ضروري يالمجلس الأعلى ..

[بصمة قطرية]

بسم الله الرحمن الرحيم
السلام عليكم ورحمة الله و بركاته

مبروك عليكم الحيا ياهل قطر ..
الله يجعلها سقيا خير ورحمة و ينفع بها البلاد و العباد ..

بكرة أول يوم إمتحانات ثالث ثانوي ..
هل في إجازة لهم
يعني بيتأجل الإمتحان..

الإمطار غزيرة ماشاءالله
و مازالت مستمرة ..
و متوقعين إستمرارها بغزارة
لين بكرة الصبح إن شاءالله ..
أغلب الشوارع غرقانة
و شوارع كثيرة تسكرت المرور فيها صعب ..

يعني راح يتأخرون الطلاب الصبح لين يوصلون المدرسة ..
و السواقة في هالأجواء خطرة ..
ياليت حد من المجلس الأعلى يفيدنا ،،

[بانغ بانغ]

الله يهديك بصمة

انطري اشوي يمكن ايوقف بكره ...

مافي امل اجازة .. خاصة وقت امتحانات

[بصمة قطرية]

الله يهديك بصمة

انطري اشوي يمكن ايوقف بكره ...

مافي امل اجازة .. خاصة وقت امتحانات

حتى لو وقف ..
إنت طلعت شفت الشوارع ،.!!!
أنا طلعت من ساعه غصب قدرنا نطلع من الفريج ..
سبق و تأجل إمتحان وقت إمتحانات نص الكورس
كان الجو هوا وغبار ..

[معماري قطري]

الميلس الأعلى الناس يزاعقون في اذنهم نهار ما يسمعون وانتي تذكرينهم آخر الليل .. ألحين ما في يدهم شيء قبل القرار في يد واحد الحين الوضع غير

الله يعين اللي عيله في ثالث وبكرة سبت بعد بس ميتين على التدريس

[حرف]

في ثالث ثانوي اكيد كبار
ماعليهم شر ان شاء الله

[بصمة قطرية]

الميلس الأعلى الناس يزاعقون في اذنهم نهار ما يسمعون وانتي تذكرينهم آخر الليل .. ألحين ما في يدهم شيء قبل القرار في يد واحد الحين الوضع غير

الله يعين اللي عيله في ثالث وبكرة سبت بعد بس ميتين على التدريس


الله يعين
أحاتي مابي ولدي يسوق في هالجو ..
الله يحفظه ..

[معماري قطري]

الله يعين
أحاتي مابي ولدي يسوق في هالجو ..
الله يحفظه ..

واحد من عيالنا عمره 16 - 17 انقلبت سيارته البارحة وتوفى الله يرحمه ويصبر والديه ويحفظ باقي عيال قطر والمسلمين

[ضوى]

بصمه الله يرضى عليج لا تحاتون على كل شي

هذا غيث رحمه ان شاء الله ، وعيالنا يطلعون بدري ويسوقون على مهلهم مايصير كل شي نقطه على هالمجلس

الله يوفق عيالنا يااارب

[ضوى]

خاصه الصبح مافي زحمه ان شاء الله لانه اجازة وبس امتحانات الثانويه

[بصمة قطرية]

واحد من عيالنا عمره 16 - 17 انقلبت سيارته البارحة وتوفى الله يرحمه ويصبر والديه ويحفظ باقي عيال قطر والمسلمين


لا حول و لا قوة إلا بالله ..
الله يرحمه و يغفر له و يصبر هله ..

[بصمة قطرية]

بصمه الله يرضى عليج لا تحاتون على كل شي

هذا غيث رحمه ان شاء الله ، وعيالنا يطلعون بدري ويسوقون على مهلهم مايصير كل شي نقطه على هالمجلس

الله يوفق عيالنا يااارب


خاصه الصبح مافي زحمه ان شاء الله لانه اجازة وبس امتحانات الثانويه

ضوى اشدخل نقط كل شي على المجلس ..!!!
سؤالي كان واضح ومحدد ..
هل بكرة دوام و لا إجازة ..
من حقنا نسأل ونخاف على عيالنا الله يحفظهم ..
آخر مطرة غيبت عيالي
الساعه تسع أرسلوا مسجات إنه ما قي دوام ..

[ضوى]

ضوى اشدخل نقط كل شي على المجلس ..!!!
سؤالي كان واضح ومحدد ..
هل بكرة دوام و لا إجازة ..
من حقنا نسأل ونخاف على عيالنا الله يحفظهم ..
آخر مطرة غيبت عيالي
الساعه تسع أرسلوا مسجات إنه ما قي دوام ..

ليش بيكون اجازة بصمه !؟ امتحانات شهادة واول يوم والكل مستعد مدارس وطلاب ان شاء الله مافي شي يستدعي الخوف ، اول مطرة كان الكل مختبص دوامات مدارس رياض اطفال اشغال خاصه ، بس بكرة السبت مافي هاي كله ان شاء الله ، وكلوا امركم لله ومب صاير الا الخير ،

[توشيبا]

السبت اختبارات ؟

[ضوى]

السبت اختبارات ؟

اي ان شاء الله بدايه الاختبارات للشهادة الثانويه

[وحيد-الشوق]

من تخطبات المجلس الامتحان يوم السبت ليش مادري !!!!!

[حرف]

من تخطبات المجلس الامتحان يوم السبت ليش مادري !!!!!

اغلب الجامعات العالمية السبت عندهم امتحانات
شنو بيضر الطالب انه يمتحن السبت ؟

[راعي الكورفت]

لاتدلعين عيالج يابصمه ترى 3 ثانوي صاروا كبار ومايحتاج الواحد يخاف عليهم.

[باراكودا]

في ثالث ثانوي اكيد كبار
ماعليهم شر ان شاء الله

أذا حصل التماس في كهرباء السيارة ماعليهم شر .

[حرف]

أذا حصل التماس في كهرباء السيارة ماعليهم شر .

خلاص انت وانا وغيرنا لا يطلعون

[بصمة قطرية]

:waiting::waiting::waiting::waiting::waiting:
إشدخل أدلع ولدي ..!!!!!
كنت أستفسر
وين الغلط في الموضوع ..!!



يرجى إغلاق الموضوع ..

[بانغ بانغ]

:waiting::waiting::waiting::waiting::waiting:
إشدخل أدلع ولدي ..!!!!!
كنت أستفسر
وين الغلط في الموضوع ..!!



يرجى إغلاق الموضوع ..

الله يوفقهم

لا تنسين موضوع ضوى عن الزعل

Take it easy

[بصمة قطرية]

الله يوفقهم

لا تنسين موضوع ضوى عن الزعل

Take it easy

آمييين
عادي والله
بس بعض الردود تضايق
كأن الإستفسار جريمة ..!!!