تحذير قبل أن تقع مصيبة

[مختلف جداََ]

السلام عليكم و رحمة الله

الأطفال أمانة

بخصوص مجمعات أزدان اللي في الوكير ، حصل إنه واحد من الربع دق علي عشان أوصل عياله الصباح للمدرسة و المدرسة في الوكرة لأنه عنده ظرف ما يسمح إنه يوصلهم .

يوم وصلت المجمع انصعقت ، أولاد و بنات من الصف الأول الإبتدائي لين الثانوية يتمشون بدون أولياء أمورهم و رايحين من بيوتهم لين البوابة الخارجية . يتجمعون عندها لين يوصل الباص و يركبون فيه .
سألت السكيوريتي شلون جي خطر عليهم يتجمعون على الرصيف الخارجي للمجمعات .
قال لي هذا القرار جديد ما له كم يوم .
قبل كانت الباصات تدخل وتاخذ الطلاب من أمام بيوتهم .قلت له انزين وين أولياء أمورهم ينطرون وياهم .قال في ناس تنطر مع عيالها بس نسبتهم قليلة . أغلبيتهم يجون من بيوتهم مشي لين البوابة الخارجية بروحهم .

بصراحة المنظر مفزع ، اقسم بالله شفت بنت تمشي بروحها من آخر المجمع ، صغيرة وقفت جنبها و سألتها انتي في أي صف ، قالت صف أول ،
خنقتني العبرة الصراحة ، شلون أم تترك بنتها تمشي من البيت لين البوابة الساعه 6 الصبح برووووحها . و المجمع أقسم بالله عووود ( اعتقد فيه حول 600 وحدة سكنية) ، الأم ما تخاف تندعم بنتها من السيارات بالذات انه فترة الصباح الكل طاير يبي يروح دوامه .

لما سألت المنع من عند من ؟ في واحد قال المنع من كروة ، و واحد قال المنع من الشرطة المجتمعية .

بغض النظر عن جهة المنع ، الخوف كل الخوف من حادث يصير داخل المجمع أو خارجه . أطفال صغار في العمر ما يعرفون لحركة السيارات ، بدون أولياء أمورهم .
قدامي والله بنت صغيرة بغت تنزل من على الرصيف و لولا صرخ عليها موظف الأمن كان الله العالم شصار .

من المسؤول لو حصل حادث أو توفي طفل ؟
نداء للمسؤول عن هذا القرار .

سيدي الكريم ليس حلاً أن تجعل الأطفال ينتظرون عند البوابة خارج المجمع .

الباصات و السيارات في حالة عجلة للوصول لأعمالهم .
إن كان هناك من يعرقل السير داخل المجمع بوقوفه الخاطئ ، أتمنى مخالفته مخالفة كبيرة .

و شكراً

[دايموند]

للاسف قرار غير سليم...

[بانغ بانغ]

صحيح بوصالح مساكين اهاليهم مجبورين والعاتق على ادارة المجمع لان الباص صعب ايدش داخل

يجب ان يكون تنسيق مع المجلس الاعلى في هالمجمعات

[مختلف جداََ]

اللي فهمته مت السيكيوريتي
انه صارت حوادث من قبل بين باصات كروة وسيارات في المجمعات بسبب الوقوف الخاطئ للسيارات.
أو عرقلة الطريق.

اللي معرقل خالفوه احجزوا موتره .
بس تاخذون الكل بجريرة البعض .

[فريج النجادة]

الله يرحم ايامنا كنا نمشي من فريج النجادة الى فريج الغانم

ونحن في الصف الاول الابتدائي الى السادس

وفي جميع الاجواء من برد ومطر ومن حر الشمس

اذا تعطلت الباصات والمسافة في حدود من 3 الى 4 كيلو

وشايلين الكتب

والامر طيبة والحمدلله

[حرف]

لو صارت حاله خطف من المسئول
حسبي الله على صاحب القرار الي ماتعب نفسه وسوى شي يأمن نزول الطلاب وركوبهم

[بصمة قطرية]

و إذا في مطر و لا هوا قوي ..
بعد بيخلونهم يطلعون من بيوتهم يمشون ..!!
إش هالقرار الغريب ..!!
وين أمن الأطفال و حمايتهم ..
الموضوع ما ينسكت عنه ..
حرام و خطر عليهم الله يحفظهم ..

