استفسار بخصوص رحلات سفاري

[زمن الغربة]

السلام عليكم....اخباركم يالربع

عندي ناس جايين من اوروبا ودي اوديهم خور العديد والتزلج على الرمل...حد يعرف ارقام مكاتب او اشخاص ينظمون رحلات من هالنوع اظن يسمونها رحلات سفاري.

وجزاكم الله خيرا :)

[Dana’1]

وعليكم السلام ورحمة الله وبركاته

فيه مكتب بالحياة بلازا عند البوابه القريبه من محل تميمه اول ماتدخل من الباب يكون قبالك اذكر زماان اعطونا اعلان عن رحلات من هالنوع

موفق^_^

[مختلف جداََ]

عندهم كل شي

http://cdn.top4top.co/p_560vcoh0.png (http://up.top4top.net/)

[زمن الغربة]

أختي ديور وأخوي مختلف جدا جزاكم الله خير :)

[monatee]

حتى سفريات رجنسي عندهم مخيم ويسون عليه رحلات

[ya3coub]

Qia

الأفضل بالتعامل و تعاملنا معاهم عدة مرات

سوائا مبيت او يوم كامل او نص يوم

و سواقينهم خلوقين و مقلوعين و السيفتي اهم شي و الخبرة.

و فوق هاي كله يمشون على جو الي معاهم

[زمن الغربة]

الأخوان موناتي ويعقوب ماقصرتوا وجزاكم الله خير...

[سهم طاير]

السلام عليكم....اخباركم يالربع

عندي ناس جايين من اوروبا ودي اوديهم خور العديد والتزلج على الرمل...حد يعرف ارقام مكاتب او اشخاص ينظمون رحلات من هالنوع اظن يسمونها رحلات سفاري.

وجزاكم الله خيرا :)

اخوي شلك بالمخاسير ... سولك جدول سياحي بروحك :

خذهم معك وودهم سيلين ركبهم على البطابط فوق الاطعوس وبعدها خذ فيهم لفه لين الاعديد ورجعهم وانت راجع مر منتجع رجنسي فندق خمس نجوم بالخيام بس روعه .. في وسط البر وعلى السيف .. تعشى او خذو كم غرفه مبيت والسعر شامل الفطور والغداء والعشاء ... وارجع سيلين وركبهم على الجمال .. وشربهم كرك وسندويشات شباتي من اي مطعم من الموجودين الجدد عباره عن كباين ... وخلصت رحلتك ببلاش هههههه ... ولاتنسى وانت راجع الدوحه مر فيهم سوق الوكره الثراثي بيكيفون على القعده فيه مجابل البحر ..

اخوي جدولي عن تجربه مع اكثر من صديق اجنبي او عربي زارني الدوحه

والسموحه اذا ماعجبك الجدول