الأم الموظفه بين الأمس واليوم

[حرف]

مادري احس الامهات الموظفات قديماً ظروفهم الحياتيه افضل من موظفات اليوم
احس كان فيه مراعاه لظروفها قبل قانون الموارد البشرية طبعاً يوم كان المسئول المباشر يحل ويربط ويرقي وكل شي في يده

تخيلوا ام يمرض طفلها ويتنوم في المستشفى مالها اجازة مرافق ؟!!!!

اول كانوا بالكثير الساعه وحدة ونص في بيوتهم الحين اغلبهم من ثلاث و ورى متى بترتاح متى بتشوف عيالها ؟

[بصمة قطرية]

الحين بيجونك بيقولون خلها تقعد في البيت
تجابل عيالها
ليش تشتغل ..!!
مكانها في البيت ..!!
و دامها مب قد الشغل ليش تشتغل ..!!!

مسكينة الموظفة الأم ..
وايد مظلومة و حقوقها ضايعة و لين تكلمت
طاحوا في بطنها ..

[فريج النجادة]

تناقشت من كم يوم مع دكتور بخصوص الاجازات

يقول اي رجال يجيني لا اتردد في صرف الدواء والاجازة

المشكلة عند النساء هداهم الله

يغارون من بعضهم البعض ويحسد بعضهم البعض

الى ان اقنعو الجهات المعنية لا تصرفون للنساء اجازة لانهم كذابين

ولا حول ولا قوة الا بالله

[H H]

ليتهم ينزلون قانون بمنع توظيف المتزوجه الي زوجها على راس العمل في المؤسسات الحكوميه.
العزباء والمطلقه والارمله ممكن , اما المتزوجه , تقعد فالبيت تربي عيالها ابرك.

مستعد اشارك في صياغة نص هالماده اذا توجهت لي دعوه :shy:

[حرف]

الحين بيجونك بيقولون خلها تقعد في البيت
تجابل عيالها
ليش تشتغل ..!!
مكانها في البيت ..!!
و دامها مب قد الشغل ليش تشتغل ..!!!

مسكينة الموظفة الأم ..
وايد مظلومة و حقوقها ضايعة و لين تكلمت
طاحوا في بطنها ..

ليش تقعد في البيت الصبح بروحها في البيت ؟
العيال على كل حال هذة الفترة في مدارسهم
وجودها بمفردها في البيت بحد ذاته اكبر خطر

[حرف]

تناقشت من كم يوم مع دكتور بخصوص الاجازات

يقول اي رجال يجيني لا اتردد في صرف الدواء والاجازة

المشكلة عند النساء هداهم الله

يغارون من بعضهم البعض ويحسد بعضهم البعض

الى ان اقنعو الجهات المعنية لا تصرفون للنساء اجازة لانهم كذابين

ولا حول ولا قوة الا بالله

الدكتور هذا ماعنده امانه
شلون كل رجل يعطيه اجازه على طول ؟

[فريج النجادة]

الدكتور هذا ماعنده امانه
شلون كل رجل يعطيه اجازه على طول ؟

اكيد اذا يستحق

[حرف]

ليتهم ينزلون قانون بمنع توظيف المتزوجه الي زوجها على راس العمل في المؤسسات الحكوميه.
العزباء والمطلقه والارمله ممكن , اما المتزوجه , تقعد فالبيت تربي عيالها ابرك.

مستعد اشارك في صياغة نص هالماده اذا توجهت لي دعوه :shy:

بهذا القانون الي تبيه بترجع توظيف الاجانب رجال ونساء والنساء بيكون عددهم كبير لان اغلب الازواج يشتغلون في جهات خاصة غير حكوميه

[بنت مريخ]

ليتهم ينزلون قانون بمنع توظيف المتزوجه الي زوجها على راس العمل في المؤسسات الحكوميه.
العزباء والمطلقه والارمله ممكن , اما المتزوجه , تقعد فالبيت تربي عيالها ابرك.

مستعد اشارك في صياغة نص هالماده اذا توجهت لي دعوه :shy:

ماطلعت من بيتها تشتغل الا محتاجه مسكينه
من يبي طلعه الصبح وزحمه الشوارع
يمكن زوجها مايصرف عليها ويمكن عنده التزامات و يمكن ويمكن
لعلمك الحين رياييل يدورون اشغال لحريمهم لان كل شي غالي و راتب الزوج احيان كثيره مايكفي

[حرف]

اكيد اذا يستحق

والحريم بعد يستحقون

الفيصل هو النشخيص والمرض

[بصمة قطرية]

اكيد اذا يستحق

من اللي يقرر أذا يستحق ..!!!
مب نفسه اللي بيقرر إذا المرة تستحق ..!!
و لا خلاص صارت قاعدة عنده هو يستحق هي لا تستحق ..
عجبي ..

[مختلف جداََ]

الحل
الحكومة تصرف لهم نص راتب و يقعدون في بيوتهم معززين .
ويصرفون لكل طفل مبلغ معين لين يخلص الثانوية .

بهالطريقة بيكون في مدخول يساعد الأسرة .
و ما بتحتاج المرأة إنها تترك بيتها .

[فريج النجادة]

من اللي يقرر أذا يستحق ..!!!
مب نفسه اللي بيقرر إذا المرة تستحق ..!!
و لا خلاص صارت قاعدة عنده هو يستحق هي لا تستحق ..
عجبي ..

بعض الحريم الله يهديهم ما يسكتون

اذا شافو وحدة منهم اخذت اجازة!!!

[حرف]

الحل
الحكومة تصرف لهم نص راتب و يقعدون في بيوتهم معززين .
ويصرفون لكل طفل مبلغ معين لين يخلص الثانوية .

بهالطريقة بيكون في مدخول يساعد الأسرة .
و ما بتحتاج المرأة إنها تترك بيتها .

لا هذا موب حل
الوظايف بتفضى للاجانب واحنا نبي التقطير في كل الوزارات الحكومية والمناصب في الشركات من رئيس قسم وطالع للقطرين

[مختلف جداََ]

لا هذا موب حل
الوظايف بتفضى للاجانب واحنا نبي التقطير في كل الوزارات الحكومية والمناصب في الشركات من رئيس قسم وطالع للقطرين

مممممم
طيب
فنشو كل الأجانب
و شغلو كل القطريين
رجال و نسوان

شرايك ؟

[حرف]

مممممم
طيب
فنشو كل الأجانب
و شغلو كل القطريين
رجال و نسوان

شرايك ؟

لا هذا بعد موب حل
احنا محتاجين للعمال اكثر شي
ومحتاجين للعباقرة والدكاتره والمهندسين اصحاب الخبرة غيرهم جزاهم الله خير مكتفين منهم

[بصمة قطرية]

بعض الحريم الله يهديهم ما يسكتون

اذا شافو وحدة منهم اخذت اجازة!!!

شلون يعني ..!!
و هل اللي بتاخذ إجازة ماخذتها عشان تسافر مثلاً ..!!
أكيد خذتها لأنها مريضة ..
ما بيسكتون عشانها مرضت و خذت إجازة
خلهم يمرضون و يستانسون بالإجازة ..!!
مستغربة شنو يعني ما يسكتون ..!!!

[مختلف جداََ]

أنسحب من الموضوع
مع الشكر لكاتبه

[حرف]

أنسحب من الموضوع
مع الشكر لكاتبه

حياك الله اخوي واتمنى ماتزعل من كلامي
ويبقى الحب والاحترام لكم اخوي وحياكم الله بين اخوانكم

[مختلف جداََ]

حياك الله اخوي واتمنى ماتزعل من كلامي
ويبقى الحب والاحترام لكم اخوي وحياكم الله بين اخوانكم
مب زعلان يالشيخ
و حيا بك بين ربعك و جماعتك و اخوانك

[ضوى]

انا مرة واشتغل من 24 سنة ، يعني عاصرت الامس واليوم ، مايختلف الامس عن اليوم ، يمكن الامس كان جهاد اكثر بالنسبة لي عالاقل كنت ادرس واشتغل واربي عيالي وادرسهم وماعندي خدامة وزوجي كله مناوبات ، الله يخلي امي وابوي رحمة الله عليهم وقفوا معاي في غياب زوجي وخواتي ماقصروا بعد كلا ساعدني باللي يقدر عليه ، وضع كان صعب وعيالي صغار وظروفنا المادية صعبة نبني بيتنا ورواتبنا قليلة ، االحمد لله تعبنا وايد صج لكن الحمد لله استثمرنا الوقت والجهد والمال في عيالنا ماهملناهم لخدم ومدرسين ، واليوم نشوف النتايج الحمد لله ، وموظفات هالوقت صح ظروفهم اعتبرها انا اصعب من ظروفنا قبل قبل كان في مرونة وتشجيع للقطرية انها تكمل والكل يساندها ، الحين صادهم تشبع بالحسرة تقدر تطلع من دوامها وبالحسرة تقدر تكمل تعليمها وبالحسرة ترافق عيالها لمرضوا بسبب قوانين وضعية غبية ماراعت لا ام ولا زوجة ولا حرمة اصلا
نعم من حقنا نشنغل بشهاداتنا ، من حقنا ننفع بعلمنا ومن حقنا نفيد المجتمع اللي عطانا ، اقعد في البيت ليش خير ان شاء الله ، اذا ساعدتني الدولة اوقف على ريلي وابني هالمجتمع وهي من صوب ساعدتني اهتم بعيالي ماكون قلقلة عليهم توفر لي بمقر عملي حضانة اتطمن عليهم في هالوقت اللي عندي تحت نظري ، هالشي لازم يسوونه بكل وزارة وادارة مكان لاطفال الموظفات ماقصد طبعا المدارس لانه امدارس والروض احفظ لهم انا اقصد سن مادون ذلك ، حتى الانتاجية بتزيد ، وفروا الراحة للام العاملة وهي يتنجز لكم وهذا اكيد

[حرف]

انا مرة واشتغل من 24 سنة ، يعني عاصرت الامس واليوم ، مايختلف الامس عن اليوم ، يمكن الامس كان جهاد اكثر بالنسبة لي عالاقل كنت ادرس واشتغل واربي عيالي وادرسهم وماعندي خدامة وزوجي كله مناوبات ، الله يخلي امي وابوي رحمة الله عليهم وقفوا معاي في غياب زوجي وخواتي ماقصروا بعد كلا ساعدني باللي يقدر عليه ، وضع كان صعب وعيالي صغار وظروفنا المادية صعبة نبني بيتنا ورواتبنا قليلة ، االحمد لله تعبنا وايد صج لكن الحمد لله استثمرنا الوقت والجهد والمال في عيالنا ماهملناهم لخدم ومدرسين ، واليوم نشوف النتايج الحمد لله ، وموظفات هالوقت صح ظروفهم اعتبرها انا اصعب من ظروفنا قبل قبل كان في مرونة وتشجيع للقطرية انها تكمل والكل يساندها ، الحين صادهم تشبع بالحسرة تقدر تطلع من دوامها وبالحسرة تقدر تكمل تعليمها وبالحسرة ترافق عيالها لمرضوا بسبب قوانين وضعية غبية ماراعت لا ام ولا زوجة ولا حرمة اصلا
نعم من حقنا نشنغل بشهاداتنا ، من حقنا ننفع بعلمنا ومن حقنا نفيد المجتمع اللي عطانا ، اقعد في البيت ليش خير ان شاء الله ، اذا ساعدتني الدولة اوقف على ريلي وابني هالمجتمع وهي من صوب ساعدتني اهتم بعيالي ماكون قلقلة عليهم توفر لي بمقر عملي حضانة اتطمن عليهم في هالوقت اللي عندي تحت نظري ، هالشي لازم يسوونه بكل وزارة وادارة مكان لاطفال الموظفات ماقصد طبعا المدارس لانه امدارس والروض احفظ لهم انا اقصد سن مادون ذلك ، حتى الانتاجية بتزيد ، وفروا الراحة للام العاملة وهي يتنجز لكم وهذا اكيد

نعم هذه هي المشاركة القيمه
والتي جات من خلال خبرة وتجربه
وفيها العديد من الحلول
ليش مايكون فيه قانون للموظفات يختلف عن قانون الموظفين ؟

[ميمّ]

الحياة غاليه وكل مالها وتغلى , ولو في رجال يتحمل كل اعباء هالزمن من ( بيت ومصاريف وسياره وسفر ...والخ )
فهذا مو معناته ان الكل يقدر يخلي مرته في البيت .!
الحياه الزوجيه مسانده كل واحد يسند الثاني سواء فسالفة الفلوس والا غيرها ..
مافي حياه كاملة لابد من التضحية بشي مهم لشي أهم ,
الحياة الي نحلم بها فالجنه .. لكن في الدنيا لابد تضحي عشان حياه اجمل في المستقبل مثل ما اهالينا واجدادنا ضحو باشياء واجد عشان نعيش هالحياه الترفه !

[العنيده]

التوقيت يكون الحل ..
طول فترة العمل ,
طبعا متطلبات الحياه اختلفت فساعات العمل اختلفت وزادت في اغلبها , اختلاف الاوقات وطولها في بعض الاماكن
سبب ربكه كبيره في بناء العايله ماراح اتكلم عن المتزوجين بتكلم عني كبنت .. امي فديتها تشتغل في جهه وقتها للحين بنظام ساعات اقل
لها فرصه تجي تشوف البيت ومتطلباته الله يحفظها ان شاء الله .. و اختي تشتغل في مكان بوقت طويل :rolleyes2: عيالها عندنا للعصر عشان وقتها اختلف بوقت طلعتهم ..
الوقت لو يكون في تقليل للمراه المتزوجه عشان تنجز بذمه لشغلها وبنفس الوقت تلحق على بيتها وتشوف امورها ..

وشكرا ..

[حرف]

الحياة غاليه وكل مالها وتغلى , ولو في رجال يتحمل كل اعباء هالزمن من ( بيت ومصاريف وسياره وسفر ...والخ )
فهذا مو معناته ان الكل يقدر يخلي مرته في البيت .!
الحياه الزوجيه مسانده كل واحد يسند الثاني سواء فسالفة الفلوس والا غيرها ..
مافي حياه كاملة لابد من التضحية بشي مهم لشي أهم ,
الحياة الي نحلم بها فالجنه .. لكن في الدنيا لابد تضحي عشان حياه اجمل في المستقبل مثل ما اهالينا واجدادنا ضحو باشياء واجد عشان نعيش هالحياه الترفه !

كلامك صحيح اخوي ميم
على شان جذي نطالب بتغير القانون للموظفات

[H H]

حرف عزيزي يعني عشان لاتروح الوظيفه للاجنبي نخلي اساس الاسره تطلع من البيت من ست الصبح للعصر
وترجع تبي تريّح شوي من تعب الدوام وتقوم المغرب ومايمديها تشوف عيالها شوي الا ووقت النوم وصل ولازم العيال ينامون.
وهي بعد لازم تنام بدري عشان تصحى اليوم الثاني للدوام بدري وهلم جرى ؟ ليه كل هذي؟

[H H]

الي يتكلمون عن الاعباء الماديه , اذا الماديات صارت عاليه المفروض تقللون منها موب تضحون باساس الاسره عشان رفاهيه!
الانسان يوازن بين الماده والاسره , مايقصر في جهه لاجل الاخرى! مايظلم الاسره لرفع الماده!!

[H H]

التقصير بيكون في حق العيال والزوج والبيت بالكامل! سؤال فقط , هالثلاثين والا الاربعين الي بتروح على مصاريفها الشخصيه , تستاهل كل هذا؟
والا انك تعطيها اخر الشهر خمس الاف وتقولها دبري عمرك وتتمتع الاسره بكل الي انت تمتعت فيه وانت صغير!

تمتعنا بجو اسري جميل, نرجع من المدرسه نلقى امهاتنا ينتظرونا , يزفّونا اذا ماغسلنا يدينا يحطون لنا الاكل ويعرفون كل واحد فينا شكثر ياكل
والي ماياكل ينعرف وامه تحاتيه وابوه اول من يعلم , كل شي فحياتنا صار قدام امهاتنا! لعبنا تكسيرنا ضربنا , حصلنا على تربيه كامله والكامل الله!

وبعد كل هذا , تجي وتحرم ولدك وبنتك من هالحياه ؟ ليه ؟ باي حق؟ عشان الكماليات والرفاهيه الي على غير سنع؟

اذا تكلمنا فهالموضوع محناب خالصين , وكلن عارف البير وغطاه

[الهديل]

Hh
جزاك الله خير
كلامك في الصميم

[المخفي]

انا مع خروج النساء الساعة 1 و راتب يناسب ساعات العمل بالطريقة هذي نحافظ على الاسرة من التفكك
و نطالب بعمل حضانة في مقر العمل اسوة بالسعودية

[Qtr37]

وقت دوام الزوجة هالزمن هو وقت دوام الزوج ايضا وهو وقت دوام الابناء اذا كانوا في مرحلة الدراسه
الكل يرجع البيت يبي يرتاح،، صح ان الضغوطات زادت وفي حلول اخرى للمرأة تخلي الدوام يكون مناسب اكثر لها ، مثل تقليل ساعات العمل ،،
ع الاقل لو كانت تعمل مدرسه تداوم تعطي حصصها وتقعد شوي تخلص بعض الاشغال وترجع البيت :)
عيل تبون من يدرس بناتنا؟ وعقب تشتكون ليش المدارس ما فيها مدرسات قطريات!!

[Qt.1]

انا ماعندي تعليق لاني رافض اصلا فكرة عمل المرأه من الاساس الا لظروف خاصه !!

[بانغ بانغ]

التنافس بين الجنسين وصل لآفاق اخرى غير العمل

فلربما الرجل هو من بدأ يتنافس مع المراة ....

[نمر بن عدوان]

النساء عندنا ماخذين حقوقهم وبزود المسكين الرجل هالايام تحول الوضع من حقوق المرأه لحقوق الرجل الله يرحم الحال بس .

[qatara]

ليتهم ينزلون قانون بمنع توظيف المتزوجه الي زوجها على راس العمل في المؤسسات الحكوميه.
العزباء والمطلقه والارمله ممكن , اما المتزوجه , تقعد فالبيت تربي عيالها ابرك.

مستعد اشارك في صياغة نص هالماده اذا توجهت لي دعوه :shy:


ياريت

لاكن الحين (بعضهن ) تطلق عشان امور تافهه

بيكثرن المطلقات اكثر واكثر فبعضهن عملها عندها اهم من البيت والزوج ولعيال

وصدقني لو نزل مثل هلقرار راح تشوف صحة كلامي

الا من الاساس الواجب لا تعين من عندها عيال

والدوله وزوجها مكلفين شرعا بنفقتهم

[qatara]

انا ماعندي تعليق لاني رافض اصلا فكرة عمل المرأه من الاساس الا لظروف خاصه !!

وفي قول الله ما يصلح عبيده لاكن هيهات من يريد الصلاح

وقرن ببيوتكن

عمرو الوظايف ودمرو البيوت

[qatara]

انا ماعندي تعليق لاني رافض اصلا فكرة عمل المرأه من الاساس الا لظروف خاصه !!

صدقت لاكن
كلن يستغل العذر والتحجج بالضروف

[راجي الْعفو]

موضوع مكرر والآراء ما بين مؤيد و معارض

وعمل المرأة من غير قيود أدى الى الكارثة اللي نشوفها اليوم في مجتمعنا

الحل بسيط
يُقنّن الموضوع
ويرجع كل جنس ويقدم مهامّه الاساسية في الحياة على كل شي

وكل جنس يهتم بالفطرة اللي خلق بها و لا يخليها تنتكس

وبتنصلح الامور بحول الله

[qatara]

موضوع مكرر والآراء ما بين مؤيد و معارض

وعمل المرأة من غير قيود أدى الى الكارثة اللي نشوفها اليوم في مجتمعنا

الحل بسيط
يُقنّن الموضوع
ويرجع كل جنس ويقدم مهامّه الاساسية في الحياة على كل شي

وكل جنس يهتم بالفطرة اللي خلق بها و لا يخليها تنتكس

وبتنصلح الامور بحول الله

صدقت

اسمعت اذ ناديت حيا

[qatara]

وقت دوام الزوجة هالزمن هو وقت دوام الزوج ايضا وهو وقت دوام الابناء اذا كانوا في مرحلة الدراسه
الكل يرجع البيت يبي يرتاح،، صح ان الضغوطات زادت وفي حلول اخرى للمرأة تخلي الدوام يكون مناسب اكثر لها ، مثل تقليل ساعات العمل ،،
ع الاقل لو كانت تعمل مدرسه تداوم تعطي حصصها وتقعد شوي تخلص بعض الاشغال وترجع البيت :)
عيل تبون من يدرس بناتنا؟ وعقب تشتكون ليش المدارس ما فيها مدرسات قطريات!!

هل خلقت لتعمل خارج البيت ام خلقت وفطرت لتكون ربة بيت
فالله سائل الرجل عن القوامه باهله وسائلها
عن ماسخرها له القوامه بعملها ببيتها

ولما ذهبت السيده فاطمه رضي الله عنها لنبي الله عليه الصلاة والتسليم
وهي تترجاه ان يهب لها خادمه لمساعدتها من السبي وبرقم توفرهن بعد غزوه
فقال لها بما معناه خدمتج لبيت وقيامج به هو الاوجب
لعظمه الاجر في ذالك وحق البيت واهلها بقيامها هي به ولم يهبها خادمه

[المحاميه]

موضوع ناقشنا وايد

هل من مجيب؟

[حرف]

خلكم من النساء يستحقون الشغل او لا
الحين نبي انشوف حل على الاقل في ساعات العمل

[Qt.1]

هل خلقت لتعمل خارج البيت ام خلقت وفطرت لتكون ربة بيت
فالله سائل الرجل عن القوامه باهله وسائلها
عن ماسخرها له القوامه بعملها ببيتها

ولما ذهبت السيده فاطمه رضي الله عنها لنبي الله عليه الصلاة والتسليم
وهي تترجاه ان يهب لها خادمه لمساعدتها من السبي وبرقم توفرهن بعد غزوه
فقال لها بما معناه خدمتج لبيت وقيامج به هو الاوجب
لعظمه الاجر في ذالك وحق البيت واهلها بقيامها هي به ولم يهبها خادمه

من بدو ( بعض ) الحريم يشتغلون واحنى معتفسين , المشاكل زادت في الااشغال , نسبة العنوسه زادت وحتى في ناس تطلقو بسبة الشغل واذا بكمل مهب خالص لكن الله المستعان ,,

[بانغ بانغ]

شيوخنا كتارا وبوعبدالله

اتفق في كثير مما ذكر في سياقكما ولكن بعد الرجل هالايام .... خاصة الشاب لحين ما استوعب مسئولياته والتزاماته واولوياته في الحياة ...

المراة مقصرة وعندها طموح نعم ... لكن الزوج له اليد الطولى في الموضوع في تقييم اولوياتها وتأطير طموحها من اجل اسرة سعيدة ...

هذا رأي البسيط واتاسف عالمداخلة ...

[الحياة الخالدة]

اللي مب مقتنع بعمل المرأة يمسك حريمه
ترا محد جبر أحد يشغل مرته والا خواته
و مافي داعي ينتقد الموظفات في الرايحة و الجاية لأن كل إنسان أدرى بظروفه

[ميمّ]

أغلب الحريم صارو يشتغلون لان ماعاد به رجال تنتخي فيه وقت الحاجه ! الا من رحم ربي
أعتقد اذا شفنا بهالزمن رجال مهب ذكر , ساعتها بتشوفون حريم في البيوت ومعززات مثل ماكانو امهاتنا قبل = )

[المخفي]

كل واحد يتكلم من بيئته و الي حواليه