السراميك الاسباني و الصيني ...سوال لو سمحتوا

[$الملياردير$]

الله يصبحكم بالخير ..يالربع بغيت استفسر الله يرضى عليكم عن الفرق الجوهري بين السراميك الاسباني و الصيني ...من ناحية الجودة و اللون ...علما ان المحلات اللي تبيع اسباني تقول لا تاخذ صيني ... و الصيني يقولو انا نخب اول ...يوجد في بعض المحلات تقارب في الاسعار ...الواحد احتار بعضهم يقولون انه يصنع في الصين و يكتبون عليه اسباني هل هذا صحيح ...ارجو النصيحة وجزاكم الله خير ...ولو تنصحوني بمحلات تكون ثقة مع الشكرالجزيل

[qtr432]

الله يصبحك بمثله،،
الاسباني افضل طبعا بدون مقارنه وغالباً اهل الصيني بقولون الصيني افضل وكلهم نفس الشي ولكن عند التركيب تلاحظ الفرق، ونصيحه لك ركب بورسلان افضل واقوى من السيراميك..
وعن المحلات هناك محلات بطريق سلوى ومنها على سبيل المثال الضحى وكنتوار وغيرهم واسعارهم معقوله وعندك الافضل والاغلى لدى المتحده وايضا نانبيا عنده الرخيص والغالي وكلهم جيدين.
وعن تجربه تم تركيب صيني وكان زيور جوينت واثناء التركيب قالي المبلط لا يحبذ التركيب بالزيرو لانه هناك فروقات بالاحجام ولا يستوي الخط بالخط وانا اثق بكلامه وعمله وقتله لا ركب غرفه وحده وعلى مسؤليتي واتضح بعد التركيب فعلاً كلامه كان صحيح ولكن مع وضع الروبه قلل من المشكله الظاهريه بالعين، واذا حبيت تبتعد عن هذي المشاكل عليك بالصليب (القطعة البلاستيكيه) اثنين ملي لانها تمتلي المساحه الفاصله بين البلاطتين بالروبه مما تخفي العيوب ان وجدت وان شاء الله لا توجد.
ولا تنسى موضوع التمدد عند تركيب بلاط الحوش وبلاط السطح ان وجد ويكون اثنين ملي كل اربعه أو سته متر، يضع فيه ماده مثل الفلين تسمح له بالتمدد والانكماش واصحاب الشركات المختصه أو منفذ المشروع ممكن يفيدك بالتفاصيل اكثر.

[$الملياردير$]

جزاك الله خير ... و تسلم يمينك ...اللي اعرفه ان السراميك في الحمامات و البورسلان في الأرضيات صح ... والا وش قصدك ياخوي

[معماري قطري]

اسمح لي بالرد إخوي المليونير

السيراميك والبورسلان تفرق بينهم من البسكوتة أو الحشوة التحتية .. السيراميك طريقة قديمة وعبارة عن حشوة طينية ( فخارية ) وفوق يصبون اللون اللي يخلط يدوياً أو ميكانيكياً ويجي من مواد زجاجية .. الطريقة معروفة والتصاميم معروفة وتنفذ في كثير من الدول من زمان .. وفي الغالب ما تجي المقاسات وحدة

عجينة البورسلان أسمك وتجي مضغوطة أكثر ويحتاج تكنولوجيا أعلى وضغط وحرارة عاليين حق يصنع وطبقة التزجيج تكون أوقات من مادة البورسلان ومضغوطة وناعمة ودرجة شرب الجسم للماء قريبة من الصفر ودرجة الصلابة كبيرة ودرجة الكحت .. اللي هي الخدوش أو مقاومة الخدوش تكون كبيرة وأعلى حتى من الغرانيت

ببساطة غالبية الصيني يجيك بورسلان رديء بنكهة السيراميك الرديء .. يعني ممكن تحصل سيراميك أسباني أو ايطالي أو حتى صيني جيد أعلى من البورسلان الصيني .. فيه نوعيات زينة بس عندنا تنافس في الحصول على الرخيص برخيص وبيعه بأضعاف سعره

