الحل لطرد الحمام من البيت

[PGR]

السلام عليكم,,, انا ليلحين مانتقلت لمنزلي لكن الحمام موصخلي الحوش وبغيت حل قبل ماسكن حق هالمشكلة., شفت مواضيع عن دبابيس تنحط في المناطق اللي توقف فيها بس مادري وين ينباعون في قطر ,,, وقريت عن اجهزة الصوت اللي تطردهم بس مادري اذا ينفعون ولا لا؟؟ اللي عنده حل يفيدني جزاكم الله خير

[ll vip ll]

وعليكم السلام ورحمه الله وبركاته

اخوي حط فزاعه :)
او حط اشواك على الاماكن اللي توقف فيها
وهذه فيديو للتوضيح
https://www.youtube.com/watch?v=Je7HgPqYm0A

https://www.youtube.com/watch?v=HPBrG7yfgi0

[عايش فرحان]

السلام عليكم,,, انا ليلحين مانتقلت لمنزلي لكن الحمام موصخلي الحوش وبغيت حل قبل ماسكن حق هالمشكلة., شفت مواضيع عن دبابيس تنحط في المناطق اللي توقف فيها بس مادري وين ينباعون في قطر ,,, وقريت عن اجهزة الصوت اللي تطردهم بس مادري اذا ينفعون ولا لا؟؟ اللي عنده حل يفيدني جزاكم الله خير

تنباع بكل الأنواع و الأسعار و الأصناف في موقع أمازون

[شموخ دائم]

,

,

مرحبا


حط لهم اكل وماي بطرف الحوش واكسب الاجر
:)


يوجد جهاز لطرد الطيور والحمام من البيوت
يصدر موجات صوتيه غير مسموعه للانسان تقدر تبحث عنه في النت



,

,

[بوخالد911]

نفس مشكلتي

مرة صاحبي نصحني احط طيارة ورقية ع شكل صقر
وانجحت الخطة نوعا ما

[PGR]

يعطيكم العافيه ,, في حل شفته في اوروبا,, بحاول اجربه واذا ظبط بحطلكم اياه

[ضوى]

وايد يوصخون البيت الحمام ولا يحلى لهم الوقوف الا على درايش البيت مب شي كلش ، وحتى يو حطينا لهم اكل في الحوش ياكلون وبخلصون شغلهم على درايش البيت

[المحاميه]

يعني لهالدرجه متأذيين من الحمام حتى وتبون تطردونهم؟

[معماري قطري]

بالنسبة للدرايش فيه شباك من خيوط بيض بفتحات مربعة وسيعة والخيوط رفيعة ما يحس بها الإنسان لكن تمنع دخول الطيور .. غير عن على الحواف ممكن نحط أسيام حديد مثبتة في قطعة خشب أو في البلاستر مباشرة

[khaldoon]

شوفت بعض الردود على هالمشكله من النت كما يلي:

الرد الاول

حياك اخي

رح لابو ريالين تلقي عندهم ثعبان بلاستيك

اشتر كم واحد ووزعه علي الشبابيك

وشف بعد ظ،ظ* دقايق هل موجود شي من الحمام

لا تنساني من دعوة اخينا الفاضل


الرد الثاني

فيه شبك مربعات عند محلات مواد البناء ركبه بالدرايش علشان ما يعشش الحمام


الرد الثالث

توجد حبوب صغيرة مثل أكل الحمام تباع وهي منومة لمدة ساعة أو أكثر توضع لهن مع الأكل وبعدها اجمع الحمام في كراتين وتخلص منهن

[PGR]

اخواني خلدون ومعماري ,,, طريقة الشبك كنت ابي اسويها بس مادري من وين احصل هالنوع ,,, هالطريقه شفتها في اوروبا مسوينها لانه عندهم نفس المشكلة,, اذا تقدرون تفيدوني بالمحلات اللي تبيع هالشبك اكون شاكر لكم

شكرا للجميع

[وحيد-الشوق]

مساكين الحمام الوالدة تحط لهم اكل ويجون ياكلون في الحوش في حل مجرم صراحه حبوب منومه هههههههههه

[PGR]

ههههه اجرااام

[ضوى]

اتذكر يوم سكنت الطابق الثاني كانوا الحمام والعصافير يطقون عليه الدراييش اذوني وازعجوني ، رحت دايسو فيه عندهم طارد الطيور اقراض مدورة بيضا مافيها ريحة ولا شي بس حطيها على عتبه الدرايش وماشاء الله تختفول نهائي بس اسمع حسهم في اشجار البيت

[رذاذ]

الحل عندي انا بصيدهم كل ابوهم بوديهم الزرع :)

[رذاذ]

الحل الى عندي فعال وتشوفيهم طابين ع ويهم تحت وتلقط بهم وحده وحده لا حبوب ولا تخدير

(( لصق فيران الاصفر وتحط منه بشكل خط بيلصق رجولها بتقاوم تبي تطير بيصلق جناحها ))

عقب بتجي تشل الحمامه بتفركها بالرمل و بحط بترول شوي ويطير الللصق وتتم عايشة طيبه تسرح تمرح في القفص عندي :)

[ضوى]

حرام احس تعذيب

[رذاذ]

حرام احس تعذيب

:) شرررررررررررررير

[ضوى]

الله لا يقط عيال الخدمة الوطنية تحت يدك

[البرونزي]

والله لعوزوني مانقدر نرقد ووصخوا البيت
حاولت وحاولت مافي فايده
لين حولت البيت ميدان رماية
صجمه ام غاز او ديانا ماقنم وفك نفسك
ههههههه اوحش من كدا مافيش

[ضوى]

والله لعوزوني مانقدر نرقد ووصخوا البيت
حاولت وحاولت مافي فايده
لين حولت البيت ميدان رماية
صجمه ام غاز او ديانا ماقنم وفك نفسك
ههههههه اوحش من كدا مافيش

:eek5:

دام في طرق سلمية ليش هالتوحش كله

[بوNasser]

:eek5:

دام في طرق سلمية ليش هالتوحش كله

هذي من الطرق السلمية بس ما ادري اذا موجودة في قطر،،، اكيد في السعودية عندهم مثل هالشبك:

http://www.scarecrowvsbirds.com/wp-content/uploads/2013/03/bird-flying.jpg

https://origin.ih.constantcontact.com/fs073/1011080348147/img/60.jpg

http://www.rmj-wirecloth.com/wire-%20cloth%20-img/wire-cloth-products/Bird%20Spikes/Bird_Spikes_Install2.jpg

http://i.ebayimg.com/images/i/251704449073-0-1/s-l1000.jpg

تحياتي للجميع