((( حل سريع وفعال لتخفيف الزحام اوقات الدوام )))

[الجنوبي]

السلام عليكم ورحمة الله وبركاته

فيه موضوع قديم لي حاولت ارفعه لكن وجدته مغلق

http://www.qatarshares.com/vb/showthread.php?563143-%C7%E1%CD%E1-%C7%E1%E6%CD%ED%CF-%E1%CA%CE%DD%ED%DD-%C7%E1%D2%CD%C7%E3

والان ارفعة مرة اخرى لعل وعسى يؤخذ به ويكون حل مبدأي لتخفيف الزحمة عند حضور وانصراف الموظفين


اختصر الموضوع في بيان فكرة الحل للتخفيف من زحمة الشوارع :

تطبيق الدوام المرن للموظفين ..
بحيث يكون :

1- الحضور الساعة 6 .... الانصراف 12

2- الحضور الساعة 6 ونص ..... الانصراف 12 ونص

3- الحضور الساعة 7 ..... الانصراف 1

4- الحضور الساعة 7 ونص .... الانصراف 1 ونص

5- الحضور الساعة 8 .... الانصراف الساعة 2

6- الحضور الساعة 8 ونص .... الانصراف الساعة 2 ونص

7- الحضور الساعة 9 .... الانصراف الساعة 3

وبذلك يكون هناك تفاوت في ذهاب الموظفين وخروجهم للدوام كلا حسب ظروفه

والله ولي التوفيق

[حرف]

والله اقتراح حلو
بس اعتقد الاغلبية راح يداومون الساعة 6 اذا كان الخروج الساعة 12

[دايموند]

والله احنا بالدوام حضورنا 7:30 وانصرافنا 3:30 !!

اشتقت ع ايام ماكنا نرجع 1 ونص الظهر...

[الدوحه1]

مشكلة الزحمه ماراح تنحل مع وجود اكثر من 500,000 سياره في شوارع الدوحه!!

هل شوارع الدوحه قادره على استيعاب هالعدد من السيارات؟؟

هناك شوارع ضيقه وغير قابله للتوسعه لان المباني لازقه في الشوارع وتوسعة هالشوارع يتطلب ازالة هالمباني وهذا بيكلف الدوله المليارات!!

مثلا:
الشارع الرئيسي اللي يربط شارع المطار مع شارع روضة الخيل (شارع المنصوره)
هالشارع حيوي وتجاري ويقع في منطقه سكنيه والشارع مسار واحد لكل اتجاه؟؟

وهناك العديد من الشوارع في وسط الدوحه بنفس المشكله!!

http://www13.0zz0.com/2015/12/19/10/454242861.jpg (https://www.0zz0.com)


الحل ولو انه متأخر هو انشاء عاصمه جديده بمواصفات عالميه

[Qtr37]

نتمنى ان يصل صوتك!!
مع العلم ان في مناطق يمكن توسعتها لو بخط واحد زياده وممكن يحل المشكله

والله الموفق..

[ضوى]

ماينفع ، اذا افترضنا غيرنا مواعيد المدرسه عن مواعيد الاشغال الحكوميه الكل بيطلع وقت المدارس عشان عياله واكيد ماراح يرد البيت لين موعد دوامه ، غير هذا اذا الكل بيطلع هالوقت وبيرجع بهالوقت شنو اللي فرق عن الوضع الحالي ؟
غير زحمه الليل هذي شنو حلها !؟

[ضوى]

الحل لازم يكون جذري يعني توسعه الشوارع حل ، تقنين رخص السيارات حل ، زيادة الانفاق والجسور والمخارج حل ، نقل المركزيه الحاليه للادارات والوزارات والهيئات لاماكن ثانيه غير الابراج ووسط الدوحه هذا حل ، توزيع الفعاليات في كذا منطقه حل

[توشيبا]

المفروض الدوائر الحكوميه تشتغل 24 ساعه

والمرجعات بمواعيد ياخذها الواحد عن طريق اتصال او الموقع

والمدارس من 9 لين 3

[حرف]

من الحلول كذلك الزام الطلاب من صف رابع وطالع بالباصات
وكذلك الاجانب مايعطون احد ليسن الا الي وظيفته سايق او الوظايف الكبرى
مدخل بيانات واستقبال واداري وممرض وممرضه وغيرهم يركبون باصات

[SouthK]

فكرة ممتازة نرجو تنفيذها!

