الكل يعاني

[حرف]

انت يامغترب ارفق بحال اهلك ولاتزيد عليهم هم فوق همهم بأنك حزين وبأنك تتجرع مراره الغربه وغيرها من الامور

انت يامريض شفاك الله وعافاك ولاتجعل من حولك يعيشون ماتعانيه فيزيد حزنهم

انت يا سجين حاول عندما يزورك اهلك بأن لاتشعرهم بأنك تعاني

وغيرها الكثير من الامور
انتم يامن تعانون اصبروا و اوكلوا اموركم لله عزوجل واشعروا بمن حولكم بعدم معاناتكم
ولا تحاولوا ان تحزنونهم ف الكل يعاني

[رجل تعليم]

والنعم بالله ومن توكل على الله فهو حسبه
جزاك الله خيرا
فعلا نجتهد كثيرا لنمنح السعادة للمحيطين بنا محاولين رسم ابتسامة كاملة أو نصفية أو أي شيء
والحمد لله على كل نعمه وفضله وجوده

[بصمة قطرية]

صحيح أخوي حرف
الكل يعاني ..
و في ناس تشوفها تضحك و تبتسم و هي عايشة
مشاكل و هموم ..
محد يحب نظرات الشفقة ..
لكن بالنسبة للأمثلة اللي ذكرتها ..
غربة .. مرض .. سجن ..
مب بيد الشخص إنه يبين هالشي ..
صحيح مثل ما قلت الأهل يحاتون أكثر
بس الواحد لين تعب من شي غصب عنه
حسيت أصعبهم السجن ..!!!
من الناحية النفسية للشخص ..
شلون تبي سجين يضحك و يقول لهله أنا طيب
و أنا بخير و هو في السجن ..!!
والكل عارف هالشي خصوصاً هله ..
يعني لو حاول بس انه يوهمهم إنه بخير
راح يعور قلوبهم أكثر
لأنهم عارفين إنه مب بخير و مب مرتاح
بس يحاول يوهمهم بهالشي ..!!!

[mersal]

الله يعين الناس بلاويها،،،

مش الكل بقدر يتحمل،،،

بالاخر ما لنا نقول الا الحمد والشكر لله على كل شي

[الحياة الخالدة]

معليش أخوي حرف
هو بيصبر و يستحمل عشان يراعيهم و يراعي مشاعرهم
لكن لين متى ؟؟ هو من بيراعيه
ترا عادي الإنسان من الضيقة اللي فيه يفضفض لأقرب الناس له .. لأن لو ما تكلم بينبط من القهر .. بتجي له جلطة دماغية والا ذبحة صدرية
إذا هذا ما يتحمل .. و هذاك ما يتحمل .. و الثالث ما يتحمل
ليش هو بس اللي يتحمل ؟؟ ترا هو بشر مثله مثلهم .. له طاقة و حد للصبر

الله يفرجها على عباده

[حرف]

والنعم بالله ومن توكل على الله فهو حسبه
جزاك الله خيرا
فعلا نجتهد كثيرا لنمنح السعادة للمحيطين بنا محاولين رسم ابتسامة كاملة أو نصفية أو أي شيء
والحمد لله على كل نعمه وفضله وجوده

فعلاًالمجاهده في مثل هذي الامور صعبة ولكن مطلوبه قدر المستطاع

[حرف]

صحيح أخوي حرف
الكل يعاني ..
و في ناس تشوفها تضحك و تبتسم و هي عايشة
مشاكل و هموم ..
محد يحب نظرات الشفقة ..
لكن بالنسبة للأمثلة اللي ذكرتها ..
غربة .. مرض .. سجن ..
مب بيد الشخص إنه يبين هالشي ..
صحيح مثل ما قلت الأهل يحاتون أكثر
بس الواحد لين تعب من شي غصب عنه
حسيت أصعبهم السجن ..!!!
من الناحية النفسية للشخص ..
شلون تبي سجين يضحك و يقول لهله أنا طيب
و أنا بخير و هو في السجن ..!!
والكل عارف هالشي خصوصاً هله ..
يعني لو حاول بس انه يوهمهم إنه بخير
راح يعور قلوبهم أكثر
لأنهم عارفين إنه مب بخير و مب مرتاح
بس يحاول يوهمهم بهالشي ..!!!

هي مجرد محاوله صحيح موب كل واحد يقدر بس بعد فيه ناس حاولوا وقدروا وماحسسوا الي صوبهم بضعفهم

[حرف]

الله يعين الناس بلاويها،،،

مش الكل بقدر يتحمل،،،

بالاخر ما لنا نقول الا الحمد والشكر لله على كل شي

صحيح موب الكل يقدر
بس هذا بعد تذكير للي بيقدر يصبر يحاول ويحاول والله بيعينه

[العنيده]

والله المستعان والحمدلله على كل حال ..

تعلمت اكتم تعبي وابين قوتي الحمدلله عشان مااشوف امي تحاتي فديتها ,,
تعلمت لما اتضايق من شغلي اضحك في ويه باقي الموظفات لانه اشوف ضيقتهم بس بعد يضحكون ..
بس مشكله الانسان له طاقه معينه لازم يطلع اللي فيه عشان مايكون في تاثير عكسي ..

