ابي وظيفة.. وين أقدم؟

[مــاي ورد]

سالخير

ابي اقدم ع وظيفة في مكان يفضل فيه خصوصية للموظفات او في احد المدارس او الوزارات.. عندي خبرة في قطر للبترول ... 5 سنوات...

وجزاكم الله خير

[العتوي]

وجهه نظري لو تبين مكان كله بنات الاحسن تقدمين ع مدرسه احسن لج
وطريقه التقديم تروحين للمدرسه وتعطينهم اوراقج وكل فتره وفتره تابعين وياهم

[فريج النجادة]

الان المدارس تستقبل الطلبات

[أم محمد 90]

وزاره الصحه

[مــاي ورد]

رحت كذا مدرسة حصلت مدرسة وحدة بعيدة عن بيتي في الوكرة وانا ابي في الخيسة و دحيل و الدفنة يعني هالاماكن قريبة وبعض المدارس الله يهداهم حتى ما ياخذون الورقة من عند الباب يقولون ماعندنا شاغر

وزارة الصحة أي مكان اختي؟

[حمد 2002]

قطريه ؟

[مــاي ورد]

أي انا قطرية

[sweet qatar]

قدمي في وزارة التنمية

هم بيشوفون لج وظيفة في الحكومة

بالتوفيق ان شالله

[جبر ال جبر]

صلاه في اخر الليل ركعتين وانتي ساجده ادعي بقلب خاشع هناك التقديم الحقيقي للوظايف وهذولا اسباب ييسرها ويسخرها رب العباد

[أم محمد 90]

اختي انا طلعت من عندهم ووحدة وياي اطلعت اللي اعرفه في شواغر وايد هناك (للقطرين)
يعتمد خبرتج وين ، انصحج تروحين الاستقبال وتاخذين السي في مالج تطلبين مقابلة الاخ عيسى فالتوظيف وتعطينه السي في مالج واذا السي في زين صدقيني بيدخله على الادارة

[حرف]

اختي انا طلعت من عندهم ووحدة وياي اطلعت اللي اعرفه في شواغر وايد هناك (للقطرين)
يعتمد خبرتج وين ، انصحج تروحين الاستقبال وتاخذين السي في مالج تطلبين مقابلة الاخ عيسى فالتوظيف وتعطينه السي في مالج واذا السي في زين صدقيني بيدخله على الادارة

ليش طلعتي ؟
ظروف خاصة
ولا جهه العمل تعبانه ؟

[مــاي ورد]

خواتي وزارة الصحة مب خلط ؟ هل في اماكن للنساء

[أم محمد 90]

ليش طلعتي ؟
ظروف خاصة
ولا جهه العمل تعبانه ؟

لقيت مكان احسن ..

[أم محمد 90]

خواتي وزارة الصحة مب خلط ؟ هل في اماكن للنساء

مكاتب النساء بروحهم.. ومسكر عليهم الباب وتقدرين تلبسين شبشب وتتبخرين وتاكلين وتسولفين ومحد يدري عنج :) اذا كنتي تفضلين هالاجواء يعني

[مــاي ورد]

الله يوفقكم.. هل في اماكن ثانيه ؟

[ضوى]

مكاتب النساء بروحهم.. ومسكر عليهم الباب وتقدرين تلبسين شبشب وتتبخرين وتاكلين وتسولفين ومحد يدري عنج :) اذا كنتي تفضلين هالاجواء يعني

هاي في المجلس الاعلى للصحه !؟؟؟

نظام بارتيشنات اشلون صاروا بروحهم !؟؟

[حرف]

هاي في المجلس الاعلى للصحه !؟؟؟

نظام بارتيشنات اشلون صاروا بروحهم !؟؟



قصدها ( إدارة العلاج للخارج ) اعتقد

[ضوى]

حتى ادارة العلاج بالخارج نظام بارتشينات مافي مكاتب مغلقه الا المدراء ورؤساء الاقسام

[أم محمد 90]

حتى ادارة العلاج بالخارج نظام بارتشينات مافي مكاتب مغلقه الا المدراء ورؤساء الاقسام

في اقسام موظفينها ف مكاتب اختي .......

