الأزمة الاقتصادية وهبوط اسعار البترول الحاد والارقام المميزة

[ثاني]

شرايكم يا اخوان بخصوص الأزمة الاقتصادية وهبوط اسعار البترول الحاد على اسعار الارقام المميزة؟

لاحظنا بعد في مزاد المرور الأخير - على الرغم من قلة المعروض منها- أن أسعار الارقام قلت نسبيا عن المزادات السابقة.

هل من الحكمة أن نشتري الأرقام أو ننتظر نزولها شوي؟ أو ندخر الفلوس؟ أو نستثمرها؟

[بـن عدوان]

بصراحة

سوق الارقام صار ميت

وهو في نزول تدريجي بس محد يبي يعترف

ما انصح بالشراء في الفترة الحالية

[بعيد النظر]

صادق ميت بـ مرتبة شررف ..

[ثاني]

وحبيت أضيف بعد ..

- المرور عنده أرقام كثيييره وأحلى بوايد من اللي انعرضوا (وحدات أو أصفار) بس للحين ما نزلوها كمزادات!
- سماح المرور بتميير الأقرام الغير مميزة - وايد ناس عندهم أرقام مميزة ألحين
- الأرقام السداسية بتبدا قريبا بالرقم 7 (مثل 700000 / 712345 ) .. فهل بتتغير الأرقام وتصير حروف نفس دبي عقب كم سنة؟ إذا نعم، فالأرقام بتتضاعف 26 مليون مرة!! وتخيلوا كم رقم مميز بينهم بيكون ثلاثي ورباعي وغيره!!!

[بعيد النظر]

النقطة الثانية هي اللي ذبحت السوق ..
الكل قام يميز رقم سللللطة عشان خماسي !

صار الرقم ماله حلاة بس اسمه مميز ..



اتوقع الارقام بتستمر بدون احرف !

[ثاني]

اذا بتصير سباعية .. بعد بتكون فيه أرقام وايد حلوه تتميز .. بس الرقم السلطة 2586304 من بيقدر يحفظه لو سوى مشكلة وشرد (وكالعادة محد تعب وقرى الرقم) ههههههههههه

لازم حروف

[حمد بن سعد]

دام الاجانب قامو يتاجرون في الارقام ماتبيه ينسدح بعد رقم مايسوى 200 ريال كاتب 30 الف قابل

[SeniorTrader]

مع تشغيل الريل بتقل السيارات

يعني فكرة اضافة احرف للارقام بعيده جدا

[ثاني]

ماراح يقللها بصورة كبيرة بس بيخففها

بس بالنهاية .. لازم بتتغير .. والمرور لازم يخطط من الحين قبل لا توصل المليون سيارة .. تخيل في 2030!! أو حتى لكاس العالم 2022!! .. خلال خمس سنوات زادوا 200 الف .. (موتري 2010 والارقام كانت بادية ب47) وألحين باقي 300 الف رقم لحد المليون .. لازم تكون عندهم رؤية .. ويخططون ويطبقون من الحين ..

[جعران]

ياخوان الارقام التي يتم
شطبهاكثيرة التي سارلها
اكثر من 15 سنة لا السيارات
اغلبها لشطب غير السيارات
التي تحصل لها حوادث الله
يحفظ الجميع وغير السيارات
التي يتم تصديرها كل هذه الارقام
يتم اعادة صرفها

[ثاني]

ياخوان الارقام التي يتم
شطبهاكثيرة التي سارلها
اكثر من 15 سنة لا السيارات
اغلبها لشطب غير السيارات
التي تحصل لها حوادث الله
يحفظ الجميع وغير السيارات
التي يتم تصديرها كل هذه الارقام
يتم اعادة صرفها

صح بس لو تقارن عددهم بالسيارات اللي تجي من الوكالات كم سنة شكثر؟

يعني بتدخل 100 ألف سيارة كل سنة البلاد .. وكل عشر سنين بتشطب 100 ألف سيارة؟

[مخطط قطري]

انا شخصيا بعت اغلب ارقامي لانه ماعندي ثقه في المرور ابدا كل يوم تصريحات متناقضه ومساله الحروف مردهم بيرجعون لها اذا انصفو اصحاب الثلاثي والرباعي وقالو مستثنين وخليت لي كم رقم اوردي شاريهم برخيص