ..

ومرات أقول خلنا على الطريقة الاعتيادية لسهولة الصيانة .. لو صار الخدم تسببوا في انسداد أو شيء .........

هههههههههههه بدون موعد مسبق عجبتني الواحد في الشتاء مفتك منهم ملاحظ لما كنت امشي في الصيف في بعض الاماكن في الدوحة خاصة المساء بعد مغيب الشمس دايماً القى الزهيويه يطلعون من المناهيل وحزات يمشون معاي ههههههههه معقول ربعنا مايفكرون في حلول مجدية للتخلص منهم!!

[ZURICH]

انصح الجميع يسوي نظام المنهولات الامريكية
يمكن البعض مب فاهم طريقتها هي مثل النظام القديم لكن بدون غرف تفتيش واقصد الطابوق
ويكون مكان منهول الطابوق بايب على شكل y ويمكن منه معالجة المشاكل بسهولة
عملت هالنظام في بيتي من سنة ونص والحمدلله لاحشرات ولا روائح ولا مشاكل
غرف الطابوق القديمة تسمح للحشرات وخاصة الصرصور بالتكاثر وبعدها ينتشرون في الحمامات والمطابخ
اما النظام الجديد يمنع تواجدهم ويرمي الحشرات خارج البيت
قليل من السباكين يطبق هذا النظام
نصيحة : كل خمس امتار نعمل منهول وافضل نوع للبايبات للطريقة الانجليزي او قطري مواصفات انجليزي
موجود في شركة نسيت اسمها في محطة بترول عزيز طريق سلوى

[وحيد-الشوق]

انصح الجميع يسوي نظام المنهولات الامريكية
يمكن البعض مب فاهم طريقتها هي مثل النظام القديم لكن بدون غرف تفتيش واقصد الطابوق
ويكون مكان منهول الطابوق بايب على شكل y ويمكن منه معالجة المشاكل بسهولة
عملت هالنظام في بيتي من سنة ونص والحمدلله لاحشرات ولا روائح ولا مشاكل
غرف الطابوق القديمة تسمح للحشرات وخاصة الصرصور بالتكاثر وبعدها ينتشرون في الحمامات والمطابخ
اما النظام الجديد يمنع تواجدهم ويرمي الحشرات خارج البيت
قليل من السباكين يطبق هذا النظام
نصيحة : كل خمس امتار نعمل منهول وافضل نوع للبايبات للطريقة الانجليزي او قطري مواصفات انجليزي
موجود في شركة نسيت اسمها في محطة بترول عزيز طريق سلوى

مرحبا اخوي هل تقصد النظام الامريكي مثل الي انذكر في الموضوع وتطرقوا له الاخوان ؟ لأني سألت الاستشاري التعبان يقولي ماعندي علم فيه وصاحب شركة مقاولات قالي لاتسويه مب شيء !!!!

[qmmf]

ممكن عنوان لشركه تسوي نظام المناهولات الامريكية؟

[معماري قطري]

مرحبا اخوي هل تقصد النظام الامريكي مثل الي انذكر في الموضوع وتطرقوا له الاخوان ؟ لأني سألت الاستشاري التعبان يقولي ماعندي علم فيه وصاحب شركة مقاولات قالي لاتسويه مب شيء !!!!

كلام زيورخ واضح والنظام تشبع صور ونقاش واللي ما يعرفه يشوفه وبيفهم جوانبه .. انا لفترة بسيطة ما اعرفه جاني واحد من الإخوان الطيبين في موضوع ثاني وشرح لي هذا يمكن في 5 دقائق وقلت له زين وتوكل على الله .. وتابعت البحث عنه وحطيت مقاطع فيديو واضحة وصراحة مقتنع به كامل الاقتناع

