المجلس الأعلى للتعليم .. لا تعليق ..!!!

[بصمة قطرية]

بسم الله الرحمن الرحيم
السلام عليكم و رحمة الله و بركاته


بدخل في الموضوع على طول ..
بصراحة شي يقهر ..
مادري اش آخرتها مع المجلس الأعلى للتعليم ..!!

وصلني إقرار من مدرسة ولدي
و الإقرار صادر من المجلس الأعلى ..
من هيئة التقييم ..


الموضوع :
التوقيع على إقرار شهادة التربية الخاصة ..

محتواه ؛
التوقيع على إقرار منح شهادة التربية الخاصة لابنكم حيث
أنه يتلقى النوع الثاني من الترتيبات و التسهيلات ( تكييف الإختبار ) ..

الورقة الثانية ..
يقر ولي الأمر بعد التوقيع بالموافقة ..

( قد أطلعت على سياسة تقييم الطلبة من ( ذوي الإعاقة ) ..!!!!!!!
عن طريق لجنة الدعم التعليمي الإضافي بالمدرسة ..

موافق ..
غير موافق ..

شرح بسيط و سريع للمكتوب ..

في حالة الموافقة راح يتم تكييف الإختبارات
بمعنى تبسيطها للطالب ..
و بناءاً عليه يكتب في شهادته ( احتياجات خاصة)
يعني الطالب معاق ..!!!

حسبي الله و نعم الوكيل على هالقرارات الغبية ..
على أي أساس صنفوا الطلاب إنهم من ذوي الإعاقة ..
لمجرد كونهم يعانون من صعوبات تعلم ..!!

والله شي يقهر ..
طبعاً ممكن تقولون وقعي بالرفض ..
الرقض يعني الطالب راح يمتحن امتحانات عادية
مع الطلاب العاديين ..!!!
سنين و عيالنا ماشيين مع برنامج الدعم الحمدلله
اش هالقرارات اللي تطلع بعشوائية و بدون تفكير ..!!!

يعني وقعت رفض ..
ظلمت الولد لأنه محتاج تكييف الإختبارات ..
وقعت موافقة ظلمته ظلم كبير
راح يتعامل كأنه من ذوي الإعاقة طول عمره
و راح ينكتب في شهادته الثانوية ( من ذوي الإعاقة ) ..

عيالنا يعانون من صعوبات تعلم ..
ما فيهم اي شي ثاني ..
و لو كان التعليم ناجح عندنا كان ما سمعنا مصطلح
صعوبات تعلم و دعم إضافي ..!!

شالحل والله ميته من القهر ..

[GENIUS]

اختي راجعي مبنى رؤى في منطقة الروضة ومعاك تقرير حالة ولدك وهم مابيقصرون معاك ولاتوقعين الكتاب اللي ذكرتيه

[بانغ بانغ]

اول شي الله يوفقه ويبلغك فيه

ثاني شي مب على كيفهم هالتصنيفات بل في جهة رسمية اتصنفهم حسب حالاتهم

ثالثا شوفي الاخت فوزية الخاطر رئيسة هيئة التعليم على ما اعتقد ... افضل لك

[بصمة قطرية]

اختي راجعي مبنى رؤى في منطقة الروضة ومعاك تقرير حالة ولدك وهم مابيقصرون معاك ولاتوقعين الكتاب اللي ذكرتيه


جزاك الله خير أخوي
إن شاءالله بمرهم ..
ما وقعت الإقرار و لا راح اوقعه..

[بصمة قطرية]

اول شي الله يوفقه ويبلغك فيه

ثاني شي مب على كيفهم هالتصنيفات بل في جهة رسمية اتصنفهم حسب حالاتهم

ثالثا شوفي الاخت فوزية الخاطر رئيسة هيئة التعليم على ما اعتقد ... افضل لك


اللهم آمييين ..

مستغربة من مصطلح ( ذوي الإعاقة ) ..!!!
اشدخل صعوبة تعلم في الإعاقة ..!!
بروح روؤى أول شي
عقب قالوا لي الشخص المسؤول عن هالموضوع
حالياً هو الأخ محمد المراغي ..

[السيف5]

لاحول ولاقوة الابالله

الله يعينك اختي

[بصمة قطرية]

لاحول ولاقوة الابالله

الله يعينك اختي

يعين الجميع ياخوي ..
الله يسهل ..

