حقوق المواطن في بلده ؟!

[Al-Kuwari]

السلام عليكم ورحمة الله وبركاته,

كبداية احب انوه ان الموضوع مهب ضد الأجانب بالعكس مرحب فيهم في بلدهم الثاني قطر طالما هم كفاءة تساهم في رفع شأن البلد في المحافل العالمية

لكن مهب هذا موضوعنا اليوم فاتمنى ما تحورون الموضوع ضد الأجانب واتمنى نلتزم بنقاش الفكرة المطروحة في الموضوع


في كل دول العالم راح تلاقي بعض القوانين التي تقف في صف المواطن في بلده كأسعار خاصة للمواطن او مزايا خاصة, لكن عندنا للأسف الاسعار الخاصة هي للأجنبي وليست للمواطن

كمثال توضيحي

المدارس الخاصة تضع اسعار خاصة للأجانب و اسعار خاصة للقطريين وتكون دائماً اعلى من السعر الخاص بالطالب الاجنبي !

المتعارف عليه ان ابن البلد هو من يحصل عالسعر الخاص لأنه ابن البلد ولكن عندنا اشوف العكس !

لو كانت الاسعار موحدة ممكن اتفهم الموضوع من مبدأ ان التعليم حق مشروع للكل ولازم نكون سواسية فالاسعار
لكن ان تكون اسعار الطالب المواطن اعلى بكثير من الطالب المقيم فهذي مهزلة بكل ماتحمله الكلمه من معنى !

كذلك نفس الأمر ينطبق عالعيادات الصحية والمستشفيات الخاصة , السعر للقطري دائماً أعلى ولنا في صحة والتأمين خير مثال للمهزلة التي حصلت

كذلك في بعض المحلات التي لا تلتزم بوضع سعر واضح غير قابل للنقاش يحصل ان القطري يدفع اكثر من الاجنبي !

احد الاصدقاء في العمل يحكي لي انه ذهب لمحل العاب بلي ستيشن مع اخوه الصغير وكان يسأل عن سعر لعبه معينة وكان فالمحل طفل قطري يريد شراء نفس اللعبة , وكان البائع يشير لصديقي بيده ان انتظر شوي

وبعد ما طلع القطري تفاجأ صديقي ان سعر القطري كان اعلى مع ان الطفل المقيم والطفل القطري اشتروا نفس اللعبه تماماً !!

أتمنى من حماية المستهلك ومن الدولة ان تضع حد للمهازل العلنية التي تحصل في حق المواطن المغلوب على امره , ان سافر للخارج دفع اسعار سياحية وان بقى في بلده دفع ضعف ما يدفعه المقيم وهو الأولى بأن يدفع اسعار مخفضة

وارجع واذكر , انتزاع حقوق الاجانب في البلد لا يعني بالضرورة اكتساب المواطن لحقوق اضافية فرجاء اتمنى النقاش يكون عن كيف يحصل المواطن على حقوقه ولا ان يتم الخلط بين حقوق المواطن وبين مايحصل عليه الاجنبي

المشكلة مهب في الاجنبي , المشكلة في من يتعمد التفرقة في الاسعار من مؤسسات خاصة ومحلات تجارية والتي يجب ان تردع بوضع قوانين حكومية تحمي القطري من الاستغلال الذي يتعرض له في بلده !!

[غير البشر]

مرحبا النسيب

انا ابغي بس على الاقل يوحدونا معاهم

ومرحبا بهم في بلدهم الثاني قطر :shy:

[Al-Kuwari]

مرحبا النسيب

انا ابغي بس على الاقل يوحدونا معاهم

ومرحبا بهم في بلدهم الثاني قطر :shy:

ياهلا غير البشر

كلامك سليم ان لم نحصل على اسعار خاصة على الأقل ندفع سواسية سعر موحد

اشكرك عالاضافة والمرور

[بو راشد 1]

المشكلة ليست في القوانين فقط، تكون المشكلة في الاشخاص القائمين على تنفيذ القوانيين، و هم غالبا يكونون غير مواطنين. و مثال على ذلك و عن تجربة (اكثر من مرة) في مؤسسة حمد الطبية، الدولة قامت مشكورة باعطاء الاولوية للقطريين للحصول على الخدمة، يلاحظ ان الموظف لا يمشي القطريين اولا. و قس على ذلك.
لابد من وضع الية لمراقبة تطبيق التعليمات الصادرة الى الموظف الموكل الية تقديم الخدمة.

