كرسي الحمام المعلق ( اعزكم الله ) استفسار

[$الملياردير$]

السلام عليكم و رحمة الله وبركاته ... الله يصبحكم بالخير حبيت استفسر لو تكرمتواعن احسن ماركة الكراسي المعلقة للحمام اعزكم الله و ين أحصلها ... كذلك مهم جدا السيفون المخفي في الطوفة ... قالو لي هانز قروهي احسن شي من وكيله ياشباب وهل في بعد هانز مب اصلي .... مع خالص تقديري و شكري .... اسأل الله لكم البركة في المال و الرزق و الولد .

[(عبدالله)]

أنا مركب عندي وانت بكرامة مراحيض ماركة فيلوري أند بوخ صناعة ألمانيا والسيفون المخفي ماركة جروهي

اللي سمعته من كذا بايفيتر إن سيفون ماركة جيبرت أحسن من جروهي كخزان داخلي وقطعة الضغط

والله يوفقك

[معماري قطري]

جيبريت صحيح زين وعندك جاكوب دوليفان الفرنسي عند شبيب وعلي العطية

بالنسبة للكراسي عندك حلين أما تاخذ توايفورد أو جاكوب دوليفان من عند شبيب وتكون معلقة أو تاخذ نوعية ثانية تكون لاصقة في الحايط بدون فراغ .. بس الأخيرة لازم ياخذ الفني مقاسها بالملي ويجهز لها بايب الصرف وفيه منها اللي يجي البايب في الحائط بدل ما يكون في الأرضية

[الحمر]

السلام عليكم انا توني شاري من تدمر جروهي سعر تقريبا ظ§ظ¥ظ* والأفضل جيبرت عند كافود سعر حول ظ،ظ¥ظ*ظ* ريال
وشريت سيفون جروهي للمرحاض العربي وانت بكرامة سهر ظ¥ظ¢ظ¥ من العمودي.

وأي استفسار انا حاضر

[الحمر]

جروهي معلق 750 من امر
جيبرت من كافود 1500 تقريبا
جروهي للمرحاض العربي سيفون مخفي من العمودي ب525

[$الملياردير$]

الله يعطيكم العافية جميعا وشكرا على ردكم و اهتمامكم

[Azizuk]

انا ماخذ ماركة كارمخ وماركة لونفون من السعودية*

موجود عند تدمر بس موديلات محدودة وقديمة واتوقع الموجود عنده ستوك قديم

وآخذة غبيرت بقاعدة شاسي حديد لان يجي انواع شي بدون قاعدة حديد يكون أرخص وشئ جداري وشئ معلق

غبيرت موجود عند نابيا وكافود وحسين فكري وبخصوص السعر سعره النهائي في حدود 950 ابو قاعدة وشاسي حديد

وطبعاً بعد التجارب بالنسبة للكرسي بشكل عاااام بعد التجارب في كذا فندق عالمي اكتشفت ان ماركة توتو وكيلها

نابينا من افضل الموديلات كجلسه ومريح جداً وراقي

توايفورد ممتاز وعلى فكره توايفورد وكارمخ نفس المصنع تماماً

ايديل استاندر بعد ممتاز

وفليو أندبوخ عند العامودي بعد ممتاز بس سعره جداً مرتفع كرسي العادي صنع الماني ممكن يوصل 8 آلاف ريال

دورفت عند عند المتحدة ممتاز بس بعد السعر مرتفع

وعلى العموم معظم الشركات عندها مصانع وتصنع في دول غير المصنع الام في بلد المنشئ او البلد المصنع الأصلي

توايفورد ودورفوت وايديل ستاندرد وفليو اندبوخ وتوتو شي منهم يصنع في مصر وماليزيا وتايلند وكل شي بسعره

الخيار لك في الاخر طب وتخير

اذا جيت تشتري اسأل عن بلد الصنع راح تعرف فرق السعر ليش وخاصه المصنع في ألمانيا دايم غالي الثمن

95831

95832

95833

95834

هذا مراحل تركيب خزان الكرسي المعلق بوشاسي حديد

وشاسي البيدية ماخذة من عند كافود بعد حديد له قواعد

إيطالي الصنع لان سعر غبيرت مبالغ في

فايدة الخزان بوقاعدة حديد مثبته على الارض أقوى من خزان الجداري العادي

اما الجداري يستخدم لحوايط الطابوق وممتاز بس مادخل مزاجي خفت منه احس ان بوقواعد حديد مثبته على الارض أقوى من الجداري

وسعر الجداري في حدود 350 ريال لازم تكاسر البايع والا بيقص عليكم بكلامه المعسول بيقول لك بوقواعد 1500 ريال

ترا غيرت عندهم مكتب إقليمي موجود في قطر اي تلاعب بالاسعار تواصلو معاهم

موجود مكتبهم في برج لاغونا الدور 11 او 9 ادخلو على موقع غبيرت وموجده ارقام التواصل وعنوانهم

وحتى غروهي لهم مكتب إقليمي في طريق سلوى ووكلاء ماركة غروهي في قطر هم

تدمر والعاصمة والعامودي

وغروهي موديلاته احلى من غبيرت

قصدي ضغطاط تصريف الماي موديلاتها احلى من غبيرت

[معماري قطري]

شغل قميل قداً قداً يا بو سعود .. لفت نظري البلاستر في الصورة الأخيرة مب مخشن ولازم تاخذ له مونة مناسبة للي مب مخشن ولا بتفك البلاطات .. وانتبه للي بيركبها لازم يعرف شيسوي ومقادير الخلط والأدوات وبالتوفيق إن شاء الله

[$الملياردير$]

جعل والديك في الجنة يابوسعود ... و ربي يبارك لك في منزلك ... ويجزاك خير ع الرد الوافي الكافي

[Azizuk]

جعل والديك في الجنة يابوسعود ... و ربي يبارك لك في منزلك ... ويجزاك خير ع الرد الوافي الكافي

الله يسلمك يالملياردير ماعندنا الا حلالك

[بوخالد911]

ومنكم نستفيد دوما.