[مختلف جداََ]

القرار من مدير باصات المدارس

[ضوى]

الله يرحم ايامنا كنا نمشي من فريج النجادة الى فريج الغانم

ونحن في الصف الاول الابتدائي الى السادس

وفي جميع الاجواء من برد ومطر ومن حر الشمس

اذا تعطلت الباصات والمسافة في حدود من 3 الى 4 كيلو

وشايلين الكتب

والامر طيبة والحمدلله

لاتقارن وقتنا بوقت هالايام

قبل امان ، الحين مافي امان ، كثرة العمال والعزاب شي يخوف
قبل الكل يراقب هلك جيرانك قصرانك ، الحين لو يشوفونك ميت بالشارع صوروك وطرشوا على مواقع التواصل ولا يفكر يسعفك

خلنا واقعين حرام نقارن زماننا بهالزمن الاغبر

[ضوى]

اخوي مختلف سوي مينشن لفيصل المرزوقي ولحسن الساعي راح يوصل الصوت اسرع

[مختلف جداََ]

القرار من مدير باصات المدارس و ليس الشرطة المجتمعية
وهذي رسالة مدرسة الوكرة الإبتدائية للبنات لأولياء الأمور بهذا الخصوص

http://cdn.top4top.co/p_559jeljxjh0.png (http://up.top4top.net/)

[مختلف جداََ]

يا ريت يا ضوى

أنا ديناصور بهالسوالف

ما عندي لا تويتر و لا فيس :(

[حرف]

اوكي الباصات غيرة والشوارع ضيقة
وفر لهم باصات صغيرة
وفر لهم امن ينقلها من بيوتهم للبوابه
وفر لهم غرفتين بورتكبن عن البوابه

اتمنى ان تصل هالرساله لاعلى مستوى
موب ناقصين مصايب تصير

[مختلف جداََ]

عدد الأطفال و الطلاب اللي ينطرون على الرصيف عند بوابة المجمع من الخارج صدقاً كبير .

والله انه أمن المجمع مش مقصر بس الزحمه اللي تصير عند البوابات الصبح مش طبيعية

قسم بالله كأنهم شرطي مرور

يوقفون السيد اللي طالع من المجمع ولا الشارع الخارجي و لا عيونهم على للطلاب .
و السيارات اللي تتجاوز من الباصات الواقفه ولا الدناكر و الشاحنات .

بصراحة الله يعينهم

[بانغ بانغ]

هذه اشارة للعشوائية

وين الدفاع المدني لو صار شي

[مختلف جداََ]

هذه اشارة للعشوائية

وين الدفاع المدني لو صار شي


الله المستعان يا بوفيصل

[مختلف جداََ]

و هذا كتاب أزدان معلق على بوابة أحد المجمعات التابعة لهم

http://cdn.top4top.co/p_559kqjpdor0.jpeg (http://up.top4top.net/)

[مختلف جداََ]

اوكي الباصات غيرة والشوارع ضيقة
وفر لهم باصات صغيرة
وفر لهم امن ينقلها من بيوتهم للبوابه
وفر لهم غرفتين بورتكبن عن البوابه

اتمنى ان تصل هالرساله لاعلى مستوى
موب ناقصين مصايب تصير

الله يسمع منك
لأنه المنظر اللي شفته محد يتمنى عياله محل هالأطفال .

[مختلف جداََ]

و إذا في مطر و لا هوا قوي ..
بعد بيخلونهم يطلعون من بيوتهم يمشون ..!!
إش هالقرار الغريب ..!!
وين أمن الأطفال و حمايتهم ..
الموضوع ما ينسكت عنه ..
حرام و خطر عليهم الله يحفظهم ..

