كارفور والعروض الزائفة

[بن غيث]

بتاريخ 4 ديسمبر اشتريت نوع من الصابون عليه عرض بمبلغ 50 ريال
ولكن ... بعد الدفع راجعت الفاتورة اذ قيمة الصابون 62 ريال
فأخبرت مسئول الخدمات لماذا هذا الفرق في السعر
فأخبرني : انها ليست مسئوليتي انما مسئولية الكاشير ..
فقمت بالاتصال فورا بحماية المستهلك لتقديم شكوى
وحتى اليوم .. الشكوى تحت الاجراء !!!!!!
رغم اتصالي بهم اربع مرات لمراجعة الشكوى
وذهبت الى رئيسة قسم الاسعار لمراجعة الشكوى
وتواصلت معهم عبر مواقع التواصل الاخرى
لكن ... لماذا يتعمدون عدم اتخاذ اي اجراء ضد كارفور !!!!!!
هل هي شركة محصنة وفوق القانون

[المحاميه]

اممم الغلط من البداية لما مسؤول الخدمات قال هذي مب مسؤوليتي وقط السالفه على الكاشير وطبعا الكاشير بيقول مب مسؤوليتي وهكذا

طيب مسؤولية من؟
والشخص المسؤول وينه؟ طبعا راح يختفي من الوجود بقدرة قادر ..


وحماية المستهلك ماشاء الله
دور فعال بصراحه
رغم حرصك ومراجعتك لهم الا انهم ماأدوا دورهم
طيب ليش؟ عالاقل يقولون مانقدر اي شي مب يسكتون جذي

يعني الحين الزبده الواحد يتشكك ف أي سلعه يشتريها

عيل اشفايدة الفاتوره وليش يرزون اسعار السلع احذا كل سلعه دام انها مش صحيحه؟


ماهذا؟

[بن غيث]

95897

[بن غيث]

المفروض الشخص يراجع فاتورته قبل الدفع .. !!!
ويتأكد من قيمة كل سلعة خصوصا اذا كان في عروض

[بن غيث]

شكرا اختي " المحامية "
والمشكلة ليست هذا المبلغ البسيط .. لكن كم شخص صارت معاه نفس السالفة بدون ان يعرف

[qatara]

سياسه التطنيش والتمطيط معمول بها الين تمل

وان صممت قد تجد حقك لاكن ثمنه دبل من مالك وصحتك

من جهد مالي ونفسي وروحه وجيه

اوتكره انك شتكيت وتنسحب

وتخلي حقك وانت صاحب حق

[جاسم الدوحة]

المفروض الشخص يراجع فاتورته قبل الدفع .. !!!
ويتأكد من قيمة كل سلعة خصوصا اذا كان في عروض

الفاتورة تصدر بعد الدفع وليس قبله
فهل تقصد مراجعة الفاتورة قبل المغادرة؟

[Boost]

المفروض الشخص يراجع فاتورته قبل الدفع .. !!!
ويتأكد من قيمة كل سلعة خصوصا اذا كان في عروض

اخاف شاري اغراضك من عند راجو ولا كومار ويكتب لك فاتوره بخط اليد

ياخي هذا نظام جمعية وسوبرماكت والفواتير مايقدر الكاشير يعدل فيها الا اذا معطينه صلاحيه

واذا غير فيها بيدفع المسكين من جيبه وهو مجرد عامل أو موظف عادي في الواجهه

"المفروض" إن "مسؤولهم" بحكم إنه "مسؤول" مبيعات أو خدمات "يتحمل المسؤولية" ويعدل السعر أما في الفاتوره أو في العرض اللي بجانب البضاعة

[المحاميه]

سياسه التطنيش والتمطيط معمول بها الين تمل

وان صممت قد تجد حقك لاكن ثمنه دبل من مالك وصحتك

من جهد مالي ونفسي وروحه وجيه

اوتكره انك شتكيت وتنسحب

وتخلي حقك وانت صاحب حق


لا حول ولا قوة الا بالله

[المحاميه]