[مختلف جداََ]

من الحلول كذلك الزام الطلاب من صف رابع وطالع بالباصات
وكذلك الاجانب مايعطون احد ليسن الا الي وظيفته سايق او الوظايف الكبرى
مدخل بيانات واستقبال واداري وممرض وممرضه وغيرهم يركبون باصات


الحمد لله القرار مب بيدك

بعدين ليش تكره المقيمين لهالدرجة

الرحمة زينة

بعدين انت ليش متناقض !!!؟

[حرف]

الحمد لله القرار مب بيدك

بعدين ليش تكره المقيمين لهالدرجة

الرحمة زينة

بعدين انت ليش متناقض !!!؟

من قال اكرهم ؟
ياخي تخيل خباز ولا خياط ولا كولي عنده سياره
في ذمتك هذولا مايسببون زحمه
بعدين انت وغيرك اخوانا العرب منا وفينا وموب انتم المقصودين

[مختلف جداََ]

من قال اكرهم ؟
ياخي تخيل خباز ولا خياط ولا كولي عنده سياره
في ذمتك هذولا مايسببون زحمه
بعدين انت وغيرك اخوانا العرب منا وفينا وموب انتم المقصودين

أشوفك غيرت الوظايف من ممرضة و إداري لكولي و خباز

طيب يا أخوي العربي
أحيلك لتقييمك انت بالذات لموضوع المواصلات في قطر

اذا انت معطي المواصلات في قطر تقييم 0
شلون تبي العالم تستخدم الباصات .
وبعدين تعال انت ترضى اختك تركب باص .
اذا انت ما ترضى فالناس بعد ما يرضون .

بالمرة ما أعرف شنو قصدك بالوظائف الكبرى ؟

هل وظيفة شرطي من الوظائف الكبرى و لا لا ؟
هل وظيفة بائع من ضمن المهن الكبرى أم لا ؟
هل وظيفة سكرتير من ضمن الوظائف الكبرى أم لا ؟
هل وظيفة ممرض من ضمن المهن الكبرى أم لا ؟

لا تفكر بنفسك بس خل نظرتك أشمل و أكمل .
شكرا أخي العربي

[معماري قطري]

مشكلة الزحمه ماراح تنحل مع وجود اكثر من 500,000 سياره في شوارع الدوحه!!

هل شوارع الدوحه قادره على استيعاب هالعدد من السيارات؟؟

هناك شوارع ضيقه وغير قابله للتوسعه لان المباني لازقه في الشوارع وتوسعة هالشوارع يتطلب ازالة هالمباني وهذا بيكلف الدوله المليارات!!

مثلا:
الشارع الرئيسي اللي يربط شارع المطار مع شارع روضة الخيل (شارع المنصوره)
هالشارع حيوي وتجاري ويقع في منطقه سكنيه والشارع مسار واحد لكل اتجاه؟؟

وهناك العديد من الشوارع في وسط الدوحه بنفس المشكله!!

http://www13.0zz0.com/2015/12/19/10/454242861.jpg (https://www.0zz0.com)


الحل ولو انه متأخر هو انشاء عاصمه جديده بمواصفات عالميه





إذا الفرجان الخارجية حديثة التخطيط تخطيطها ناقص وبنيانها غلط شتتوقع من مدينة جديدة .. المفروض أي منطقة حديثة تخطط صح وتبنى صح مب بعقلية الشوارع الدائرية والدوارات والطرق الضيقة والبيت ملاصق للطريق .. وفجأة يقررون يخلون شارع ضيق تجاري مثل ما صار في مناطق عديدة

الشارع التجاري له شروط وتخطيط أساسي والشارع الرئيسي كذلك والفرعي والمداري وكلهم يعرفونها التخطيط عدل بس الظاهر يحبون الشارع بتاع كله وهذا يسبب الزحمة والعشوائية .. حتى توصل بيتك لازم تمر شارع تجاري مما يسبب زحمة فوق الزحمة

[حرف]

أشوفك غيرت الوظايف من ممرضة و إداري لكولي و خباز

طيب يا أخوي العربي
أحيلك لتقييمك انت بالذات لموضوع المواصلات في قطر

اذا انت معطي المواصلات في قطر تقييم 0
شلون تبي العالم تستخدم الباصات .
وبعدين تعال انت ترضى اختك تركب باص .
اذا انت ما ترضى فالناس بعد ما يرضون .

بالمرة ما أعرف شنو قصدك بالوظائف الكبرى ؟

هل وظيفة شرطي من الوظائف الكبرى و لا لا ؟
هل وظيفة بائع من ضمن المهن الكبرى أم لا ؟
هل وظيفة سكرتير من ضمن الوظائف الكبرى أم لا ؟
هل وظيفة ممرض من ضمن المهن الكبرى أم لا ؟

لا تفكر بنفسك بس خل نظرتك أشمل و أكمل .
شكرا أخي العربي

ردك كله اسأله الله يهديك منو فاضي يجاوب عليها
من الاخير انت وغيرك غير مقصودين مما ذكرت والله شاهد على ما اقول