يعني مالنا حق نحتفل ؟!!

[pink pearl]

السلام عليكم ورحمة الله وبركاته،،،،

أمس رحت درب الساعي الساعة 5 مع عيالي نشوف الاحتفالات والفعاليات اللي هناك، لكن تفاجأت بالزحمة هناك وحتى موقف مافي ، ولدي كان يبي البطابط والسيارات لكن طابور وزحمة عقب قال يبي يشرب شي وبعد زحمة!!!!!!!

والله حتى كان يبي كريب مع فواكة من عند الأمهات اللي يبيعون بعد زحمة تضايقنا وولدي طلع وهو زعلان انه مالعب ولا كل شي اللهم بس ركب الحصان!!!

يعني اللجنة المنظمة ليش ماتوسع المكان ، أو الأفضل يسوون درب ساعي على كذا منطقة بالخور والوكرة والمناطق الثانية علشان مايصير الضغط على مكان واحد، والشي الثاني صار مكان درب الساعي ثابت كل سنة ليش مايسوون مواقف مرتبة بأرقام من كل جهة؟؟

وليش مايزودون الأكشاك وينوعون المطاعم بدال المطاعم المكررة كل سنة وكل واحد يزيد بالسعر على كيفه ؟؟؟؟

الصراحة الزحمة لاتطاااااااااق ومحد راح يأخذ راحته الا اللي يعرف له حد هناك يوصي عليه!!! صرنا حتى احتفالات بلادنا ننحرم منها بسبب الزحمة ، لاحول ولا قوة الآ بالله حتى فعاليات المسير مب رايحين لها مع انه بخاطر عيالي

وحتى هدايا الشركات والمؤسسات في درب الساعي للناس وناس؟؟؟؟! مب الكل يعطونه ليش؟؟؟ ولا هي للناس معينين ؟؟؟

[مختلف جداََ]

أمس و اليوم عام ، عشان جي زحمة

[الحياة الخالدة]

معاج حق أختي
واحنا مثل ما دشينا طلعنا .. مافي إلا ندور على بعض ..وين حمود و وين خلود
مالنا محط ريل .. بغض النظر عن الوقت اللي نروح فيه

و بخصوص الهدايا و التوزيعات .. انسي الموضوع
يا ذابح يا مذبوح .. و احنا مبدأنا دايماً : الهون ابرك ما يكون .. ايش لكم بالزحمة و القرقعة على بهانس :nice:

ما نقول غير : الله كريم
تفرج تفرج بإذن الله :omen2:

[MAZEN37]

الحل انه يكون دائم طول السنه والكل بيكون راحه
الحين حط وشيل كم يكلفهم

[pink pearl]

أمس و اليوم عام ، عشان جي زحمة

في كل حالاته زحمة، الواحد خلاص ماعاد له خاطر يطلع




معاج حق أختي
واحنا مثل ما دشينا طلعنا .. مافي إلا ندور على بعض ..وين حمود و وين خلود
مالنا محط ريل .. بغض النظر عن الوقت اللي نروح فيه

و بخصوص الهدايا و التوزيعات .. انسي الموضوع
يا ذابح يا مذبوح .. و احنا مبدأنا دايماً : الهون ابرك ما يكون .. ايش لكم بالزحمة و القرقعة على بهانس :nice:

ما نقول غير : الله كريم
تفرج تفرج بإذن الله :omen2:

تصدقين يالحياة خلاص صرت أتجنب هالأماكن وأحرم عيالي منها،،، شنسوي الله كريم




الحل انه يكون دائم طول السنه والكل بيكون راحه
الحين حط وشيل كم يكلفهم

والله أنا فكرة في محلها ان شاء الله تتطبق

[نورث يورك]

Happy National Day

[(بوطلال)]

كل عام وقطرنا بخير

[ضوى]

نطالب في السنوات الجايه يخصصون يوم للقطريين فقط لا غير عشان يعرفون عددنا الحقيقي وقتها

[partyQtr]

بكرة في المسير الأولوية راح تكون للقطريين في الدخول للمدرجات وفي تعليمات بهالشئ والمصدر موثوق

المدرجات راح تكون للقطريين والجهه الثانيه للأجانب خذوا عيالكم وروحو من وهل واستانسو

وكل عام وقطر وحكومتها وشعبها بألف خير

[captin]

موضوع تكدس الفعاليات في مكان واحد يجب ان ينظر له بعين الاعتبار

الاقتراح ان تكون هناك فعاليات شبيهة بفعاليات درب الساعي في مناطق مختلفة
مثلا موقعين او ثلاثة في الدوحة وموقع في الوكرة في الجنوب وموقع في الخور في الشمال
لاتاحة المجال لكافة المواطنين للاستمتاع بفعاليات الاحتفالات .

