خفوا علينا يا جمارك !!!

[asulaiti]

الحقيقة استغربت في الفترة الأخيرة .. قاموا الجمارك ياخذون جمرك حتى على تكلفة شحن الأغراض !!

أنا أخبر الجمرك ياخذون على قيمة البضاعة من خلال الاطلاع على الفاتورة أو تقدير سعرها ..

اللي صار معاي (وهذه صارت مرتين الحين) بعد مراجعة البيان الجمركي .. وجدت أن قيمة الجمرك تم احتسابها من خلال مجموع تكلفة الأغراض التي
طلبتها وأضافوا عليها كلفة شحنها من أمريكا إلى قطر (حيث الشركة التي أشحن عن طريقها تضع سعر الشحن والتأمين غير سعر الأغراض) ..
لكن لا يكون الناتج النهائي من ضمن الفاتورة .. بل مجموع سعر الأغراض = كذا .. وبعدين سعر الشحن وتكلفة التأمين ..

وربعنا في الجمارك .. يحسبون مجموع الفاتورة ويضيفون عليها تكلفة الشحن والتأمين المسجل في الفاتورة .. ويضربونها في 5% قيمة الجمارك ..

وفي الاخير أنا دفعت جمرك أكثر من الجمرك الحقيقي المستحق علي ....

.
.
.
.

شسالفة ؟؟

[الريـــاني 1]

اخي معروف ان الجمارك تحسب من السعر الاجمالي )C.I.F) يعني cost + insurance+ frieght + التكلفة + التامين + الشحن ومن ثم تحسب عليك ال 5%

[MAZEN37]

موضوعك مهم جدا
مثال بسيط رحت السوق الصيني وطلب رولات ورق جدران
وقالي الشحن بعد 20 يوم طبعا المحل بيطلب شحن بطريقته
بعد 30 يوم قالي تعال خذ فلوسك والطلبيه بخسر فيها لتغير سياسه الجمارك ونفس الموضوع مع الاضاءه
الخلاصه
انه سياسة الجمارك تؤثر سلبا على التنميه وتقدم السوق بشكل عام وبتزيد الاسعار توماتك والتاجر راح يضيف على السلعه لانه ببساطه ما راح يخسر في النهايه في ضرر
الهدف هو فتح الاسواق وتقارب الاسعار مع العالم
والله من وراء القصد

[للصبر اخر]

هالموضوع جدااا جداا مهم ..
لاحظت التغير في الجمارك من سنتيين تقريبااا
كل ما اطلب اغراض ادفع شحن واروح استلمها يقولون دفعي جمارك
هذا وانا ما اجيب بضااعه
الاغراض كلها استخدام شخصي وشي خفيف جدااا

[حمد بن سعد]

كل الرسوم للدوله راح تزيد مع العجز بعيني شايف كتب رفع اسعار معاملات

[البرونزي]

نفس النظام ماتغير شي وهذا النظام على كل دول الخليج هذا اولا
وثانيا الي يشتري من دول الخليج ويقول طلعت خسران ودفعوني جمارك
احب اقولك الغلط منك المفروض اذا شريت اي بضاعه من دول الخليج
تقدر تاخذ من نفس الدوله ورقة مقاصه وهاذي تعفيك من الرسوم

[asulaiti]

يا اخوان .. انا الاغراض اللي أتكلم عليها أغراض شخصية ..
استخدام شخصي وللبيت ..

الاخوة الكرام اللي أفادوا بأن هذا النظام متبع من زمان أقول لهم مخطئين .. أنا أكثر من 15 سنة وأنا أشتري من الانترنت ..
إلا أن الفترة الأخيرة من كم سنة بدأت بنظام تجميع احتياجاتي للاغراض واشحنها مرة وحدة أوفر لي في تكلفة الشحن في أحياناً كثيرة ..
وهنا أحيانا تصل تكلفة الشحن إلى 350 دولار .. وأحياناً أكثر .. مثل هذه المرة وصلت تكلفة الشحن قريب 500 دولار لبعض الاغراض الثقيلة معها ..
فتخيل قيمة الاغراض اللي شريتها 1000 دولار .. يعني 3650 ريال .. وفوقها احسبوا تكلفة شحنها 1000-1500 ريال ..
بدل ما ياخذون جمارك على الاغراض .. اخذوا علي جمارك على الشحن أيضاً !!
طيب عملية الشحن .. هي شحن !! اسمها شحن .. يعني مو شيء ملموس يدخل البلد وتاخذون عليها جمارك !!
الطيارة ما نزلت في البيت !!
شحن .. عملية أدت غرضها وانتهت عند أرضية الجمارك !!
ليش ياخدون عليها جمارك !!