اخاف شاري اغراضك من عند راجو ولا كومار ويكتب لك فاتوره بخط اليد

ياخي هذا نظام جمعية وسوبرماكت والفواتير مايقدر الكاشير يعدل فيها الا اذا معطينه صلاحيه

واذا غير فيها بيدفع المسكين من جيبه وهو مجرد عامل أو موظف عادي في الواجهه

"المفروض" إن "مسؤولهم" بحكم إنه "مسؤول" مبيعات أو خدمات "يتحمل المسؤولية" ويعدل السعر أما في الفاتوره أو في العرض اللي بجانب البضاعة

اشبلاكم كلتوا الريال
هو قصده ان شيك وتأكد عشان تعرف اذا فيه غلط او اذا دفعت رقم غير عن اللي مكتوب الخ

هو فعلا الكاشير ماله خص مادري ليش مسؤول الخدمات قط السالفه عليه
اشكره يتنصل من مسؤوليته ..

كلام كتارا يعكس الواقع الملموس للاسف ..

[المحاميه]

اصلا حتى لو استلمت الفاتوره قبل الدفع اشلون باقعد اشيك على راحتي ووراي عالم؟ خصوصا اذا ماخذه اغراض وايد.. صعبه


الله المستعان ..

[السكين]

أنا شريت مرة 3 ريموتات للسيلفي من سفاري وكان بالبروشور معروض بسعر وبالفاتورة بسعر ثاني ..شريت ثلاثة لقيتهم مزودين مبلغ 3 ريال بالريموت يعني اجمالي 9 ريال ، المبلغ جداً تافه بس ليش ينضحك عليّ ؟؟

رحت للكاشير وهذا يحولني على هذا وآخر شي تعال بالشفت المسائي عشان المدير ..لحد ما ردحت لهم قدام الناس كلهم ، قلت له طلع 9 ريال من جيبك وهانها انا غير مسؤول عن غلطاتكم .. عطاني نظرة احتقار ودفعهم من جيبه .

وأنا طالع قلت له : الحين دروك إنت تحاسب مسئولك وتسترد اللي دفعته من جيبك .

المسألة مسألة مبدأ وهالنوعية ما ينفع معهم غير هالأسلوب.

[بوخالد911]

الحذر مطلوب منهم

[qatari 111]

هذا اسميه تحايل واستغفال فحق المستهلك سعر السلعه مثلا ب40 وفالسستيم 45 اذا تبي تاخذ حقك ابدا بعاهم بالطيب مانفع عطم الخطه ب زاعج وصارخ قدام الناس وافضحهم راح يردون حقك وفوقها مشتريات مجانا

[بن غيث]

والله مستغرب من حماية المستهلك ..
تغيير للحقيقة وتلاعب في التقارير لصالح من .. !!!!
تم إغلاق شكواي لعدم صحة كلامي !!!!
رغم وجود الفاتورة وصورة السلعة في العرض
حسبي الله ونعم الوكيل في كل من يضيع حقوق الناس
ويساعد على انتشار الفساد

[qatari 111]

والله مستغرب من حماية المستهلك ..
تغيير للحقيقة وتلاعب في التقارير لصالح من .. !!!!
تم إغلاق شكواي لعدم صحة كلامي !!!!
رغم وجود الفاتورة وصورة السلعة في العرض
حسبي الله ونعم الوكيل في كل من يضيع حقوق الناس
ويساعد على انتشار الفساد

يعتمد على الموظف نفسه اذا كان ذكي وبنفس الوقث عنده امانه راح ياخذ حقك اما اذا كان فاشل فاكيد ماراح تاخذ حقك
انا تعاملت مع حماية المستهلك اكثر من مره الحمدلله والله يعطيهم العافيه ردوا حقي كامل مكمل .

