كيف تقييمكم لخدمة المواصلات في قطر من 1 الى 10

[فريج النجادة]

أخواني واخواتي

منتدى اسرتي واحبتي

السلام عليكم ورحمة الله وبركاتة

الموضوع

كيف تقييمكم لخدمة المواصلات في قطر من 1 الى 10

مع ذكر الاسباب ؟

[حرف]

ماقدر اقيم لاني ابي اختار 0 وليس من ضمن الاختيار
ماعندنا مواصلات

[دايموند]

مانستخدم المواصلات اصلا...

[فريج النجادة]

ماقدر اقيم لاني ابي اختار 0 وليس من ضمن الاختيار
ماعندنا مواصلات

انا اشوف ان الصفر واجد عليهم !!!

من يزيد يا شباب

[فريج النجادة]

مانستخدم المواصلات اصلا...

الحمدلله

وان شاء الله ما يجيك يوم وتحتاج لهم

ولكن الواحد ما يدري بالضروف

ويمكن في يوم من الايام تحتاج عليهم

وراح تعرف بعد ذالك أثر الدعاء عليهم

يوم ما اسحبو التكاسي القديمة

[حرف]

الباصات نوعين يا تابع للمدارس يا يمشي على خطة ماتناسبنا

السيارات الصغير لو برا مش بوزك يوقف عندك
بس الي عند المطار هي الي توصل بعد موب لسواد عيونا بس لان المطار واجهه

[فريج النجادة]

طبعآ المعاق صاحب الكرسي المتحرك لا يحلم يحصل سيارة

وان حصلها يوم او يومين

ينتظر شهر او شهر حتى تتصلح السيارة!!!

[حمد بن سعد]

صفر

زيرو

صفر

زيرو

[العنيده]

مواصلات :)
قصدكم باصات كروه ولا لا عشان اقدر اعبر ارجوكم اشرحو لي :anger1:

[ام امااني]

اش قصدك الباصات او سيارات الاجرة كروة

[بعيد النظر]

ما نقدر نقيمها لان الاغلب ما استخدمها !


والله لا يحوجنا لها

[فريج النجادة]

مواصلات :)
قصدكم باصات كروه ولا لا عشان اقدر اعبر ارجوكم اشرحو لي :anger1:


كل شركات المواصلات في قطر

من كروة وغيرهم

تقييمك من ناحية الجودة ههههههههههههههه

تقييمك من ناحية السعر

تقييمك من ناحية سرعة الوصول الى ضحايا الانتظار !!!

[بانغ بانغ]

10 من عشرة

لكن كمعدات وباصات

وليس كخدمة

[فريج النجادة]

10 من عشرة

لكن كمعدات وباصات

وليس كخدمة

يا فرحة ما تمت !!!

[سعود.]

انا اشوف ان الصفر واجد عليهم !!!

من يزيد يا شباب


هههههههـهههههههه

[mr. abdulla]

ماقدر اقيم لاني ابي اختار 0 وليس من ضمن الاختيار
ماعندنا مواصلات




حرام عليك اخوي الصفر وايد عليهم..

[ام امااني]

اعطيهم ناقص ما لا نهاية من عشرة
ما استخدمت غير غير سيارات الاجرة كروة
معظمهم ما يعرفون الوجهة وتحت التدريب
بعظهم ما يستخدم العداد
العرب منهم طماعين وعصبيين وكنهم يمنون عليك بالتوصيل كثيري الثرثرة
مرة وداني سايق هندي نام بالدوار ولو ما انتبهت كنا رحنا فيها
و موءخرا صاروا يشتزطون ويرفضون التوصيل للاماكن اللي بيها زحمة
هذا شوي من تجربتي خلال شهر لان سيارتي كانت معطلة نتيجة حادث
الله يحفظكم من هيك تجربة ومن كل شر
على العموم هاذ الموقف علمني اللجوء ل الليموزين المتطفل ما ادري ايش بتسمونه انتو
يعني السواقين والليموزين الغير مرخصين
و مرة انسرقت
دفعت لسايق 500 ريال ونزلت لانو كان بيعد لفلوس عشان يردلي الباقي
فنزلت وقلت اخذ منه لفلوس بعد ما انزل وهرب بلفلوس والله للحين ما شفته اصلا حتى لو اشوفه ما اعرفه لاني ما ادقق بشكلهم
كل اللي اتذكره انو كان فلبيني
يعني مو هندي او عربي
كبرنا ولسانا ناخذ دروس من الحياة

