الخميس اجازه ولا لا

[المحاميه]

السلام عليكم

ياجماعه الخميس اجازه ولا لا؟
عشان العيد الوطني!!!

ياريت حد يأكدلنا الخبر

[ابن البيطار]

ممكن الخميس وممكن الاحد وممكن بدون اجازه

[المحاميه]

بدون اجازه قويه

اليوم الوطني يصادف الجمعه وبناء عليه فيه تعويض متاكده من هالشي ،،، والاقرب يوم الخميس والدليل ان الاحتفالات كلها قبل الخميس في مؤسسات الدوله والمدارس
هذي قرينه على ان الخميس اجازه :nice:

[مختلف جداََ]

في كذا شركة خاصة الخميس إجاااااازة

[المحاميه]

المشكله اني كنت متاكده ان الخميس اجازه بس تفاجأت من ردود افعال اللي حولي كل ماقلت حق حد قالي صج؟؟ وبطل عينه!!
والله شكيت ف معلوماتي :eek5: :(

[مختلف جداََ]

المشكلة في التعاميم اللي تتأخر في الصدور

كأنه سر عسكري

عجبي

[بومحمد المطاوعه]

الله اعلم

والله يكتب الخير لنا وللجميع

[حرف]

في كذا شركة خاصة الخميس إجاااااازة

ممكن اسامي الشركات ولاتهون

[مختلف جداََ]

ممكن اسامي الشركات ولاتهون

تدمر القابضة وجميع الشركات التي تحتها
بس عندي فضول أبي أعرف ليش تسأل على أسامي الشركات

[بعيد النظر]

مااااااااااااااااافي اجاااااااااااازة

[نمر بن عدوان]

ليش اجازه ؟ المعروف اذا صادف اليوم الوطني يوم عمل يكون اجازه اما يصادف يوم اجازه فليش يعطون يوم بدل؟

ماعتقد فيه اجزه

[بعيد النظر]

ليش اجازه ؟ المعروف اذا صادف اليوم الوطني يوم عمل يكون اجازه اما يصادف يوم اجازه فليش يعطون يوم بدل؟

ماعتقد فيه اجزه


وانا من هـ المبدا أقول مافي إجازة

[غايه الطواش]

ماتفرق خميس والا احد ننطر التعميم ويش ورانا

[حرف]

تدمر القابضة وجميع الشركات التي تحتها
بس عندي فضول أبي أعرف ليش تسأل على أسامي الشركات

على شان ماحد يتعنى الخميس يروح لهم وهم اجازة
اشكرك

[مختلف جداََ]

على شان ماحد يتعنى الخميس يروح لهم وهم اجازة
اشكرك

أقنعتني بصراحة

العفو

[مرتبش]

اممم ..في وايد خربطة ..قانون الخدمة المدنية واضح في جانب تعويض يوم الاجازة الرسمية اذا صادفت الجمعة او السبت.
المهم الخميس اعتقد اجازة لان احتفالات ادارتنا ستكون الاربعاء ان شالله

[تجاوز]

اتمنى يكون الخميس والاحد اجازه ...

[الوسيط العقاري]

اتمنى يكون الخميس والاحد اجازه ...

ونا أتمنى كذلك

[ميمّ]

^
يومين ؟!
تمنو "يوم" هذا اذا عطونا ! هههههه :(

[معماري قطري]

انا اتوقع بتكون الاجازة اسبوع كامل .. حلمت بهذا الشيء

[بانغ بانغ]

المحامية .... اتوقع بيحطونها في الرصيد دون تخصيص يوم معين

[مختلف جداََ]

توقعاتي الصحيحة على الدوام
خميس جمعة سبت

[نايم سهران]

قانون الخدمة المدنية ينص على أنه في حالة اذا صادفت الاجازة الرسمية الجمعة او السبت يتم التعويض عنها بيوم أخر.

كل واحد يسأل اقوله يوم الخميس هو أجازه رسميه .

وشكرا

[جبر ال جبر]

اتمنى يكون الخميس دوام رسمي ونكتفي بالجمعه والسبت اجازه

[رُفق المجنّا]

يوم الخميس اجازة

[نيساني]

اتوقع مافي اجازه....