وانا كنت من ضمنهم موظفة عادية ومكتبي كان بروحي .

[أم محمد 90]

حتى ادارة العلاج بالخارج نظام بارتشينات مافي مكاتب مغلقه الا المدراء ورؤساء الاقسام

تصحيح : في موظفين ف ادارة العلاج بالخارج مكاتبهم بروحهم

[برويقن]

قدمي في وزارة التنمية الإدارية في نظام الباحثين عن عمل وبيشوفون لج الجهات الي عندها شواغر

[عبدالعزيز 9]

بالتوفيق

[بانغ بانغ]

معقققول قطرية اتدور شغل

والاجانب نفس السحالي يتنقلون

[المحاميه]

رحت كذا مدرسة حصلت مدرسة وحدة بعيدة عن بيتي في الوكرة وانا ابي في الخيسة و دحيل و الدفنة يعني هالاماكن قريبة وبعض المدارس الله يهداهم حتى ما ياخذون الورقة من عند الباب يقولون ماعندنا شاغر

وزارة الصحة أي مكان اختي؟

جربي روضة البيان اللي ف الدفنه
احس وايد مدارس فيها شواغر ويبون قطريات

[المحاميه]

صلاه في اخر الليل ركعتين وانتي ساجده ادعي بقلب خاشع هناك التقديم الحقيقي للوظايف وهذولا اسباب ييسرها ويسخرها رب العباد

صادق ...

[المحاميه]

معقققول قطرية اتدور شغل

والاجانب نفس السحالي يتنقلون

ليش مستغرب؟
والله العظيم قطريين جدامي يدورون شغل مب محصلين

[المحاميه]

مكاتب النساء بروحهم.. ومسكر عليهم الباب وتقدرين تلبسين شبشب وتتبخرين وتاكلين وتسولفين ومحد يدري عنج :) اذا كنتي تفضلين هالاجواء يعني

داشه ميلس مب مكان عمل
هههه استغفرالله

[مــاي ورد]

ان شاء الله فيه وظايف وايد بس مابي اشتغل خلط عشان جذي شوي الموضوع يبيله صبر

[رجل الجزيرة]

معقققول قطرية اتدور شغل

والاجانب نفس السحالي يتنقلون

عندنا ممرض هندي مقرطس جديد لنج ما كمل سنة إلا وظف زوجته ممرضة، هاه ويش رأيك؟ هذي السالفة من سنتين

[طلعة الروح]

عندنا ممرض هندي مقرطس جديد لنج ما كمل سنة إلا وظف زوجته ممرضة، هاه ويش رأيك؟ هذي السالفة من سنتين

عادي مش شي مستغرب توظيفهم اسهل هم علاقاتهم مع بعض احسن من علاقاتنا احنا عيال البلد الي كل واحد يحسد الثانى ولا يساعد أخوه وشريكه في الوطن

[أم المها]

والله قطريات واجد ومحتاجات ويدورون وانا منهم و مب لاقين لا خلط ولاخاص الله المستعان

[maryam5]

للأسف الاجانب اصبحوا بكل مكان وبكل الوظائف مب الفنية بس حتى الإدارية. انا مثلاً في جهة عملي اغلب الادارات عندنا وبنسبة 95% الي شاغلين الوظائف الإدارية اجانب ويقولون تقطير!! أبي افهم وين التقطير. والله ينحرق قلبي لم اسمع في وطني الحبيب صباح الخير القطريين يشتكون ما لقوا وظائف من سنين.

والله حرام القطريين مب لاقيين شغل والاجانب ماسكين الوظائف لين متى يا حكومة قطر؟ لين متى ياوزراء؟ لين متى يامدراء؟