[حرف]

كلام ابو راشد صحيح الاجانب هم من يضع القوانين

[محاسب طيار]

السلام عليكم ورحمه الله وبركاته ربعنا ما شاءالله يحبون التميز في كل شي احنا الشعب الوحيد إلي نشتري الاغراض في بلدنا اغلى من غيرنا وخارج بلدنا لما نشتري بعد احنا الاغلى مثلا تروح محل جوالات تاخذ التلفون بثلاث الاف والمقيم يبدأ معاه من وين منتهى معاك �� فطبيعي يالغالي فكثير من هل قطر مش حاس فالمشاكل الي حوله يتساهلون كثير وماعنده حسن تدبير ولا بصيره يعني كل توجهاتنا للمظاهر او القصد الكماليات وبعدين انقول وين حمايه المستهلك يعني هم الشماعه لنا بالعكس انا لا ضد المقيم العربي او الاجنبي بس اوقات اقعد اضحك والله فشيله احنا السبب فكل هالامور


اسمحولي على الاطاله

[Riku3]

حتى في دول الخليج صاروا يعرفونك من وين وما ينقصونلك في السعر !! .. صارلي هالموقف احاول اكاسر مافي فايدة واخر شي قال انت جاي من قطر ؟ .. اقوله شلون عرفت يقول اعرف كشختكم !! ..

المفروض يتم فرض سعر ثااااابت في كل المحلات في قطر .. الي يبي يرفع سعره كيفه .. بس مافي شي اسمه خصم الا باعلان رسمي على المحل بتنزيلات .. غير هالكلام مخالفة ..

والا ادخل محل كهربائي حاط اسعار 3 اضعاف على البضايع علشان الغشيم او الي يستحي يكاسر يشتري ويطلع .. والي يدري يعطيه بالسعر الحقيقي !! ..

مريت بموقف يضحك مع دكتور اسنان في 2008 .. دخلت عليه بعد ما كنت في الجيم بملابس رياضة وحالتي حاله ... بعد ما خلصت العلاج يقولي "كم تقدر تدفع" :tease: .

[معماري قطري]

المشكلة ليست في القوانين فقط، تكون المشكلة في الاشخاص القائمين على تنفيذ القوانيين، و هم غالبا يكونون غير مواطنين. و مثال على ذلك و عن تجربة (اكثر من مرة) في مؤسسة حمد الطبية، الدولة قامت مشكورة باعطاء الاولوية للقطريين للحصول على الخدمة، يلاحظ ان الموظف لا يمشي القطريين اولا. و قس على ذلك.
لابد من وضع الية لمراقبة تطبيق التعليمات الصادرة الى الموظف الموكل الية تقديم الخدمة.

ومن يخالف الموظف يتحاسب وممكن يتفنش

[راعي الكورفت]

حتى في الكراجات يصلحون الخراب لسيارة المواطن ب8000 وحق الأجنبي ب500 .

لو تسأله ليش تسوي جذي ؟


يرد يقولك !

قطري فلوس واجد .
نفر ثاني مسكين ... مافي فلوس.:rolleyes2:

[Al-Kuwari]

المشكلة ليست في القوانين فقط، تكون المشكلة في الاشخاص القائمين على تنفيذ القوانيين، و هم غالبا يكونون غير مواطنين. و مثال على ذلك و عن تجربة (اكثر من مرة) في مؤسسة حمد الطبية، الدولة قامت مشكورة باعطاء الاولوية للقطريين للحصول على الخدمة، يلاحظ ان الموظف لا يمشي القطريين اولا. و قس على ذلك.
لابد من وضع الية لمراقبة تطبيق التعليمات الصادرة الى الموظف الموكل الية تقديم الخدمة.

يا هلا بوراشد

صدقني الخلل من القانون نفسه

دائماً اقول ومازلت مقتنع , ان اي قانون بأي شكل وبأي نوع لازم يكون واضح ومفصل تفصيل دقيق بحيث انه مايسمح لأي شخص صاحب نفس دنيئة بالتلاعب او التحايل

[Al-Kuwari]

كلام ابو راشد صحيح الاجانب هم من يضع القوانين

والقطريين هم من يوقع على اعتماد هذه القوانين

مافي اجنبي بيلعب ويخربط بدون مايكون في قطري واقف معاه او تم تعيينه من قبل قطري

[Al-Kuwari]

