داعس على الريس حدة في الفريج !!!!!!!

[فريج النجادة]

اخواني واخواتي

منتدى اسرتي وأحبتي

السلام عليكم ورحمة الله وبركاتة

الموضوع
داعس على الريح حدة في الفريج!!!!!!

السرعة وما ادراك ما السرعة وخطر السرعة

في الطرق السريعة

ولاكن هناك شياطين من الانس

لا يكفيهم السرعة في الطرق السريعة

وصل فيهم الجنون والاستهتار

حتى في الفرجان داعس على الريح حدة

كم مرة سمعنا وشفنا من دعس الأطفال والحوادث في الفرجان

بسبب شياطين الانس الذي لا عقول لهم ولا ضمير

ما الحل مع شياطين الانس !!!!!!!!

[معماري قطري]

اللي يصادف واحد من هالأشكال يلحقه وياخذ رقمه ويبلغ عنه ويتابع البلاغ

[يوسف0]

تحريات يسجل الرقم ويتلونه من اذنه تحذير اول مره

ثاني مره غرامه كبيره مع سحب السياره

ثالث مره غرامه وسحب السياره للأبد وسحب الليسن

رابع مره خل يسجل في السجن

وبعدها مابتسمع حس فالفريج :)

[يوسف0]

اللي يصادف واحد من هالأشكال يلحقه وياخذ رقمه ويبلغ عنه ويتابع البلاغ

ممنوع تلحقه معماري

الشرطه مايلحقونك الا اذا ممصخها بزود

لان كل مالحقوا واحد مات ويتوهقون يطلع ولد فلان وعلان (اضن)

[معماري قطري]

حطوا في فريجنا مطب حلو تمر عليه وانت تمشي 50 ما عندك مشكلة .. بس ما يبين ومكانه غلط يعني اللي يمر عليه مره يتحسب له ولا يدري وين .. عاد البعض قبل ليوصلونه بمسافة يمشون 30 وكل شوي بريك والله تقول خايفين من انهيار في الشارع بيطيحون فيه وسياراتهم كشرة وايد عليها .. ذيلا يخلون الواحد يطلع من طوره ساعات

[بانغ بانغ]

ممنوع تلحقه معماري

الشرطه مايلحقونك الا اذا ممصخها بزود

لان كل مالحقوا واحد مات ويتوهقون يطلع ولد فلان وعلان (اضن)

تعجبني جرأتك وكلامك صحيح

[معماري قطري]

ممنوع تلحقه معماري

الشرطه مايلحقونك الا اذا ممصخها بزود

لان كل مالحقوا واحد مات ويتوهقون يطلع ولد فلان وعلان (اضن)

تابعه يعني بس صيد رقمه مب مطاردة مع إني سويتها مرة وكانت مطاردة .. وواحد سواها بطابوقة في باب السايق وبعدها مطاردة وانقلب ونزل من سيارته وشرد .. الفرجان غالبيتها فيها ناس لو شافوا شيء غلط يتصرفون تصرف أهوج أحياناً وأوقات معذورين

[يوسف0]

تعجبني جرأتك وكلامك صحيح

تسلم

وان شاء الله ماتوهق فيوم من الايام :victory:

[يوسف0]

تابعه يعني بس صيد رقمه مب مطاردة مع إني سويتها مرة وكانت مطاردة .. وواحد سواها بطابوقة في باب السايق وبعدها مطاردة وانقلب ونزل من سيارته وشرد .. الفرجان غالبيتها فيها ناس لو شافوا شيء غلط يتصرفون تصرف أهوج أحياناً وأوقات معذورين

اذا قدرت تلحقه بدون ماتلفت انتباهم وتصير مطارده وتاخذ رقمه وانت محرك فالبتوفيق

لاكن بعد ماسجلت رقمه شنو الأجراء الي اتخذته خل نستفيد ؟ :)

[بانغ بانغ]

اخوي معماري ... كلام يوسف صح

اتذكر مرة كانت دورية عندنا ايطاردون بزارين صوب خط امسيعيد وتوهجوا مساكين وانقلبوا ووقفوا المطارد فترة ويمكن لحين

واتوقع احين ايسوون لهم كمين او تحكيرة

[معماري قطري]

اخوي معماري ... كلام يوسف صح

اتذكر مرة كانت دورية عندنا ايطاردون بزارين صوب خط امسيعيد وتوهجوا مساكين وانقلبوا ووقفوا المطارد فترة ويمكن لحين

واتوقع احين ايسوون لهم كمين او تحكيرة

صحيح المطاردة غير عن اللي قلته .. قلت الحقه سجل رقمه بس .. واذا هو مسرع بيكمل سرعته لو حس واحد يبي يصيد الرقم وهذي المشكلة

