احذروا التعامل مع سوري في تركيا

[مضارب دوسري]

السلام عليكم

فيه سوري منتشر اسمه بين الشباب اللي ينصحون بسواقين في تركيا على انهم ارخص ثمن و و و و
راح رفيجي مع هله وما شافوا منه خير
اولا
اقبضوا عليهم الشرطه لانه ما عنده اساسا مكتب سياحه :rolleyes2:
طبعا السفاره ما قصرت معاهم نهائيا خصوصا علي تركي ملحق للسفاره القطريه في اسطنبول

المهم بعد ما قبضوا عليه قام رفيجي ودفع له حسابه كامل
ولكن بعد ما خلص موضوعه مع الشرطه بعد ايام
اتصل عليهم في غرفتهم ويهدد ويبتزهم بانهم يدفعون له زياده

طبعا كانت الليله الاخيره لرفيجي وعايلته ف طنشوا وراحوا المطار بعدها من غير ما يبلغون عليه

ف ارجو عدم الانجرار ورى اشخاص لا يملكون شركات بحجة اسعارهم رخيصه

والله يحفظ الجميع

مادري احط لكم صورته ولا ما يحتاج :telephone:

[Miss]

جزاك الله خير على التنبيه
اكثر دوله اسمع عنها انه فيها حالات نصب كثيره هي تركيا

[بوحمد1]

ولا احلا من السعودية

[ماجد البدر]

في كل مكان لابد من الحذر في التعامل مع العرب للاسف واقولها بمرارة
بالاخص اسطنبول ولاخص تقسيم حتى اصحاب المطاعم ومن يقول لدينا ولدينا بس تعال معنا اضلا لاتترك فرصة للحديث معهم طنش
وتنزه واستمتع بوقتك ولا تتعامل غير مع ناس ثقه ومكاتب رسميه للسياحة

تركيا بلد كبير ومناطق شاسعه ونظلمها حين نقول انها تخوف
بل بلد سياحي مميز وعليك ان تعرف كيف تتعامل معهم

[@فهد@]

بلد مجاور لمناطق صراع ومشاكل وش لكم وش المشاكل .. ادفع زياده وافتك من هالاشكال .. من زين تعامل الاتراك ..

[بوخالد911]

يسلموو للتنبيه.

[دايموند]

حط اسمه عالاقل...

[ذيب ازغوى]

اخوي انا مقيم في تركيا
وكلامك صحيح ان من سبب المشاكل والنصب والاحتيال في قطر هم العرب
اخوي ترى تركيا ليست فقط للاتراك وانشدني عن الاتراك الاصل اقولك ونعم
لاكن تركيا هي خليط من الارمن والغجر والاكراد وعرب تركيا وهذا الخليط هو من يشوه سمعت الاتراك
ولا التركي التركي شباب فيهم خير وانا عايش معاهم مده طويله ولاكن التركي عنده عزة نفس مايشتغل مرشد سياحي في مكتب او سواق او حتى في مطعم فلهذا السبب انت مش قادر تخالط هذي الطبقه النضيفه فهذا المجتمع وتقدر تروح اسطنبول الاسيويه وتشوفهم
وانا مره رحت الارياف وكنت اسولف مع صاحب مطعم تركي يقول لي ان المرشد السياحي يصر عليه بان ياخذ مبلغ زياده وهو الذي ياخذ الزياده المرشد ويقول له اذا ماخذيت الزياده ماراح اجيب لك سياح مره ثانيه

[h9466]

في شهر 9 هذا العام كنت في اسطنبول مع اسرتي ...الحقيقة بلد سياحي من الدرجة الاولى ..عجبتنا جدا من جميع النواحي خصوصا المساجد تجدها في كل مكان...\لكن كما تفضل الاعضاء لاتقرب من العرب ,,,حصل معي موقف مع شخص سوري وقفني في نص الشارع وعرض علي جداول لرحلات سياحية شكرته ومشيت لحقني والح علي ان اتعامل معاه شفت اسعاره وقلت له ان شاء الله خير,,رتبت جدول سياحي بنفسي طلع سعره ربع السعر اللي عرضه علي...,,

[قطريه ماركه]

تركيااا حلووة ,, بس اللي مخربها اللي يطروون في تقسيم خصوصاً
بس مع هالاحداث خلاص خربوهاااا اللاجئين

[المحاميه]

استغفرالله
اللي مخربها ناسها
شايفين نفسهم مادري على شنو
حمدالله والشكر

[Qtr37]

انا كرهت هالبلد من ناسها
محد يقدر يفكر وهو مسافر ايش اصل هالشخص علشان افكر اتعامل معاه او لا !!
اصلا حتى مضيفات الطيران التركي ماعجبني تعاملهم كأني رايحة اطر من عندهم!! خير ان شاء الله!!

[ولد المنصور]

كنت افكر اسافر تركيا .....

[QtrGate]

اسطنبول اغلب اَهلها يتضايقون من السياح

عندكم انطاليا وايد احلى
تنزلون من مطار أنقره وممكن بالسيارة او طيارة الى انطاليا

منطقه سياحية وانهار وجبال وشلالات والعالم مبتسمه