[حليتان*]

يارجال حماية المستهلك مقدم عندهم شكوى شهر ثمانيه رادين علي شهر 12 يقولون نسكر الشكوى وله لا هههههههههه يعني مادري شتفرغ اذا خلوها او سكروها

[][ Q6r ][]

اخوي اتصل في حماية المستهلك وتوصل مع المسؤول يغير لك الموظف اللي تتواصل معه لان بعض الموظفين فيهم اهمال واستهتار او قدم شكوى عليه

[qatar-m]

لا حول ولا قوة الا بالله

[CH Engineer]

والله مستغرب من حماية المستهلك ..
تغيير للحقيقة وتلاعب في التقارير لصالح من .. !!!!
تم إغلاق شكواي لعدم صحة كلامي !!!!
رغم وجود الفاتورة وصورة السلعة في العرض
حسبي الله ونعم الوكيل في كل من يضيع حقوق الناس
ويساعد على انتشار الفساد

انا صارلي موضوع مشابه واشتكيت على شركة كبيره
سلعة قيمتها 24 ريال
دفعوني 40 ريال
بس موضوعي احسن من موضوعك جاني الكاشير شاطب عالسعر القديم بيده وكاتب 40 هههه
قلت له ليش؟ قال غيرنا السعر
المشكله الأسعار ماتغيرت لا بالبوستر الي ورآه ولا بالسستمً
قلت له اطبعلي فاتوره جديده طبعلي
اشتكيت بحماية المستهلك والمصيبه يقولون ان هذا منتج جديد ومغلطين الموظفين و للحين ما نزلناه بالسستم!!
وكان تجربه نشوف يمشي او لا، ، نزلوه 5 دقايق جربوه علي وشالووه ههههههههههه

وعرضوا علي يرجعون فلوسي كامله سحبت عليهم وماخذتها و اخر شي قالي موظف حماية المستهلك بعطيهم إنذار وتعهد
الموظف محترم وقلت له الي تشوفه بس الحين بعد هالموضوع ابي اشيك عليهم إنذار او لا،،، شلون؟

[بوخالد911]

انا صارلي موضوع مشابه واشتكيت على شركة كبيره
سلعة قيمتها 24 ريال
دفعوني 40 ريال
بس موضوعي احسن من موضوعك جاني الكاشير شاطب عالسعر القديم بيده وكاتب 40 هههه
قلت له ليش؟ قال غيرنا السعر
المشكله الأسعار ماتغيرت لا بالبوستر الي ورآه ولا بالسستمً
قلت له اطبعلي فاتوره جديده طبعلي
اشتكيت بحماية المستهلك والمصيبه يقولون ان هذا منتج جديد ومغلطين الموظفين و للحين ما نزلناه بالسستم!!
وكان تجربه نشوف يمشي او لا، ، نزلوه 5 دقايق جربوه علي وشالووه ههههههههههه

وعرضوا علي يرجعون فلوسي كامله سحبت عليهم وماخذتها و اخر شي قالي موظف حماية المستهلك بعطيهم إنذار وتعهد
الموظف محترم وقلت له الي تشوفه بس الحين بعد هالموضوع ابي اشيك عليهم إنذار او لا،،، شلون؟


من حقك تتواصل مع حماية المستهلك وتطلب ارسال نسخة من التعهد لايميلك.

[CH Engineer]

من حقك تتواصل مع حماية المستهلك وتطلب ارسال نسخة من التعهد لايميلك.

تاكدت ان عليهم تعهد
بالنسبه للتعهد مايعطونك نسخه منه لانه بين حماية المستهلك والشركة

[blackjacket]

انا صادني نفس الموقف في لولو
حاطين عروض على نوع من الاكلات البحرية و خذت منه
و يوم رحت الكاشير الا السعر غير
طلبت المسئول ورقعد يلكك ويقول العرض خلص
قلت له دام انه خلص ليش ماشلت السعر
المهم خاف و قال حق الكاشير روح احسب له بسعر العرض

[سالم الزهران]

رجع وخذ فلوسك

[بوخالد911]

انا صادني نفس الموقف في لولو
حاطين عروض على نوع من الاكلات البحرية و خذت منه
و يوم رحت الكاشير الا السعر غير
طلبت المسئول ورقعد يلكك ويقول العرض خلص
قلت له دام انه خلص ليش ماشلت السعر
المهم خاف و قال حق الكاشير روح احسب له بسعر العرض

بلغ عليهم فورا
هالشي يستحق اغلاق.
لا تتهاون وياهم.
دع الكسل.