البورسلان الصيني بعضه تحصل طلاء السيراميك عليه وسايل على الأطراف وتخدشه تواير الكراسي وتعلم فيه ويمسك الغبار ولا تجي قطعه متساوية تبي تشوف الفروقات اسأل عن سيراميك فالنتينو الايطالي عند شبيب وعلي العطية وبوختال الألماني نسيت عند من وفيه كم نوع ايطالي عند العمودي وشوف تدمر .. العبيدلي اظن ولا المسند ممكن عندهم بختال وممكن عند غيرهم .. وكثير من مصنعين السيراميك اتجهوا للبورسلان ولو تحصل ماركة تصنع في الصين خذ من منتجهم بس يكون مثل ما شرحت مب بورسلان بنكهة السيراميك

لو هالشلة كلهم عندهم صيني خذ سيراميك أفضل لك أو شوف من دول حولنا .. سيراميك الجوهرة مصري من أجود الأنواع وفيه اسم ثاني نسيته وفيه صناعة مغربية بنقوشات اسلامية ويجي غالي ومطلوب في اوروبا وأمريكا وما ادري اذا يوصلنا أو لا لكن في السعودية مؤكد موجود

[$الملياردير$]

جزاك الله خير ... اخوي الكبير معماري ... دائماً وافي في شرحك ... جعل والديك في الجنة

[معماري قطري]

جزاك الله خير ... اخوي الكبير معماري ... دائماً وافي في شرحك ... جعل والديك في الجنة

آمين ووالديك ووالدي من يقرأ

طريقة التركيب ومواد التركيب هي اللي تبرز نوع السيراميك أو تخربه

التركيب على صبية مستوية ولو بلاصق يحتاج تشميخ نسوي تشميخ وتخشين للصبية أو البلاستر ولو اللاصق ما يحتاج ما فيه داعي للتشميخ .. المونة اللي بين البلاط حسب لونه ومكانه وشكثر الفراغ .. زيرو جوينت عندك السائلة الشفافة أو الناعمة جداً حتى تدخل بين الفراغات البسيطة .. فيه نوعيات تحتاج تحط لون يختلف .. مثلاً البلاط عندك أسود وبتسوي فراغ 1 سم أو حتى عندك بعض الأنواع تقدر تخليه 2 سم بدون ما تتشقق المونة وتقدر تحط ألوان جريئة مثل الأحمر والأصفر وغيرهم حسب فكرة التصميم والمناسب عندك

تعودنا على البيج والقراوت المقارب للون البلاط ولا نغامر بلون عكس لون البلاط وحتى لون بلاط غير وشوي داكن

[@north_star@]

النوعيات الممتازة من البلاط الصيني صعب تحصلها بقطر أو شبه مستحيل لان الغالبية يجيبون اردأ نوعية ويقولك نخب أول وهي تكون نخب عاشر ... خلك على البلاط الايطالي أو الاسباني مثل ما تفضلوا الاخوان .... وبخاصة البورسلان ومن مساوئ البورسلان الصيني انه يمتص السوائل ويطبع بلون البورسلان طبعا بعض النوعيات ومرات تختلف الاحجام وحتى لو اختلف الحجم راح يأثر على التركيب ونصيحة لا تاخذ أسباني أو ايطالي الا ماركات معروفة أو على الاقل مجربة .

[$الملياردير$]

جزاك الله خير اخوي نورث ستار ...مثل ماتفضلت الخوف ان اللي يجيك السوق صيني نخب ردي ... على انهم ألوانهم بعضها حلو جدا

[بوخالد911]

الله يوفقكم.

[$الملياردير$]

الله يوفقكم.

ويوفقك اخوي بوخالد

[المهندس عبدالعزيز]

ما يهم مكان الصنع الصين بنجالاديش سويسرا فرنسا اهم شي سمك السيراميك والمواصفات والعينة تنجح في المختبر

انا اقول اختار صيني اذا كان سعره مناسب

[معماري قطري]

ما قلت لنا عاد أي اختبارات بيسويها المختبر .. وهو ضروري يكون فحص لأَي عينة تدخل قطر وتأكيد المواصفات المكتوبة من المُصَنع ولو فيه تجاوز وغش الزام التاجر بارجاع البضاعة وعدم بيعها في قطر .. انا سئلت عن المواصفات الهندسية البعض عطوني اياها مكتوبة وواضحة والبعض ما عطوني وأهم مواصفة عندهم بلد الصنع والسمك

هذي مثلاً الإختبارات القياسية للمواصفات الأمريكية للاختبار للمواد .. بس علشان تدخلها لازم تدفع اشتراك وتسوي حساب

http://www.astm.org/Standards/glass-and-ceramic-standards.html

وهذي مواصفات بورسلان ميراج الايطالي وصورة له

http://www.mirage.it/en/porcelain-stoneware/technical-specifications/

وهذي مواصفات التركيب الهندية للمهتمين

http://cidco.maharashtra.etenders.in/tnduploads/cidco/tndheader/TND000003000000000000MAH06907.pdf

فيه درجة مهمة واختبار مهم اللي هو موه وهو يصنف المواد الحجرية الى 10 مجموعات وكل ما قل الرقم يعني المادة سهلة الخدش مثل الطبشور 1 والجبس 2 الجبس شوي أصلب من الطبشور وأقواهم الألماس حيث إنه يخدش باقي المواد وهذا الجدول

http://i.imgur.com/LnrrDwJ.png

لو تحصل بورسلان صيني درجة كحته 7 وباقي مواصفاته من حيث نسبة الاستطالة ونسبة التقوس مقبولة مثل ما هي مذكورة في الروابط السابقة خذه وانت مغمض لو سعره مناسب .. لكن اللي بتحصله موجود غالبيته طلاء خفيف ويطير من دوس الرجل وهذا اللي قصدته ببورسلان بنكهة السيراميك الرخيص وشوف الأطراف بتلاحظ قصتها منحنية شوي وبتلاحظ فيها كسور بسيطة وبتلاحظ الطلاء نازل على الحشوة التحتية

هذا بعد رابط مهم فيه اختبارات مهمة

http://engineeringspeak.com/technical-specification-for-tiles/

منه اقتبست هذي المواصفات المهمة .. وهي عدم التصاق الأصباغ في سطحه

Staining Resistance: Graded from grades 1 to 5, determines the easiness of removal of the visible colors from the tile surface. The tiles from the surface of which, the colors can be removed in the easiest way (with the use of hot water and a fabric) correspond to grade 5.
Class 5 Stain removed with hot water
Class 4 Stain removed with weak cleaner
Class 3 Stain removed with strong cleaner
Class 2 Stain removed with specific solvents
Class 1 Stain not removed
Household Chemical: When subjected to daily household chemicals, the tiles should have at least passed Class B where the various definitions are as below
Class A: No apparent Surface Change
Class B: Effects of aggression are there, but not very evident
Class C: Very Visible Effects of aggression
Thermal Shock:Thermal shock testing exposes products to alternating low and high temperatures to accelerate failures caused by temperature cycles or thermal shocks during normal use. Tiles should withstand at least 10 cycles

[المهندس عبدالعزيز]

ما قلت لنا عاد أي اختبارات بيسويها المختبر .. وهو ضروري يكون فحص لأَي عينة تدخل قطر وتأكيد المواصفات المكتوبة من المُصَنع ولو فيه تجاوز وغش الزام التاجر بارجاع البضاعة وعدم بيعها في قطt least 10 cycles

اخوي معماري كلامك صحيح، لكن السوق حالياً صعب تحصل مواصفات للمواد خصوصاً لاعمال بسيطة مثل الملاحق، اذا ودك تتعمق في المواصفات ممكن تقرى المواصفات القطرية للبناء فيها شرح كامل عن الاختبارات المطلوبة

[$الملياردير$]

ماشاء الله عليكم ... علمكم غانم

[معماري قطري]

اخوي معماري كلامك صحيح، لكن السوق حالياً صعب تحصل مواصفات للمواد خصوصاً لاعمال بسيطة مثل الملاحق، اذا ودك تتعمق في المواصفات ممكن تقرى المواصفات القطرية للبناء فيها شرح كامل عن الاختبارات المطلوبة

قريت النسخ السابقة وكلها اشارات لمواصفات عالمية ما ادري لو ضبطوها ألحين

بعدين للملاحق حتى الشعبي ينفع وعندنا الإماراتي البورسلان قصدي وايد زين

[معماري قطري]

ماشاء الله عليكم ... علمكم غانم

وزع بيتك مساحات والمكان المهم حط فيه نوع زين والعادي خله للأماكن الثانوية .. انا غامرت في مساحات مفتوحة بس مفصولة بقوس بدون باب ركبت لون أسود وجنبه بيج .. وفي غرفة خلطت أسود ووردي على بنفسجي كله اللي عندي ايطالي شيء من العمودي وشيء من شبيب وعلي العطية والقراوت كله خاص من المتحدة وخذت ايبوكس من العمودي .. الإيبوكسي خذت أسود وركبته على بلاط بيج .. لكن ما شاء الله طلع خط أسود تقول قطعة بورسلان قوية لا يتوصخ ولا ينقشع من مكانه .. اللي يبي يحط في الحمامات مستحيل الماي يتسرب من تحت البلاط .. بس القراوت وايد غالي وطريقة تركيبه وايد ما يعرفونها ولخلطه يحتاج خلاط ميكانيكي وبعد ما ينحط ينمسح البلاط سرعة لأنه ما يطير لو بقى شوي

[$الملياردير$]

بارك الله فيك ... اخوي معماري ... وربي يبارك لك

[(عبدالله)]

البورسلان طبعاً أقوى من السيراميك لأنه 3 طبقات والسيراميك طبقتين

الصناعات الإيطالية والإسبانية بشكل عامة خاضعة للتدقيق قبل التصدير لتوافق المواصفات القياسية الصناعية سواء المحلية أو الأوروبية لذلك جودتها عالية جداً

أما الصناعات الصينية فمالها ستنادر محدد ممكن ترجع له أو تقول سمعتها محددة... جودتها في النهاية لك كمستهلك بتكون إما بناءاً عن تجربة حد تعرفه وعطاك تجربته أو إنك تصدق البائع وتاخذ على كلامه.. أو بسمعة الشركة اللي في قطر تبيع لك

لذلك.. ريح مخك وخذ الاسباني أو الإيطالي

والله يوفقك

[معماري قطري]

إسمح لي إخوي عبدالله أول مرة اسمع عن بورسلان 3 طبقات ويمكن النوعيات الرخيصة منه

الأعلى هو المسمى كامل الحشوة بورسلان .. ما ادري اذا ترجمتها صح fully vitrified وهذا اللي يجيك طبقة وحدة .. للتخشين أوقات يحطون عليه كيماويات تسوي حفر بسيطة ما تنشاف بالعين أو طلاء خاص مزجج يعطي لمعة ويقاوم تغير اللون والالتصاق وفي نفس الوقت ما يزحلق

معايير الجودة الأُوروبية صحيح عالية جداً

الإيطاليين قاموا يستخدمون النانو تكنولوجي في صناعة أنواع نادرة جداً وغالية من البورسلان الغرانيتي .. وهي قشرة بسيطة من الغرانيت النادر توضع على عجينة البورسلان بمعالجة خاصة .. هذي لوحة فنية صعبة جزء منها ينجح ويكون فرز أول وجزء كبير يكون فرز ثاني .. الأول سعره 700 وفوق حسب نوع الغرانيت وندرته والثاني حول 200

وصل المنتج عند البعض وهذي قريتها كمعلومة ولا شفتها لدرجة بعض الأنواع تعطي ريحة عطرية على مدى 20 عام وبعضها ما تنشمخ وتبقى لامعة طول فترة حياتها ويسهل تنظيفها بالماء فقط .. بعضها تاخذ ثاني اكسيد الكربون وأول اكسيد الكربون وتحوله لأُوكسجين .. واللي حاب يتعمق أكثر يقرأ كتاب عن النانو تكنولوجي ومواد البناء ويقدر ينزله من فورشيرد www.4shared.com

عجبني منتج بعد اللي هو يجي شبه شفاف وداخله قطع لامعة ذهبية وفضية وبعضها ورق ذهب واتوقع حرام .. ما اقدر افتي باستخدامه

[(عبدالله)]

معلوماتك أصح وأدق اخوي معماري قطر

يعطيك العافية

[معماري قطري]

معلوماتك أصح وأدق اخوي معماري قطر

يعطيك العافية

الله يعافيك ما حبيت أغلطك بس انا ما سمعت ولمعرفتي إن الطبقات يحطونها الصينيين بحيث يسون عجينة البورسلان وعليها تكون طبقة سيراميك وشفت عينة طايرة الطبقة البسيطة بسبب رداءَة المواد والمصنعية فقلت يجوز يحطون ثلاث طبقات وكان ردي تساؤل واستفسار

[معماري قطري]

عن إن البورسلان أقوى من السيراميك صحيح هو يصنع تحت ضغط كبير وحرارة كبيرة وبآلات .. السيراميك يدخل فيه الفن اليدوي مثل الفخار تقريباً