هذه الحركة جديدة إخواني .. لم تكن موجودة .. حيث في كل مرة أكون جاهزاً للجمارك التي سأدفعها نظير دخول هذه الاغراض التي اشتريتها ..
بعض المرات الجمارك ياخذون جمرك للاغراض اذا كميتها ليست بسيطة .. ومرات أخرى كثيرة لا يأخذون جمارك ..
وعندما يأخذون جمارك احياناً أقوم بالحسبة لأتأكد من أن شركة الشحن لم تغشني في الرسوم (لأنها صارت معاي مرة مع dhl) ..
طلبوا مبلغ من المال بعد التوصيل بحجة أنها رسوم جمارك دفعوها للإفراج عن الشحنة .. وكنت قد شككت بالمبلغ المطلوب حيث أنها لا تناسب قيمة الأغراض التي طلبتها ..
وبعد أن طلبت منهم البيان الجمركي .. اتصلوا بي وقالوا لي الجمارك تم تخفيضها !!!!
وهنا صارت قصة .. ذهبت للجمارك واعطيتهم الاوراق وطابقوها مع الاوراق اللي عندهم وهنا اكتشوا ان الشركة تاخذ زيادة من العملاء باسم الجمارك ..

ليس هذا موضوعي .. لكن في كل مرة اشيك على الفاتورة أجد أنها جمارك لقيمة البضاعة فقط + بدون تكلفة الشحن لأنها ليست سعر الاغراض إنما تكلفة نقلها من بلد لبلد !!
والتأمين ليس من ضمن سعر الاغراض وإنما هي ضمان في حالة التلف أو فقدانها يتم تعويضي ..

الآن .... شالقصة يا جمارك قطر !!!

ليش تاخذون جمرك على شيء وظيفته توصيل المنتج لكم !!
وانتم المفروض تجمركون على قيمة الاغراض فقط ..
لا دخل لكم في قيمة الشحن !!

[ضوى]

صح انا خذوا علي الف ريال مقابل اغراض دافعه ثمنهم مع الشحن والتأمين

[البرونزي]

والله ياخوي قول الحمدلله انهم ماكانو ياخذون عليك طول هالفتره
الرسوم على قيمة الشحن وقيمة البضاعه هذا قانون واتفاقيه دوليه ومذكوره في قانون الجمارك
وقانون قديم وليس حديث لكن قبل يمكن التساهل فيها لكن الحين تم تطبيقها والمحاسبه فيها
وعلى فكره الجمارك عليها جهه رقابيه ( ديوان المحاسبه ) تتم محاسبتهم والمراجعه عليهم

[بو راشد 1]

تجربتنا مع الجمارك:

طلبنا 3 بانكات ابو ليتات من شركة اضاءات محترمة، و عملو لنا الطلبية (اعتقد من هونج كونج)، المهم، لما وصلت البضاعه طلبو اوراق و مستندات عجيبة و غربية من كل وزارة و دائرة في قطر, لدرجة ان المورد زهق و خسر 5000 ريال قيمة البضاعه و لا قدر يطلعها من الجمارك.

[مختلف جداََ]

http://cdn.top4top.co/p_55911fw1hm0.png (http://up.top4top.net/)

من موقع حكومي

[بومحمد المطاوعه]

اذا كانت الأغراض شخصيه وسعرها فوق 3000 ريال

يأخذون 5%

هذي اقل نسبه بالدول الأخرى

عيل لو ف مصر
بتدفعون 100%
شبتسوون هناك !؟؟

[بومحمد المطاوعه]

تجربتنا مع الجمارك:

طلبنا 3 بانكات ابو ليتات من شركة اضاءات محترمة، و عملو لنا الطلبية (اعتقد من هونج كونج)، المهم، لما وصلت البضاعه طلبو اوراق و مستندات عجيبة و غربية من كل وزارة و دائرة في قطر, لدرجة ان المورد زهق و خسر 5000 ريال قيمة البضاعه و لا قدر يطلعها من الجمارك.