[دايموند]

أقنعتني بصراحة

العفو

هههههههههههه

تبي الصج كنت بسال نفس السؤال والسبب بشوف اذا شركتنا من ضمنهم والا لا...

شكرا..

[ابوعلي]

اتمنى ان يكون دوام

[توشيبا]

كفايه الجمعه والسبت اجازه

ارفض وبشده الاجازات الكل يداوم مانبي خساير

كفايه سعر البترول نازل

[حرف]

سنة 2010 اليوم الوطني صادف يوم السبت
من يتذكر ؟!
الاحد عطونا اجازة ولا كان دوام ؟

[المحاميه]

^

نعم
عطونا اجازه من هالمنطلق اقول اجازه

[غير البشر]

^

نعم
عطونا اجازه من هالمنطلق اقول اجازه


ان شاء الله اجازه نبي نرتاح تعبنا :pioneer:

[حرف]

^

نعم
عطونا اجازه من هالمنطلق اقول اجازه

خلاص الخميس اجازة ان شاء الله

[وليف الشوق]

ممكن الخميس وممكن الاحد وممكن بدون اجازه

هذا جوابك ؟ هههههههه ماقلت شي ياخوي

[نيساني]

اووه صح نسيت ماشاء الله تبارك الله انا اجازه لين اخر الشهر


المهم ان شاء الله مافي اجازه

وشكراً

[المحاميه]

^
ماشاء الله على قلوبكم انظيفه
استمروا ولكم الاجر
:)

[رُفق المجنّا]

مصدري قانون الخدمة بتعويض الاجازات

يوم الخميس تبدأ فيه احتفالات القبائل واستعدادات المشاركين في المسير واللجان التنظيمية تحتاج الخميس اكثر من غيره بالاضافة الى انه اليوم اللي يسبق الإجازة بعكس الأحد والذي يعقبه بيوم

[وليف الشوق]

مصدري قانون الخدمة بتعويض الاجازات

يوم الخميس تبدأ فيه احتفالات القبائل واستعدادات المشاركين في المسير واللجان التنظيمية تحتاج الخميس اكثر من غيره بالاضافة الى انه اليوم اللي يسبق الإجازة بعكس الأحد والذي يعقبه بيوم

لكن سؤالي ياخوي (( اليوم اللي يسبق الاجازة ) هل يشمل اليوم الوطني وهل مشمول بالقانون ؟ ام المشمول بالقانون اجازة عيدي الفطر والاضحى فقط ؟!!!!!! وهل ذكر القانون ذلك

[شيخ الديرة]

لكن سؤالي ياخوي (( اليوم اللي يسبق الاجازة ) هل يشمل اليوم الوطني وهل مشمول بالقانون ؟ ام المشمول بالقانون اجازة عيدي الفطر والاضحى فقط ؟!!!!!! وهل ذكر القانون ذلك

القانون يقول (الرابط هنا) (http://www.almeezan.qa/LawArticles.aspx?LawArticleID=46687&LawId=3419&language=ar)
++++++++++++++++++++++++
المادة 1 - (عدلت بموجب 6 /2010)
تاريخ بدء العمل : 28/03/2010

تكون العطلات الرسمية في الوزارات والأجهزة الحكومية الأخرى والهيئات والمؤسسات العامة، على النحو التالي:
1- عطلة عيد الفطر من اليوم الثامن والعشرين من شهر رمضان إلى نهاية اليوم الرابع من شهر شوال.
2- عطلة عيد الأضحى من اليوم التاسع إلى نهاية اليوم الثالث عشر من شهر ذي الحجة.
3- عطلة اليوم الوطني يوم الثامن عشر من شهر ديسمبر.
وإذا تخللت أيام عطلات الأعياد الرسمية عطلة رسمية أو أسبوعية، تضاف بعددها أيام إجازات إلى العطلات المشار إليها.
وإذا كان الفاصل بين عطلتين رسميتين يوم عمل واحد، فيعتبر عطلة ضمن العطلتين
+++++++++++++++++++++++++++++++++
اليوم الوطني ليس عيد (حسب التعريف القانوني أعلاه), وحسب فهمي المتواضع للقانون انه ليس هناك عطلة تعويضية كما يحصل لعطلات الأعياد. لو غابت كلمة الأعياد التي باللون الأحمر أعلاه, فسوف يتم تطبيق التعويض عن كل العطل, وليس الأعياد فقط.