السلام عليكم ورحمه الله وبركاته ربعنا ما شاءالله يحبون التميز في كل شي احنا الشعب الوحيد إلي نشتري الاغراض في بلدنا اغلى من غيرنا وخارج بلدنا لما نشتري بعد احنا الاغلى مثلا تروح محل جوالات تاخذ التلفون بثلاث الاف والمقيم يبدأ معاه من وين منتهى معاك �� فطبيعي يالغالي فكثير من هل قطر مش حاس فالمشاكل الي حوله يتساهلون كثير وماعنده حسن تدبير ولا بصيره يعني كل توجهاتنا للمظاهر او القصد الكماليات وبعدين انقول وين حمايه المستهلك يعني هم الشماعه لنا بالعكس انا لا ضد المقيم العربي او الاجنبي بس اوقات اقعد اضحك والله فشيله احنا السبب فكل هالامور


اسمحولي على الاطاله

اتفق معاك يا محاسب طيار

قلة الوعي وسوء التدبير يلعب دور كبير في هالمواضيع

[Al-Kuwari]

حتى في دول الخليج صاروا يعرفونك من وين وما ينقصونلك في السعر !! .. صارلي هالموقف احاول اكاسر مافي فايدة واخر شي قال انت جاي من قطر ؟ .. اقوله شلون عرفت يقول اعرف كشختكم !! ..

المفروض يتم فرض سعر ثااااابت في كل المحلات في قطر .. الي يبي يرفع سعره كيفه .. بس مافي شي اسمه خصم الا باعلان رسمي على المحل بتنزيلات .. غير هالكلام مخالفة ..

والا ادخل محل كهربائي حاط اسعار 3 اضعاف على البضايع علشان الغشيم او الي يستحي يكاسر يشتري ويطلع .. والي يدري يعطيه بالسعر الحقيقي !! ..

مريت بموقف يضحك مع دكتور اسنان في 2008 .. دخلت عليه بعد ما كنت في الجيم بملابس رياضة وحالتي حاله ... بعد ما خلصت العلاج يقولي "كم تقدر تدفع" :tease: .

هلا ريكو

اتفق معاك بما تفضلت فيه

العتب يقع بالمشاركة على المواطن اللي يدفع بدون مايفكر في قيمة الشي اللي قدامه
والقانون الموضوع بحيث انه يسمح للغير بالتلاعب

[ضوى]

تدري المصيبة وين يا خوي الكوار ي؟

انه حتى سعر الذهب لهم غير عنا ، انقهرت لما قالت لي السالفة صديقتي حسب لها الجرام ب160 ولغير القطرية حسبه ب140 صج قهر

[حمد بن سعد]

الحين بيطلع لك واحد من الي مولودين في لندن بيقولك

كفايه الكهربا والماي والعيش والدهن والحليب انتو في خير ونعمه وبعد مب عاجبكم

[ضوى]

الحين بيطلع لك واحد من الي مولود في لندن بيقولك

كفايه الكهربا والماي والعيش والدهن والحليب انتو في خير ونعمه وبهعد مب عاجبكم

اللي بيقول جذي يبلع العافيه ابرك له ويروح يكمل حياته بلندن

[احلام الدوحة]

السلام عليكم ورحمة الله وبركاته,

كبداية احب انوه ان الموضوع مهب ضد الأجانب بالعكس مرحب فيهم في بلدهم الثاني قطر طالما هم كفاءة تساهم في رفع شأن البلد في المحافل العالمية

لكن مهب هذا موضوعنا اليوم فاتمنى ما تحورون الموضوع ضد الأجانب واتمنى نلتزم بنقاش الفكرة المطروحة في الموضوع


في كل دول العالم راح تلاقي بعض القوانين التي تقف في صف المواطن في بلده كأسعار خاصة للمواطن او مزايا خاصة, لكن عندنا للأسف الاسعار الخاصة هي للأجنبي وليست للمواطن

كمثال توضيحي

المدارس الخاصة تضع اسعار خاصة للأجانب و اسعار خاصة للقطريين وتكون دائماً اعلى من السعر الخاص بالطالب الاجنبي !

المتعارف عليه ان ابن البلد هو من يحصل عالسعر الخاص لأنه ابن البلد ولكن عندنا اشوف العكس !

لو كانت الاسعار موحدة ممكن اتفهم الموضوع من مبدأ ان التعليم حق مشروع للكل ولازم نكون سواسية فالاسعار
لكن ان تكون اسعار الطالب المواطن اعلى بكثير من الطالب المقيم فهذي مهزلة بكل ماتحمله الكلمه من معنى !

