بخصوص سعر الكزس 570 موديل 2016

[بوسـعد]

حبيت اخبركم بأن سعر الكزس حاليآ 435000 الف وارد عبدالغني طبعآ في معرض المشترك اتصلت عليه وقال متوفر بهاذا السعر اشوفه ارخص من الاسعار الخياليه في قطر سيل والله شاهد اني ماعرفه راعي المعرض بس اتصلت عليهم لان ناوي اخذ واحد وبكره بامر عليهم

[حياتي]

صح الشيخ توني مكلمهم

جزاك الله خير

[بن جعران]

اذا عندك معارف في عبدالغني تاخذه ب425 الف

[busnaidah]

جزاك الله خير. عندهم كل الألوان ولا ألوان محدده؟

[alnoida]

ما شاء الله لهذه الدرجة وصل سعر الجيب

تبغون وارد امريكا - بشرط تعطوني الموصفات لان الاسعار تختلف من 340,000 الى 380,000 ريال

وماعندي خبرة في الجيب ولا اعرف معنى رقم واحد واثنين وثلاثة

أنا جبت سيارات لكن امريكيه للإستخدام الشخصي

ومن العيوب اللى أعرفها ولا صادفت غيرها هي موجات الراديو والخرائط

وتكلفة الشحن تطلع أرخص اذا سيارتين في حاوية واحده

[جاسم الدوحة]

اذا عندك معارف في عبدالغني تاخذه ب425 الف

طال عمرك
ما يحتاج معارف ولا شي

الموتر قيمته 425.000
للجميع بدون استثناء

المشكلة هي عدم توافره في الوكالة
لازم تحجز ، ويوصل خلال شهرين .

[abunaif4]

ايش المشكلة ننطر شهرين :nice:

[الجوكر90]

ما شاء الله لهذه الدرجة وصل سعر الجيب

تبغون وارد امريكا - بشرط تعطوني الموصفات لان الاسعار تختلف من 340,000 الى 380,000 ريال

وماعندي خبرة في الجيب ولا اعرف معنى رقم واحد واثنين وثلاثة

أنا جبت سيارات لكن امريكيه للإستخدام الشخصي

ومن العيوب اللى أعرفها ولا صادفت غيرها هي موجات الراديو والخرائط

وتكلفة الشحن تطلع أرخص اذا سيارتين في حاوية واحده

الشيخ الشحن 10000 ريال
و5 فالميه من قيمه الموتر
يعني لو الجمارك قيموا الموتر ب300 الف راح تدفع 15000 وفي 4000 وشوي تدفع حق الجمارك
380000 + 15000 + 10000 + 4000= 409000
وفوق هاي راح تنطر اكثر من شهرين
اشوف ادفع فرقيه الموتر واخذه من هني ابرك

[دايموند]

ماشاء الله السياره وصل سعرها قريب النص مليون !!!!

[naklan]

ماشاء الله السياره وصل سعرها قريب النص مليون !!!!


مادام الناس تشتري وما تستنكر الجشع. بيوصل وبيطوف
هالسعر ناس ما تفاصل وتقبل ان تدفع للشريطية فرق سعر
أكيد بيشجع الآخرين على سلك نفس المنهج

مع أني أشك ان السيارة تغيرت بالكامل اشوفه نفس الحمار السابق اعزكم الله
بس غيرو شوية تغيرات ومازال الشاصي نفسه وبعد سنه واثنتين بينزل
موديل جديد النيسان أحسن منه سعر ومنضر واستخدام
رايي الشخصي ولكم كل الاحترام والتقدير

[بوخالد911]

انا رحت حفل التدشين
اذكروا السعر هو 425000

[بوسـعد]

هل صحيح نزل سعرالوكالة يقولون صار سعره بعد الخصم 410 اصفار لان رحت معرض امس يقول الحين في الوكاله في خصم صار

[إعلامي قطر]

..

السياره حلوه لكن ماتستحق هذا المبلغ وللأسف بعض العرب
يهايطون ويزايدون على السعر وفيه كومشنات تندفع
بس عشان ياخذون السياره بسرعه وبدون انتظار !