[النهار]

ياحبكم للاجازات خلكم مثلي ومثل غير البشر

[مضارب دوسري]

اتمنى يعلنون يوم الاربعا فليل عشان محد يسافر
هههههه

[ابوعلي]

اتمنى يعلنون يوم الاربعا فليل عشان محد يسافر
هههههه

وانا اتمنى يكون دوام عشان محد يسافر

[حرف]

اتمنى يعلنون يوم الاربعا فليل عشان محد يسافر
هههههه

حسستني ان المكان فاضي
حتى احتفالات القبايل زحمة ماتحصل مكان
خلهم يسافرون يخففون شوي من الضغط الشوارع بتنفجر من الزحمة

[الاسطوره]

اتمنى ان يكون دوام

مشاءالله يعطيك العافية يابوعلي

[الاسطوره]

الاجازه يوم الخميس :)

[العنيده]

بما ان شغلي مااحتفلو باليوم الوطني ودوامي طويل .. يارب اجازه ابي اطلع اشوف الاحتفالات :weeping: ..

[ya3coub]

احنا مبلغينا من شهر

شركة خاصة و من شهر بأن يوم الخميس اجازة زين طلع منهم شي اخيرا

[][ الوحيد ][]

الخميس ؟؟

[بنت مريخ]

ان شاءالله اجازه

[المحاميه]

ارجع اقول المفروض الخميس اجازه

[المحاميه]

شيخ الديره تفسيرك غلط لنص القانون

[بصمة قطرية]

المدارس الخميس إجازة ..
الإحتفالات في كل المدارس يوم الأربعاء ..

[المحاميه]

^

صحيح

[رحال الدوحه]

السلام عليكم ورحمة الله وبركات ،،

" الخميس اجازة رسمية بمناسبة اليوم الوطني بدلاً عن يوم الجمعة.
خبر صحيح بنسبة 99,9% "

المصدر : ( فضلاً اضغط هنا ) (https://twitter.com/sadeq_mohammad)

[بوخالد911]

ننتظر التعميم
للحين لم يخرج.

[َQernas_Qtr]

كما وصلني

95751

[الحياة الخالدة]

كما وصلني

95751

هل هذا الإعلان رسمي أخوي ؟؟

[][ الوحيد ][]

كما وصلني
95751



هل هذا الإعلان رسمي أخوي ؟؟

ماتطلع الصورة بس اذا نفسها اللي وصلتني فالشي مب رسمي ..

[الحياة الخالدة]

[ الوحيد ][;10274652']ماتطلع الصورة بس اذا نفسها اللي وصلتني فالشي مب رسمي ..

وانا بعد اقول جذي
الاعلانات الرسمية عادة تكون مسبوقة بكلمة : قنا أو شي من هالقبيل ( حسب ما سمعت )

ننتظر و نشوف

[شمس المغيب]

الاعلان في الصورة السابقة يقول :
إدارة العمل والشؤون الاجتماعية
اللي صمم الاعلان مايعرف إنها وزارة مهب إدارة ؟؟؟!!!

[مختلف جداََ]

قانون القطاع الخاص
حدد اجازة اليوم الوطني ( بيوم عمل ) واحد
وبما انه صادف يوم اجازة يجب أن يعوض بيوم آخر . وعلى الأغلب الخميس

[َQernas_Qtr]

ما عندي علم اذا هي رسميه او لا

الصورة نفس ما جاتني على الواتساب وكتبت في الصوره كما وصلني

[عاشق العديد]

مادري بس من ناحية مؤؤسسة قطر ماجانا شي .. العيد يعطونه فيه 5 أيام فمبالكم يوم وطني داوم انت وهو بس ):

[مختلف جداََ]

هل هذا الإعلان رسمي أخوي ؟؟


موقع وزارة العمل مافيه أي شي بخصوص هالموضوع

[الحياة الخالدة]

مادري بس من ناحية مؤؤسسة قطر ماجانا شي .. العيد يعطونه فيه 5 أيام فمبالكم يوم وطني داوم انت وهو بس ):

ههههههههههه داوموا و انتو ساكتين :nice:

[محمد11]

توني طالع من الشرطه العسكريه لاجراء الفحص الطبي للخدمة
قالي بكره اجازه تعال لنا يوم الاحد !!