كذلك نفس الأمر ينطبق عالعيادات الصحية والمستشفيات الخاصة , السعر للقطري دائماً أعلى ولنا في صحة والتأمين خير مثال للمهزلة التي حصلت

كذلك في بعض المحلات التي لا تلتزم بوضع سعر واضح غير قابل للنقاش يحصل ان القطري يدفع اكثر من الاجنبي !

احد الاصدقاء في العمل يحكي لي انه ذهب لمحل العاب بلي ستيشن مع اخوه الصغير وكان يسأل عن سعر لعبه معينة وكان فالمحل طفل قطري يريد شراء نفس اللعبة , وكان البائع يشير لصديقي بيده ان انتظر شوي

وبعد ما طلع القطري تفاجأ صديقي ان سعر القطري كان اعلى مع ان الطفل المقيم والطفل القطري اشتروا نفس اللعبه تماماً !!

أتمنى من حماية المستهلك ومن الدولة ان تضع حد للمهازل العلنية التي تحصل في حق المواطن المغلوب على امره , ان سافر للخارج دفع اسعار سياحية وان بقى في بلده دفع ضعف ما يدفعه المقيم وهو الأولى بأن يدفع اسعار مخفضة

وارجع واذكر , انتزاع حقوق الاجانب في البلد لا يعني بالضرورة اكتساب المواطن لحقوق اضافية فرجاء اتمنى النقاش يكون عن كيف يحصل المواطن على حقوقه ولا ان يتم الخلط بين حقوق المواطن وبين مايحصل عليه الاجنبي

المشكلة مهب في الاجنبي , المشكلة في من يتعمد التفرقة في الاسعار من مؤسسات خاصة ومحلات تجارية والتي يجب ان تردع بوضع قوانين حكومية تحمي القطري من الاستغلال الذي يتعرض له في بلده !!

انا مب قطرية وولدي في مدرسة خاصة وصديقتي ولدها في نفس المدرسة وهي قطرية وندفع نفس المبلغ ولا عمرها قالت لي انها دفعت أكثر مني

[Al-Kuwari]

ومن يخالف الموظف يتحاسب وممكن يتفنش

الله المستعان يا مهندسنا

والقادم افضل بأذن الله

[Al-Kuwari]

حتى في الكراجات يصلحون الخراب لسيارة المواطن ب8000 وحق الأجنبي ب500 .

لو تسأله ليش تسوي جذي ؟


يرد يقولك !

قطري فلوس واجد .
نفر ثاني مسكين ... مافي فلوس.:rolleyes2:

سعر الخدمه لازم يكون بناء على الخدمه المقدمة منك كمحل تجاري و ماله علاقة بكوني انا العميل عندي الف ريال او عشرين الف ريال

نتمنى قانون واضح وتسعير ثابت للكل في جميع متاجر الدولة سواء متاجر عالمية او متاجر صغيرة محلية لمنع هذا النوع من التلاعب

[Al-Kuwari]

تدري المصيبة وين يا خوي الكوار ي؟

انه حتى سعر الذهب لهم غير عنا ، انقهرت لما قالت لي السالفة صديقتي حسب لها الجرام ب160 ولغير القطرية حسبه ب140 صج قهر

هلا ضوى

الامثلة المذكورة فوق فقط للتوضيح , ولكن بشكل عام فالكثير من المحلات خصوصاً الصغيرة اللي ماتلتزم بملصقات الاسعار تتلاعب بالاسعار حسب الزبون ان كان قطري رفع السعر وان كان اجنبي خفض السعر وحسبي الله ونعم الوكيل

[Al-Kuwari]

الحين بيطلع لك واحد من الي مولودين في لندن بيقولك

كفايه الكهربا والماي والعيش والدهن والحليب انتو في خير ونعمه وبعد مب عاجبكم

هذي مميزات من الدولة والحكومة مشكورة طبعاً , لكن ما يعني ان التجار يستغلوني ويحطون سعر مرتفع لي فقط لكوني قطري بينما الاجنبي يعطيه السعر الطبيعي او سعر مخفض !