[معماري قطري]

اذا قدرت تلحقه بدون ماتلفت انتباهم وتصير مطارده وتاخذ رقمه وانت محرك فالبتوفيق

لاكن بعد ماسجلت رقمه شنو الأجراء الي اتخذته خل نستفيد ؟ :)

الله يعينك عاد على الاجراءات بعدين قصتها طويلة

تعال قدم بلاغ واشهد ويمكن تنطلب .. انا بلغت عن مخالفات واتخذوا اجراء ضد المخالف بس لو المخالف طالب بمحكمة هناك اجراءات ثانية

[حرف]

احنا في دولة فيها قانون بلغ عنهم

[معماري قطري]

اخوي معماري ... كلام يوسف صح

اتذكر مرة كانت دورية عندنا ايطاردون بزارين صوب خط امسيعيد وتوهجوا مساكين وانقلبوا ووقفوا المطارد فترة ويمكن لحين

واتوقع احين ايسوون لهم كمين او تحكيرة

بس لكل فعل لازم هناك تصرف من الشرطة محدد course of action مثل ما يسمونه والمطاردات شيء ضروري ولا كل واحد بيسوي فعلته وبيشرد ولو كان مراهق هذي مشكلته ومشكلة هله مب مشكلة الشرطة .. الشرطي لو وقفه المفروض يوقف .. قيادة السيارة بدون ليسن ممنوعة بالقانون وشو الاجراء اللي يتبعه الشرطي لو حصل واحد يسوق وهو صغير مبين عليه ما عنده ليسن؟ يحاول يوقفه ولو شرد يسجل رقم سيارته ويطلبه .. هذا لو عارف إنه صغير لكن شاف واحد مخالف مخالفة كبيرة .. يسوق 100 مثلاً في فريج والسرعة هناك 50 وحاول يلحقه ولا حتى قدر يصيد رقمه يلف بسرعة وينزل حصى ويغبر .. يخليه ويقول صغير بدون ما يدري ولا يقول صغير ويلعب بكرة بيكبر وبيعقل ويمكن يعدم له عائلة أو أي شخص بريء .. أو يطارده ويوقفه بأي طريقة .. هذا الإجراء موجود عند الشرطة والمفروض ما يتحاسبون على اجراء قانوني محدد حتى وان حصل خطأ.

تسجيل الرقم والتبليغ هذا يتم في كثير من الدول وتستوي مساءَلة للمبلغ والمبلغ ضده ولو فيه تجاوز من الشاهد أو عداوة سابقة ممكن ينسجن وإن ثبتت مخالفة المخالف يتحاسب وأقلها يجيه انذار ويعرف هو وغيره إن فيه ناس تشوف وتبلغ .. والحين المفروض نشر الكاميرات الأمنية في الفرجان.

[بانغ بانغ]

بس لكل فعل لازم هناك تصرف من الشرطة محدد course of action مثل ما يسمونه والمطاردات شيء ضروري ولا كل واحد بيسوي فعلته وبيشرد ولو كان مراهق هذي مشكلته ومشكلة هله مب مشكلة الشرطة .. الشرطي لو وقفه المفروض يوقف .. قيادة السيارة بدون ليسن ممنوعة بالقانون وشو الاجراء اللي يتبعه الشرطي لو حصل واحد يسوق وهو صغير مبين عليه ما عنده ليسن؟ يحاول يوقفه ولو شرد يسجل رقم سيارته ويطلبه .. هذا لو عارف إنه صغير لكن شاف واحد مخالف مخالفة كبيرة .. يسوق 100 مثلاً في فريج والسرعة هناك 50 وحاول يلحقه ولا حتى قدر يصيد رقمه يلف بسرعة وينزل حصى ويغبر .. يخليه ويقول صغير بدون ما يدري ولا يقول صغير ويلعب بكرة بيكبر وبيعقل ويمكن يعدم له عائلة أو أي شخص بريء .. أو يطارده ويوقفه بأي طريقة .. هذا الإجراء موجود عند الشرطة والمفروض ما يتحاسبون على اجراء قانوني محدد حتى وان حصل خطأ.

تسجيل الرقم والتبليغ هذا يتم في كثير من الدول وتستوي مساءَلة للمبلغ والمبلغ ضده ولو فيه تجاوز من الشاهد أو عداوة سابقة ممكن ينسجن وإن ثبتت مخالفة المخالف يتحاسب وأقلها يجيه انذار ويعرف هو وغيره إن فيه ناس تشوف وتبلغ .. والحين المفروض نشر الكاميرات الأمنية في الفرجان.

