مطلوب فكره

[Bo jassim 33]

مرحبا شباب

ابي اخذ مشورتكم في فتح مشروع صغير ومربح

يا ريت افكاركم ومقترحاتكم

على العام او على الخاص

[رجل تعليم]

هل ضروري يكون المشروع بداخل قطر ؟؟

[تجاوز]

عندى منتج يبى وكيل له فى قطر والفكره واعده لكن بتحتاج شغل كثير واس مال ..

[عضو نشيط]

حسب راس المال اللي معك ،،، تبنى عليه الفكره ،،،،

[جبر ال جبر]

لاتغامر بكامل المبلغ اقسمه اربع ارباع ودش 25% خصوصا توك يديد نجح مشروعك ادعمه بالباقي والله يوفقك اذا خسر لاتكمل وتعمق خسايرك فكر في شي ثاني
اشوف المطاعم مكتسحه وخصوصا اذا مطعم يديد وغريب لي صديق فتح في الخليج مول وماشاءالله مطعمه مالك مكان فيه وكان شخص عادي جدا والحين الله فتحها عليه والله يزيده
الاحظ محلات التلفونات ماشاءالله شغاله وخصوصا الاكسسورات او الشواحن ماتوقف يعني شوف الشي الماشي وضيف عليه لمساتك وtouch خاص فيك
ستاند في احد المولات يبيع غتر شال هذا موسمها ويكون سعرك معقول عشان تكسب ناس اكثر او اي سلعه ماشيه
محل العاب هامليز فرع قطر اذا راس مالك شوي كبير ماشوف محل العاب متخصص يجمع العاب عليها طلب قوي كدزانيا انا شخصيا كنت ابي افتحه في قطر وفي مجمع الخليج مول بس يوم شفت الكوست كم كنسلت ام ابو المشروع الله يوفقك بس نفس ماذكرت لك في اول سطر هو الاهم التجاره معركه وسلاحك ثقتك وارادتك وذخيرتك هي المال اعرف شلون تستخدم الذخيره ومتى ووين وخصوصا لمن ذخيرتك تكون قليله ولكن احلى شي في التجاره لمن تكسب وتذوق طعم انتصارك ونجاحك مش بس ماديا وفلوس الا شي اكبر معنويا ونفسيا

[رذاذ]

مشاريع كثيره .. فكر بجاره مواد البناء وعرف من وين تستورد الاشيا بسعار تفرق وبيع وترزق ..
او مطعم الكل يااكل محدن يوقف ^_^ مع شويه ابتكارات و دعاية

[3mlatqtr]

شوف خالي اذا مشروع في محل و ايجار حط توقعاتك كم يكون المدخول و لازم تتحمل تقريبا اول سنتين خساره و عقب ربح سولك جدول عشان تعرف كل شي