[PathFinder]

في برنامجين على الجوال تنزلهم ويجيك التكسي لعندك خلال 5 دقائق هما
Careem (http://careem.com/signup/KGGRGE3E2Q)
Uber (https://www.uber.com/invite/wgcug4anue)

وتقدر تقيم الرحلة والسائق وتحدد هدفك والأجره قبل ما تطلع

[رجل الجزيرة]

صفر والصفر واجد عليهم والسبب هو:

مرة كنت في المستشفى ولا عندي سيارة وكنت أنتظر أي سيارة تاكسي وكنت واقف عند بوابة المستشفى وكذا تكسي مر علي وأنا على عصاتي وتعداني ويروح للممرضات لين جاني واحد من إخواني، قهر في بلادي لأنا المقيم وهو المواطن.
:(

[قطريه ماركه]

تكاسي كروة صفر
لأنهم يوقفون في نص الشارع حسبي الله عليهم

[دايموند]

الحمدلله

وان شاء الله ما يجيك يوم وتحتاج لهم

ولكن الواحد ما يدري بالضروف

ويمكن في يوم من الايام تحتاج عليهم

وراح تعرف بعد ذالك أثر الدعاء عليهم

يوم ما اسحبو التكاسي القديمة

قصدي ان احنا مانستخدم خدمه المواصلات فبالتالي ماقدر اقيم الخدمه

وصلت المعلومه صحه؟

[ولد البدر]

حاطين لهم بيب بلا مظلة ولا كراسي والمساكين ينتظرون بالساعات عبالهم في أوربا يجيك الباص بالثانية ، بس حاطين على الكورنيش كم من محطة عدلة والفرجان بيب خالي فالتتقييم طلع ( -1 )

[مابدل العادات]

-10 ووايد عليهم بعد

[وحيد-الشوق]

0 صراحه ووايد عليهم

[بحر الشمال]

امممم خدمة المواصلات قلت لي ،،، طال عمرك مرة ضاع مفتاح موتري قلت بدل ما ازعج حد خلني اوقف لي كروة عشان اجيب المفتاح السبير وعود المهم مالك في الطويلة كل ما اشرت على واحد يمر علي جنا ولا جنه شايف حد نطرت اكثر من ساعة المهم اتصلت عليهم وطلبت سيارة تجيني مع العلم اني متواجد عن المتحف قالي بعد خمس ساعات قلت المهم خدمات المواصلات لو فيه اصغر من الصفر جان عطيتهم وساعات مالوم الاجانب لي يأشرون يبون توصيلة

[الحياة الخالدة]

طبعاً احنا ما نستخدمهم وايد سواء الباصات أو التكاسي
كل معاناتنا منهم في الشوارع فما نقدر نقيمهم كخدمة
لكن اللي نشوفه ان صعب نلاقي التاكسي و حتى لما يمر ( احتجنا له مرة ) ما يوقف لنا .. انا ماعرف شنهو قانونهم اصلاً .. بس اشوف بعضهم يوقفون حق الهنود و غيرهم من المقيمين
مواقف الانتظار لهم أغلبها يرثى لها .. لا تسمن ولا تغني من جوع .. ماغير هالعمود والا اللافتة اللي تدل على أن هذا مكان انتظار الباص

الله يعين كل مستخدم

[فريج النجادة]

شركة " مواصلات "


عرفت "مواصلات" على المستوى المحلي على أنها "شركة النقل الرسمية" في دولة قطر، و قد بدأت نشاطها الفعلي بتوفير خدمات النقل البري في أكتوبر عام 2004. لشركة "مواصلات" مهمة رئيسية و هي أن تكون " الشركة الرائدة إقليميا في مجال توفير خدمات النقل البري المتكاملة ".

قامت "مواصلات" بتوسيع امتدادها وذلك بتقديم حلول متعددة تلبي المتطلبات المتنوعة عن طريق تقديم سيارات تاكسي المطار، و سيارات التاكسي العادية، و ليموزين الدرجة الأولى، وليموزين الدرجة العادية، و باصات النقل العام، و باصات المدارس و المركبات المؤجرة بعقود خاصة.