تدري بش مهندس .... بعض الدوريات يوم ايشوفون المخالفين ايدشون بر ... ايخلونهم

مادري مش مؤهلين للسواقة في البر او ايخافون ايصير شي

المفروض تستمر المطاردة ... وان صار شي يتحمل المخالف المسئولية

نفس امريكا ويجب ايضا تفعل خدمة العلي كوبتر في المطارد

[فريج النجادة]

احنا في دولة فيها قانون بلغ عنهم

كيف ابلغ عنهم وانا جالس في بيتي

ما يمديني اركب السيارة ما أحصلهم

وهل يعقل نركب رادار في كل فريج !!!

[معماري قطري]

كيف ابلغ عنهم وانا جالس في بيتي

ما يمديني اركب السيارة ما أحصلهم

وهل يعقل نركب رادار في كل فريج !!!

مب رادار كاميرات أمنية والمخالف ينسحب ومنها مراقبة للتجاوزات الأمنية الثانية مثل السرقات وتهريب المسروقات من البيوت عن طريق الخدم والتحرشات .. ومب شرط المراقبة تكون متواصلة تسجيل ومراجعة سريعة من قبل اختصاصيين

في شارع ضيق من مسار في كل اتجاه وجزيرة في الوسط للوقوف وبدون رصيف .. حطوا مطبات والبعض يتجاوزها بسرعة جنونية ويمشي عكس السير والشارع معروف للكل اللي هو شرق حديقة الحيوان أظن اسمه الرفاع الجديد .. وصارت عليه حوادث خطرة والحل الجذري لمعرفة المخالفين الكاميرات

بعدين بالنسبة للي في بيتهم ويسمع تحفيص وازعاج بكل بساطة يبلغ على 999 وهم يبلغون التحريات المنتشرين في عدة أماكن ولازم واحد منهم قريب

[معماري قطري]

تدري بش مهندس .... بعض الدوريات يوم ايشوفون المخالفين ايدشون بر ... ايخلونهم

مادري مش مؤهلين للسواقة في البر او ايخافون ايصير شي

المفروض تستمر المطاردة ... وان صار شي يتحمل المخالف المسئولية

نفس امريكا ويجب ايضا تفعل خدمة العلي كوبتر في المطارد

تحصلها مخالفات بسيطة وما تستاهل المطاردة وخذوا الرقم وبيطلبونهم لو فيه داعي ينزلون وراهم حسب الضرورة

من ذكريات الماضي التعيس كنت لاف دوار وتواير السيارة تستغيث ما خذت الا واحد ماسك جهاز المحادثة واقف في نص الشارع يأشر لي يبيني اوقف وانا في طلعة الدوار وبسرعة .. يوم شاف ما فيه مجال اوقف الا مسكين نعاله في صوب وغترته في صوب وهو يركض يدور الرصيف ولفيت سرعة قبل ليعرف الرقم .. معاي واحد انتبه له طلع مدير المرور ذاك الوقت وموقف عند حادث بسيط .. السالفة من حول 30 سنة وألحين مستحيل اسويها والله يستر ليطلبوني

[فريج النجادة]

كثرة المطبات مع وجود الكيمرات اصبح مهم جدآ

مع كثرة وجود شياطين الانس والعياذ بالله

[بوخالد911]

افضل حل لهم السجن
وبسنا حب خشوم وواسطات وتنازلات.

[معماري قطري]

كثرة المطبات مع وجود الكيمرات اصبح مهم جدآ

مع كثرة وجود شياطين الانس والعياذ بالله

كيمرات ويشيلون المطبات كلها ويحطون لافتات سرعة تحدد السرعة والكاميرا يبين فيها اللي مسرع واللي يتمشى بالعدال وأقل من السرعة القانونية والإثنين المفروض يتخالفون .. السرعة عند التقاطعات المفروض تكون أقل من باقي الأماكن ولو حطوا تقاطع بشكل + وحطوا قف على كل مسار المفروض اللي يوقف قبل يحق له يدخل التقاطع قبل .. يوقف يعني يوقف 100% مب بس يخفف واللي يخفف ويقطع تجيه مخالفة

[بانغ بانغ]

كيمرات ويشيلون المطبات كلها ويحطون لافتات سرعة تحدد السرعة والكاميرا يبين فيها اللي مسرع واللي يتمشى بالعدال وأقل من السرعة القانونية والإثنين المفروض يتخالفون .. السرعة عند التقاطعات المفروض تكون أقل من باقي الأماكن ولو حطوا تقاطع بشكل + وحطوا قف على كل مسار المفروض اللي يوقف قبل يحق له يدخل التقاطع قبل .. يوقف يعني يوقف 100% مب بس يخفف واللي يخفف ويقطع تجيه مخالفة

