سنغافورة

[chemist]

السلام عليكم ورحمة الله وبركاته

بسافر بإذن الله سنغافورة سفرة عائلية مع أطفال ...اخواني وخواتي الي راحو من قبل :

شنو الفنادق اللي جربتوها وتنصحونا فيها ويكون فيها اكل حلال ؟

وين احسن الأماكن اللي تنصحونا نزورها ؟

واذا فيه أي نصايح أو ملاحظات ياليت تحطونها :confused:

[@فهد@]

وعليكم السلام ورحمة الله وبركاته..

ان شاء الله الاخوان يفيدونك ..

لما تقرر علي فندق معين شوف كم سعره وعطني خبر يمكن احصله لك بسعر افضل ..

حسب ماعرف البلد ماتحتاج اكثر من 3-4 ايام .. وجمبك ماليزيا زينه للعائله ..

وترجعون بالسلامه..

[بـن عدوان]

منطقة اورتشارد احسن مكان

عن نفسي سكنت في فندق اسمه روتشارد واشوفه تمام

لكن اذا تبي شي خشن في فندق اسمه marina bay sands

فيه مسبح عالسطح

الاماكن عندك جزيرة سانتوسا وفيها يونيفيرسال ستوديوز

حديقة الحيوانات

والباقي كله سوق وخساير ههههه

بس بلاد مال مرة الصراحة مافكر اروح لها مرة ثانيه

[chemist]

وعليكم السلام ورحمة الله وبركاته..

ان شاء الله الاخوان يفيدونك ..

لما تقرر علي فندق معين شوف كم سعره وعطني خبر يمكن احصله لك بسعر افضل ..

حسب ماعرف البلد ماتحتاج اكثر من 3-4 ايام .. وجمبك ماليزيا زينه للعائله ..

وترجعون بالسلامه..

مشكور اخوي ما قصرت وان شاء الله اذا حجزت ببلغك بالسعر

[chemist]

منطقة اورتشارد احسن مكان

عن نفسي سكنت في فندق اسمه روتشارد واشوفه تمام

لكن اذا تبي شي خشن في فندق اسمه marina bay sands

فيه مسبح عالسطح

الاماكن عندك جزيرة سانتوسا وفيها يونيفيرسال ستوديوز

حديقة الحيوانات

والباقي كله سوق وخساير ههههه

بس بلاد مال مرة الصراحة مافكر اروح لها مرة ثانيه

يعطيك العافية بن عدوان والفندق اللي اقترحت عجبني ما قصرت ..بالنسبة للموصلات هل كنتوا تاخذون تاكسي ولا تاجرون سيارة من سواقها باليوم ؟ وجزيرة سانتوسا هل خذيتو فندق هناك ؟ولا فندق واحد يكفي لكل الرحلة ؟

[chemist]

منطقة اورتشارد احسن مكان

عن نفسي سكنت في فندق اسمه روتشارد واشوفه تمام

لكن اذا تبي شي خشن في فندق اسمه marina bay sands

فيه مسبح عالسطح

الاماكن عندك جزيرة سانتوسا وفيها يونيفيرسال ستوديوز

حديقة الحيوانات

والباقي كله سوق وخساير ههههه

بس بلاد مال مرة الصراحة مافكر اروح لها مرة ثانيه

يعطيك العافية بن عدوان والفندق اللي اقترحت عجبني ما قصرت ..بالنسبة للموصلات هل كنتوا تاخذون تاكسي ولا تاجرون سيارة مع سواقها باليوم ؟ وجزيرة سانتوسا هل خذيتو فندق هناك ؟ولا فندق واحد يكفي لكل الرحلة ؟

[مهندس اسهم]

هلا اخوي chemist
اخوي بن عدوان كفى ووفى الله يجزاه خير

الشيخ من فندق مارينا باي ساند الى سانتوسا بتاخذ حوالي 20 دقيقه بالكثير حسب الزحمة

ودام عندك يهال باذن الله راح يستانسون
في سنتوسا عندك يونفرسال ستوديو وعندك الاوكوريوم والالعاب المائيه والممشى ورقصة الكرين كل ليله وفيه مجمع بعد كل ذي بتلاقيه في Sentosa Resort
فيه منطقه ثانيه في سنتوسا فيه بعد فعاليات وايده ولا تفوت 4d Adventures روعه صراحه يعني باختصار يبيلك يومين في سنتوسا