الرؤية:

“أنâ€* ‬نكونâ€* ‬الخيارâ€* ‬الأولâ€* ‬فيâ€* ‬مجالâ€* ‬تقديمâ€* ‬حلولâ€* ‬وخدماتâ€* ‬المواصلاتâ€* ‬العالميةâ€* ‬الراقيةâ€* ‬والمبتكرة،â€* ‬وأنâ€* ‬نكونâ€* ‬مصدرâ€* ‬إلهامâ€* ‬للأرثâ€* ‬فيâ€* ‬المنطقة”â€*. ‬




الرسالة:

تقديم حلول في مجال المواصلات تتسم بفاعلية التكلفة والسلامة والوعي البيئي بما يعود بالفائدة على دولة قطر ويحقق رضاء العملاء
- See more at: http://www.mowasalat.com/ar/staticpages/page/0b2fd16c-bb36-40fc-8eb9-08de1cf1a077#sthash.PWbWqzjt.dpuf

[فريج النجادة]

شركة " مواصلات "


عرفت "مواصلات" على المستوى المحلي على أنها "شركة النقل الرسمية" في دولة قطر، و قد بدأت نشاطها الفعلي بتوفير خدمات النقل البري في أكتوبر عام 2004. لشركة "مواصلات" مهمة رئيسية و هي أن تكون " الشركة الرائدة إقليميا في مجال توفير خدمات النقل البري المتكاملة ".

قامت "مواصلات" بتوسيع امتدادها وذلك بتقديم حلول متعددة تلبي المتطلبات المتنوعة عن طريق تقديم سيارات تاكسي المطار، و سيارات التاكسي العادية، و ليموزين الدرجة الأولى، وليموزين الدرجة العادية، و باصات النقل العام، و باصات المدارس و المركبات المؤجرة بعقود خاصة.



الرؤية:

“أنâ€* ‬نكونâ€* ‬الخيارâ€* ‬الأولâ€* ‬فيâ€* ‬مجالâ€* ‬تقديمâ€* ‬حلولâ€* ‬وخدماتâ€* ‬المواصلاتâ€* ‬العالميةâ€* ‬الراقيةâ€* ‬والمبتكرة،â€* ‬وأنâ€* ‬نكونâ€* ‬مصدرâ€* ‬إلهامâ€* ‬للأرثâ€* ‬فيâ€* ‬المنطقة”â€*. ‬




الرسالة:

تقديم حلول في مجال المواصلات تتسم بفاعلية التكلفة والسلامة والوعي البيئي بما يعود بالفائدة على دولة قطر ويحقق رضاء العملاء
- See more at: http://www.mowasalat.com/ar/staticpages/page/0b2fd16c-bb36-40fc-8eb9-08de1cf1a077#sthash.PWbWqzjt.dpuf

من سنة 2004 وهم محافظين على فشلهم وتخبطهم

[شموخ دائم]

,

,


مرحبا

شكرا على الموضوع

كنت اتمنى يكون الموضوع اكثر ( واقعيه ) وانتقاد من أجل ( الافضل )

وذكر اسباب والسلبيات حتى يكون الموضوع مفيد

والاخوان يحسنون من خدمتهم

بعد شكرهم على جهودهم ونقل البلد من التاكسي البرتقالي القديم والسائق الغير مرخص
الى السيارات الاكثر تنظيم واكثر راحه وسيارات اكثر رفاهيه
القطري ماكان يقدر يركب بذيك السيارات بكل امانه الكراسي كانت غير نظيفه ومستهلكه ورائحه السيارات لاتطاق
وكان منظرهم غير حضاري امام ( المطار ) ويعكس صوره سلبيه عن البلد
الحمدالله نحن الان في مرحله افضل

ودائما نطمح للافضل

نرجع الان الى السلبيات !!


عجبني رد ام اماني لانها من واقع تجربه وذكرت السلبيات بشكل طيب ومفيد


اتمنى يكون الانتقاد ( بناء ) وليس انتقاد سلبي غير مفيد

هل عدد السيارات كافي للبلد ؟؟
مواعيد الباصات ؟؟؟
جدول الباصات هل هو واضح ومنظم ؟؟
محطات الباصات ؟؟
كفائه السائقين ؟؟؟
اسعارهم ؟؟؟
نظافه المواصلات ؟؟
الكول سنتر ؟؟؟
الوقت من الاتصال حتى وصول التاكسي ؟؟
المعرفه بالطرقات ؟؟
استخدام العنوان ؟؟ ( عنواني )
هل مطبق بالتكاسي ؟؟

في الاخير هناك اسئله كبيره ودي انها تطرح


احتكار كروه للتكاسي هل هي فكره ناجحه ؟؟
واين نحن من ( المنافسه ) من اجل خدمه وسعر افضل
لماذا لايكون هناك شركات اخرى ؟؟

هل حان الوقت لتنظيم المواصلات مع وجود شركات جديده ؟؟


لماذا لاتطرح كروه في ( البورصه ) ؟؟؟
وتكون شركه مساهمه والمواطن يمتلك فيها حصه
هل هناك خطه بالسنوات القادمه!!