ايصبحك بالخير اخوي معماري

صدقني ان المطبات هي الحل الوحيد بس شغلانة كل اشوي اتوقف خاصة اذا عندك سبورت

في مطبات شفتها في دبي .... خفيفة بس تجبرك اتوقف ... نفس السنام صغيرة من مادة مادري شنو اسمها

اتوقع انسب حل جذري للسرعة في الفرجان خاصة

[فريج النجادة]

السرعة في الفرجان اخطر من السرعة في الشوارع العامة بكثير

بسبب وجود الاطفال والنساء وكبار السن

اصبح الواحد منهم ما يدري اذا خرج من البيت الى الحديقة

المجاورة او المسجد او الدكان

ما يدري يرجع البيت او لا بسبب شياطين الانس!!!!

[شبح الصمت]

بس اهي دعسة ريس ..

تعال شوف الباصات في الفرجان احس الريس حده ..

امس شاحنه قدامنا اقطعت الاشارة وهي حمره لا تقولون لي بتصير صفره
ما وقف والله ولا شمم ريله تكرمون البريك ..

سبحان الله كنا بنوقف على خطه رفيجي يقولي مادري شلي خلاني اوقف اقصى اليسار وذاك اقصى اليمين ..

استغفر الله العظيم

[فريج النجادة]

نحن نطالب من وزارة الداخلية تعيين على الاقل في كل فريج

عشرة من الشباب مهمتهم تسجيل ارقام السيارات المسرعة في الفرجان

وصرف لهم بدل طبيعة عمل حتى يكون الامر جدي

[معماري قطري]

ايصبحك بالخير اخوي معماري

صدقني ان المطبات هي الحل الوحيد بس شغلانة كل اشوي اتوقف خاصة اذا عندك سبورت

في مطبات شفتها في دبي .... خفيفة بس تجبرك اتوقف ... نفس السنام صغيرة من مادة مادري شنو اسمها

اتوقع انسب حل جذري للسرعة في الفرجان خاصة

صباح النور والسرور اخوي ولو انها متأخرة

شلوا مطبين قرب بيتنا وحطوا واحد من هذي النوعية بعيد شوي .. إن مريت عليه بسرعة 50 وأَقل ما عندك مشكلة .. بس مشكلتنا انا وبيت اخوي صعوبة تطليع السيارة من البيت بسبب السرعة .. حتى 50 تعتبر سرعة عالية لأَن باب البيت ملاصق للشارع حول مترين بس يفصلون والناس يمرون مسرين وحتى الباصات

[أم محمد 90]

لاعت جبدي من البزران اللي يا ماعندهم ليسن وماخذين سيارة البيت او توهم ماخذين (الكجه) والله لا حملات تنفع فيهم ولا لوحات ولا فيديوات وعظ ونصح

صج يبيلهم تلشط بعقال لين الله يشوف لهم ...

[فريج النجادة]

لاعت جبدي من البزران اللي يا ماعندهم ليسن وماخذين سيارة البيت او توهم ماخذين (الكجه) والله لا حملات تنفع فيهم ولا لوحات ولا فيديوات وعظ ونصح

صج يبيلهم تلشط بعقال لين الله يشوف لهم ...

اقتراح في محلهههههههههههههههه

[مختلف جداََ]

الليسن ( الكجه) شفايدته أصلاً ؟
القانون يقول لازم يكون اللي قاعد جنبه عنده ليسن .

دام في واحد عنده ليسن معاه خله هو يسوق .

شي عجيب بصراحة

[بصمة قطرية]

شالوا كل المطبات من فريجنا :(
و أنا أنطرهم يتكرمون علينا و يحطون قدام بيتنا :(
لماذا ..!!!!

[مختلف جداََ]

اقترح أي ولد ينصاد و هو يسوق موتر ابوه بالخش

يسجنون ابوه كم يوم عشان يتعلم يخش مفاتيحة عدل .

[تاجر كشخة]

اغلب الناس كذا هنا متهورين طايشين مستهترين ومستعجلين والدنيا زحمة والناس ما عاد لها صبر يا رب سترك

[فريج النجادة]

اغلب الناس كذا هنا متهورين طايشين مستهترين ومستعجلين والدنيا زحمة والناس ما عاد لها صبر يا رب سترك

والمتهور لازم توقفة عند حدة

ومحتاجين فزعة الشرطة معنا للحدث من هذة الظاهرة الخطيرة

على مجتمعنا