[بريق الحق]

حمدلله والشكر

اتوقع ذيله مايفهون عربي
على اي اساس انه معاق*
الطالب يحتاج مجهود اكثر فالتعليم عن غير يعني صار معاق والله تخلف الصراحه
الله يعينج بصمه وربي يوفقه ولدج ولا عليج من خرابيطهم ماخبر قبل عندنا هالخرابيط العماله الوصخه خربت البلد

[بصمة قطرية]

حمدلله والشكر

اتوقع ذيله مايفهون عربي
على اي اساس انه معاق*
الطالب يحتاج مجهود اكثر فالتعليم عن غير يعني صار معاق والله تخلف الصراحه
الله يعينج بصمه وربي يوفقه ولدج ولا عليج من خرابيطهم ماخبر قبل عندنا هالخرابيط العماله الوصخه خربت البلد

يعين الجميع أخوي بريق ..
شي يقهر والله ..
كل ما أتذكر أنقهر على أي أساس صنفوهم ( ذوي إعاقة ) ..

[بريق الحق]

هم عندهم اعاقه اذا تبين الصج

[غير البشر]

الله يعينج يا بصمة

بس أعذريهم يمكن اصحاب التصنيف عندهم اعاقه في التفكير

[بصمة قطرية]

هم عندهم اعاقه اذا تبين الصج

الله يعين ياخوي ..
بس خاطري أسأل اللي طلع هالإقرار على أي أساس ..!!!

[بصمة قطرية]

الله يعينج يا بصمة

بس أعذريهم يمكن اصحاب التصنيف عندهم اعاقه في التفكير

يعين الجميع ..
جا في بالي هالشي ..
الله يعين ،،

[معماري قطري]

وبعد هالسنين ألحين طرأ عليهم انا بنتي بعد تنحط في لجنة خاصة بسبب الخوف الشديد لكنها من المتفوقات والحمد لله ولا جابوا لنا هالنوعية من الاقرارات

[بصمة قطرية]

وبعد هالسنين ألحين طرأ عليهم انا بنتي بعد تنحط في لجنة خاصة بسبب الخوف الشديد لكنها من المتفوقات والحمد لله ولا جابوا لنا هالنوعية من الاقرارات

إن شاءالله ما يوصلكم هالإقرار ..
من إسبوع وصل لوحدة من قرايبي ..
و الحين وصلني ..

[خالد31]

الله المستعان روحي شوفي من يقيم هالطلاب كلهم غير مؤهلين لتقييم صعوبات التعلم
وعملية الدمج وتصنيف الطلاب تحتاج لأعادة دراسة
والي عنده تخصص تربية خاصة خلوه مع طلاب صعوبات التعلم وهو الي يقرر ويقيم ويصنف هذا مو صح

[محاسب]

إذا كان صادر ...بجتهاد شخصي من غير جهه مختصه
فماعليكم منهم
بل بلعكس
فهم في مأزق
و
محتاجين يعتذرون لكم...لوتعاملتم معاهم بحكمه

[نورالهدى]

حسبنا الله ونعم الوكيل

هبله ومسكوها طبله

معلش إخذيهم على قد عقولهم مساكين اعاقتهم الفكريه والحسيه والعلميه عمت عيونهم

يعني ايش تنطرين من هالفشله

[بصمة قطرية]

الله المستعان روحي شوفي من يقيم هالطلاب كلهم غير مؤهلين لتقييم صعوبات التعلم
وعملية الدمج وتصنيف الطلاب تحتاج لأعادة دراسة
والي عنده تخصص تربية خاصة خلوه مع طلاب صعوبات التعلم وهو الي يقرر ويقيم ويصنف هذا مو صح

صادق أخوي ..
تخبط و تخطيط سيء
مادري على أي أساس صنفوا الطلاب ..!!!

[بصمة قطرية]

إذا كان صادر ...بجتهاد شخصي من غير جهه مختصه
فماعليكم منهم
بل بلعكس
فهم في مأزق
و
محتاجين يعتذرون لكم...لوتعاملتم معاهم بحكمه

ياخوي المشكلة إجتهاد شخصي
أو قرار بإجماع في النهاية ضد الطالب ..
الله يعيننا عليهم ..

[بصمة قطرية]

حسبنا الله ونعم الوكيل

هبله ومسكوها طبله

معلش إخذيهم على قد عقولهم مساكين اعاقتهم الفكريه والحسيه والعلميه عمت عيونهم

يعني ايش تنطرين من هالفشله

الله المستعان ..

[بصمة قطرية]

اختي راجعي مبنى رؤى في منطقة الروضة ومعاك تقرير حالة ولدك وهم مابيقصرون معاك ولاتوقعين الكتاب اللي ذكرتيه

جزاك الله خير أخوي
و رحم الله والديك ..
رحت رؤى والحمدلله إنحل الموضوع
ما قصروا ..
ألف شكر للأستاذ أحمد الجابر اللي ما قصر معاي
و حل لي الموضوع ..