استفسار عن أفضل مكتب استشاري

[ام خويلد]

السلام عليكم ورحمه الله وبركاته
ممكن تفيدوني في مكتب استشاري زين ومجربينه

[بو راشد 1]

جربنا كذا مكتب، الغالي و الرخيص، النتيجة: "اختكي مثلكي" كلهم نفس الشي.

[وحش الصناعات]

كلهم نفس الشي مال عمك ما يهمك، غير انك تجابل شغلك وتجابل بيتك مافي، والاستشاري يقتصد عمله فقط على الحديد لان اي خطأ في المنزل لا قدر الله سيكون المالك هو من اكتشفه واخبر الاستشاري به، ونصيحه اذا اختلف المقاول مع الاستشاري صف بجانب المقاول لانه هو اللي بالغالب كلامه صح.
كلامي من واقع تجربة مع اكثر من شخص الغالي والرخيص.

[سعود.]

لاوالله انا كنت ماخذ استشاري من مكتب معروف في الدوحة والاستشاري من الفلبين . بعد فترة حسيت انه بس كذا يمشي الشغل وشخصيتة ضعيفة مع المقاول . رحت لمكتب اخر وخذيت استشاري ( سوداني ) وراهم نجوم القايله .

[asulaiti]

معماري قطر ... وينك ؟؟

[معماري قطري]

معماري قطر ... وينك ؟؟

موجود بس ناصحكم يا ما ادري وشو .. خلها الخ لأني نسيت المثل .. عني انا لو ابي اشراف ولا تصميم خدمات وانشائي اروح لإستشاريين معروفين وقويين وجدام عيني اثنين .. إم زد أند بارتنرز أو إتحاد قطر للتخطيط سواءً تصميم أو اشراف .. ممكن لو بانزل درجة اروح حق جماعة العمارة العربية - الاستشاريون العرب ( محرم باخوم ) لأن هذا استوى فرعين للورثة بنفس الاسم بس اضافة المالك الجديد .. الاتحاد مع إن الشغل معاهم شوي متعب بس مجتهدين

[ام خويلد]

اشكر الجميع على التفاعل
وابقي اسماء المكاتب اللي تعاملتوا معاهم

[السمسمه]

انا بالنسبه لي رحت سويت الخرايط واشراف عند ال سريع صراحه ممتاز ،،،،
مع الاشراف ينصحك في اشياء مثل التعديلات البسيطه في مرحلة التنفيذ ،،،
واللهم لك الحمد يارب الحين الفيلا جاهزه عندي وكذا واحد عاجبه التصميم ،،،

[معماري قطري]

جربنا كذا مكتب، الغالي و الرخيص، النتيجة: "اختكي مثلكي" كلهم نفس الشي.

والله يا بو راشد من واقع تجربة في مشاريع التصميم الحكومية المكاتب اللي فيها عرب واسمحوا لي يا حبايبي المصريين أثبتت فشل ذريع واضطرينا نسحب مشروع التصميم .. انا الحمد لله من البداية لكوني اراجع الشغل احكم على المكتب بأنه فاشل والمشروع لا يمكن يستمر تصميمه .. نتعب واحنا نصحح ونراجع ونفس النتيجة ما نحصل حلول صحيحة

سوينا زيارات ميدانية لهذي المكاتب وكشفنا تلاعب كبير .. حتى المهندسين اللي على كفالة المكتب يجون زيارة قطر لتجديد الاقامة ويروحون بلادهم ويسون الشغل عن بعد ولا ينفع شغلهم .. من ضمنهم مكتب ايطالي مختص ولا فيه عربي بس بعدين حطوا مكتب محلي وخلص الشغلة صح

فيه في قطر كثير من المكاتب القوية وما ادري اذا بعضها يشتغل بكامل طاقته أو لا أو الغالبية ما ياخذون مشاريع صغيرة .. المانع وسريع وسيكو وديوان العمارة والمكتب العربي للشؤون الهندسية .. الأخير كان بيصمم عمارة لواحد بمليون .. غلف دزاين كونسبت وام زد اند بارتنرز وتوهم مخلصين تقريبا توسعة فيلاجيو .. ومثل ما قلت الاستشاريون العرب .. يكفي الواحد يروح زيارة لهذي المكاتب ويشوف شغلهم شلون ونظافة مكان العمل عندهم وكيف شغلهم يكون كخلية نحل يتعاونون مع بعض