[asulaiti]

الاخ العزيز بوسعود ..

الله يبارك لك بالبيت ويكون في عونك لين تخلص تشطيب ..

مشكور اخوي الله يجزيك خير ..

[@north_star@]

بالنسبة للخزان المخفي أنصحك بجروهي لانه انتشاره أكثر بالسوق وسهل تحصله وهو انواع

هالنوع اسمه رابيد اس ال طبعا ويعتبر من أفضل الانواع لانه معاه فريم ويعتبر أقوى من باقي الانواع على شيل المرحاض المعلق

http://www.majaless.com/up/get-12-2015-6cpbk38a.gif (http://www.majaless.com/up)


وهالنوع بعد من جروهي واسمه يوني ست بعد ممتاز بس بدون فريم بس له قواعد مثل ارجل للتثبيت مثل ما تشوف بالصورة

http://www.majaless.com/up/get-12-2015-x5a4uem8.gif (http://www.majaless.com/up)


وهالنوع يركب للمراحيض الي اسمها باك تو وول BACK TO WALL يعني تكون ثابته على الارض والخزان مخفي وهالخزان سعته أقل وطبعا ما يحتاج فريم ولا قواعد

http://www.majaless.com/up/get-12-2015-u19rv648.gif (http://www.majaless.com/up)

ونصيحة لا تركب الخزان قبل لا تكون عارف نوع المرحاض لانه بارغي التثبيت تختلف في 18سم وفي 23سم وهذي احجام ستاندر يعني يا بتحصل 18 او 23 لانه لو البايب فيتري ركب الخزان وثبت البراغي على مقاس معين وركبت سيراميك ما تقدر تعدل على المقاس الا تكسر السيراميك ...... وبالتوفيق ان شاء الله

[Azizuk]

مشكور نورث ستار على التوضيح

السباك لازم يجرب المرحاض على البراغي قبل البلاستر والتبليط

انا جرب قدامي ركب البيدية والمرحاض

ويجب أخذ الحيطه ومراعاة مستوى ارضية البيت والحمام النهائية عشان الارتفاع وإلا بيطلع يانازل او مرتفع

[بو راشد 1]

انا ركبت ماركة روكا (شارع المطار قريب قافود) صار لنا سنه نستعملة و الحمد لله ما في مشاكل.

[معماري قطري]

ما شاء الله استوى هالموضوع ثري بالمعلومات والصور ونظام قروهي نفس جاكوب دوليفان .. هذي الأنظمة يبتكرها واحد منهم وتنتشر عند الكل

أتمنى لو فيه حل للرجوع لهذي المشاركات كفئات .. مثلاً يتم تجميع كل ما يختص بالمطابخ ودورات المياه في فئة معينة يقدر الواحد يشوفها كلها ويرجع للمعلومات القيمة فيها .. نفس الشيء للأسقف المستعارة وتصاميمها وكل ما يتعلق بها أو خلوا نقول للتشطيبات .. نفس الشيء للتصميم والمكاتب الاستشارية والمواصفات والعقود وكل ما يتعلق بما قبل العقد

يعني لسهولة الرجوع لهذي المواضيع تندرج كلها لفئات رئيسية

[$الملياردير$]

نورث ستار جزاك الله خير يالغالي ....حبيت توضح لي يعني لازم اشتري الكرسي في نفس الوقت اللي اشتري في الخزان عشان السباك يعرف ... ماتحس انه بدري والا قصدك اشتري واحد عينة من نفس الماركة توتو مثلا بغض النظر لوغيرت الموديل لا حقا ..بخصوص حجم البرغي وشكرا

[Azizuk]

نورث ستار جزاك الله خير يالغالي ....حبيت توضح لي يعني لازم اشتري الكرسي في نفس الوقت اللي اشتري في الخزان عشان السباك يعرف ... ماتحس انه بدري والا قصدك اشتري واحد عينة من نفس الماركة توتو مثلا بغض النظر لوغيرت الموديل لا حقا ..بخصوص حجم البرغي وشكرا


مثل ماتفضل الاخ نورث ستار

لازم تحدد نوع الكرسي اللي راح يتركب والماركة اللي راح تختارها

معظم الكراسي تكون مقاس 23 سنتيميتر

او تقدر تختار نوع الكرسي وتاخذ مواصفاته ومقاساتة

وتعطيها السباك

[معماري قطري]

صحيح وحتى تشتري قبل ولو تخليه مخزن عند المورد .. بعض الموديلات تنقطع بس غالبية الموديلات تُصنَع بمواصفات ومقاسات محددة وتركب على كل نوعية حديد .. الصناع هناك متفقين من زمان والستاندرد واحد بين كل الدول الأُوروبية وغيرها من المصنعين استووا ياخذون نفس الستاندرد