Led ومغاسل تفصيل

[Fahad Alqahtani]

السلام عليكم ورحمة الله وبركاته

الاستفسار بخصوص ليتات ال اي دي led من اللى عنده خبرة او معلومات عن هالليتات هل هي افضل من السبوت لايت العادية وويش افضل نوعية ووين الاقيها في قطر.. رحت لمحل في شارع ام الدوم وقال لي ان كل الليتات الال اي دي صينية وما صدقته ..
والاستفسار الثاني بغيت افصل مغاسل للمجلس ومغاسل الصالات اللي عنده محل مجربه لا يبخل علينا..

[الفني]

مرحبا اخوي الغالي احسن شي ليتات ال اي دي وهي تجيك صناعه صينية بس يعتمد على درجة الصناعه فيها الدرجة الاولى والثانية والثالثه بس يالغالي روح سوق بروة التجاري وانت رايح الوكرة فيه محل في بناية رقم 2 بس من ظهر محل صيني اسمه nvc ولوحة خضره عند اشياء حلوه ودرجة اولى بعد معضم المشاريع الكبيرة يستخدمون من منتجاته

[معماري قطري]

المغاسل أحسن شيء تشتري المغسلة وتشتري الخلاطات ويكونون متناسبين وتشوف حد يسوي الرخام ويثبت المغسلة وبعدين حد يسوي التمديدات

وفيه عندك نوعيات كثيرة من اللي تجي بزخارف ونقوشات ومن العادي واللي يتركب على الرخام بالكامل واللي يجي داخل وحافته فوق الرخام واللي تجي حافته تحت الرخام .. وفيه عندك اللي يجي قطعة وحدة المغسلة والكاونتر وهذي يصنعونها في تدمر بنظام الكوريان .. شوف شبيب وعلي العطية والمتحدة يبيعون وينفذون وتدمر وتقريبا كل معامل الرخام

المراية انصحك تسويها بروحك عند اللي يسون الزجاج والبراويز ولو تخلي البرواز خشب أحلى وتقدر تخليه بارز بتركيب قطع خشب ورا وحولها ليتات نيون أو ال اي دي أو حتى فايبر اوبتكس

ليتات ال اي دي كلها تقريبا تصنع في الصين بس فيه ما يصنع لماركات معروفة مثل فيليبز واوسرام وجنرال الكتريك وباقي الماركات المعروفة وفيه ماركات تقليد تاخذ اسم قريب من الماركة بس حرف غير مثلاً جنرال شاينا ولا اوسورام وهذي تحصلها غش وتخترب سرعة .. خذت من فترة من الصالحية وكانت نوعية زينة بلون ذهبي وتتركب مع محول وركبتها مكان الهالوجين القديم وعلى محول الهالوجين والحمد لله اضائتها جيدة واللون وايد حلو ومريح

[Fahad Alqahtani]

مشكور وما قصرت وان شاء الله بمر الصالحية وبشوف ال اي دي عندهم

[Fahad Alqahtani]

مرحبا اخوي الغالي احسن شي ليتات ال اي دي وهي تجيك صناعه صينية بس يعتمد على درجة الصناعه فيها الدرجة الاولى والثانية والثالثه بس يالغالي روح سوق بروة التجاري وانت رايح الوكرة فيه محل في بناية رقم 2 بس من ظهر محل صيني اسمه nvc ولوحة خضره عند اشياء حلوه ودرجة اولى بعد معضم المشاريع الكبيرة يستخدمون من منتجاته

لاهنت وبيض الله وجهك وبروح ان شاء الله و اشوف سوق بروة اللي اسمع به ولا رحت له :)

[معماري قطري]

مشكور وما قصرت وان شاء الله بمر الصالحية وبشوف ال اي دي عندهم

كان عند قطر للانارة اللي قرب محطة بترول التيسير في طريق سلوى ما ادري اذا الاسم صحيح ولا قريب منه عندهم كريستال سوارفيسكي وايد زين بعد مر شوف شعندهم وممكن تركب عليه ال اي دي وعند الدرويش الحين نيون ال اي دي وسبوتات بعد