من يتفق مع هذي المكاتب يحاول يكسبها من البداية تصميم واشراف ومناقصة

[معماري قطري]

انا بالنسبه لي رحت سويت الخرايط واشراف عند ال سريع صراحه ممتاز ،،،،
مع الاشراف ينصحك في اشياء مثل التعديلات البسيطه في مرحلة التنفيذ ،،،
واللهم لك الحمد يارب الحين الفيلا جاهزه عندي وكذا واحد عاجبه التصميم ،،،

آل سريع إدارته من أصحاب الحلال ومهتمين به حسب ما سمعت

[معماري قطري]

كلهم نفس الشي مال عمك ما يهمك، غير انك تجابل شغلك وتجابل بيتك مافي، والاستشاري يقتصد عمله فقط على الحديد لان اي خطأ في المنزل لا قدر الله سيكون المالك هو من اكتشفه واخبر الاستشاري به، ونصيحه اذا اختلف المقاول مع الاستشاري صف بجانب المقاول لانه هو اللي بالغالب كلامه صح.
كلامي من واقع تجربة مع اكثر من شخص الغالي والرخيص.

الحديد والتصميم الانشائي عندنا وايد مبالغ فيه وبالعكس يسبب مشاكل مستقبلية من الصدأ والشلوخ لكن ما يكون فيه فشل إنشائي سريع .. بعدين الاستشاريين قليلين الخبرة أو اللي ما عندهم انشائي زين يبالغون في كميات الحديد وحجم الخرسانات وهذي المبالغة تتطلب مبالغة في التدعيم حتى تحمل الوزن الكبير .. زيادة الحديد وقت البنيان ما تخلي الخرسانة تدخل بينه وتستوي فراغات والشغل ماشي بسبب المبالغات

[معماري7]

السلام عليكم
الاخ معماري قطري ما قصر كفا و وفا :)
لاسف الشديد قبل ان تبدائي في اختيار اى مكتب ( يجب اخذ الحذر من التلاعب سواء في التصميم وخاصة التنفيذ من حساب كميات حديد التسليح وكمية الخرسانة)
والاهم من ذلك مطابقة الخرائط بارض الواقع لان هذه من المشاكل المتوفرة بكثرة ونتج عنها مشاكل كثيرة .
ويجب عليك ان ترتب متطلباتك في التصميم وافكارك علشان الامور تتسهل عليك.

والحمد لله في قطر توجد مكاتب سمعتها جيدة ك ( ام زد اند بارتنرز) ( سيكو) ( المكتب العربي )

وحياك في مكتبنا ما بنقصر معك ان شاء الله :) :) :nice: ( المركز العالمي للتصميم).

بالتوفيق ان شاء الله ونحن في الخدمة. :victory:

[معماري قطري]

عليكم السلام ورحمة الله وبركاته

حياك الله معانا اخوي معماري 7 وإن شاء الله تعين وتعاون

نتمنى تعطينا نبذة عن المكتب لأن الإسم مار علي قبل .. عدد المهندسين وتخصصاتهم وخبراتهم والموقع وغيره من المعلومات المهمة .. وإن شاء الله الإدارة تسمح بهذي الأُمور انا ما ادري بقوانين التسويق بس خل نقول تعريف

[معماري7]

عليكم السلام ورحمة الله وبركاته

حياك الله معانا اخوي معماري 7 وإن شاء الله تعين وتعاون

نتمنى تعطينا نبذة عن المكتب لأن الإسم مار علي قبل .. عدد المهندسين وتخصصاتهم وخبراتهم والموقع وغيره من المعلومات المهمة .. وإن شاء الله الإدارة تسمح بهذي الأُمور انا ما ادري بقوانين التسويق بس خل نقول تعريف