نقطة ما فكرت فيها

صدقتي و الله

[بانغ بانغ]

اتمنى ان اتصير كارثة في اعيال المسئولين .... ابغي اشوف البلد كيف راح تتصرف

نزلت يا بوصالح موضوع العام ... عن " هل لازم اتصير كارثة عشان نتصرف "

بيض الله وجهك حارق قلبك عشان هالناس

[بصمة قطرية]

وصلت الموضوع*لشخص
أن شاءالله يوصله للجهات المسؤولة
ونسمع قرار قريب ..

[مختلف جداََ]

عندي صور للأطفال عند بوابة المجمع
ما أدري مسموح انزلهم ولا لا

أتمنى حد من ادارة المنتدى يتداخل معاي على العام .

مسموح أحط صور الطلاب و هم نازلين من الباص عند البوابة و لا لا ؟

[مختلف جداََ]

اتمنى ان اتصير كارثة في اعيال المسئولين .... ابغي اشوف البلد كيف راح تتصرف

نزلت يا بوصالح موضوع العام ... عن " هل لازم اتصير كارثة عشان نتصرف "

بيض الله وجهك حارق قلبك عشان هالناس

الله المستعان

و وجهك أبيض يا بوفيصل

[مختلف جداََ]

وصلت الموضوع*لشخص
أن شاءالله يوصله للجهات المسؤولة
ونسمع قرار قريب ..

الله يكثر من أمثالج يا أم جاسم

[الحياة الخالدة]

عندي صور للأطفال عند بوابة المجمع
ما أدري مسموح انزلهم ولا لا

أتمنى حد من ادارة المنتدى يتداخل معاي على العام .

مسموح أحط صور الطلاب و هم نازلين من الباص عند البوابة و لا لا ؟

لا أخوي غير مسموح
يمكن في ناس ما يحبون ينشرون صور عيالهم
جزاك الله خير على حرصك و تنبيهك

[مختلف جداََ]

لا أخوي غير مسموح
يمكن في ناس ما يحبون ينشرون صور عيالهم
جزاك الله خير على حرصك و تنبيهك


عشان جي بغيت أتأكد

بمسحهم

جزاج الله خير

[كتكوت الوحش]

الحل بسيط كل مدرسه ما اعتقد انها عندها اكثر من عشر طلاب في المجمع تستبدل الباصات الكبيره بصغيره وخلاص ويحلون المشكلة وذلك بطلب من المدرسه نفسها

[معماري قطري]

بعيوني شفت كثير مدارس في أمريكا الطلاب يقطعون مسافات طويلة مشي لها .. صحيح الطرق مجهزة بمعابر والسرعة وقت خروج ودخول الطلبة تكون محددة ب 15 ميل في الساعة .. ويكون ليت برتقالي يولع ويطفى يحذر السائقين .. والطلاب يلتزمون بالمشي على الرصيف .. وأماكن قطع الطريق يكون فيها مراقب في يده علم يمشي مع الطلبة وهم قاطعين الطريق وفي العادة يكون شيبة أو عجوز والظاهر عمله تطوعي وبلباس خاص وفي يده علامة قف

[حرف]

بعيوني شفت كثير مدارس في أمريكا الطلاب يقطعون مسافات طويلة مشي لها .. صحيح الطرق مجهزة بمعابر والسرعة وقت خروج ودخول الطلبة تكون محددة ب 15 ميل في الساعة .. ويكون ليت برتقالي يولع ويطفى يحذر السائقين .. والطلاب يلتزمون بالمشي على الرصيف .. وأماكن قطع الطريق يكون فيها مراقب في يده علم يمشي مع الطلبة وهم قاطعين الطريق وفي العادة يكون شيبة أو عجوز والظاهر عمله تطوعي وبلباس خاص وفي يده علامة قف

مافيه مقارنه بين دوله شعبها ثابت والجديد يُدري ثقافه المجتمع قبل لغة المجتمع
وبين دوله كل يوم يدخلها ناس جدد بعضهم جاي من ادغال افريقيا ودواعيس الهند

[بصمة قطرية]

الله يكثر من أمثالج يا أم جاسم

أرسلت لك إسم الشخص اللي تتواصل معاه ..

[مختلف جداََ]

أرسلت لك إسم الشخص اللي تتواصل معاه ..


