استفسار عن قطر للبترول

[H.87]

السلام عليكم ورحمة الله وبركاته جميعاً


اخواني واخواتي عندي استفسار وبصراحة
على كثر مابحثت مالقيت احد يفيدني يخص شركة قطر للبترول
وبالاخص شركات مسيعيد ( نودكو )

ممكن احد يفيدني اي قانون اللي يتطبق فيها على الموظفين ؟
اذا كانت كما هو مذكور في القانون انها مستثناه من قانون الموارد
البشرية ؟

من حيث الترقيات والسنوات البينية والدراسه
شلون الواحد يعرف حقوقه وواجباته في هذي الشركة

ياريت احد يفيدني الله يجزاكم كل خير

وبالنسبه لموقعهم نزلت قانونهم لكنه مافيه اي شي
يخص الترقيات والدرجات ولا السلم الوظيفي
والادهى انه بالانقليزي

[بانغ بانغ]

اخوي اخبر نودكو حولوها لتسويق

لازم ترجع للادارة العليا عندكم

[Most Wanted]

نودكو كانت شركه مملوكه بالكامل لقطر للبترول وانلغت الشركه هذي في سنة 1999
كل سياساتها الإدارية تتبع قطر للبترول في كل شي من كادر وراتب مافي اختلاف باي شي

[المخفي]

مصفاة قطر اسمها نودكو سابقا تتبع قانون قطر للبترول

تسويق

[جبر ال جبر]

ع طاري قطر للبترول ماشاءالله 4 اخوان وخوات في شركه وحده واحنا اخوي سنتين يحاول يشتغل عندهم وشهادته هندسه بترول من امريكا بتقدير امتياز معيين عليه عشان اخوي الثاني كان شغال هناك ومن الاسماء شكلهم مب قطريين

[H.87]

صحيح كلامكم اخواني انا فالمصفاة مسيعيد ، لكن قانون قطر للبترول اللي تقولون عنه شلون ممكن اوصل له او
حد منكم عنده نسخه منه الله يجزاكم خير ؟

مب قادر اخذ لا درجة ولا اي حق لي 15 سنه اشتغل عندهم*ماخذت
السينير وشكلي ولا باخذها من الظلم اللي احنا فيه
ابي اعرف القانون عشان اطالبهم قضائياً بكامل حقي

[المخفي]

عشان تصير سينير لازم شهادة جامعية

[H.87]

تعبنا واحنا نطلب نكمل دراستنا
يعطون اللي يبون .. حتى على حسابنا مايعطونا اجازات نروح نكمل فيها


لكن لعلمك العملية مزاجية والله العظيم واحد شهادة اعدادية
وعطوه سينير

حسبي الله ونعم الوكيل فيهم

[المخفي]

اكيد قديم القدامى عطوهم سينير

[بوخميس]

ع طاري قطر للبترول ماشاءالله 4 اخوان وخوات في شركه وحده واحنا اخوي سنتين يحاول يشتغل عندهم وشهادته هندسه بترول من امريكا بتقدير امتياز معيين عليه عشان اخوي الثاني كان شغال هناك ومن الاسماء شكلهم مب قطريين

اعلانات التعزية تطلع فضايح

مثلك استغربت (4) أخوان أجانب يشتغلون في قطر للبترول؟

ما باقول ايش مؤهلاتهم. باقول (من واسطتهم)

وفي مرة لقيت تعزية حق (3) أخوان في مصرف قطر المركزي. قرقور فيه 3 اخوان؟

[qatarman8008]

والله اعتقد ان موضوع الدراسة والترقية في شركات البترول هي تخضع لمتطلبات الشركة المستقبلية وايضا لشواغر المناصب..
يعني لو عندم مشاريع توسعه وتغيير في هيكل الادارة سيكون هناك ترقيات كثيرة ودورات تاهيلية كثيرة ايضا..
لكن شركة قديمة مثل نودكو وليس فيها مشاريع توسعه ولا متطلبات مستقبلية ف كل شي سيكون بالقطارة..

[H.87]

وهل معنى هذا الكلام ان احنا نندفن على درجاتنا هذي طول العمر ؟

لا زيادات فالراتب ولا تقاييم منصفه ولا حتى استحقاق درجات .. شلون الواحد بيقدر يعيش
ويعيش عياله
حسبي الله ونعم الوكيل

[المخفي]

لو في وزارة كان صرت سينير من زمان

[مشعل العطاوى]

وهل معنى هذا الكلام ان احنا نندفن على درجاتنا هذي طول العمر ؟

لا زيادات فالراتب ولا تقاييم منصفه ولا حتى استحقاق درجات .. شلون الواحد بيقدر يعيش
ويعيش عياله
حسبي الله ونعم الوكيل


الله يعين ..... الواسطه فوق كل اعتبار


بس بقولك ماعندكم شواغر بالمصفاه بقسم السلفر ريكوفري :) او محجوز للهنود فقط

[H.87]

ياخوي يامشعل وشتبي بهالوحدات
اخطر اماكن فالشركة مواد سامه تستنشقها
وكلها على حساب صحتك

الله يبعدها عنا وعنك وعن جميع المسلمين

[مشعل العطاوى]

ياخوي يامشعل وشتبي بهالوحدات
اخطر اماكن فالشركة مواد سامه تستنشقها
وكلها على حساب صحتك

الله يبعدها عنا وعنك وعن جميع المسلمين

الله يجزاك خير

والله عارف هالشئ .. بس خبرتي كلها مشغل ( اوبريتور )


وان جيت هناك بثبت نفسي وممكن احصل قسم ثاني ابدع فيه ... بس للاان مالله كتب لي نصيب

نسئل الله التوفيق


وشاكر لك على حرصك اخي الكريم