تنبيه :::::: اقرار تخلف عن اداء الخدمه الوطنيه

[مضارب دوسري]

السلام عليكم ورحمة الله
اللي تخلفوا عن التقديم للخدمه الوطنيه
عليهم عقوبه تمديد شهر ف اكثر
في خدمتهم الوطنيه


وفي كلام (شبه مؤكد) ان شهر التمديد بدون راتب من جهة عملك
وتحتاج انك تقدمه اما من اجازتك السنويه
او انه ماراح ينزلك راتب عن ذلك الشهر

[غريب الدّار]

السلام عليكم ورحمة الله
اللي تخلفوا عن التقديم للخدمه الوطنيه
عليهم عقوبه تمديد شهر ف اكثر
في خدمتهم الوطنيه


وفي كلام (شبه مؤكد) ان شهر التمديد بدون راتب من جهة عملك
وتحتاج انك تقدمه اما من اجازتك السنويه
او انه ماراح ينزلك راتب عن ذلك الشهر
والله يامضارب الكلام في هالامور محتاج مصادر موثوقة

ولا شرايك؟

وبعدين عندي سؤال :
اللي تخلفوا هاذول شلون؟ قصدك اتصلوا لهم وماردوا؟ او ردوا وماراحوا لهم ؟


لان اللي اعرفه حسب القانون ان التخلف يعتبر جريمة عقوبتها السجن والغرامة
وغير جذيه في منع سفر بعد

حد يصحح لي ياجماعة الخير ولا عليكم أمر

[بعيد النظر]

مادري ليش العالم تاجل ..
خلصو وافتكو والامور طيبة الحمدلله !


والكلام صحيح عن تمديد شهر .. في الخدمة ..
اما حرمان الراتب ما سمعت فيه ..



موفقين

[مضارب دوسري]

لا اللي تخلفوا

هم اللي مثلا تم اعلان فالجرايد ان مواليد 87 و 88 مثلا
تم فتح الباب للتقديم

وهم ما قدموا اوراقهم يعتبرون متخلفين عن التقديم

اما موضوع ان تخلف انه ما يبي يدخل الخدمه بمعنى انه رافض اداء الخدمه هذا موضوع ثاني وسجن مثل ما ذكرت اخوي



المصدر عن موضوع اقرار التخلف مؤؤؤؤؤكد 100%%

موضوع ان فترة التمديد بدون راتب من جهة العمل
يعتبر (شبه مؤكد)

[غريب الدّار]

لا اللي تخلفوا

هم اللي مثلا تم اعلان فالجرايد ان مواليد 87 و 88 مثلا
تم فتح الباب للتقديم

وهم ما قدموا اوراقهم يعتبرون متخلفين عن التقديم

اما موضوع ان تخلف انه ما يبي يدخل الخدمه بمعنى انه رافض اداء الخدمه هذا موضوع ثاني وسجن مثل ما ذكرت اخوي



المصدر عن موضوع اقرار التخلف مؤؤؤؤؤكد 100%%

موضوع ان فترة التمديد بدون راتب من جهة العمل
يعتبر شبه مؤكد
رحم الله والديك ع التوضيح

بس كن الاثنين نفس الشي :con2: لان الجيش شلون بيعرف ان اللي ماقدم نفسه مب رافض أداء الخدمة ؟

لكن كلامك ممكن يكون صحيح بعد

والله يوفق الجميع

[<اضرب واشرد>]

لا اللي تخلفوا
هم اللي مثلا تم اعلان فالجرايد ان مواليد 87 و 88 مثلا
تم فتح الباب للتقديم
وهم ما قدموا اوراقهم يعتبرون متخلفين عن التقديم
اما موضوع ان تخلف انه ما يبي يدخل الخدمه بمعنى انه رافض اداء الخدمه هذا موضوع ثاني وسجن مثل ما ذكرت اخوي
المصدر عن موضوع اقرار التخلف مؤؤؤؤؤكد 100%%
موضوع ان فترة التمديد بدون راتب من جهة العمل
يعتبر (شبه مؤكد)


مافهمت الفرق بينهم بومحمد.. يعني السجن للي رافض الخدمة خير شر بدون عذر؟
أما المتخلف عنها (مكسل) وراح متأخر: عليه تمديد شهر

[مضارب دوسري]