رحم الله والديج

[معماري قطري]

مافيه مقارنه بين دوله شعبها ثابت والجديد يُدري ثقافه المجتمع قبل لغة المجتمع
وبين دوله كل يوم يدخلها ناس جدد بعضهم جاي من ادغال افريقيا ودواعيس الهند

لو سووها عندنا تلقى أول ناس يلتزمون بالقانون هم .. والسرعة 20 يعطيك خصم بعد ويمشي 10

[مختلف جداََ]

صباح الخير

للتذكير

طبعاً نفس المنظر اليوم بعد

[شيخ الديرة]

يحولون أحد ابواب الطوارئ الى باب لطلاب المدارس فقط, والباصات تقف خارج الباب, ويسيطر عليها حارس بحيث يبقى كل الطلاب داخل المجمع في خطوط منتظمة الى ان يأتي باصهم. المسألة ليست بالصعبة ولكن تحتاج انتباه من ادارة المجمع.

[الحياة الخالدة]

السلام عليكم

شرايك تاخذ كل الاقتراحات البناءة في موضوعك .. و توصلها للمسؤولين

[الرايــق]

يا جماعة الخير انا شايف بعيني تكدس السيارات في المجمع الباص ما في امل حتى ياخذ يمين او يسار داخل المجمع
والمشكلة من المجمع نفسه لان المواقف صغيرة جدا وتصميمها سيئ

[الرايــق]

يعني لو هالمجمعات ترتب تصميم المواقف والمداخل والمخارج ما كان الباص وقف اخر الشارع

[بانغ بانغ]

ايصبحك بالخير بوصالح وجميع الاعضاء

والله ما اوقفت على باصات وشوارع في مجمع

في اطفال مساكين اهلهم هادينهم في المجمعات والفرجان بروحهم مع الخدم

خاصة مع هالجهاز اليديد اللي يمشون عليه ... اشكره في الفرجان

وين الرقابة

[مختلف جداََ]

السلام عليكم

شرايك تاخذ كل الاقتراحات البناءة في موضوعك .. و توصلها للمسؤولين


جاري التواصل معهم

[مختلف جداََ]

يا جماعة الخير انا شايف بعيني تكدس السيارات في المجمع الباص ما في امل حتى ياخذ يمين او يسار داخل المجمع
والمشكلة من المجمع نفسه لان المواقف صغيرة جدا وتصميمها سيئ


أخوي الرايق

أتفق معاك بشكل جزئي

مب كل المجمعات شوارعها ضيقة
في مجمعات قسم بالله كأنها فريج مب مجمع صغير

اللي مافي أمل يدخله الباص العود
يخصصون له باص صغير

بس في مجمعات باصات التاتا العوده تقدر تدخله

[مختلف جداََ]

ايصبحك بالخير بوصالح وجميع الاعضاء

والله ما اوقفت على باصات وشوارع في مجمع

في اطفال مساكين اهلهم هادينهم في المجمعات والفرجان بروحهم مع الخدم

خاصة مع هالجهاز اليديد اللي يمشون عليه ... اشكره في الفرجان

وين الرقابة


يصبحك بالنور يا بوفيصل

صحيح و هذي مسؤولية أولياء الأمور بالدرجة الأولى
ياخي صج استغرب وينهم عن عيالهم !!!؟؟؟؟

[مختلف جداََ]

الحل بسيط كل مدرسه ما اعتقد انها عندها اكثر من عشر طلاب في المجمع تستبدل الباصات الكبيره بصغيره وخلاص ويحلون المشكلة وذلك بطلب من المدرسه نفسها

في مدارس عندها أكثر من 25 طالبة في نفس المجمع
شوف عيني

[مختلف جداََ]

بعيوني شفت كثير مدارس في أمريكا الطلاب يقطعون مسافات طويلة مشي لها .. صحيح الطرق مجهزة بمعابر والسرعة وقت خروج ودخول الطلبة تكون محددة ب 15 ميل في الساعة .. ويكون ليت برتقالي يولع ويطفى يحذر السائقين .. والطلاب يلتزمون بالمشي على الرصيف .. وأماكن قطع الطريق يكون فيها مراقب في يده علم يمشي مع الطلبة وهم قاطعين الطريق وفي العادة يكون شيبة أو عجوز والظاهر عمله تطوعي وبلباس خاص وفي يده علامة قف