[حرف]

معليش أخوي حرف
هو بيصبر و يستحمل عشان يراعيهم و يراعي مشاعرهم
لكن لين متى ؟؟ هو من بيراعيه
ترا عادي الإنسان من الضيقة اللي فيه يفضفض لأقرب الناس له .. لأن لو ما تكلم بينبط من القهر .. بتجي له جلطة دماغية والا ذبحة صدرية
إذا هذا ما يتحمل .. و هذاك ما يتحمل .. و الثالث ما يتحمل
ليش هو بس اللي يتحمل ؟؟ ترا هو بشر مثله مثلهم .. له طاقة و حد للصبر

الله يفرجها على عباده

شلون ليش هو بس الي يتحمل ؟
الله ابتلاه بهذا الشي
فلو صبر وشكر وزرع الابتسامه في وجيه من حواليه افضل من التذمر والتشكي

تخيلي واحد مغترب يرسل لامه كل يوم اغاني ولا اناشيد ولا ابيات شعر عن الغربة وانه حزين و وو
من بيكون في عون هالعجوز الي بتنقلب حياتها فوق تحت

[bohilal191]

بارك الله فيك يا حرف وجزاك الله خير

[الحياة الخالدة]

شلون ليش هو بس الي يتحمل ؟
الله ابتلاه بهذا الشي
فلو صبر وشكر وزرع الابتسامه في وجيه من حواليه افضل من التذمر والتشكي

تخيلي واحد مغترب يرسل لامه كل يوم اغاني ولا اناشيد ولا ابيات شعر عن الغربة وانه حزين و وو
من بيكون في عون هالعجوز الي بتنقلب حياتها فوق تحت

و نعم بالله
بس الله ابتلاهم كلهم بهالوضع .. ما ابتلاه بروحه
الظروف الصعبة تعم الكل .. و ما تتركز في شخص واحد يعاني بنفسه ليل و نهار طول عمره
يعني لو من كثر الضغوطات و الكبت صار فيه شي .. حتى هم بيعانون .. و بتصير معاناتهم أكبر
لكل حالة ظروفها الخاصة
و نفس ما قالوا بعض اللي ردوا مب الكل يملك القدرة الهائلة على الصبر و الاحتمال .. ولا يكلف الله نفسا إلا وسعها

[بصمة قطرية]

فعلاً ( لا يكلف الله نفساً إلا وسعها )
كل شي طاقة و قدرة ..
كونك تقدر هاي شي طيب ..
لا تلوم اللي ما يقدر يمكن يكون وصل مرحلة ( الإنفجار ) ..
و صبر و تحمل أكثر من اللازم ..

[حرف]

فعلاً ( لا يكلف الله نفساً إلا وسعها )
كل شي طاقة و قدرة ..
كونك تقدر هاي شي طيب ..
لا تلوم اللي ما يقدر يمكن يكون وصل مرحلة ( الإنفجار ) ..
و صبر و تحمل أكثر من اللازم ..

مالوم احد
بس ادعوا للصبر قدر المستطاع
الى متى واحنا نشتكي لخلق الله وانضيق عليهم

[بصمة قطرية]

مالوم احد
بس ادعوا للصبر قدر المستطاع
الى متى واحنا نشتكي لخلق الله وانضيق عليهم

الله يعطينا صبر النبي أيوب ..
ليش أعتبرته تضييق على خلق الله ..
الواحد أحياناً يحتاج يتكلم يفضفض
يطلع اللي في قلبه
مب شرط يلقى حل بس يرتاح لأنه تكلم
و حد سمعه ..
الكتمان و الكبت متعب وااايد ..
الكلام و الفضفضة لو ما فيها راحة
كان الواحد ما تكلم ..

[حرف]

الله يعطينا صبر النبي أيوب ..
ليش أعتبرته تضييق على خلق الله ..
الواحد أحياناً يحتاج يتكلم يفضفض
يطلع اللي في قلبه
مب شرط يلقى حل بس يرتاح لأنه تكلم
و حد سمعه ..
الكتمان و الكبت متعب وااايد ..
الكلام و الفضفضة لو ما فيها راحة
كان الواحد ما تكلم ..

يعني اهم شي نفسه انه يفضفض ويطلع الكبت
مو مهم الطرف الثاني يعاني ويشيل بقلبه ويتعب ؟

[بصمة قطرية]

يعني اهم شي نفسه انه يفضفض ويطلع الكبت
مو مهم الطرف الثاني يعاني ويشيل بقلبه ويتعب ؟
واللي بيفضفض و يطلع من قلبه
بيفضفض لحي الله شخص ..!!
يعني محد يشيل هم حد أبد ..
المفروض الكل يسكت و ما يتكلم ..
ما في ناس تمون عليك ما في ناس تحبك
مافي ناس تحب تشوفك سعيد ..!!!

[نورث يورك]

كلام رائع..

[بصمة قطرية]

حرف

المفروض يكون عنوان موضوعك
إكبتوا و اكتموا .. :(

[بانغ بانغ]

ما شفت مثل البتان والافغان ..... فئة العمال ..

شقاء وابتسامة
تعب ومثابرة
بؤس بنظرة امل

وقس على ذلك الكثير من الجنسيات

هي الارادة ياخوي حرف عندما تتغلغل في اعماق الانسان

[معماري7]

اللهم أصلح حال كل المسلمين. وارسم السعادة يارب

[معماري قطري]

ما شفت مثل البتان والافغان ..... فئة العمال ..

شقاء وابتسامة
تعب ومثابرة
بؤس بنظرة امل

وقس على ذلك الكثير من الجنسيات

هي الارادة ياخوي حرف عندما تتغلغل في اعماق الانسان

انا شفت أمريكي يشتغل بكزمة يحفر أرض قطر .. كان منظر غريب علي وكان ميت عرق من الحر ويشتغل قريب الظهر وكان مبتسم وفرحان

[بانغ بانغ]

في ناس للاسف يتعمدون المعاناة لكسب تعاطف ما او مكاسب شخصية

خاصة في شعوب اذا شاف الواحد منهم ان الوضع مب في صالحه .. طلع ستين عذر ودموع التماسيح

اتكلم عن فئة عمالية من جنسية معينة