؟؟

كيف ستواجه كروه شركات عالميه مثل ( uber) علما انهم شغالين بسوق قطر
نحن في سوق مفتوح بكل العالم
ومازلنا بمواصلات سوق ( مغلق ) و ( محتكر )

عكس التيار وعكس التوجه العالمي
وطموحنا الانتقال الى العالميه !!
اليس هذا يتعارض مع اهدافنا في قطر !!



والكثير من الاسئله

,

,

[مختلف جداََ]

الحين اللي ابي أعرفه كروة ليش دخلت شركات خاصة تحت مظلة خدمة التاكسي ؟

صحيح تبون تعرفون ليش التكاسي ما يوقفون لكم ؟؟

لأنه بكل بساطة السواق يعتبر نفسه مالك التكسي .

[حرف]

,

,


مرحبا

شكرا على الموضوع

كنت اتمنى يكون الموضوع اكثر ( واقعيه ) وانتقاد من أجل ( الافضل )

وذكر اسباب والسلبيات حتى يكون الموضوع مفيد

والاخوان يحسنون من خدمتهم


عجبني رد ام اماني لانها من واقع تجربه وذكرت السلبيات بشكل طيب ومفيد


اتمنى يكون الانتقاد ( بناء ) وليس انتقاد سلبي غير مفيد

هل عدد السيارات كافي للبلد ؟؟
مواعيد الباصات ؟؟؟
جدول الباصات هل هو واضح ومنظم ؟؟
محطات الباصات ؟؟
كفائه السائقين ؟؟؟
اسعارهم ؟؟؟
نظافه المواصلات ؟؟
الكول سنتر ؟؟؟
الوقت من الاتصال حتى وصول التاكسي ؟؟
المعرفه بالطرقات ؟؟
استخدام العنوان ؟؟ ( عنواني )
هل مطبق بالتكاسي ؟؟

في الاخير هناك اسئله كبيره ودي انها تطرح


احتكار كروه للتكاسي هل هي فكره ناجحه ؟؟
واين نحن من ( المنافسه ) من اجل خدمه وسعر افضل
لماذا لايكون هناك شركات اخرى ؟؟

هل حان الوقت لتنظيم المواصلات مع وجود شركات جديده ؟؟


لماذا لاتطرح كروه في ( البورصه ) ؟؟؟
وتكون شركه مساهمه والمواطن يمتلك فيها حصه
هل هناك خطه بالسنوات القادمه!!


؟؟

كيف ستواجه كروه شركات عالميه مثل ( uber) علما انهم شغالين بسوق قطر
نحن في سوق مفتوح بكل العالم
ومازلنا بمواصلات سوق ( مغلق ) و ( محتكر )

عكس التيار وعكس التوجه العالمي
وطموحنا الانتقال الى العالميه !!
اليس هذا يتعارض مع اهدافنا في قطر !!



والكثير من الاسئله

,

,

الحين كل الردود ليست نقد بناء
تبينا انطبطب على ظهورهم وانقول معليش استحملوا الي بنقول عنكم
ترى ولا رد جا من الخيال او الافتراض كلها واقعيه الا اذا انت تكتب لنا وانت جالس في اعلى البرج العاجي ولا خارج حدود الوطن راح نعدرك

[شموخ دائم]

,

,


مرحبا

مسيك بالخير اخوي حرف

ماقدر اقيم لاني ابي اختار 0 وليس من ضمن الاختيار
ماعندنا مواصلات

هذا كان ردك بالموضوع
وماذكرت على أي اساس قيمتهم
هل جربت كروه ؟
وشنو الشي الي ضايقك ؟
ماذكرت اللاسباب !!

وشنو اقتراحك لتحسين الخدمات !!