[الحياة الخالدة]

توني طالع من الشرطه العسكريه لاجراء الفحص الطبي للخدمة
قالي بكره اجازه تعال لنا يوم الاحد !!

جان قلت له يراويك الاعلان الرسمي :nice:

[رجل الجزيرة]

موقع وزارة العمل مافيه أي شي بخصوص هالموضوع

شكله فوتوشوب

[حرف]

عشان ماحد يسافر هههههههههه

[الدوحة 2010]

الله كريم

[للصبر اخر]

احنا محد رد علينا لحد الحييين


شكلي باخذها بدون راتب

[مختلف جداََ]

خلاص
افتلوا
بكره اجازه من عندي

[A-Alansari]

هل هذا الإعلان رسمي أخوي ؟؟

مب رسمي تركيب

وفي الاعلان الرسمي اسمه يوم وطني مب عيد وهاي اكبر دليل انه فوتوشوب

[A-Alansari]

خلاص
افتلوا
بكره اجازه من عندي

هههههههه انت شكلك بتخلي العالم مايداومون واخر شي يطلع مافي اجازة

[الحياة الخالدة]

http://cdn.top4top.co/i_d008758c5f0.jpeg (http://up.top4top.net/)

[الحياة الخالدة]

مبروك

[السكين]

ههههههههههههه

الحياة الخالدة اقري التاريخ

[مختلف جداََ]

http://cdn.top4top.co/i_d008758c5f0.jpeg (http://up.top4top.net/)


بعد هني
بطني
http://www.freesmileys.org/smileys/smiley-laughing021.gif (http://www.freesmileys.org/smileys.php)

[السكين]

بعد هني
بطني
‏http://store1.up-00.com/2015-05/1432647722011.gif

‏http://store1.up-00.com/2015-05/1432647722011.gif

‏http://store1.up-00.com/2015-05/1432647722011.gif

‏http://store1.up-00.com/2015-05/1432647722011.gif

أختفت تراها ،،

أخاف راحت تلف على البيوت تبلغهم :nice:

[المحاميه]

شدعوه للحين مانعرف السالفه

[الحياة الخالدة]

هههههههههههههه
الله يغربل اليهود
كله من رفيجتي نكبتني

آسفة آسفة
طلع الهدف تسلل
إنذار كاذب

[بعيد النظر]

3 الا ربع بيطرشون الايميلات .. ان شاء الله

[المحاميه]

وايد عليهم 3 الا ربع

[المحاميه]

الاجواء كلش ماتساعد على الدوام
انا باخذها من الرصيد بصراحه

[مختلف جداََ]

المحامية شرايج أول ما يعلنون بكرة إجازة
تفتحين استراحتج على طووووووول :nice:

[الحياة الخالدة]

3 الا ربع بيطرشون الايميلات .. ان شاء الله

ليش مستعيلين .. اشدعوة خلهم لين باجر

[بصمة قطرية]

إن شاءالله بكرة أجازة ..
أنا توسطت لكم :)
قلت لمدرسة عيالي بكرة إجازة خخخخخخ

[ميمّ]

ذلونا على هاليوم ههههه مايسوى علينا ><"

[المحاميه]

ايه مختلف بابطل استراحتي بس اخاف الحياه تهاوشني

يبه اخذوها من رصيدكم شبقى على باجر

[مختلف جداََ]

توني طالع من وكالة الهوندا ، كنت في الإدارة عندهم

هم بكرة إجازة :nice:

[العنيده]

ايه مختلف بابطل استراحتي بس اخاف الحياه تهاوشني

يبه اخذوها من رصيدكم شبقى على باجر

واللي ماعنده رصيد :weeping:

[بصمة قطرية]

واللي ماعنده رصيد :weeping:

إخذيها مني يا بنت العم :)
صدقيني إجازة :)
لازم تعزميني لأني بشرتج :)

[المحاميه]

شنو مصدرج يابصمه


اللي ماعنده رصيد ياخذها بدون راتب بس يتحمل العواقب عقب

[ميمّ]

احنا ماعندنا اجازه اعلنو :weeping:

[المحاميه]

اشلون الخاص عنده اجازه والعام لا ؟

[مضارب دوسري]

اتمنى يعلنون يوم الاربعا فليل عشان محد يسافر
هههههه

شكله بيحققون امنيتي

[الحياة الخالدة]

نظراً لعدم تقدم أي من الشهود برؤية هلال الإجازة
فيوم غدٍ متمم لدوام الأسبوع والإجازات بإذن الله الجمعة والسبت وكل عام و أنتم بخير

[مختلف جداََ]

اليوم التعويضي هذا مفروغ منه
بس يا ترى الخميس و لا الأحد :con2:

[شالح بن هدلان]

نظراً لعدم تقدم أي من الشهود برؤية هلال الإجازة
فيوم غدٍ متمم لدوام الأسبوع والإجازات بإذن الله الجمعة والسبت وكل عام و أنتم بخير

عمان أعلنت ان بكرة متمم لسبوع الدوام

[الوسيط العقاري]

لا زلنا منتظرين رؤية هلال إجازه اليوم الوطني

وكل عام وأنتم بخير

[pink pearl]

اللي يعرف يأكد لنا

[الاسطوره]

شسالفة يووووبه

[ahmed saleh]

95763

[المحاميه]

خلاص دام ماعلنوا يعني مش اجازه

المهم انا طالعه اجازه من رصيدي
كفايه كل يوم محبوسين فالدوام

[جبر ال جبر]

بخصوص الصحفي صادق كاتب 99.9% الخميس اجازه اتمنى محاسبته هو وكل شخص كتب انه الخميس اجازه حتى نسكر باب الاشاعات

[مختلف جداََ]

بخصوص الصحفي صادق كاتب 99.9% الخميس اجازه اتمنى محاسبته هو وكل شخص كتب انه الخميس اجازه حتى نسكر باب الاشاعات

من الصحفي صادق ؟؟

وين كتب ؟؟ :omg:

[المحاميه]

لان المفروض اجازه بس ماعرف ليش صار جذي

اممم
كله من الناس اللي تسافر
انا ضد السفر زين يسون فيكم بس بعد ابي اجازه

[جبر ال جبر]

من الصحفي صادق ؟؟

وين كتب ؟؟ :omg:

‏الخميس اجازة رسمية بمناسبة اليوم الوطني بدلاً عن يوم الجمعة.
‏خبر صحيح بنسبة 99,9%
‏âپ§â€«#هداتنا_يفرح_بها_كل_مغبون‬âپ©
‏âپ§â€«#اليوم_الوطني‬âپ©
صادق محمد اعتقد في جريده الرايه دش تويتر واكتب صادق محمد واقراء تغريدته هناك

[مختلف جداََ]

‏الخميس اجازة رسمية بمناسبة اليوم الوطني بدلاً عن يوم الجمعة.
‏خبر صحيح بنسبة 99,9%
‏âپ§â€«#هداتنا_يفرح_بها_كل_مغبون‬âپ©
‏âپ§â€«#اليوم_الوطني‬âپ©
صادق محمد اعتقد في جريده الرايه دش تويتر واكتب صادق محمد واقراء تغريدته هناك


http://cdn.top4top.co/i_a7b7fa1eb50.png (http://up.top4top.net/)

جاب العيد

[بومحمد المطاوعه]

انا اجازه

ولله الحمد

[نورث يورك]

Happy National Day

[شويهينــه]

http://i.imgur.com/pdSzW31.png

[السكين]

http://i.imgur.com/pdSzW31.png

يقصد اجازة جامعة قطر

[أم هشام]