أكيد اطلبو الفواتير من بلد المنشأ وشهاده منشأ

ولازم هذي الفواتير والاوراق تكون موجودة
وإذا مب موجودة ياخذون عليك غرامه على الفواتير


وبخصوص طلبهم من الاداره في قطر

يمكن يبون ورقه من الدفاع المدني ان هذي المراوح صالحه للأستخدام
علمآ ان بعض المراوح تسبب حرائق

ف هذي الأشياء طبيعية ومب معقدة ط
خلال يومين بالكثير الأوراق والموافقات تكون جاهزه

[Boost]

http://cdn.top4top.co/p_55911fw1hm0.png (http://up.top4top.net/)

من موقع حكومي


يعني باكيت الزقاير المفروض بعدد الزقاير اللي فيه دافعين عالأقل 20 ريال ؟!!

ياخي الجمارك عميان أو الموضوع فيه تلاعب لان أسعارها منخفضه جدا

ولاحظ جملة أيهما أعلى (يعني أقل شي للزقاره ريال ضرايب والباكيت 20 ريال ؟!! )

ولا شركات التبغ معفيه من الضرايب عندنا يعني ناس وناس!!

[Boost]

الحقيقة استغربت في الفترة الأخيرة .. قاموا الجمارك ياخذون جمرك حتى على تكلفة شحن الأغراض !!

أنا أخبر الجمرك ياخذون على قيمة البضاعة من خلال الاطلاع على الفاتورة أو تقدير سعرها ..

اللي صار معاي (وهذه صارت مرتين الحين) بعد مراجعة البيان الجمركي .. وجدت أن قيمة الجمرك تم احتسابها من خلال مجموع تكلفة الأغراض التي
طلبتها وأضافوا عليها كلفة شحنها من أمريكا إلى قطر (حيث الشركة التي أشحن عن طريقها تضع سعر الشحن والتأمين غير سعر الأغراض) ..
لكن لا يكون الناتج النهائي من ضمن الفاتورة .. بل مجموع سعر الأغراض = كذا .. وبعدين سعر الشحن وتكلفة التأمين ..

وربعنا في الجمارك .. يحسبون مجموع الفاتورة ويضيفون عليها تكلفة الشحن والتأمين المسجل في الفاتورة .. ويضربونها في 5% قيمة الجمارك ..

وفي الاخير أنا دفعت جمرك أكثر من الجمرك الحقيقي المستحق علي ....

.
.
.
.

شسالفة ؟؟

قول الحمدلله إنك تستوردها شخصي

في المطار يدفعوني حتى فلوس نقل البضاعه من الطيارة لين المخزن
والمينا يدفعوني حتى قيمة تنظيف الكونتينر (يعني إنهم ينظفونه)

خلها على الله

[حرف]

ماجربتهم
بس الي سمعت انهم ياخذون فوق حقهم

[asulaiti]

اذا كانت الأغراض شخصيه وسعرها فوق 3000 ريال

يأخذون 5%

هذي اقل نسبه بالدول الأخرى

عيل لو ف مصر
بتدفعون 100%
شبتسوون هناك !؟؟

بومحمد بارك الله فيك أنا اعتراضي مو على الجمارك ... أنا أدفع الجمارك شبه دائم في كل الشحنات تقريباً ..
ماعدا الشحنات البسيطة اللي عبارة عن غرض صغير أو اثنين ..

أنا اعتراضي على أخذ جمارك على تكلفة الشحن !!

ليش ؟؟

اخذوا جمارك على قيمة الأغراض .. بس !!

لكن تاخذون جمارك على تأمين دفعته .. غرضه ضمان وصول الأغراض كاملة وسليمة ..
تاخذون جمارك على تكلفة شحنها اللي غرضها نقل هذه الأشياء من بلد المشترى إلى قطر ..

هذا غير معقول وظلم ..

ومصيبة لو فعلاً يطبقونها على التجار كذلك !!
الأسعار فوق إنها مولعة بتزيدها شرارة وبترتفع الأسعار فوق !!

يا جمارك قطر ......... خفوا علينا شوي ..