الموقع ذي بيفيدك وايد http://www.sentosa.com.sg/en/ فيه كل الفعاليات واشلون تقدر تنتقل من مكان الى مكان

بالنسبة لمنطقة اورتشيد كلها مجمعات وواسواق ومقاهي وحلو للتمشيه
عندك حديقة الحيوان و حديقة الطيور وفيه نايت سفاري وعروض حيوانات بعد حلوة
وعندك في منطقة المارينا فندق مارينا باي ساند وعندك ميرليون "مجسم الاسد" وSingapore Flyer وحديقهباي ساند تستحق انك تتمشى فيها وخذ رحلة Duck Tour سيارة برمائيه تاخذك في جوله لمدينة سنغافورة العاصمه
واذا تحب فيه كروز رحلة نهريه المسا مع عشا "حلال"
حدك فيها 5 ايام
واذا عندك استفسار اخوي حاضرين لك

[chemist]

هلا اخوي chemist
اخوي بن عدوان كفى ووفى الله يجزاه خير

الشيخ من فندق مارينا باي ساند الى سانتوسا بتاخذ حوالي 20 دقيقه بالكثير حسب الزحمة

ودام عندك يهال باذن الله راح يستانسون
في سنتوسا عندك يونفرسال ستوديو وعندك الاوكوريوم والالعاب المائيه والممشى ورقصة الكرين كل ليله وفيه مجمع بعد كل ذي بتلاقيه في Sentosa Resort
فيه منطقه ثانيه في سنتوسا فيه بعد فعاليات وايده ولا تفوت 4d Adventures روعه صراحه يعني باختصار يبيلك يومين في سنتوسا

الموقع ذي بيفيدك وايد http://www.sentosa.com.sg/en/ فيه كل الفعاليات واشلون تقدر تنتقل من مكان الى مكان

بالنسبة لمنطقة اورتشيد كلها مجمعات وواسواق ومقاهي وحلو للتمشيه
عندك حديقة الحيوان و حديقة الطيور وفيه نايت سفاري وعروض حيوانات بعد حلوة
وعندك في منطقة المارينا فندق مارينا باي ساند وعندك ميرليون "مجسم الاسد" وSingapore Flyer وحديقهباي ساند تستحق انك تتمشى فيها وخذ رحلة Duck Tour سيارة برمائيه تاخذك في جوله لمدينة سنغافورة العاصمه
واذا تحب فيه كروز رحلة نهريه المسا مع عشا "حلال"
حدك فيها 5 ايام
واذا عندك استفسار اخوي حاضرين لك

ما شاء الله عليك ما قصرت كفيت و وفيت جزاك الله كل خير
والموقع جدا مفيد ...مشكور اخوي :)

[للصبر اخر]

ماراح ازييد على اخوي مهندس
بس لازم تعرف اول شي عشان نقدر نساعدك تحط الهدف من الزياره
سياحه او تسسوق او شنو بالظبط
انا افضل دام معاك اطفال السكن في جزيرة سنتوزا
وتنزل اخر يومين تسكن بشارع اورتشاد
او فندق مارينا
حديقة الحيوان مرتبطه بحديقه ثانيه خذنا لهم تذاكر مع بعض بس من كثر ماحديقة الحيوان كبيره تعبنا ومادخلنا الحديقه الثانيه
سنتوزا جزيره تتكون من 5 مناطق
اكواريوم والعاب مائيه مدينه ، يونيفيرسال ستديو ، العاب سينيمائية , والاسواق

احنا سكنا بفندق الماريوت بشارع اوتشارد
راقي ونظييف

[قطريه ماركه]

شنو الفنادق اللي جربتوها وتنصحونا فيها ويكون فيها اكل حلال ؟
فندق شانجريلا حلوو و نظيف و مكانه مناسب قريب شارع اورشارد و الفطور منوع و جميل جدا
وين احسن الأماكن اللي تنصحونا نزورها ؟
مثل ما ذكروا الاخوان : شارع اوشارد كله مجمعات حلوة تدخل لها من تحت الارض في بعض ,, و عندك منطقة المارينا مع تمثال الاسد ,, و عندك جزيرة سانتوزا و الفعاليات اللي فيها ..
واذا فيه أي نصايح أو ملاحظات ياليت تحطونها
الاكل اغلب المطاعم يقولون لك نو حلال بس في سوبرماركت تقدر تشتري اي شي .. المواصلات التاكسي زين .. الجوو حار نوعا مااا

[Dana’1]

هالبلاد زرتها بالتسعينات تلق من النظافه حتى حديقة الحيوانا تلق وجزيرة سنتوسا جميله وأسواقها روووووووووعه والناس محترمه حتى بالفندق وقت بوفيه الافطار يعلمون ابوي الاشياء المحرمه

فشلون عالوقت اكيد أجمل واروع

رحلة ممتعه يارب^_^

[والد فارس]

عندك فندق شانغريلا بجزيرة سانتوسا اغلب اكلهم حلال عن تجربة وهناك مواصلات مجانية من الفندق للمول او يونيفرسال استوديو وبالتوفيق .