غالبا الاجازة لا الخميس و لا الاحد
بتكون الاثنين عشان العالم ما تسافر من الخميس للاحد و ما حد يحضر احتفالات اليوم الوطني الا الآسيوين
ههههههه

[HAMAD2008]

اصلا فتح الموضوع من اساسه غلط،،فاتحين موضوع اشكبره ومشاركات وتعال وود وجيب وكل واحد يالف على كيفه عشان اجازه ،، لا ويوم واحد بعد

[مختلف جداََ]

إجاااااازة

http://www.freesmileys.org/smileys/smiley-happy014.gif (http://www.freesmileys.org/smileys.php)

[ميمّ]

^
عآدي اصلا شنو يعني ترقد متأخر وتقعد من الفجر تروح الدوام ؟
عادي جداً -_-

[غريب الدّار]

اعتقد انه من الأفضل اغلاق هالموضوع

وفتح موضوع ثاني عنوانه :
الأحد اجازه ولا لا

:nice:

[مختلف جداََ]

اعتقد انه من الأفضل اغلاق هالموضوع

وفتح موضوع ثاني عنوانه :
الأحد اجازه ولا لا

:nice:


لا لا
خل نناقش موضوع الأحد في استراحة المحامية
ههههه

تهجى بيعطونا في الدوام الأحد إجازة :shy:

[غريب الدّار]

لا لا
خل نناقش موضوع الأحد في استراحة المحامية
ههههه

تهجى بيعطونا في الدوام الأحد إجازة :shy:

ا
ب
ت
ث
ج
ح
خ


اكمل ولا؟
لانك قلت لي تهجى
هاذي حروف الهجاء :nice:

ترى احنا نقولها تهقى اخوي مختلف (بالقاف القطرية) اللي هي مثل (الجيم باللهجة المصرية)

:rolleyes:

[مختلف جداََ]

ا
ب
ت
ث
ج
ح
خ


اكمل ولا؟
لانك قلت لي تهجى
هاذي حروف الهجاء :nice:

ترى احنا نقولها تهقى اخوي مختلف (بالقاف القطرية) اللي هي مثل (الجيم باللهجة المصرية)

:rolleyes:

استغفر الله العظيم

يالله خذو

حد يرد عليه

تهقى ؟؟؟؟:eek5:

[العفراء]

حتى احن نقول تهقى المهم لازم مختلف يعتذر لنا عن كلمة تهجى :weeping:

[captin]

وين الجهات الرسمية من هالاشاعات من أمس
وين الامانة العامة لمجلس الوزراء او وزارة التنمية الإدارية

ليش تاركين المجال للاشاعات في اجازة ولا مافي اجازة .

كان المفروض يطلع تصريح رسمي من خلال الاذاعة او وكالة الانباء من بدري امس لحسم
الموضوع

عوما مبين اليوم الصبح من حركة الشوارع ان نسبة الغياب في الوزارات والهيئات توصل الى 70% .

[مختلف جداََ]

عفرا و غريب
أنا لي بالنطق

طيرو زين
لا تخربون المود
يالنفسيات

:tease:

[بصمة قطرية]

عيالي الصغار غابوا ..
مدرستهم مطرشين مسج الانصراف الساعه عشر
نظراً لقلة عدد الطلاب..

[غريب الدّار]

عفرا و غريب
طيرو زين

:tease:

95772

[امل الحياه]

خلاص داومنا وحنا على نهاية الدوام مثل ما قال اخونا نفتح موضوع ثاني :tease:
الاحد اجازه ولا لا :yes:

[بن غيث]

الاجازة الاحد ..