[Al-Kuwari]

انا مب قطرية وولدي في مدرسة خاصة وصديقتي ولدها في نفس المدرسة وهي قطرية وندفع نفس المبلغ ولا عمرها قالت لي انها دفعت أكثر مني

هلا احلام ,

شوفي الرابط الله يجزاج خير

http://www.qatarshares.com/vb/showthread.php?563033

قد لا تنتهج كل المدارس هذه الطريقة لكن المجلس الاعلى يعطي انطباع سلبي وعنصري لما يسمح لمدرسة او اكثر من مدرسة بهذه التفرقة العنصرية وكأن يقول للتجار كلهم ارفعوا السعر عالمواطن القطري بالطريقة اللي تبونها

[حرف]

والقطريين هم من يوقع على اعتماد هذه القوانين

مافي اجنبي بيلعب ويخربط بدون مايكون في قطري واقف معاه او تم تعيينه من قبل قطري

واحد من الاثنين
يا ان المسئولين الي يوقعون القوانين مايدرون شالطبخه
يا انهم يدرون ولهم فايدة شنهي الله اعلم

[بصمة قطرية]

أستغرب بصراحة شلون القطري يوقع على هالقرارات و التسعيرات
اللي يحطها الأجنبي ..!!!!

[حرف]

اذا من فترة في برنامج وطني الحبيب استضافوا المسئول عن المدارس الاجنبية وسألوه ليش الرسوم تختلف من المواطن للاجنبي جاوب بس صراحة مافهمت شي يلف ويدور وضيعنا في امور جانبيه دون ان يجاوب مباشرة عن السؤال

[بصمة قطرية]

القطري عنده فلوس ..!!
هاي كلامهم دايماً ..
كل قطري عنده بير بترول في البيت ..!
حتى لما نسافر برع نسمع هالكلمة ..!!!!

[bohilal191]

القطري عنده فلوس ..!!
هاي كلامهم دايماً ..
كل قطري عنده بير بترول في البيت ..!
حتى لما نسافر برع نسمع هالكلمة ..!!!!

المشكلة ان فئة من الناس ينطبق عليهم قطري وعنده بير بترول لأن اللي يسوونه في الخارج شي مب طبيعي ويدفعون بالهبل ووايد اشوف هالشي لما أسافر هالنوعية من الناس هي اللي تأثر على الباقيين

[غريب الدّار]

المشكلة فينا احنا

احنا الدفّيعة :)


أي شي ضروري ولا مب ضروري مستعدين نموت ونجيبه لو نصرف ماورانا ودونّا

ليش هالشي مايصير مع الهندي مثلا؟
بكل بساطة :
الهندي ماراح يشتري شي غالي او مب مقتنع بسعره


القطري مستعد يدفع ويدفع ويدفع

واللي يعرف هالشي يقوم يستغله


بس هذا الموضوع

لان راعي السلعة يدري (في الغالب) ان سلعته من الكماليات
والزبون يقدر يخليه ويروح اذا مااعجبه السعر


لكنه عارف ومتاكد ان المواطنين يدفعون في أي شي وعلى كل شي

فيقوم يرفع السعر

بس
هذا كل الموضوع


وهذا اللي يفسر ان احنا لما نروح الحسا مثلا يرفعون علينا الأسعار بعد
خخخخخخخخخخخخخ

هل هم مستقصدينا مثلا في قطر وبرع؟


اكيد لا


بس الكل صار يعرف ان القطري يدفع

[بانغ بانغ]

مووضعوك خطير اخوي ....


للأسف القطري هو اللي ايجب الكلام حق نفسه خاصه يوم يقبل باي سعر يعطى .... طبعا البعض مب الكل

ايضا الحكومة لازم اتقنن هالموضوع بخصوص التسعيرة ....

في دبي كل شي مقنن ومسعر وصعب التجاوز لان البلدية عندهم قوانين صارمة


احيانا يوم اروح بعض الاماكن سواء في الدوحة او برع في دبي مثلا ... اروح امبدل رياضة وصراحة اشوف الفرق في التعامل المادي

[بانغ بانغ]

احنا نبغي انعرف حقوقنا في الشارع يوم الاجنبي يغلط

وفي المستشفى يوم يتم تعطيل المواطن لاتفه سبب

وفي المطاعم يوم الفاتورة تتدبل

بصراحة اتحدى اي مواطن يعرف حقوقه العامه في التعاملات اليومية الا ان كان محامي او مطلع

[ضوى]

احنا نبغي انعرف حقوقنا في الشارع يوم الاجنبي يغلط

وفي المستشفى يوم يتم تعطيل المواطن لاتفه سبب

وفي المطاعم يوم الفاتورة تتدبل

بصراحة اتحدى اي مواطن يعرف حقوقه العامه في التعاملات اليومية الا ان كان محامي او مطلع

مصدق مسكين

صار المواطن يخاف يتحرش بأجنبي لا يتحاسب