عيب بعض المهندسين قناعتهم في اتجاه واحد وما يطورون نفسهم وتصاميمهم

بالنسبة للشركات اللي تسويه أي شركة جيدة تاخذ مواصفات الشغل من استشاري بتقدر تنفذه .. كلها سلوبات مدروسه وتقارب 1% والواي كونكشن مع باقي توصيف الشغل والمواد .. الزين فيه نظام قفل الارتجاع ويحمينا من دخول الروائح والحشرات ويسمح بمرور الصرف في اتجاه السلوب وبس .. ونظام قفل الارتجاع هذا ضروري لكل حمام فوق من كوع الصفاية .. بعض المقاولين ما يركبونه لتوفير مبلغ ريالات وبعض المهندسين ما يوصفونه لأنهم ببساطة ما فيه معلوم

هذي نوعية مانع رجوع الماء للداخل وهنا تستخدم للبيسمنت حتى ما يغرق .. وكذلك توجد وصلات تركب وفيها هذا القفل لنفس النظام


https://www.youtube.com/watch?v=qISSC8Gvu6k

[ZURICH]

مرحبا اخوي هل تقصد النظام الامريكي مثل الي انذكر في الموضوع وتطرقوا له الاخوان ؟ لأني سألت الاستشاري التعبان يقولي ماعندي علم فيه وصاحب شركة مقاولات قالي لاتسويه مب شيء !!!!

ياهلا فيك
الي اقصدة بالظبط مذكور في المشاركة رقم 8 لاخوي معماري قطري
البعض يقول ان الطريقة فيها مغامرة ومخاطرة الا بالعكس
الي يعمل منهولات طابوق الحين هي الطريقة الخطأ لانها قديمة من 30* سنة واكثر
السباك ماكان فاهم الطريقة لكن بعد ماشاف بيت صديق لي فهم الفكرة
ولا انصح بالمنهولات البلاستيكية الجاهزة فيها مشاكل .. الافضل منهولات من اكواع واقسام بلاستيك
ملاحظة مهمة جدا > كل خمس امتار نعمل منهول بلاستيكي
واي عضو يبي رقم السباك انا حاضر

[معماري قطري]

والله عطني اياه احتياطيشن اخوي زيورخ

[معماري قطري]

طيب هل الطريقة في الاساس مسموح فيها يعني مالنتوهق او نتخالف اهنيه المشكلة الواحد متردد وودنا نفتك من منظر الزهيويه



هههههههههههه بدون موعد مسبق عجبتني الواحد في الشتاء مفتك منهم ملاحظ لما كنت امشي في الصيف في بعض الاماكن في الدوحة خاصة المساء بعد مغيب الشمس دايماً القى الزهيويه يطلعون من المناهيل وحزات يمشون معاي ههههههههه معقول ربعنا مايفكرون في حلول مجدية للتخلص منهم!!

يعني اخوي وحيد لو قلت لك الطريقة ممنوعة ما بتسويها؟

كل ممنوع مرغوب اتوقع .. بالعكس هذي ما تتعلق بخارج البيت ولا بتلويث البيئة ولو تشوف كمثال العمارات العالية بايباتها بدون منهولات ومشبوكة في أعلى المواقف بس بطريقة مدروسة فرعي صغير يدخل على رئيسي كبير والسلوبات مدروسة ومعلقة صح وفيه فتحات فحص .. لو مريت الستي سنتر ركز فيها وانت في المواقف وتحصلها مارة جنب تمديدات إنذار الحريق وجنب الاتصالات والكهرباء بعد

[asulaiti]

واي عضو يبي رقم السباك انا حاضر
أخوي زيورخ ماقصرت وبيض الله وجهك ..
أبغي رقم السباك انا بعد على الخاص واكون لك شاكراً ...

[وحيد-الشوق]

ياهلا فيك
الي اقصدة بالظبط مذكور في المشاركة رقم 8 لاخوي معماري قطري
البعض يقول ان الطريقة فيها مغامرة ومخاطرة الا بالعكس
الي يعمل منهولات طابوق الحين هي الطريقة الخطأ لانها قديمة من 30* سنة واكثر
السباك ماكان فاهم الطريقة لكن بعد ماشاف بيت صديق لي فهم الفكرة
ولا انصح بالمنهولات البلاستيكية الجاهزة فيها مشاكل .. الافضل منهولات من اكواع واقسام بلاستيك
ملاحظة مهمة جدا > كل خمس امتار نعمل منهول بلاستيكي
واي عضو يبي رقم السباك انا حاضر