حتى نقدم شي مفيد بالموضوع


والله انا جالس على كنبه شيزلونج
:)
وماعندي ابراج عاجيه ولا ابراج من طابوق
:)

وانا جربتهم من المطار الى البيت وكانت السياره جيده وجديده
هذا في الاخير ( تاكسي ) عادي مو تاكسي vip

ولكني غير راضي عن الخدمه والاداره تمام الرضى وانتقدهم في السلبيات واشكرهم في الايجابيات
ولكن مو ( صفر )

خل نكون منطقين ومنصفين شوي

بارك الله فيك

[حرف]

,

,


مرحبا

مسيك بالخير اخوي حرف

ماقدر اقيم لاني ابي اختار 0 وليس من ضمن الاختيار
ماعندنا مواصلات

هذا كان ردك بالموضوع
وماذكرت على أي اساس قيمتهم
هل جربت كروه ؟
وشنو الشي الي ضايقك ؟
ماذكرت اللاسباب !!

وشنو اقتراحك لتحسين الخدمات !!

حتى نقدم شي مفيد بالموضوع


والله انا جالس على كنبه شيزلونج
:)
وماعندي ابراج عاجيه ولا ابراج من طابوق
:)

وانا جربتهم من المطار الى البيت وكانت السياره جيده وجديده
هذا في الاخير ( تاكسي ) عادي مو تاكسي vip

ولكني غير راضي عن الخدمه والاداره تمام الرضى وانتقدهم في السلبيات واشكرهم في الايجابيات
ولكن مو ( صفر )

خل نكون منطقين ومنصفين شوي

بارك الله فيك

لي ردود اخرى الله يرضى عليك ذكرت فيها الاسباب بشكل مبسط وسهل
اما الحلول اجزم بأن المسئولين في وزارة المواصلات وفي كروه اعلم واعرف وادرى مني ومنك

[مختلف جداََ]

يا جماعة
ترى في الشركات الخاصة اللي تحت كروة
يقولون للسواق جيب لنا مبلغ معين في الشهر و الباقي لك .

[mr. abdulla]

,

,


مرحبا

مسيك بالخير اخوي حرف

ماقدر اقيم لاني ابي اختار 0 وليس من ضمن الاختيار
ماعندنا مواصلات

هذا كان ردك بالموضوع
وماذكرت على أي اساس قيمتهم
هل جربت كروه ؟
وشنو الشي الي ضايقك ؟
ماذكرت اللاسباب !!

وشنو اقتراحك لتحسين الخدمات !!

حتى نقدم شي مفيد بالموضوع


والله انا جالس على كنبه شيزلونج
:)
وماعندي ابراج عاجيه ولا ابراج من طابوق
:)

وانا جربتهم من المطار الى البيت وكانت السياره جيده وجديده
هذا في الاخير ( تاكسي ) عادي مو تاكسي vip

ولكني غير راضي عن الخدمه والاداره تمام الرضى وانتقدهم في السلبيات واشكرهم في الايجابيات
ولكن مو ( صفر )

خل نكون منطقين ومنصفين شوي

بارك الله فيك

اذا فكرت فيها اعطيهم 2 من عشرة بدل الصفر...اخوي اعتمد على كروة لمدة ثلاثة ايام متواصلة... يعني صف موترك علي جنب و توكل على الله و اعتمد على باصاتهم و التكاسي .. صدقني ما راح تعطيهم اكثر من 1 او حتى صفر... بعدين تعال نروح لندن.. سنغافورا ... كوريا.. اليابان.. دبي.. او غيرها من مدن و حاول تعتمد لمدة ثلاث ايام على الموصلات العامة و بتعرف الفرق الكبير.. مع العلم صار لكروة عشر سنوات ... و ليومك محطات باصات غير موجودة .. كم واحد اندهس و مات بسبب باص كروة و هو واقف في محطة الانتظار في شارع البنوك... كم واحد اندهس بالتكاسي خارج محطة كروة السيتي.. مع العلم اخوي ذول ناس واقفين في المحطة... و انا اقول محطة و في الصج عمود حديد محلي عليه علامة باص... لا و بعد تكاسي تسرقك.. هاي اذا وقفوا و خلوك تركب... انا اقول ادارة كروة شوفولكم شركة عالمية تدير حلول للموصلات العامة على نطاق مدن او اكبر و خلهم يديرون الموضوع.. ما أتكلم عن استشارات و إنتوا اطبقون.. لا خلوهم هن اللي يديرون و يطبقون الحلول .. و السموحة على الكتابة اخي.. قاعد أرد من الآي فون ...