[QtrGate]

بكرة في المسير الأولوية راح تكون للقطريين في الدخول للمدرجات وفي تعليمات بهالشئ والمصدر موثوق

المدرجات راح تكون للقطريين والجهه الثانيه للأجانب خذوا عيالكم وروحو من وهل واستانسو

وكل عام وقطر وحكومتها وشعبها بألف خير

ليش يحددون مناطق للاجانب

المفروض منطقه للقطريين ومنطقه عام للكل

السنه الي راحت كانت للعوائل
كنت مع مجموعة من الشباب محضرين من الساعة 4:30
قالو لنا للعوائل
لكن الاسيوين كانو يتعاونون مع بعض
يعني اذا شافو شاب من نفس جنسيتهم دخلوه معاهم

[المحاميه]

والله اتفق معاج 100%
الزحمه ضيقتبنا
والهدايا حق ناس وناس وفيه جهه باطه جبدي اكثر من مره شفتهم يزاعقون عالناس!!

انسب حل ان يقسمون الناس او اللي حضر اليوم مايحضر الا بعد يومين وهكذا

[pink pearl]

للأسف خلص اليوم الوطني وصار حتى احتفال بلادنا ينافسونا الأجانب عليه


ومالنا في الاحتفال نصيب، لكن بتضل بلادي قطر وحبها مايزعزعه مثل هالسلبيات


حتى دكتور حمود رجعوه من المسير، هالسنة الأغلب نتضايق من بعض الأشياء اللي صارت


سواء في المسير ولا في درب الساعي

[qatara]

اللهم أجعل هذا البلد آمناً مطمئناً وسائر بلاد المسلمين

[مختلف جداََ]

اللهم أجعل هذا البلد آمناً مطمئناً وسائر بلاد المسلمين

اللهم آمين

[حرف]

الناس زادت والفعاليات مثل ماهي
ومانقدر نمنع الاجانب في المشاركة فها نحن لما انكون في اي دوله ويصادف انه يوم وطني عندهم نطلع انشوف مهرجاناتهم

[الحياة الخالدة]

والله اتفق معاج 100%
الزحمه ضيقتبنا
والهدايا حق ناس وناس وفيه جهه باطه جبدي اكثر من مره شفتهم يزاعقون عالناس!!

انسب حل ان يقسمون الناس او اللي حضر اليوم مايحضر الا بعد يومين وهكذا


لا انا ضد هالكلام
اقصد مانبي يخصصون لنا مكان

غيروا تفكيركم
اطلعوا وزوروا الاماكن والفعاليات
خلونا احنا المستحقين لها بالدرجه ال 1

يعني هيئة السياحه تتعب وتخطط وتصرف واخرتها احنا نعتكف فالبيت ليش؟
لان بتقولون مانبي واحنا شايفين خير والمكان كله اجانب ليش نروح .. طيب لين متى؟

اذا هذا تفكيركم عيل لاتجون اتشكون عقب وتطالبون بمطالبات مالها اساس من الصحه ..
وبعدين معروفه السالفه الحين الكل بيشل عليه وبيسافر عكس الاجانب بيتمون فالبلاد وبيروحون كل مكان وبيسون زحمه


وبس والله
المقصد اثبت وجودك

شفتي شلون الزحمة تضايق أختي المحامية ؟؟
يوم قلنا زحمة .. و ما نبي نتزاحم مع العالم .. قلتي اطلعوا و اثبتوا وجودكم

[بصمة قطرية]

رحت مرتين و ما استانسوا العيال
فعلاً زحمة و لا حصلوا شي من هدايا الشركات ..

[pink pearl]

الناس زادت والفعاليات مثل ماهي
ومانقدر نمنع الاجانب في المشاركة فها نحن لما انكون في اي دوله ويصادف انه يوم وطني عندهم نطلع انشوف مهرجاناتهم


هذا مربط الفرس فعلا


الزحمة سببها ببساطة إن أعداد المقيمين قاعدة تزيد معاهم أعداد السياح الخليجين
والفعاليات نفس ماهي كل سنة مع إضافات بسيطة، طبعا غير الأمور الثانية من
الشوارع الضيقة واللي حاليا ماتستوعب الكمية الكبيرة من السيارات

ترى فعلا الزحمة تضايق وتخلي الواحد محبط وخصوصا للي عنده أطفال وكبار في السن