آسف أخي لو كانت اجابتي فيها نوع من التسويق .لكن ليس قصدي الأعلأن أو التسويق. أتمنى اني أكون فهمت إجابتك ï؟½ï؟½ï؟½ï؟½ï؟½ï؟½

نعم بالطبع يمكنني أن أعطي تعريف للمكتب .
المكتب المركز العالمي للتصميم.
تم تأسيسه عام 1991.
الاختصاص: تصميم وإشراف
عدد المهندسين تصميم + إشراف. 16 مهندس.
الدرجة: اولى.
الموقع: السد.
فقط للتعريف لا أكثر. واسف لو وجد أى سوء فهم.

[معماري قطري]

ما قصدت شيء يا اخوي بس قوانين الادارة ما اعرفها .. انا بروحي اقول المكتب الفلاني كذا وهذا كذا .. ولو انا منتسب لمكتب لازم باحاول ابرزه

باقول مثلاً عندنا حالياً عدد كذا مشروع تصميم وكذا اشراف بمجموع يقارب كذا ريال لهذه السنة .. المشاريع اللي في طور التصميم 10 مثلاً متوقع نخلصهم في خلال فترة زمنية الأول بعد شهر والثاني بعد فترة غير محددة لأن متوقف لسبب من المالك .. هذا على سبيل المثال

مهندسينا فلان وهو مهندس معماري بخبرة 20 سنة + فلان وهو مهندس انشائي بخبرة 12 سنة وخبراتهم في كذا وكذا وكذا .. القصد حتى نتعرف على الوضع الحالي للمكتب

عن التسويق انا لست ضده بالعكس لكن ما اقدر افتي فيه لأن هناك قوانين خاصة وتقدر تقراها حتى ما تتعرض للايقاف بسبب تجاوز انت ما تدري عنه وانا صراحة ما أسأت فهمك وكنت ابغي منك نبذة مفصلة أكثر .. ليش لا ممكن مكتبكم ما عندي فكرة عنه ببساطة لأني ما تعاملت معاه

[معماري7]

فعلا أخوي كلام راقي يبين شخصية كاتبها.
في نهاية المطاف .
يجب ان يكون هدفننا مساعدة الإخوان بخبراتنا ووقوفنا معهم سواء في مشاكل تصميمية أو في البناء.
أما بالنسبة لمشاريع مكتبنا والخبرات الموضوع يطول :nice: . لكن من أبرز المشاريع الأنا شاركت فيها هو مشروع( قرية بروة الوكير) شارع الوكرة. المشروع من تصميم وتخطيط وإشراف المكتب.
ولدى طلب اذا امكن .هل يمكن إعطاء تعريف خاص بك اذا سمحت؟:) وجزاك الله خيرا.

[معماري قطري]

ممكن ليش لا والغالبية يعرفوني هنا

تخرجت سنة 1993 من جامعة ميامي ببكالوريوس هندسة معمارية + بكالوريوس هندسة مدنية

بديت حياتي متدرب ومشرف على مباني كثيرة ولحسن حظي كان عندنا مشاريع متنوعة من رياضية لتعليمية لإدارية لتخطيط مدن على مستوى صغير ووسط وحتى دراسات بيئية .. تحولت بعدها للتصميم المعماري ومراجعة تصاميم الاستشاريين مع مجموعة من المهندسين وبعدها للطرق وحالياً متابعة بعض المواضيع البسيطة والحمد لله هذي نهاية 22 سنة من العمل في هذا المجال وإن شاء الله مستمر

طبعاً عملي حكومي ولا احب وجع الراس في بزنس خاص

[معماري7]

ماشاء الله شى رائع .
تشرفت بمعرفتك اعذرني نسبة لاني جديد في المنتدى.
ولكن جذبت انتباهي بتعاملك وعلمك ومعلوماتك .
أتمنى لك التوفيق ومني لك كامل الاحترام :).