[معماري قطري]

اعطيهم ناقص ما لا نهاية من عشرة
ما استخدمت غير غير سيارات الاجرة كروة
معظمهم ما يعرفون الوجهة وتحت التدريب
بعظهم ما يستخدم العداد
العرب منهم طماعين وعصبيين وكنهم يمنون عليك بالتوصيل كثيري الثرثرة
مرة وداني سايق هندي نام بالدوار ولو ما انتبهت كنا رحنا فيها
و موءخرا صاروا يشتزطون ويرفضون التوصيل للاماكن اللي بيها زحمة
هذا شوي من تجربتي خلال شهر لان سيارتي كانت معطلة نتيجة حادث
الله يحفظكم من هيك تجربة ومن كل شر
على العموم هاذ الموقف علمني اللجوء ل الليموزين المتطفل ما ادري ايش بتسمونه انتو
يعني السواقين والليموزين الغير مرخصين
و مرة انسرقت
دفعت لسايق 500 ريال ونزلت لانو كان بيعد لفلوس عشان يردلي الباقي
فنزلت وقلت اخذ منه لفلوس بعد ما انزل وهرب بلفلوس والله للحين ما شفته اصلا حتى لو اشوفه ما اعرفه لاني ما ادقق بشكلهم
كل اللي اتذكره انو كان فلبيني
يعني مو هندي او عربي
كبرنا ولسانا ناخذ دروس من الحياة

ما تستاهلين يا ام اماني ومعوضة خير إن شاء الله

ومواصلات وزارة ولها تدخل في الطرق والأنفاق ونوعية الباصات والريل وكل المواصلات وأشغال والمرور .. بس ما ادري على كثرة الجهات هذي وتداخل صلاحياتها صايرة لخبطة الله العالم بها

سيارات ما ادري شلون تستورد .. تنطلب في كل دول العالم واحنا آخر دولة تنطلب عندنا أوقات وببطولة وزارة الإقتصاد ولا مواصلات ما نسمع لها حس .. غير عن اعلانات طلب السائقين اللي حطوهم في دولهم في فترة الصيف وبراتب مغري المهم تكون عنده رخصة قيادة قطرية .. يعني يا سواقين العائلات خونوا كفيلكم وبنوفر لكم كل شيء والله يستر بعد قانون الاقامة الجديد شبيصير

[فريج النجادة]

علمآ ان شركة كروة زارو الدول المتقدمة وشافو الشركات كيف متقدمة

وما زالو مستمرين على نفس الوتيرة

ليش ما تطرح كمناقصة

ونحط النقاط على الحروف في كل صغيرة وكبيرة في الشركة

بعد ذالك ممكن الوضع يتغير

[Qtr37]

من كلام احدى الاخوات الاسيويات اللي استخدمت باص كروه قالت لي انها تقعد بالساعات علشان يوصلها من بيتها الى المكان اللي تعمل فيه (صالون)

انا احيانا اتمنى القى تاكسي عند بيتنا او قريب من بيتنا بستخدمه وبريح نفسي من اني اطلب من حد يوصلني

مرة كنت طالعه من مستشفى واحتجت حد يرجعني طبعا ما لقيت كروه لكن لقيت شخص قالي انه ليموزين ورجعني واشتريت راحتي!!

الخدمة اقول بكل اسف صفر مثل ما قالوا اغلب الاعضاء، احاول اني استفيد منهم لكن خدماتهم ليست سهلة ومريحة لنا
ملاحظة: التاكسي البرتقالي كان متوفر في كل وقت وكل زمان وكنا اذا اضطرينا نستخدمه لبعض المشاوير مثل المركز الصحي وغيره،، الله يذكرهم بالخير :)

[نيساني]

صفر عالشمال للاسف


ممكن تنتظر ساعتين على خط الشمال وماتشوف ولا تكسي فاضي للاسف

[بوخالد911]

اعطيهم ظ،
1
فقط
سواقتهم سيئة جدا
بعض السيارات لازم يجددونها

[fooz55]

هههههههـهههههههه
انا مع الاخ سعود اشوف الصفر واايد عليهم في عدد اقل من الصفر

[Boost]

(-3) ومتلطف في تقييمي

لأنه لا يوجد في قطر خدمات مواصلات

1- التكاسي الخاصة ألغوها
2- شركات تكاسي خاصة محتكره وأسعارها مبالغ فيها
3- الباصات ومواقفها بعيده عن الفرجان وماتصلح إلا للعمال
4- القطارات لحد الآن غير موجوده فلا نستطيع تقييمها
5- لا يوجد طيران إقتصادي قطري ولازلنا "مجبرين" على إستخدام القطرية رغم جبروتها في فرض الأسعار وعروضها للدول المجاورة والترانزيت أكثر من عروضها لسكان قطر