[(عبدالله)]

هذا نقاش سابق من فترة قريبة ولي فيه رد مفصل انصح تطلع عليه وبأن الله يفيدك

http://www.qatarshares.com/vb/showthread.php?612480-استفسار-بخصوص-ليتات-led&p=10217287&highlight=#post10217287

[Bozizoo]

بخصوص المغاسل نصيحه فصل رخام في دبي أقل من نص سعر الدوحه .
انا مفصل وإذا تبي تشوف النوعيه تواصل معاي خاص

[الســـهم]

من تجربة سابقة ..

افضل لمبات led وتعطيك اضاءة نفس الهيلوجين بالضبط هي الموجودة عند اضواء الصالحية ..

اللمبة تقريبا تبدأ من 35 ريال وتزيد بحسب الواط ( من 4 واط إلى 7 واط ) ..

ونصيحة اذا فكرت تشتري من عندهم عليك بالنوع اللي يجي بلمبة وحده لانها تعطيك اضاءة واسعة ..

[Fahad Alqahtani]

هذا نقاش سابق من فترة قريبة ولي فيه رد مفصل انصح تطلع عليه وبأن الله يفيدك

http://www.qatarshares.com/vb/showthread.php?612480-استفسار-بخصوص-ليتات-led&p=10217287&highlight=#post10217287

ما شاء الله موضوع طيب وفيه شرح وافي

[Fahad Alqahtani]

بخصوص المغاسل نصيحه فصل رخام في دبي أقل من نص سعر الدوحه .
انا مفصل وإذا تبي تشوف النوعيه تواصل معاي خاص

مشكور على النصحية وما تقصر بس والله مالي في السفر ودي كل شي قريب مني في الدوحة

[Fahad Alqahtani]

من تجربة سابقة ..

افضل لمبات led وتعطيك اضاءة نفس الهيلوجين بالضبط هي الموجودة عند اضواء الصالحية ..

اللمبة تقريبا تبدأ من 35 ريال وتزيد بحسب الواط ( من 4 واط إلى 7 واط ) ..

ونصيحة اذا فكرت تشتري من عندهم عليك بالنوع اللي يجي بلمبة وحده لانها تعطيك اضاءة واسعة ..

لاهنت على النصيحة وشكلي بمرهم واشتري من عندهم كل الليتات مره وحده

[معماري قطري]

من تجربة سابقة ..

افضل لمبات led وتعطيك اضاءة نفس الهيلوجين بالضبط هي الموجودة عند اضواء الصالحية ..

اللمبة تقريبا تبدأ من 35 ريال وتزيد بحسب الواط ( من 4 واط إلى 7 واط ) ..

ونصيحة اذا فكرت تشتري من عندهم عليك بالنوع اللي يجي بلمبة وحده لانها تعطيك اضاءة واسعة ..

اللي يجي مغطى بقطعة معدن ذهبية .. عجيب ذيه انا خذت وركبت جنب الهالوجين كل ما احترق واحد ابدله ال اي دي لكن إنارته وايد أحلى وخذت اللي بمحول والمحول راكب بس تبديل سريع

[معماري قطري]

لاهنت على النصيحة وشكلي بمرهم واشتري من عندهم كل الليتات مره وحده

غلط تشتري كل الليتات من محل واحد .. اللي تحصله عندهم بتحصل أحسن منه في محل ثاني .. الا لو كلهم سبوتات وتبي نوع واحد بس

التنويع زين حتى النيون حلو خصوصاً الكول داي لايت درجته أبيض شوي مصفر وحصلته عند الدرويش .. وغرناطة عندهم بعد نوعيات زينة بس شوف مدير مبيعاتهم وناقشه وهو فاهم وبيعطيك اللي تبيه .. عندهم واحد أُردني شاطر