المشاف تغرق بمياه الامطار ( والواقع شي ثاني)

[أم محمد 90]

السلام عليكم ,

لفت نظري موضوع اليوم في جريدة الراية وهذا هو :

http://up.arabseyes.com/uploads2013/29_12_1514513663484891.png (http://up.arabseyes.com/) العاب (http://games.arabseyes.com)

فعلا جانا مطر والشوارع اغرقت ولكن الواقع هو ان الدناكر اللي تسحب المياه تسحب المياه من امام البيوت وتصبه امام بيوت اخرى (شوارعها غير مرصوفة)

ماجا في بالي هالشي كنت يوميا اطلع من البيت انصدم ان كمية المياه تزيد ومافي مطر لين ماشفت الدنكر يصب الماي عند بيتنا


طبعا اتصلت فالبلدية وكل الي سوه ان اسحبوا الماي من امام البيت ، بس باقي البيوت ؟ المنطقة كلها غارقة هل لازم نتصل نقول تعالوا سحبوا الماي ؟!
ولا الدناكر شكلها تشيل من قدام هالبيت وتروح البيت اللي وراه تفرغ الماي !


#نقص رقابة ؟!


اتركم مع الفيديو :


http://www.up-00.com/?m1VP

[بانغ بانغ]

ام محمد هي بس المشاف

كثير من اطراف الوكرة صوب الجبل مثلا زالمشاف .... غرقانين سواء من المطر او الدناكر ...

[ALJokar]

سواقين الدناكر بدال مايمسك خط ويودي الماء او يصرف الماء في المكان الصحيح يروح اقرب مكان يفرغ او ينثر الماء

لان ببساطه مافيه رقابه او فيه نظام معين ف تصريف مياه الامطار عشان ماتكون فيه فوضى نفس هذا السائق

[معماري قطري]

شيسوون مساكين يبون يشتغلون على طول

أشغال :thumbup: ويك أب

[أم محمد 90]

شيسوون مساكين يبون يشتغلون على طول

أشغال :thumbup: ويك أب

هلا اخوي معماري

سوال لو سمحت / الحين احنا وعدد من الجيران كملنا سنتين فالمشاف وقدام بيتنا ووراه ويمين ويسار مش مرصوف ونعاني من التنقل وقت الامطار

قالوا ان الجهة المسوولة عن رصف الشارع هي اشغال !

طيب لو احنا جبنا غار وصبيناه امام البيت هل تتم محاسبتنا ؟ بم ان اشغال نايمين اوه قصدي مشغولين يحطون صبيات ويحفرون االارض ويخلونها ويروحون لمكان ثاني :)

[رجل الجزيرة]

شيسوون مساكين يبون يشتغلون على طول

أشغال :thumbup: ويك أب

حرام عليك من يومين أشغال قالت في وحدة من الجرايد اليومية إن تصريف مياة أنفاق شارع سلوى شغالة بسلاسة.
:)

[معماري قطري]

هلا اخوي معماري

سوال لو سمحت / الحين احنا وعدد من الجيران كملنا سنتين فالمشاف وقدام بيتنا ووراه ويمين ويسار مش مرصوف ونعاني من التنقل وقت الامطار

قالوا ان الجهة المسوولة عن رصف الشارع هي اشغال !

طيب لو احنا جبنا غار وصبيناه امام البيت هل تتم محاسبتنا ؟ بم ان اشغال نايمين اوه قصدي مشغولين يحطون صبيات ويحفرون االارض ويخلونها ويروحون لمكان ثاني :)

والله يا اختي انا عانيت مثلكم بس انا القار واصل لين باب بيتي الا حول 5 متر وسووه بعد شوية تعب وبتدخل من عضو المجلس البلدي

[معماري قطري]

حرام عليك من يومين أشغال قالت في وحدة من الجرايد اليومية إن تصريف مياة أنفاق شارع سلوى شغالة بسلاسة.
:)

ما شاء الله عليك إنت متابع

إحنا نؤازرهم علشان يتابعون الدناكر ليكذبون عليهم والفاتورة تدفعها الحكومة

بعدين ما يبت طاري طريق سلوى شبكوه أكيد مع خط التصريف اللي تحت الأرض وكان يفترض يشبكونه من البداية والا هم عندهم قناعة إن المطر عندنا على طول قليل ورحمة الله ما تنزل

[معماري قطري]

عن عمل القار بنفسكم كان على خبري المتر المربع ب 70 ريال ويمكن زاد ل 100 ريال .. المبلغ تافه وهم في يدهم يعينون مقاول صغير يسوي الطريق بسهولة وسرعة

لو بتسونه بنفسكم يمكن يرحبون بهالشيء ويوزعون الفلوس على الفقراء من العمال .. العشرة متر طول لشارع عادي بحدود 4 متر بتكلف 4000 تقريباً وكل ما زادت المساحة وطول وعرض الشارع تزيد التكلفة .. وهذا لشارع مؤقت بسيط شوارع أشغال حتى المؤقتة تكلف دهب مثل ما يقول واحد من الطيبين

[المحاميه]

نكته استغفرالله

[مدور عقلي]

مب جديد المشاف من اول ما استوت وهي فقيرة بعض الشي لبعض الخدمات العامة ، ما انصحكم تصبون القار على حسابكم الخاص ، الدولة ملزمه اشغال في هالشغله كلموا حد هناك مع شوية بروتين والأمور طيبة