[بو راشد 1]

أكيد اطلبو الفواتير من بلد المنشأ وشهاده منشأ

ولازم هذي الفواتير والاوراق تكون موجودة
وإذا مب موجودة ياخذون عليك غرامه على الفواتير

اخوي،

وبخصوص طلبهم من الاداره في قطر

يمكن يبون ورقه من الدفاع المدني ان هذي المراوح صالحه للأستخدام
علمآ ان بعض المراوح تسبب حرائق

ف هذي الأشياء طبيعية ومب معقدة ط
خلال يومين بالكثير الأوراق والموافقات تكون جاهزه

طالبين اوراق من ادارة المقايس ما ادري ايش و وزارة البيئة بعد، المورد زهق و ترك الموضوع مع انه هو الخسران لاني ما دفعت له شي. قال لي روح راكض بنفسك عشان موضوعك يخلص و تطلع بضاعتك و انا طبيعة عملي ما تسمح ان اطلع وايد من الدوام.

[asulaiti]

أتمنى من جمارك قطر أن ينتبهوا لهذه النقطة .. خاصة وأن أحياناً يكون الشحن مبلغ كبير ..

مثل ما صار معاي هذه المرة .. الأغراض تقريباً 1500 دولار .. وشحنها حول 500 دولار ..

في الاخير احسبوا علي جمارك لمجموع 2000 دولار !! يعني جمركوا أكثر من قيمة الأغراض ..

ظلم هذه الطريقة ...

[سليمان احمد]

موضوع مهم جدا جاء في وقته

انا الحين في امريكا وراجع باذن الله بعد شهر تقريبا

واغراضي جاهزه للشحن اكثر من

ست كراتين وصندوقين كبار وهي ادوات منزليه وهدايا وملابس وبعض قطع الغيار

وانا محتفظ بالفواتير في ملف خاص لاغلب القطع خاصة الكبار ومجهز اموري

والشحن حسب ضني بالراحه يكلفني فوق الالف دولار هل هذا يعني اني راح ادفع

ضعفها للجمارك ولا شلون يا جماعه وضحو لنا قبل لا نتورط افيدونا

[بومحمد المطاوعه]

بومحمد بارك الله فيك أنا اعتراضي مو على الجمارك ... أنا أدفع الجمارك شبه دائم في كل الشحنات تقريباً ..
ماعدا الشحنات البسيطة اللي عبارة عن غرض صغير أو اثنين ..

أنا اعتراضي على أخذ جمارك على تكلفة الشحن !!

ليش ؟؟

اخذوا جمارك على قيمة الأغراض .. بس !!

لكن تاخذون جمارك على تأمين دفعته .. غرضه ضمان وصول الأغراض كاملة وسليمة ..
تاخذون جمارك على تكلفة شحنها اللي غرضها نقل هذه الأشياء من بلد المشترى إلى قطر ..

هذا غير معقول وظلم ..

ومصيبة لو فعلاً يطبقونها على التجار كذلك !!
الأسعار فوق إنها مولعة بتزيدها شرارة وبترتفع الأسعار فوق !!

يا جمارك قطر ......... خفوا علينا شوي ..

جزاك الله خير ياخوي

بشرح لك بشكل سريع وسليم

الجمارك تأخذ فقط على سعر التثمين

يعني الفاتوره اذا زادت عن 3000 ريال
يتم احتساب 3%

هذي اول نقطه

النقطه الثانية

يتم احتساب 110 ريال رسوم تخليص وبيان جمركي

وبعدها يتم احتساب من القطريه

رسوم دليفري وسعرها مختلف على حسب القطريه 190 او 200 ريال

وغير هذي الجمارك ماتاخذ آي رسوم اخرى

الا في حاله المخالفة او رسوم ضياع الفواتير

وهي 500 ريال

شوف وراجع شركه الشحن اخوي
يمكن الزياده منهم

[بومحمد المطاوعه]

طالبين اوراق من ادارة المقايس ما ادري ايش و وزارة البيئة بعد، المورد زهق و ترك الموضوع مع انه هو الخسران لاني ما دفعت له شي. قال لي روح راكض بنفسك عشان موضوعك يخلص و تطلع بضاعتك و انا طبيعة عملي ما تسمح ان اطلع وايد من الدوام.