[بصمة قطرية]

سكروا هالموضوع
وافتحوا موضوع
( الأحد إجازة )
و بيعلنون قريب :)

[الحياة الخالدة]

عجبتكم السالفة

ينقل للاستراحة

[المحاميه]

هههههههههه


ياجماعه الاحد اجازه ولا لا :shy:

[مختلف جداََ]

هههههههههه


ياجماعه الاحد اجازه ولا لا :shy:


أخاف أتكلم
الاقي رد الحياة بعدي :tomato:

[المحاميه]

اصلا فتح الموضوع من اساسه غلط،،فاتحين موضوع اشكبره ومشاركات وتعال وود وجيب وكل واحد يالف على كيفه عشان اجازه ،، لا ويوم واحد بعد

طيب قول حق نفسك
ليش متعب نفسك وراد؟
واضح ان وقتك ثمين

[حرف]

‏الديوان الأميري‬ يعلن الأحد عطلة رسمية للدولة
‏
‏â€ھbit.ly/1Yll2JW

[مختلف جداََ]

http://m.alarab.qa/story/737017/الديوان-الأميري-يعلن-الأحد-عطلة-رسمية-للدولة

مبرووووك

[sweet qatar]

آخ ياليت الي كانوا يتحندون علي سالفة الإجازة ما يبونها
و ما يبون الأعضاء يتناقشون فيها

ينحرمون منها


نفسيات يا دافع البلا

[المحاميه]

ابي اشوف ويه كل واحد من اللي قالوا الموضوع بايخ واللي قال اشدخل اجازه واللي قال مانبي اجازه واللي فسر نص القانون غلط واللي قال مايعتبر عطله رسميه ووو الخ

ها؟ شنو شعوركم الحين؟
والله لو انا صاحبة القرار باخليكم تداومون غصب

مره ثانيه لما اقول كلمه تنسمع
من البدايه قلت المفروض يعوضونا عن يوم الجمعه وكلامي صح

لاعزاء لكم ياللي قطيتوا كلام غير مدروس
انا طوفت وايد ردود ومارديت عالكل لاني كنت انتظر هاللحظه واكتفي بهالرد

الاحد اجازه :)

[المحاميه]

وخلوا القانون للقانونيين وعن التفلسف البايخ

[رحال الدوحه]

السلام عليكم ورحمة الله وبركاته ،،

" الدوحة في 17 ديسمبر /قنا/ أعلن الديوان الأميري أنه بمناسبة اليوم الوطني للدولة الموافق 18 ديسمبر 2015
فقد تقرر أن يكون يوم الأحد الموافق 20 ديسمبر 2015 عطلة رسميّة على أن يباشر الموظفون أعمالهم
يوم الإثنين الموافق 21 / 12 / 2015. "

* المصدر فضلاً اضغط هنا (http://www.qna.org.qa/News/15121723030147/%D8%A7%D9%84%D8%AF%D9%8A%D9%88%D8%A7%D9%86-%D8%A7%D9%84%D8%A3%D9%85%D9%8A%D8%B1%D9%8A-%D9%8A%D8%B9%D9%84%D9%86-%D8%A7%D9%84%D8%A3%D8%AD%D8%AF-%D8%B9%D8%B7%D9%84%D8%A9-%D8%B1%D8%B3%D9%85%D9%8A%D8%A9-%D9%84%D9%84%D8%AF%D9%88%D9%84%D8%A9)

[بصمة قطرية]

سكروا هالموضوع
وافتحوا موضوع
( الأحد إجازة )
و بيعلنون قريب :)

:)
فديتني بشرتكم بس ما صدقتوني :)

[HAMAD2008]

ابي اشوف ويه كل واحد من اللي قالوا الموضوع بايخ واللي قال اشدخل اجازه واللي قال مانبي اجازه واللي فسر نص القانون غلط واللي قال مايعتبر عطله رسميه ووو الخ

ها؟ شنو شعوركم الحين؟
والله لو انا صاحبة القرار باخليكم تداومون غصب

مره ثانيه لما اقول كلمه تنسمع
من البدايه قلت المفروض يعوضونا عن يوم الجمعه وكلامي صح

لاعزاء لكم ياللي قطيتوا كلام غير مدروس
انا طوفت وايد ردود ومارديت عالكل لاني كنت انتظر هاللحظه واكتفي بهالرد

الاحد اجازه :)
لاحول ولا قوه الا بالله ...ليكون فايزه بجائزه الدوله عشان هذا الرد..اختي الاجازه للجميع مش لج انتي بروحك ..انتو ناس تحنون وتعورون الراس ماصارت اجازه هذي..اتمنى بس المره القادمه تهدين اعصابك شوي هههههه