محلات الكرك

[حرف]

معليش الموضوع نقاشي بس نزلت هنا لانه يمكن يكون اقل من مستوى الحوار العام


وهو الحاصل امام محلات الكرك
قبل اكثر من عشرين سنه ماكان فيه الا محل واحد واغلب الطيبين يعرفه وكان معظم الرواد والمتسكعين شباب فقط
اليوم ومع كثرة محلات الكرك في كل شارع انشوف انواع واشكال من الرواد والمتسكعين شباب وبنات

هل فعلاً هالنوعيات مدمنين كرك
ولا شفني واشوفك ورشفه وباقي الكاس في الزباله.

[qatarman8008]

لا ولكن هالنوعيات يحب يواعد ربعه في مكان وهو مرتز في موتره ويسمع اغاني ويطلطل في اللي رايح واللي راد..
ف مافي مكان ثاني غير محلات الكرك..

[نوفا91]

عن نفسي قبل اي طلعه لازم امر وقت الشاي عقب اروح المكان اللي ابيه ، وحزات بعد اخذ واناراده

الله لايحرمني من تي تايم

[بصمة قطرية]

مادري شلي يعجبهم في كرك المطاعم ..!!
أنا من عشاق الكرك و كنت سابقاً أشرب أقل شي ثلاث أكواب في اليوم
جربت تي تايم و كرك النعيمي و باقي الأماكن
والله غير كرك البيت مافي ..

السالفة صارت شو ..

[بوخالد911]

هو ادمان
عشق
ولع

البعض يواعد ربعه عند الكرك
والبعض بعد العشى يتواجدون مناك

[qatari911]

مادري شلي يعجبهم في كرك المطاعم ..!!
أنا من عشاق الكرك و كنت سابقاً أشرب أقل شي ثلاث أكواب في اليوم
جربت تي تايم و كرك النعيمي و باقي الأماكن
والله غير كرك البيت مافي ..

السالفة صارت شو ..

صادقة
الله يسلم خدامتنا مدلعتنا كرك والله ولاكرك النعيمي

[حرف]

لا ولكن هالنوعيات يحب يواعد ربعه في مكان وهو مرتز في موتره ويسمع اغاني ويطلطل في اللي رايح واللي راد..
ف مافي مكان ثاني غير محلات الكرك..

والله موب مشكلة مساكين الشباب نشاط و وقت فرغ
بس الوضع تغير عن الماضي الحين حتى البنات سياراتهم مسنتره قدام هالمحلات

[راجي الْعفو]

والله موب مشكلة مساكين الشباب نشاط و وقت فرغ
بس الوضع تغير عن الماضي الحين حتى البنات سياراتهم مسنتره قدام هالمحلات

اتفق معاك
مايصلح للحريم كلش
المفروض ان المره تحشمً نفسها و ما تقرب صوب هالتجمعات الشبابية
من باب الحيا عالاقل
الله يصلح الجميع

[توشيبا]

اكره الكرك

الا طعم ولا شكل

واللي مسوي نفسه مدمن حسسني حشيش مب حليب وشاي

شاي لسيماني منعنع وحاط صبعي فيه عشان يصير سكر زياده

[white bird]

اعترف لو كنت شاب بكون منهم 😂

👍🏻😍
عايشين حياتهم ..

[بريق الحق]

اكره الكرك

الا طعم ولا شكل

واللي مسوي نفسه مدمن حسسني حشيش مب حليب وشاي

شاي لسيماني منعنع وحاط صبعي فيه عشان يصير سكر زياده

توشيبا انت نفسي شكلنا اخوان تحليل dna

[حرف]

عن نفسي قبل اي طلعه لازم امر وقت الشاي عقب اروح المكان اللي ابيه ، وحزات بعد اخذ واناراده

الله لايحرمني من تي تايم

ماتحسين ب احراج وانتي تزاحمين الشباب

[دااانة قطر]

ماتحسين ب احراج وانتي تزاحمين الشباب

وين الاحرااج اخوي مدري اختي
عن نفسي اذا صدعت وانا برا لازم امر اخذ كرك وعاادة ما ادخل في الزحمه
ماشاااء الله عليهم بس اعطيهم هرن يجوني لين مكااني
طبعا كرك البيت احلى والذ بس احياانا مرة بالشهر مايمنع

ملااحظه .. غير تي تاايم والنعيمي والزرقا مافي اللي يضبط الكرك
البااقي ماي وحليب .. ويمصخونها بالزعفران ولا الهيل والشااي مب مطبوخ من الاساااس

[نوفا91]

ماتحسين ب احراج وانتي تزاحمين الشباب

لا ماحس باحراج لاني مع ريلي والسياره مخفي



واللي تكلموا انه شدعوه ادمان ، اي ادمان اذا انت ماتحب لازم الكل نفسك
حتى باللي نحبه بيشككون وانه هبه مع العالم

الله يشغلكم بطاعته يارب :)

[حرف]

مادري شلي يعجبهم في كرك المطاعم ..!!
أنا من عشاق الكرك و كنت سابقاً أشرب أقل شي ثلاث أكواب في اليوم
جربت تي تايم و كرك النعيمي و باقي الأماكن
والله غير كرك البيت مافي ..

السالفة صارت شو ..

شلون شو ؟
يعني شفني واشوفك
ولا شوفوني اصور كوب الكرك وعاد اني من المدمنين
وبعد التصوير يحذفونه

[white bird]

:confused:
......

[حرف]

هو ادمان
عشق
ولع

البعض يواعد ربعه عند الكرك
والبعض بعد العشى يتواجدون مناك

لين متى ؟ كل يوم عاد ومسببين زحمه