قواك الله ياخوي

والله يالشيخ هذي كلها تصب في مصلحتك ك شخص طالب اغراض من الخارج

لازم وجود فواتير واوراق من الوزارات ومن الجهات المختصة

وإذا ماعندك احد يراجع تقدر توكل اي احد يراجع بدالك ياخوي

لان صارت بوق من قبل ومشاكل وهذي كلها قوانين وضعت لحمايه البلد وحمايه المستورد

والله يكون ف عونك ان شاء الله

[asulaiti]

الجمارك تأخذ فقط على سعر التثمين

يعني الفاتوره اذا زادت عن 3000 ريال
يتم احتساب 3%

هذي اول نقطه

النقطه الثانية

يتم احتساب 110 ريال رسوم تخليص وبيان جمركي

وبعدها يتم احتساب من القطريه

رسوم دليفري وسعرها مختلف على حسب القطريه 190 او 200 ريال

هذه مافي عليها خلاف يا بومحمد .. رسوم ودايماً ندفعها ..




وغير هذي الجمارك ماتاخذ آي رسوم اخرى

هذا هو محور اعتراضي ..

المرة الأولى قبل حوالي شهرين .. بعد ما استلمت الاغراض من شركة الشحن ..
ودفعت لهم المبلغ المستحق مع رسوم خدماتهم وتخليصهم ..
راجعت ورقة البيان الجمركي .. ووجدت أنهم حسبوا جمارك لقيمة البضاعة مضاف إليها جمارك لتكلفة الشحن !!
طبعاً أخذوا مجموع قيمة الأغراض كما هو موضح في الفاتورة (وبخط اليد) كتبوا + قيمة الشحن = كذا
وتم حساب الجمارك على المجموع النهائي ..

طبعاً أنا لاحظت هذا الأمر وقلت في نفسي يمكن خطأ موظف الجمارك .. وكانت الزيادة ماتستاهل الواحد يروح لهم ويتناقش معاهم ..
فغضيت النظر عن الموضوع ... ولأنها لم تحدث معي من قبل .. وتخميني بأن الذي حصل خطأ .. والمبلغ الزائد لا يذكر .. فقلت خير إن شاء الله ..

الشحنة الأخيرة .. كانت كثيرة نوعاً ما .. وبها بعض الأغراض التي فيها وزن ..
المهم بعد توصيل الشحنة ودفع المستحق لشركة الشحن ..
راجعت الفواتير والبيان الجمركي .. لأتفاجأ بنفس الحركة .. قيمة الأغراض + تكلفة الشحن = x 5% !!!

وهذا الذي خلاني أفتح الموضوع في المنتدى ..

لا يجوز لهم أخذ جمارك على تكلفة شحن !!

في كل دول العالم لا تأخذ جمارك على تكلفة الشحن ..
حتى في الدول الغربية .. هناك ضريبة حكومية على المنتجات المباعة ..
لكن تحسب الضريبة على سعر المنتج (فقط) بدون تكلفة شحنها لو اشتريتها بالهاتف أو بالانترنت ..

ما أقول ..

إلا الله المستعان ...

[بومحمد المطاوعه]

هذه مافي عليها خلاف يا بومحمد .. رسوم ودايماً ندفعها ..



هذا هو محور اعتراضي ..

المرة الأولى قبل حوالي شهرين .. بعد ما استلمت الاغراض من شركة الشحن ..
ودفعت لهم المبلغ المستحق مع رسوم خدماتهم وتخليصهم ..
راجعت ورقة البيان الجمركي .. ووجدت أنهم حسبوا جمارك لقيمة البضاعة مضاف إليها جمارك لتكلفة الشحن !!
طبعاً أخذوا مجموع قيمة الأغراض كما هو موضح في الفاتورة (وبخط اليد) كتبوا + قيمة الشحن = كذا
وتم حساب الجمارك على المجموع النهائي ..

طبعاً أنا لاحظت هذا الأمر وقلت في نفسي يمكن خطأ موظف الجمارك .. وكانت الزيادة ماتستاهل الواحد يروح لهم ويتناقش معاهم ..
فغضيت النظر عن الموضوع ... ولأنها لم تحدث معي من قبل .. وتخميني بأن الذي حصل خطأ .. والمبلغ الزائد لا يذكر .. فقلت خير إن شاء الله ..