[ام خويلد]

بيض الله وجهكم جميعا وماقصرتوا على المساعده

[معماري قطري]

ماشاء الله شى رائع .
تشرفت بمعرفتك اعذرني نسبة لاني جديد في المنتدى.
ولكن جذبت انتباهي بتعاملك وعلمك ومعلوماتك .
أتمنى لك التوفيق ومني لك كامل الاحترام :).

وإنت كذلك والله يوفقنا وياك وبانتظار مساهماتك ولك دعوة لزيارة مواضيعي المتواضعة والمشاركة فيها

[asulaiti]

اخواني

أنا محتار بين الأقصى للاستشارات وبين العلي للاستشارات ....

هل في احد له تجارب مع هالمكتبين ؟
وتقييمه لمستواه وتعاونه ؟

[معماري قطري]

للأسف لا .. العلي على ما اعتقد سمعت عنه وناس يمدحون فيه والأقصى مار علي الإسم بس ما لي تجربة معاهم

شوف طاقم الإشراف عندهم لازم يتكون من مهندس مدني فاهم في متابعة الصب والتجهيز قبل الصب ويعطيك رأيه في التصميم اللي عندك .. مهم تكون شخصيته قوية واشرافه متواصل مع إرسال تقارير مصورة لك لكل زيارة ولكل ملاحظة .. ليدوشك بالملاحظات بعد ما يبدأ الشغل خله يعطيك المهم أول بأول

بعدين تحتاج مهندس كهربائي يتابع وميكانيكل كذلك واحتمال الميكانيكل يغطي مكانه المدني وكذلك الكهربائي في البداية لكن في النهاية ضروري تحتاجهم لوزنية تمديدات الصرف والترتيبات الدقيقة لتركيب القطع ولخطوط الكهرباء والاتصالات وغيرها والأهم للتأَكد من جودة المواد ومطابقتها للمواصفات واعلامك بالبدائل الأفضل

انتبه للعقد وتفاصيله وجدوله الزمني والدفعات

[وحيد-الشوق]

كنت بفتح موضوع بس قلت نتقشف شوي بدال الخساير :)

المهم محتاج استشاري كهرباء وسباكة وغيره البيت طلعت فيه خرابيط واخطاء والبنغال والمصريين شكلهم مايطمن والاستشاري السابق في مرحلة العظم ماودي اتعامل معاه الله ياخذ حقي منه يليت القى احد عنده خبره او استشاري يشرف عالبيت ويطلع لي الاخطاء الناقصة والملاحظات عالبلاط والحجر وغيره

[معماري7]

كنت بفتح موضوع بس قلت نتقشف شوي بدال الخساير :)

المهم محتاج استشاري كهرباء وسباكة وغيره البيت طلعت فيه خرابيط واخطاء والبنغال والمصريين شكلهم مايطمن والاستشاري السابق في مرحلة العظم ماودي اتعامل معاه الله ياخذ حقي منه يليت القى احد عنده خبره او استشاري يشرف عالبيت ويطلع لي الاخطاء الناقصة والملاحظات عالبلاط والحجر وغيره

الله يسهل عليك أن شاء الله
شكلك مشاكلك كثيرة . ممكن ترسلي الخرائط وصور من الواقع علشان اشوف الأخطاء الممكن تتعدل. إن شاء الله بحاول ان اقدر اساعدك.
والله الموفق.

[معماري قطري]

كنت بفتح موضوع بس قلت نتقشف شوي بدال الخساير :)

المهم محتاج استشاري كهرباء وسباكة وغيره البيت طلعت فيه خرابيط واخطاء والبنغال والمصريين شكلهم مايطمن والاستشاري السابق في مرحلة العظم ماودي اتعامل معاه الله ياخذ حقي منه يليت القى احد عنده خبره او استشاري يشرف عالبيت ويطلع لي الاخطاء الناقصة والملاحظات عالبلاط والحجر وغيره

الإستشاري المشرف هو حل وقائي ولازم يتعين قبل ويتابع من قبل المالك .. لازم يكون مكتب مب شخص ووراه مسؤولين وعقد واضح يحدد مسؤولياته