مراحب :)

والله ياخوك مازلت في حيره ومنظر المنهولات يلوع الجبد حتى لما تجيب شركات للرش بعضهم يفتحون لك المنهول ويرشون مبيد قوي يقتلهم وتعال شوف الزهيوي شلون حالته ههههههههههه

طرشلي رقم السباك ولاتهون لأنه عندي سباك في الوكرة يعرف يشتغل هالشغل بس ترددت اشتغل معاه ماعنده شركة وشغله بدون عقود بس يقولي صديق انه مضمون ومشتغل في بيوت عندي




يعني اخوي وحيد لو قلت لك الطريقة ممنوعة ما بتسويها؟

كل ممنوع مرغوب اتوقع .. بالعكس هذي ما تتعلق بخارج البيت ولا بتلويث البيئة ولو تشوف كمثال العمارات العالية بايباتها بدون منهولات ومشبوكة في أعلى المواقف بس بطريقة مدروسة فرعي صغير يدخل على رئيسي كبير والسلوبات مدروسة ومعلقة صح وفيه فتحات فحص .. لو مريت الستي سنتر ركز فيها وانت في المواقف وتحصلها مارة جنب تمديدات إنذار الحريق وجنب الاتصالات والكهرباء بعد

مرحبا مهندسنا

المشكلة يامعماري العقليات قديمة ومتحجره عندنا والدليل شوارعنا مافي تجديد في مشاريعنا وشغلنا

طيب في اسوء الاحوال شنو ممكن يصير مع هذا النظام ؟؟

[معماري قطري]

انت متردد خلك على النظام القديم أبرك لتطيح لك في واحد عليمي يتعلم فيك وتقول كله منكم بس رد على سؤالك شبيصير؟

ممكن العليمي يركب البايبات بسلوب عكسي أو يركب لك T كونكشن بدال ال y وممكن بدون لاصق للوصلات وتسرب ويدخل فيها الشجر .. وممكن بدون مفتاح عدم رجوع الماي والريحة داخل وتدخل الحشرات .. ممكن يركب لك بايب ويسوي فوقه دفان وتحته دفان ضعيف وفي مكان مرور سيارات وينضغط عليه أو ينحني أو حتى ينكسر

يتبع نفس طريقة المنهولات بس مكان المنهول الواي كونكتور والواي كونكتور هذا تسوي منه غرف فحص .. هو لوصل بايبات الحمام وهو لوصل فتحة الفحص والتسليك الرأسية وهو لوصلات التهؤئة بس يحتاج واحد عارف شلون يركبه ووين يركبه

[qmmf]

موضوع مفيد جزاكم الله خير، في حل ممكن يفيد من خلال طريقة Drainage Non-Return Valves ممكن تساعد ولو جزئياً في مشكلة الحشرات والقوارض والروائح وممكن تلاقونها بالدوحه بس تبي بحث او طلبها من الانترنت.

[معماري قطري]

موضوع مفيد جزاكم الله خير، في حل ممكن يفيد من خلال طريقة Drainage Non-Return Valves ممكن تساعد ولو جزئياً في مشكلة الحشرات والقوارض والروائح وممكن تلاقونها بالدوحه بس تبي بحث او طلبها من الانترنت.

جزاك الله خير انا كنت ادورها بس حطيتها مقطع يوتيوب ما ادري ليش راح عن بالي ادور صور .. هذي حاجات مهمة وتدري حتى تكون مدمجة في فتحة الصرف اللي في أرضية الحمام .. يعني عندك كم مقطع فيه هذا الفاصل أو الحابس ( valve ) لا توصلك روائح ولا حشرات لكن كثير من الاستشاريين ما فيه معلوم ولا كل حاقه ماشية يا باشا .. وكثير من المقاولين ما يقولون لك هذي بتكلفك 20 ريال أو حولها وننصحك بها وبنركب لك الوحدة ب 100 ريال وهذا لو ما كانت مذكورة في المواصفات أو الرسم وتطيح في راسك يالمالك مع إن قيمتها ولا شيء