الشحنة الأخيرة .. كانت كثيرة نوعاً ما .. وبها بعض الأغراض التي فيها وزن ..
المهم بعد توصيل الشحنة ودفع المستحق لشركة الشحن ..
راجعت الفواتير والبيان الجمركي .. لأتفاجأ بنفس الحركة .. قيمة الأغراض + تكلفة الشحن = x 5% !!!

وهذا الذي خلاني أفتح الموضوع في المنتدى ..

لا يجوز لهم أخذ جمارك على تكلفة شحن !!

في كل دول العالم لا تأخذ جمارك على تكلفة الشحن ..
حتى في الدول الغربية .. هناك ضريبة حكومية على المنتجات المباعة ..
لكن تحسب الضريبة على سعر المنتج (فقط) بدون تكلفة شحنها لو اشتريتها بالهاتف أو بالانترنت ..

ما أقول ..

إلا الله المستعان ...
اخوي

الله يعينك.

راجعهم لو ماخذين ريال زياده عنك

هذي من حقك

قبل ان تفتح موضوع او تناقش اي احد المفروض تتكلم عندهم او تقدم شكوى

علشان تضمن حقوقك بالكامل

يمكن خطأ من موظف

او الزياده من شركه الشحن
مب من قبل الجمارك

تأكد من عندهم علشان يتوضح لك الامر بالكامل

لأن قيمه الشحن الجمارك لاتتدخل

ولكن تتدخل في قيمه القاتوره

اما الشحن وسعر الشحن

أما شركة الشحن الي طالب منهم الأغراض

ام القطريه هي الي رافعه الرسوم عليك
من النقل او الأرضيات

لازم تراجع علشان تعرف وين المشكله

وربي يسهل عليك الامر

[حرف]

الله يعين الي جايته اغراض في جمارك المطار بيتبهذل

[مابدل العادات]

اي والله صادق اذبحونا

قبل ماكانو يسون هاي الحركه

بدو يسوونها يوم الناس اعرفت شركات منافسه لأرامكس اهني قام يسون هاي الحسبه حق كل الشركات بأستثناء الحبيب ارامكس طبعا هاي الشركه معفيه من كل شي

ليش !؟؟؟!؟؟؟ الله أعلم

ولازم نشوف لنا حل والله

الله المستعان ويعين الجميع ان شاء الله

[بومحمد المطاوعه]

الله يعين الجميع ويسهل الامور للأحسن يارب

[معماري قطري]

هذا الموضوع يذكرني بالمسلسلات المصرية قبل عن الجمرك ولا انا عمري ما شحنت الا مرة وحدة ومن زمان

زين سويت تأمين وانكسرت الأغراض اللي شاريها وعوضوني شركة لويدز

[راعي الكورفت]

اشوف ان نسبة الجمارك رمزيه 5%

[MoTeC]

المشكله اغلب اللي يتكلمون بس يتفلسفون ولا يعرفون قانون الجمارك هذا اولا ثانيا الجمارك ماتاخذ رسوم إلا على البضايع اللي قيمتها فوق 3000 ريال
وللعلم قبل كنا نتساهل وايد مع اهل قطر قد مانقدر الحين احنا ملزومين ببرنامج مربوط مع السستم وهالسستم من الاداره يحط اسعار مثلاً للسيارات تكون اغلبها جاهزه والسستم يقيمها
اما بخصوص باقي الاغراض من سابع المستحيلات انهم خذوا ريال زياده عن 5% من سعر البضاعه (واذا كان الموظف مقدر سعرها مثلاً 3000 دولار مكتوب او في اثبات شحن ب 200 يخصم الشحن ويحسب ال5% من 2800الباقيه ويضيفها هذا لو الموظف هو اللي مقدر سعرها 3000 دولار)
اما الحسبه مع الفواتير والاوراق كامله مستحيل ياخذون شي زياده واذا خذوا و انت سكت عنهم اسمحلي الغلط منك

[سليمان احمد]