انا نصيحتي للكل ونقاشنا هنا للاستفادة ولو واحد طاح في مشاكل وقالها بشجاعة الله يجزيه كل خير حتى ينبه غيره .. حتى الاتفاق لازم يكون تحت إدارة المكتب الاستشاري .. سواءً مع عمال مهدودين يرعون في أرض الله أو مع مقاول مرخص ومتكامل .. الإستشاري من واجبه يطلب تغيير العمال والفورمان لو بيضرك وممكن يوقف العمل ويكنسل الصب ويطلب تحقيق .. شهادته تعتمد في المحكمة والمفروض التعامل معاه بمهنية من المالك ويرجع له في كل شيء

لو بنى بروحه وباعتماده على أشخاص ضعاف واستشاري حتى ضعيف أو شخصي بيتعب وبيسوي الشغل بخسارة مرتين ويمكن ثلاث .. التعديل سعره أكثر من البناء بخطة صحيحة والهدم بمقابل

[khaldoon]

اخوي قبل السؤال عن افضل مكتب استشاري ....شوف انت كم ناوي تدفع لانه المكاتب تشتغل التصميم و ايضا تشرف على قد الفلوس اللي تدفعها..... يعني ما احد يحط جهد كبير بالتصميم ويوفر عليك بالحديد و الخرسانه بل بالعكس يستسهل و يحط حديد و خرسانه اكثر علشان اضمن و يريح راسه طالما الفلوس اللي بتدفعها قليله....و انت بتدفع مئات الالاف على حديد و خرسانه ما لهم داعي لانه هو يحسب بالساعه الوقت اللي قضاه لشغلك و كم المردود المادي العائد له

نفس الحال في الاشراف.... لما اسمع من الناس انهم يعطون مكتب اشراف 1500 ريال اول اقل و يحاسبونهم على اقل تقصير و اي خطا من المقاول .... بالله عليك احسبها بالورقه و القلم لو بيمر على بيتك هالاستشاري مثل ما انت متخيل كل يوم كم بتكون قيمة كل زياره ...خلنا نقول 26 يوم في الشهر يعني نلغي ايام الجمعه في الشهر.... يعني 1500/26= 57 ريال!!!!..... تدري لو تطلب حلاق يجي بيتك بيطلب منك اقل شي 200 ريال........عيل اشلون تبي مهندس يقبل 57 قيمة الزياره اليوميه تشمل خبرته و شغله و وقته و مواصلاته !!!......

[وحيد-الشوق]

الله يسهل عليك أن شاء الله
شكلك مشاكلك كثيرة . ممكن ترسلي الخرائط وصور من الواقع علشان اشوف الأخطاء الممكن تتعدل. إن شاء الله بحاول ان اقدر اساعدك.
والله الموفق.

اللهم آمين ويسهل عالجميع يارب

عندي اخطاء في الدرايش وابواب مقاستها مب مضبوطه ومدخل البيت بعد وغيره وغير والحين عندي شركة تشطب والكهربائي البنغالي يشتغل شغل زوين بس عليه ملاحظات بخصوص السباكه ومب عارف شلون اتابع معاه واعرف الصح من الغلط

براسلك عالخاص افضل



الإستشاري المشرف هو حل وقائي ولازم يتعين قبل ويتابع من قبل المالك .. لازم يكون مكتب مب شخص ووراه مسؤولين وعقد واضح يحدد مسؤولياته

انا نصيحتي للكل ونقاشنا هنا للاستفادة ولو واحد طاح في مشاكل وقالها بشجاعة الله يجزيه كل خير حتى ينبه غيره .. حتى الاتفاق لازم يكون تحت إدارة المكتب الاستشاري .. سواءً مع عمال مهدودين يرعون في أرض الله أو مع مقاول مرخص ومتكامل .. الإستشاري من واجبه يطلب تغيير العمال والفورمان لو بيضرك وممكن يوقف العمل ويكنسل الصب ويطلب تحقيق .. شهادته تعتمد في المحكمة والمفروض التعامل معاه بمهنية من المالك ويرجع له في كل شيء