تبي أزيدك ولا خلاص كفايه ؟

[فريج النجادة]

في دبي عندهم 70 مليون مسافر في السنة

ولا يجدون اي صعوبة في الحصول على التاكسي

على مدار 24 سنة

ساعة بالكثير والسيارة عندك


حتى سيارة المعاقين عندهم متوفرة بشكل دأئم

وعندهم عدة خيارات في طلب التكسي


1- الكول سنتر

2- تطبيق اكتروني عن طريق الجوال

3- الباصات

4- القطارات

[العنيده]

تقييمي ..
ماعرف اقيمهم على لفاتهم المزعجه في الشوارع ولا سواقتهم ولا انهم مايقفون لاي راكب على مزاجهم بعضهم .. ولا التوقف الفجائي للزبون ماعلينا :omen2:
المهم تقييمي هو ( 0- ) ولاني مااستخدمتهم فمااقدر احكم غير بشكل عام والسموحه لكل شخص هناك يحاول يطلع بشغل ممتاز بس الاراء ضروريه لضمان
تطورها ..
بس يحتاجون نفضه والله المستعان ..

[ضوى]

ماستخدم مواصلات ، ولو اضطريت باشتري راحة راسي وباخذ ليموزين وطبعا اصنفهم رقم 1

[بو راشد 1]

تجربتي من كم سنة في الصناعية اختربت السيارة، و ما لقيت تاكسي فأجرت بركدون بثمانين ريال و رجعني البيت :)

[بعيد النظر]

تجربتي من كم سنة في الصناعية اختربت السيارة، و ما لقيت تاكسي فأجرت بركدون بثمانين ريال و رجعني البيت :)

هههههههههههههههههههههههههههههههههههههههههههههههههه ههه
اسمحلي يا بوراشد بس تذكرت موقف حق واحد من الشباب


اتصلي واحد من الربع وينك ؟ قلت له في لفان ..
قال بال .. شكلي بركب مع راعي السطحة حط موتره في الوكالة ..
وكمل مع راعي السطحة يكمل شغله ههههههههههه

يقول مافي تكاسي ! والربع ساحبين علي !



الله يخلي uber .. صديق النكبات

[عضو دائم]

لايوجد عندنا خدمة مواصلات مع الأسف الشديد لذلك تقييمي .. تحت الصفر

[فريج النجادة]

لايوجد عندنا خدمة مواصلات مع الأسف الشديد لذلك تقييمي .. تحت الصفر

اللهم اجرنا في مصيبتنا واخلف علينا خير منها يارب

[SouthK]

10


1 لوجود شوارع
1 لوجود باصات

8 لوجود نوايا لتخفيف الزحام و توفير مواصلات يعتمد عليها و الله اعلم بالنوايا!

[معماري قطري]

تقييمي ..
ماعرف اقيمهم على لفاتهم المزعجه في الشوارع ولا سواقتهم ولا انهم مايقفون لاي راكب على مزاجهم بعضهم .. ولا التوقف الفجائي للزبون ماعلينا :omen2:
المهم تقييمي هو ( 0- ) ولاني مااستخدمتهم فمااقدر احكم غير بشكل عام والسموحه لكل شخص هناك يحاول يطلع بشغل ممتاز بس الاراء ضروريه لضمان
تطورها ..
بس يحتاجون نفضه والله المستعان ..

ههههههههه متفرعنين ما ينفع معاهم شيء

[دايموند]

وشوuber ؟

[بانغ بانغ]

وشوuber ؟

شركة امريكية عالمية جديدة بنظام التكسي

يعني اي سيارة اتسجل بهالنظام وفي ابليكيشن في الجوال ايبين لك كل سيارة مشتركة في اوبير قريبة منك كتاكسي

وقد اتكون سيارة عادية مب كروة

اشتراك في النت يعني لو مثلا انتي طالعه من فيلاجيو ودورتي عن سيارة اوبير في الجوال بيجونك عند الباب لو متواجدين وبدون ما تدفعين لهم اذا معك اشتراك ببطاقة ماستر ....