[chemist]

ماراح ازييد على اخوي مهندس
بس لازم تعرف اول شي عشان نقدر نساعدك تحط الهدف من الزياره
سياحه او تسسوق او شنو بالظبط
انا افضل دام معاك اطفال السكن في جزيرة سنتوزا
وتنزل اخر يومين تسكن بشارع اورتشاد
او فندق مارينا
حديقة الحيوان مرتبطه بحديقه ثانيه خذنا لهم تذاكر مع بعض بس من كثر ماحديقة الحيوان كبيره تعبنا ومادخلنا الحديقه الثانيه
سنتوزا جزيره تتكون من 5 مناطق
اكواريوم والعاب مائيه مدينه ، يونيفيرسال ستديو ، العاب سينيمائية , والاسواق

احنا سكنا بفندق الماريوت بشارع اوتشارد
راقي ونظييف

لا ترفيه واخر الأيام شوبنق
مشكورة اختي ماقصرتي

[chemist]

شنو الفنادق اللي جربتوها وتنصحونا فيها ويكون فيها اكل حلال ؟
فندق شانجريلا حلوو و نظيف و مكانه مناسب قريب شارع اورشارد و الفطور منوع و جميل جدا
وين احسن الأماكن اللي تنصحونا نزورها ؟
مثل ما ذكروا الاخوان : شارع اوشارد كله مجمعات حلوة تدخل لها من تحت الارض في بعض ,, و عندك منطقة المارينا مع تمثال الاسد ,, و عندك جزيرة سانتوزا و الفعاليات اللي فيها ..
واذا فيه أي نصايح أو ملاحظات ياليت تحطونها
الاكل اغلب المطاعم يقولون لك نو حلال بس في سوبرماركت تقدر تشتري اي شي .. المواصلات التاكسي زين .. الجوو حار نوعا مااا

يعطيج العافية اختي وجزاج الله خير :)

[chemist]

هالبلاد زرتها بالتسعينات تلق من النظافه حتى حديقة الحيوانا تلق وجزيرة سنتوسا جميله وأسواقها روووووووووعه والناس محترمه حتى بالفندق وقت بوفيه الافطار يعلمون ابوي الاشياء المحرمه

فشلون عالوقت اكيد أجمل واروع

رحلة ممتعه يارب^_^

بإذن الله مشكور اخوي شجعتني بصراحه

[qatarman8008]

اسكن في سنتوسا.. كل شي فيها..
وارشح لك هوتل مايكل لانه مرتب و كل شي قريب منه..
كتيبات الارشاد السياحية في كل مكان ولاتحتاج تسال حد..
بالنسبة لي يونيفرسال ستوديوز افضل من دزني لاند..

[blueZircon]

سنغافوره لازم تسكنين بمكانين، اول الايام بجزيرة سنتوزا حق الالعاب والاماكن الترفيهيه والسونفيرسال ستديو. وقبل نهاية السفره ارشح انكم تسكنون بالستي على شارع اورشاد حق الشوبنج والتمشايه.

افضل فندق بالنسبه لي في جزيرة سنتوزا: capbella hotel
وفندق الستي على الاورشاد ارشح فندق السانت ريجز، فخم جدا ومريح ومايسكنونه الا هل قطر هههه

اجازه موفقه

[شيزكيك]

مرحبا

الصيف الي راح رحت سنغافورة وسكنت المارينا ساند بي اطلالته حلوه على الحديقة وفيه مجمع ماركات ومع الاسف المطاعم كلها مب حلال ما عدا كوفي شوب ومطعم هندي وملينا من
رحنا شارع الاورتشاد ودار راسي من اسواقهم مب مرتبه
سنتوسا بس رحنا يونيفرسال ستديوز بس زحمه وما اقدروا العيال يلعبون شي بس كمكان يهبل

الاسعار غاليه الصراحه ويكفيها من3 الى 4 ايام