المفروض يكون فيه عدم استعجال وضغط على الشركه
عشان تنزل الأسعار لحد معقول مابي أقول حملة
مقاطعه لأن للأسف الجيل الحالي مرفه وماراح
يلتزم بالمقاطعه لكن على الأقل التقليل من
المهايط قدر الإمكان ورفض دفع أي
كومشنات لسياره أصلاً سعرها
خيالي ومبالغ فيه !

النعمه زواله والله يستر من إللي جاي
لازم يكون فيه توعيه وتقدير لأسعار
السيارات وهل هي فعلاً تستحق
هالأسعار الجنونيه أم لا !!

..

[عضو نشيط]

:nice:
..

السياره حلوه لكن ماتستحق هذا المبلغ وللأسف بعض العرب
يهايطون ويزايدون على السعر وفيه كومشنات تندفع
بس عشان ياخذون السياره بسرعه وبدون انتظار !

المفروض يكون فيه عدم استعجال وضغط على الشركه
عشان تنزل الأسعار لحد معقول مابي أقول حملة
مقاطعه لأن للأسف الجيل الحالي مرفه وماراح
يلتزم بالمقاطعه لكن على الأقل التقليل من
المهايط قدر الإمكان ورفض دفع أي
كومشنات لسياره أصلاً سعرها
خيالي ومبالغ فيه !

النعمه زواله والله يستر من إللي جاي
لازم يكون فيه توعيه وتقدير لأسعار
السيارات وهل هي فعلاً تستحق
هالأسعار الجنونيه أم لا !!

..

كلام من ذهب

أشكرك أخي الكريم

[معماري قطري]

مادام الناس تشتري وما تستنكر الجشع. بيوصل وبيطوف
هالسعر ناس ما تفاصل وتقبل ان تدفع للشريطية فرق سعر
أكيد بيشجع الآخرين على سلك نفس المنهج

مع أني أشك ان السيارة تغيرت بالكامل اشوفه نفس الحمار السابق اعزكم الله
بس غيرو شوية تغيرات ومازال الشاصي نفسه وبعد سنه واثنتين بينزل
موديل جديد النيسان أحسن منه سعر ومنضر واستخدام
رايي الشخصي ولكم كل الاحترام والتقدير

صدقت والله انا بالنسبة لي وفي لموديل 2012 لين 2022 إن الله أحيانا مع إني قيمة الجديدة في الحساب والحمد لله

[naklan]

حيا الله شيخنا معماري طريقتك نفس طريقة الوالد
الله يرحمه يشوف السيارة من منطق عملي بحت ولا له هم منظر
ولا غيره وبعد 10سنين يأخذ سيارة جديده ويبيع سيارته
نفس ما طلعت من الوكالة اما اخوك حدي 5 سنين
ولازم يكون موديل جديد توه متغير اضمن ان
سيارتي شكلها جديد لزوم الاستمتاع
الشخصي فقط

تحياتي يالغالي

[جبر ال جبر]

هل صحيح نزل سعرالوكالة يقولون صار سعره بعد الخصم 410 اصفار لان رحت معرض امس يقول الحين في الوكاله في خصم صار

غير صحيح

[معماري قطري]

حيا الله شيخنا معماري طريقتك نفس طريقة الوالد
الله يرحمه يشوف السيارة من منطق عملي بحت ولا له هم منظر
ولا غيره وبعد 10سنين يأخذ سيارة جديده ويبيع سيارته
نفس ما طلعت من الوكالة اما اخوك حدي 5 سنين
ولازم يكون موديل جديد توه متغير اضمن ان
سيارتي شكلها جديد لزوم الاستمتاع
الشخصي فقط

تحياتي يالغالي

الله يحييك اخوي نقلان

لك فترة ما تبين

الله يحفظ والدك ووالدينا .. ما دام السيارة استعمالي لها زين ومريحتني ما احب ابدلها .. لي صديق ما شاء الله عليه الله فاتح عليه وسيارته موديل 91 كروزر لكن قمة النظافة .. واعرف واحد يجمع السيارات القديمة ما شاء الله عليه عنده سيارات تستغرب منها .. ومن ضمنها كانت أول رولز دخل الدوحة وكان للشيخ علي الله يغفر له وأرسل في طلبه سمو الأمير الوالد الله يحفظه حق عرضه في متحف الظاهر

انا سيارتي توها ماشية 47000 وتوني مبدل نص التواير الأصلية مالت المصنع