خدمة عالمية جديدة

[دايموند]

شركة امريكية عالمية جديدة بنظام التكسي

يعني اي سيارة اتسجل بهالنظام وفي ابليكيشن في الجوال ايبين لك كل سيارة مشتركة في اوبير قريبة منك كتاكسي

وقد اتكون سيارة عادية مب كروة

اشتراك في النت يعني لو مثلا انتي طالعه من فيلاجيو ودورتي عن سيارة اوبير في الجوال بيجونك عند الباب لو متواجدين وبدون ما تدفعين لهم اذا معك اشتراك ببطاقة ماستر ....

خدمة عالمية جديدة

شكرا عالتوضيح بس اخر نقطه مافهمتها شنو لو عندي بطاقه ماستر بيركبوني ببلاش؟!!

واشلون اسعارهم ارخص من كروه الحراميه؟

[بانغ بانغ]

شكرا عالتوضيح بس اخر نقطه مافهمتها شنو لو عندي بطاقه ماستر بيركبوني ببلاش؟!!

واشلون اسعارهم ارخص من كروه الحراميه؟

اي نعم يخصمونها من الحساب دايركت عقب ما تنزلين

[دايموند]

واشلون تسعيرتهم نفس كروه؟

[بانغ بانغ]

واشلون تسعيرتهم نفس كروه؟

والله ماجريتهم يمكن الاخوان جربوهم

احيانا لو تطلبين تكسي يمكن ايجونك 4 في نفس اللحظة بس محد ايدفعك الا اللي راح تستخدمينه

[بوخالد911]

واشلون تسعيرتهم نفس كروه؟

اشوي زيادة عن كروة
ما بين 5-7 ريال

[الوسيط العقاري]

سالب 2

[AL_MUTAEM]

الاستبيان صعب تقييمه لشخص لا يستخدم موضوع الاستبيان بشكل كبير

بالنسبة لي استخدم كروه في بعض الاحيان فقط من مبنى المطار للسكن واعتبرها خدمة ممتازه سياره نظيفه وسائق محترم

ولكن لدي صديق وهو بالاحرى زميل عمل يستخدم كروه واعني بها باصات النقل العام يوميا من بروه ( بوهامور ) الى منطقة الابراج والعكس ويذكر لي دائما المأسي وهو في الباص حيث تستغرق الرحله من منطقة الابراج الى بوهامور اكثر من ساعتين ونصف ..!!

لذلك لكي اعطي الاستبيان حقه ( 2 )

[دايموند]

اشوي زيادة عن كروة
ما بين 5-7 ريال

عيل خل يولون....

الله يخلي لي سياراتنا...

[فريج النجادة]

نناشد كل من زار قطر وشاف خدمة التاكس

ان يستر علينا ولا يفضحنا :shy: :shy: :shy:

[الدوحه1]

نناشد كل من زار قطر وشاف خدمة التاكس

ان يستر علينا ولا يفضحنا :

ههههه!!

وضيف "الصناعيه" على القائمه؟؟

[فريج النجادة]

ههههه!!

وضيف "الصناعيه" على القائمه؟؟

أهل الصناعية ماخذين عليهم من زمان

منذو مبطي هههههههههه

[فريج النجادة]

بعد ما اقر الجميع بسو خدمة التاكسي في دولة قطر

وعلية نطلب منكم الاتي

1- يرجى التكاتف والتعاون مع كل من كان في الشارع ويحتاج الى تاكسي

2- رفع مثل هذة المواضيع في جميع مواقع التواصل الاجتماعي
يمكن ربعنا يحسون على دمهم

3- التواصل مع الشركة الام كروة وتقديم لهم كل ما يتعلق بالاقتراحات والشكاوي
أبشركم البريد الاكتروني للشركة لا يعمل

4- الدعاء والتضرع الى الله ان يجيرنا في مصيبتنا ويخلف لنا خير منها

[Mbarkaji]

للاسف وبكل حزن التقييم فاشل بالنسبة للمواصلات علما ان الدولة لم تقصر بمد يد العون لقطاع المواصلات لكن هناك تخبط وسوء تخطيط وفساد اداري لم استخدم المواصلات لكنني بالقرب ممن يستخدمونها راي شخي قد يحتمل الصواب او الخطئ

[تاسيتوس]

0
Zero
صفر كبير ملون

[مختلف جداََ]

0
Zero
صفر كبير ملون

من أنتم
16
:omg:

[معماري7]

لأسف في حالة حصل لك ظرف وسيارتك مو معك.
يحدث حالة تأزم في المواصلات . الله يبعدنا:nice: