المساعد الشخصي الرقمي

مشاهدة النسخة كاملة : هل انت مع او ضد إنشاء مجلس خارجي للمراهقين؟


فريج النجادة
15-12-2015, 10:49 AM
اخواني واخواتي

منتدى اسرتي واحبتي

السلام عليكم ورحمة الله وبركاتة

الموضوع

هل انت مع او ضد أنشاء مجلس خارجي للمرهقين؟

مع ذكر الاسباب؟

يسعدني مشاركاتكم

حياكم تفضلو
حرف
15-12-2015, 10:50 AM
ضد
للحين عليهم خطر من جميع الامور
مختلف جداََ
15-12-2015, 10:52 AM
اخواني واخواتي

منتدى اسرتي واحبتي

السلام عليكم ورحمة الله وبركاتة

الموضوع

هل انت مع او ضد أنشاء مجلس خارجي للمرهقين؟

مع ذكر الاسباب؟

يسعدني مشاركاتكم

حياكم تفضلو

مع و نص
والله إني جداً مرهق
أبي مكان أركلس فيه

و ياليت على البحر
فريج النجادة
15-12-2015, 10:55 AM
ضد
للحين عليهم خطر من جميع الامور

لو توضح بارك الله فيك
بصمة قطرية
15-12-2015, 10:57 AM
شنو يعني مجلس خارجي للمرهقين ..!!!
ما فهمت يا ليت توضح شنو يعني و شنو الهدف منه ..!
فريج النجادة
15-12-2015, 11:02 AM
شنو يعني مجلس خارجي للمرهقين ..!!!
ما فهمت يا ليت توضح شنو يعني و شنو الهدف منه ..!

اكثر بيوتنا فيها مجالس خارجية

والبعض يتحجج بدل ما الولد يدور في الشوارع

نحط لهم المجلس حتى يكون قريب من العين

وفي نفس الوقت البعض يعاني من سهرهم ومن نوعية

الشباب المختارين الغير جيدين

ما الحل في وجهة نظرك

اغلب الشباب لا يبي نادي رياض يروح

ولا مركز شبابي ولا اي نشاط غير الدوارة في الشوارع

او المجالس
بـارود
15-12-2015, 11:25 AM
أحسن شي

وما فيها شي لو كل أبو قعد معاهم شوي بمجلسهم يوميا
منها يقوي الصِّلة بعياله ويتعرف على اللي يماشونهم

ويسولف لهم عن خبراته وواقع تجربته في الحياة مع أي
سالفة ذات صلة يفتحونها الشباب بالعكس شي طيب

مب شرط الأبو ، ممكن يكون أخ كبير أو عم أو خال وحلو
لما تفهم عقلية الجيل الجديد وطريقة تفكيره من خلال
النقاشات وربط آراء الجيل القديم بآراء الجيل الحالي
ومعرفتهم عن قرب وشاللي يشدهم ويستهويهم الحين
ضوى
15-12-2015, 12:18 PM
احسن قرار خذته اني لغيت الحديقة الكبيرة اللي عندي وسويت مجلس للعيال ، والله اني ارتحت الحمد لله ، اقلها جدام عيونا نعرف منهو يدش عليهم ويقعدون مع من ، صحيح مب مجلس ذكر وعبادة ، لكن ان شاء الله بيهداهم ويتركون الورقة والاونو وهالخرابيط ويردون لربهم ، الله يجعله مجلس عامر بطاعه الله

انا مع المجلس وبقوة
العنيده
15-12-2015, 12:27 PM
احس انه افضل اقلها يكونون باشراف العايله ونعرف من يرافجون .. والابو لو يمر يسلم بعد حلوو
يكون قريب من ربع عياله .. وخارجي بعيد عن البيت وخصوصيته ولهم خصوصيتهم بعد ..
ضوى
15-12-2015, 12:32 PM
أحسن شي

وما فيها شي لو كل أبو قعد معاهم شوي بمجلسهم يوميا
منها يقوي الصِّلة بعياله ويتعرف على اللي يماشونهم

ويسولف لهم عن خبراته وواقع تجربته في الحياة مع أي
سالفة ذات صلة يفتحونها الشباب بالعكس شي طيب

مب شرط الأبو ، ممكن يكون أخ كبير أو عم أو خال وحلو
لما تفهم عقلية الجيل الجديد وطريقة تفكيره من خلال
النقاشات وربط آراء الجيل القديم بآراء الجيل الحالي
ومعرفتهم عن قرب وشاللي يشدهم ويستهويهم الحين

وهذا اللي صاير ، بايام محددة يجي مطوع الفريج امام مسجدنا ويقعد مع الشباب في الميلس شوي ضحك شو جد شوي سيرة وتحفيظ ، وايام كبارية الفريج يقعدون مع الشباب ياخذون علومهم وسوالفهم ، والعبء الاكبر ابوهم بيت وقت والثاني دش عليهم يتطمن عليهم وعلى ربعهم واذا محتاجين شي والا لا وهكذا وبالنسبة لي اريح والله قلبي مايحاتيهم وهم بالشوارع
Boost
15-12-2015, 12:37 PM
مع لكن يكون قريب أو مواجه للمجلس الرئيسي أو البيت

لا يكونون بعيد لدرجة إن الأب أو الأهل يكونون غافلين عن مشاكل وأخلاقيات غير مرغوبة ولا قريبين لدرجة إنك تحد من تطور شخصياتهم
حرف
15-12-2015, 01:04 PM
لو توضح بارك الله فيك

مراهقين بروحهم مايصير اخوي
مع اخوانهم الكبار ومع اعمامهم والوالد هذا افضل اما بروحهم اشوف مخاطره اكبر
شموخ دائم
15-12-2015, 02:07 PM
,

,


مرحبا

هذا الراي طيب وحكيم

مع لكن يكون قريب أو مواجه للمجلس الرئيسي أو البيت

لا يكونون بعيد لدرجة إن الأب أو الأهل يكونون غافلين عن مشاكل وأخلاقيات غير مرغوبة ولا قريبين لدرجة إنك تحد من تطور شخصياتهم


واذا مافي مجالس بالبيت

نسوي لهم مجلس او خيمه بطرف البيت

احسن من يكونون بعيد او في المجمعات او المطاعم

على الاقل قريب من العين ويتعودون على الجلسه بالبيت والمجلس

,

,
بصمة قطرية
15-12-2015, 02:44 PM
ليش حسيت إني الوحيدة اللي مش مستوعبه الموضوع ..!!
يعني سألت و قلت مرهقين ..!!
و إجابتك ضيعتني يا صاحب الموضوع ..

تقصد مراهقين ..
مجلس للمراهقين ..
إي مع هالشي و بقوة
على الأقل قريب مني وأعرف من معاهم
و لا يحوطون في الشوارع ..
حطيت لعيالي خيمة
و مرات يقعدون في المجلس
و إن شاءالله في بيت العمر أهم شي المجلس الخارجي للشباب ..
عاهد بن علي
15-12-2015, 03:46 PM
السلام عليكم ورحمة الله وبركاته
انا مع المجلس الخارجي الموحد للإباء وللأبناء المراهقين
وضد مجلس مستقل عن الكبار
qatara
15-12-2015, 03:57 PM
مع

حيث تكون قريب منهم ويكونون امام عينك
الهديل
15-12-2015, 04:05 PM
ليش ما يقعدون في مجالس الآباء والرجاجيل
الأفضل ان المراهق يكون تحت الأنظار والمراقبة الغير مباشره
Miss
15-12-2015, 06:29 PM
مع المجلس اكيد
بدال ما يلوثون في المجمعات والشارع
وليش مجلس خاص لهم
الحين الاكثريه قامت تسوي مجلس وتبني فيه غرفه لعيالهم حق البلاي ستيشن وغيره وفي نفس الوقت عيونهم عليهم
مدور عقلي
15-12-2015, 11:04 PM
مع وبقوه ، بس مع رقابة الاب ،، يعني يقعد ويتقهوه مع عياله وربعهم كل فتره وفتره مع طلات مفاجأه بين الحين والاخر