أتمنى والله يطبقون هالنظام
كان ارتاحو العالم و الله

مشاركة متميزة يا بوعبدالله

[الحياة الخالدة]

جاري التواصل معهم

عساك عالقوة .. و في ميزان حسناتك يا بوصالح
الحين انت اسم على مسمى :victory:

[بصمة قطرية]

جاري التواصل معهم

عطنا المستجدات مختلف ..

[المحاميه]

اوف اشلون جذي

العتب عليك ياولي الامر يالمهمل :anger1:

[غير البشر]

جاري التواصل معهم


بس شلون بتفهمهم :rolleyes2:

[الحياة الخالدة]

بس شلون بتفهمهم :rolleyes2:

ليش هم بأي لغة يتكلمون ؟؟
مختلف تأخر علينا بالمستجدات .. الظاهر زنطوووه

[مختلف جداََ]

ما تأخرت
كنت في اجتماع و خلصت دخلت في اجتماع
و من شوي خلصت و انطر واحد دب عشان أوصله

لين الحين بالتلفون

بس الأحد اذا الله أحياني بروح لهم البرج

[الحياة الخالدة]

ما تأخرت
كنت في اجتماع و خلصت دخلت في اجتماع
و من شوي خلصت و انطر واحد دب عشان أوصله

لين الحين بالتلفون

بس الأحد اذا الله أحياني بروح لهم البرج

عساك عالقوة .. ما أقرب من الأحد إلا رحمة ربنا

[مختلف جداََ]

عساك عالقوة .. ما أقرب من الأحد إلا رحمة ربنا

الله يقويج

[حرف]

يالله طلعت بعض سلبيات بعض القرارات
ومنها اختيار هذا الحجم الكبير لباصات كروه وتعاقد المجلس الاعلى معهم

[مختلف جداََ]

يالله طلعت بعض سلبيات بعض القرارات
ومنها اختيار هذا الحجم الكبير لباصات كروه وتعاقد المجلس الاعلى معهم

اتفق معاك

[بوخالد911]

الله يحفظ فلذات أكبادنا.

[مختلف جداََ]

http://www.al-sharq.com/news/details/393995#.Vn-8W-e8bCQ

[بصمة قطرية]

http://www.al-sharq.com/news/details/393995#.Vn-8W-e8bCQ

:victory:


تواصلت مع الشخص ..؟

[بانغ بانغ]

بشر بوصالح كيف اموركم احين ان شاء الله في تجاوب

[نايم سهران]

ازدان كله مشاكل في مشاكل مش بس هذا

[مختلف جداََ]

بصمة و بانغ
ولا تغير شي

[مختلف جداََ]

ازدان كله مشاكل في مشاكل مش بس هذا

ليش شنو في بعد ؟؟
اطربنا

[بصمة قطرية]

بصمة و بانغ
ولا تغير شي


أنت تواصلت مع الشخص اللي قلت لك عنه
رحت له و لا كلمته ..!

[مختلف جداََ]

أنت تواصلت مع الشخص اللي قلت لك عنه
رحت له و لا كلمته ..!

تم التواصل شخصياً معه .
و أخبرني أنه متابع للموضوع .
و أنه قد تم إرسال كتاب للجهة الأمنية المختصة و في انتظار ردهم .

و وعدني خير

ما قصرتي بصمة

[بصمة قطرية]

تم التواصل شخصياً معه .
و أخبرني أنه متابع للموضوع .
و أنه قد تم إرسال كتاب للجهة الأمنية المختصة و في انتظار ردهم .

و وعدني خير

ما قصرتي بصمة

قصر عنك الشر ياخوي ..
جزاك الله خير ..

[عايش فرحان]

من استوت كروة ما شفنا منها الا القرادة و الفشل ..و مضرة البلد و اَهلها ..