المشكله اغلب اللي يتكلمون بس يتفلسفون ولا يعرفون قانون الجمارك هذا اولا ثانيا الجمارك ماتاخذ رسوم إلا على البضايع اللي قيمتها فوق 3000 ريال
وللعلم قبل كنا نتساهل وايد مع اهل قطر قد مانقدر الحين احنا ملزومين ببرنامج مربوط مع السستم وهالسستم من الاداره يحط اسعار مثلاً للسيارات تكون اغلبها جاهزه والسستم يقيمها
اما بخصوص باقي الاغراض من سابع المستحيلات انهم خذوا ريال زياده عن 5% من سعر البضاعه (واذا كان الموظف مقدر سعرها مثلاً 3000 دولار مكتوب او في اثبات شحن ب 200 يخصم الشحن ويحسب ال5% من 2800الباقيه ويضيفها هذا لو الموظف هو اللي مقدر سعرها 3000 دولار)
اما الحسبه مع الفواتير والاوراق كامله مستحيل ياخذون شي زياده واذا خذوا و انت سكت عنهم اسمحلي الغلط منك

الاخ المحترم : MoTeC : عندي كم استفسار بارك الله فيك يمكن تفيدنا

انا الحين في امريكا وراجع باذن الله بعد شهر تقريبا
وسؤالي : انا عندي اغراض باشحنها وهي تقريبا
ثلاث صناديق كبار وكم كرتون وهي اغراض منوعه ملابس وهدايا
وقطع غيار والفواتير كلها عندي خاصه الاغراض الكبار
وانا اقدر الاغراض بحوالي من 6000 ريال وكاقصى حد 9000 ريال
والفواتير موجوده السؤال كم بياخذون علي رسوم شحن عشان اجهز نفسي واكون بالصوره
والشحن الجوي وين بالضبط في المكان الاولي صوب المطار القديم ولا في المطار الجديد
وايش الاجراءات المطلوبه

[MoTeC]

الاخ المحترم : MoTeC : عندي كم استفسار بارك الله فيك يمكن تفيدنا
انا الحين في امريكا وراجع باذن الله بعد شهر تقريبا
وسؤالي : انا عندي اغراض باشحنها وهي تقريبا
ثلاث صناديق كبار وكم كرتون وهي اغراض منوعه ملابس وهدايا
وقطع غيار والفواتير كلها عندي خاصه الاغراض الكبار
وانا اقدر الاغراض بحوالي من 6000 ريال وكاقصى حد 9000 ريال
والفواتير موجوده السؤال كم بياخذون علي رسوم شحن عشان اجهز نفسي واكون بالصوره
والشحن الجوي وين بالضبط في المكان الاولي صوب المطار القديم ولا في المطار الجديد
وايش الاجراءات المطلوبه

ترجع بالسلامه ان شاءالله
اما بخصوص الاغراض الجمارك ماياخذون فلوس على الشحن
انت من وين بتشحنها هني تكون دافع فلوس الشحن وخالص
اما بخصوص الرسوم مالت الجمارك على حسب الموظف وتقديره لسعرها اذا انت حاط سعر معين لها فالبيان (اذا وصلت الاغراض ل قطر تروح مبنى الشحن الجوي بمطار حمد وتشوفلك اي مخلص جمركي يخلص لك الاغراض واعتقد رسومهم 110 120 ريال تقريبا من بيان وفلوس المخلص 80 ريال او على حسب كم بتعطيه انت)نرجع للبيان لما توصل الاغراض بيطرشون لك مسج القطريه وتعطي المخلص بطاقتك الشخصيه وهو بيروح يخلص كل شي وبس تروح تطلع تصريح وتستلم اغراضك بعدها (هذا انا اكلمك من تجربه شخصيه لي ارسلولي الاهل اغراض واستلمتها وكل شي اوكيه لأن انا ف الجمارك البحريه) ف ما اقدر افتيلك بخصوص باقي إجرائات الشحن الجوي وان شاءالله في حد منهم هني يفصل لك باقي الاشياء
*طبعاً لو حطوا قيمه للبضاعه مثلاً 15 الف ريال انت ماراح تدفع ال 15 الف كلها لا انت راح تدفع 5% منها يعني 750
ان شاءالله يكون كل شي واضح اخوي

[سليمان احمد]

MoTeC : بيض الله وجهك

سؤال للجميع وين مكان مبنى الشحن الجوي هل هو القديم اللي عند المطار القديم المبنى الاول

ولا تغير في المطار الجديد

[koketa]

اي فاتوره قيمتها فوق ال 3000 دولار بياخذون عليها 5٪ ضرايب

هاي صارت لي