افكار لمحيط الحديقة (السور)

[عيد بن شاكر]

السلام عليكم

اخواني بغيت افكار حلوه بس غير مكلفة لتلبيس الحائط (سور البيت من الداخل) الي حول الحديقة (عشب فقط)

فكرت اركب حجر بس عجبتني هالفكرة لكن طلعت مكلفة

http://www.fencescreen.com/Resources/ProductPhotos/natra-hedge-boxwood-faux-detail-2(2).jpg

اي افكار ثانية؟

[معماري قطري]

حسب النباتات بعضها تحتاج قوالب خاصة .. للزراعة الرأسية وبعضها لا تنزرع تحت وهي تتسلق .. للي تتسلق تقدر تثبت خشب أو ألمنيوم تركب عليه أو حتى خيوط مربوطة في مسامير

شركات الزراعة عندهم حلول جيدة وحتى المشاتل .. عندك شركة الثلاثي والشركات اللي صوب سوق عمان من ورا حتى للري عندهم طرق وحتى للزراعة السقفية

[معماري قطري]

انا حاط دنجل وجريد نخل مربط بحبال بشكل مربع وزرعت المتسلقة اللي تطلع أزهار وردية وبيضا وحمرا وألحين ما شاء الله ركبت فوق الطبيلة واشوفها من دريشة الغرفة فوق

[sweet qatar]

مرحبا

ممكن تقلل تكاليف الحجر بانك تحط مساحات طولية متفرقة للحجر وبينها اصايص زراعة معلقة

أو vine espalier wall إذا حاب شي أقرب للصورة الي انت حاطها

http://content.angieslist.com/2013/9/24/27737e66-8015-4b13-a007-4ea9792606a9.jpg

أعتقد تنزرع بياسمين أو ست الحسن

موفق ان شالله

[معماري قطري]

الله الأخيرة حلوة وايد فيها فن .. شنوع الزراعة وهل هي مزهرة؟

[sweet qatar]

الله الأخيرة حلوة وايد فيها فن .. شنوع الزراعة وهل هي مزهرة؟

الله يحلي أيامك

الصورة خذتها من النت للتوضيح .. شوف شلون الزراعة غطت علي عيوب الطوفة

الي أعرفه ان في خيوط تاخذها من المشاتل وتركبها بالطريقة الي تبيها

عشان تتسلقها النباتات الي تختارها

أنا ما أعرف في الزراعة وايد بس الياسمين وست الحسن تزهر ولها ريحة

واللي يبي شكل بدون ريحة أعتقد مافي أجمل من الجهنمية

[معماري قطري]

والله صدقتي الطوفة محززة من فوق وصبغها مبقع وفيها شلوخ .. عندي كم مكان يستوي هشكل باحاول اسوي هالطريقة .. انا عارفها بس طريقتها هشكل طلعت وايد حلوة .. يمكن تفكيري كان في المربعات العمودية هذي لافة شوي وطالعة وايد حلوة

[فريج النجادة]

مرحبا

ممكن تقلل تكاليف الحجر بانك تحط مساحات طولية متفرقة للحجر وبينها اصايص زراعة معلقة

أو vine espalier wall إذا حاب شي أقرب للصورة الي انت حاطها

http://content.angieslist.com/2013/9/24/27737e66-8015-4b13-a007-4ea9792606a9.jpg

أعتقد تنزرع بياسمين أو ست الحسن

موفق ان شالله


ما شاء الله تبارك الله

اذا ممكن نعرف الشخص او الشركة صاحبة هذا التنفيذ

ولكم جزيل الشكر

[معماري قطري]

ما شاء الله تبارك الله

اذا ممكن نعرف الشخص او الشركة صاحبة هذا التنفيذ

ولكم جزيل الشكر

مثل ما ذكرت الأُخت سويت قطر بأن هذي الصورة من النت بس طريقتها سهلة الخيوط تتثبت على مسامير مصفوفة بوزنية بحيث تعطينا هذا الشكل

ممكن نسوي أشكال فنية غير وحتى الزراعة ما تحتاج حيز كبير وممكن بإصيصات لو خايفين الماي يؤثر في الأساسات

[sweet qatar]

جزاك الله خير استاذ معماري على الرد

وان شالله وصلك الجواب اخوي فريج


لو اخونا عيد يطل ويشوف اذا الاقتراح الاول ينفعه ولا لا


عندي اقتراح ثاني للاسف ما لقيت له صوره


عباره عن احواض كونكريت تغطي الطوفه بس اعتقد ما ينفع تنفيذها الا على طوفة وحدة عشان لا تضيق المكان

[معماري قطري]

الله يرحم والديج اختي انتي ما قصرتي بالتوضيح بالصورة

عجبتني المسافة البسيطة اللي نقدر نزرع فيها زراعة تجميلية لكل الحائط .. نقدر ننوع شوي في الزراعة كذلك ويكون أفضل خصوصاً لو مزهرة كما عندنا حايط البيت يكون قريب من السور الخارجي وهذا نقدر نسوي شبك خشب من فوق وتنبت عليه هذي النباتات

[قدها وقدود]

الاخيره حلوه

وممكن نحط شبك خشبي اعلى من السور تقريبا متر واحد وتنبت عليه ويكون تجميلي وفي نفس الوقت حاجز عن الجار

[عوآآآآشـي]

الأخيرة رووعه

يسلمووو

[معماري قطري]

مرحبا

ممكن تقلل تكاليف الحجر بانك تحط مساحات طولية متفرقة للحجر وبينها اصايص زراعة معلقة

أو vine espalier wall إذا حاب شي أقرب للصورة الي انت حاطها

http://content.angieslist.com/2013/9/24/27737e66-8015-4b13-a007-4ea9792606a9.jpg

أعتقد تنزرع بياسمين أو ست الحسن

موفق ان شالله


هذي خلاص إعتمدتها وشرى السائق حبال من سوق عمان وبيركبونها على الحديد الساتر والطوفة تحت .. ألحين العمال مغامرين وراكبين فوق خرسانة الباب يصبغون إرتفاعها 6 أمتار وعرضها حول 40 سم خايف حد يطيح .. باقي لهم بإذن الله هذا الإسبوع بس

السائق يقول بيزرعها ياسمين وزين طلع كلامه صح والله يوفق الجميع