لو بنى بروحه وباعتماده على أشخاص ضعاف واستشاري حتى ضعيف أو شخصي بيتعب وبيسوي الشغل بخسارة مرتين ويمكن ثلاث .. التعديل سعره أكثر من البناء بخطة صحيحة والهدم بمقابل

كلامك عالعين والراس اخوي معماري لكن انت في قطر :)

الاستشاري لين حاججته يقولي اجيب المقاول اضربه انا مش قادر اقوله حاجه !!!! مستغرب اشياء بسيطه المفروض يكون منتبه لها اوكي انا ماعندي خبره وكنت مسافر اغلب اوقات البناء بسبب ظروف خارجه عني بس مب عذر انه مايشتغل بضمير ومايراعي املاك الناس

[معماري قطري]

اللهم آمين ويسهل عالجميع يارب

عندي اخطاء في الدرايش وابواب مقاستها مب مضبوطه ومدخل البيت بعد وغيره وغير والحين عندي شركة تشطب والكهربائي البنغالي يشتغل شغل زوين بس عليه ملاحظات بخصوص السباكه ومب عارف شلون اتابع معاه واعرف الصح من الغلط

براسلك عالخاص افضل


كلامك عالعين والراس اخوي معماري لكن انت في قطر :)

الاستشاري لين حاججته يقولي اجيب المقاول اضربه انا مش قادر اقوله حاجه !!!! مستغرب اشياء بسيطه المفروض يكون منتبه لها اوكي انا ماعندي خبره وكنت مسافر اغلب اوقات البناء بسبب ظروف خارجه عني بس مب عذر انه مايشتغل بضمير ومايراعي املاك الناس

كل أشغالنا تستوي بهذي الطريقة ولا استشاري قال لي هالكلام .. صحيح صادفت استشاريين فاشلين ونصحت من البداية بتغييرهم وتغيروا بعد ما تعطل المشروع فترة .. وانا اتكلم عن مشاريع بعضها مكلفة وكبيرة وبعضها تصميم وبعضها إشراف

تبي مهندس كهرباء أعرف وعنده شركة صيانة وتركيب لكن احتمال مشغول ولي فترة ما شفته حول 3 سنين وأكثر .. تبي واحد بتاع كله أعرف كذلك وممكن يدبر باقي التخصصات .. هذا اقدر أقول عنه مساعد مهندس .. بس كلهم مشغولين في وظائف حكومية واتفاقك معاهم بيكون على حسب وقتهم

تبي واحد عنده شركة وعلاقات وصار له في قطر حول 30 سنة وتوه محول خاص عندي بعد وهذا هندي ومهندس معماري لكن مب رخيص هو قال لي يدير مواقع وبناء ويرتب اجتماعات مع استشاريين ومقاولين ومؤكد ياخذ عمولات ويشتغل بمهنية وبمقابل

مثل ما ذكر إخوي خلدون ما يجتمعون الأرخص والأفضل .. لازم ندور المناسب بالسعر المعقول .. أما مهندس يقول لك اضربه هذا صحيح ما له سلطة نهائياً لأَنه جاي من الشارع وبدون ترخيص لمزاولة الهندسة والمقاول يعرف إن وضع المهندس غير قانوني .. المكتب الهندسي له صفة قانونية أما المهندس الفرد مثلي ومثل غيري اللي بدون سجل تجاري وترخيص مزاولة ما لنا صفة قانونية .. صحيح لنا رأي وقرار هندسي لكن غير ملزم واللي ممكن نسويه ننصح المالك بايقاف الشغل أو ببديل معين وعلى المالك ترتيب اموره مع المقاول .. أما في حالة الإتفاق بشهادة مكتب استشاري وتحت اشرافه وعارف بنود الاتفاق ويطبقها فهو المسؤول الأول والأخير وبكتاب يقدر يوقف الشغل ويقدر يحسب دفعة بديلة لتغيير ويفاوض مع المالك ويقدر يلزم المقاول بما أُتفق عليه ولو ما سوى حسب الأمر يوقف دفعاته ويسحب شيك الضمان ويدخل معاه في قضية.