مافهمت الفرق بينهم بومحمد.. يعني السجن للي رافض الخدمة خير شر بدون عذر؟
أما المتخلف عنها (مكسل) وراح متأخر: عليه تمديد شهر

اي اخوي بو تركي

[مضارب دوسري]

رحم الله والديك ع التوضيح

بس كن الاثنين نفس الشي :con2: لان الجيش شلون بيعرف ان اللي ماقدم نفسه مب رافض أداء الخدمة ؟

لكن كلامك ممكن يكون صحيح بعد

والله يوفق الجميع

الحين عطوهم عقوبه تمديد

طبعا بيجونهم ناس واااايد وانا من شوي رايح استلم اوراق من عندهم ماشاء الله ازدحاااام فالمبنى

اما اللي بيتم مطنش سنه بعد اكيد لهم اجراءات ثانيه معاهم

[مضارب دوسري]

ك توضيح

فلان (س)

حطوا سنه ميلاده ما حضر

تاخر عن التقديم
الحين عطوه عقوبه تمديد شهر


اذا حضر اوكي

ما حضر

بيحطون عقوبات ثانيه

ممكن بعد فتره تكون العقوبه تمديد شهرين


وبعدها بيشوفون من اللي كان مطنش طول التنبيهات 3 مرات
ويتخذون معاه عقوبة رافض

[غريب الدّار]

ك توضيح

فلان (س)

حطوا سنه ميلاده ما حضر

تاخر عن التقديم
الحين عطوه عقوبه تمديد شهر


اذا حضر اوكي

ما حضر

بيحطون عقوبات ثانيه

ممكن بعد فتره تكون العقوبه تمديد شهرين


وبعدها بيشوفون من اللي كان مطنش طول التنبيهات 3 مرات
ويتخذون معاه عقوبة رافض






:nice:

[مضارب دوسري]

لان تقريبا اول دفعتين كان اختياري اي واحد يقدم

بعدها صاروا يعلنون فالجرايد مواليد كذا وكذا يقدمون


شهر 9
مواليد 87 و 86 يحضرون
اللي حضر من 9 الى نوفمبر ماعليه تخلف
اللي حضر بعدها يعتبر متخلف


من شهر اعلنوا فالجرايد
مواليد 85 و 84

طبعا اللي بيتخلفون عن التقديم بعد ذلك بيكون عليهم عقوبة التمديد

[مضارب دوسري]

المهم الموضوع فتحته للتنبيه وعشان كل واحد يروح يشوف اموره من الاخوان اللي ممكن ما عندهم خبر عن موضوع اقرار التخلف والتمديد في الدوره

[بريق الحق]

صحيح زيادة شهر طبقو على الشباب الي ماكان عنده تاجيل او الخ

[راعي الكورفت]

اخوي مضارب ..

انا الين الحين ماسجلت.
عندي رباط صليبي بالركبه ومسوي عمليه .

ومواليدي حطوا إعلان بالجريده وقت ماكنت مسوي العمليه وماقدرت اروح أسجل
والين الحين ركبتي تعبانه ومااقدر أركض.

هل في إمكانية يعطوني إعفاء ولا وش الوضع :(

[Al-Kuwari]

شباب

انا مواليد 87

كنت ادرس بره وتوي تخرجت شهر 6 اللي فات ولله الحمد

رجعت الدوحة وسألت الربع عن الخدمة وقالوا لي بيجيك مسج عالجوال
ولليوم ماجاني مسج فمارحت

بس الحين اشوفكم كاتبين ان 87 اطلبوهم فالجريدة ؟ طيب انا واحد ما اقرا جرايد ابداً ومتأكد كثير مثلي مايقرون جرايد

فهل علي عقوبة والحين شالاجراء وش اسوي بالضبط ؟

[غريب الدّار]

شباب

انا مواليد 87

كنت ادرس بره وتوي تخرجت شهر 6 اللي فات ولله الحمد

رجعت الدوحة وسألت الربع عن الخدمة وقالوا لي بيجيك مسج عالجوال
ولليوم ماجاني مسج فمارحت

بس الحين اشوفكم كاتبين ان 87 اطلبوهم فالجريدة ؟ طيب انا واحد ما اقرا جرايد ابداً ومتأكد كثير مثلي مايقرون جرايد

فهل علي عقوبة والحين شالاجراء وش اسوي بالضبط ؟


اول شي مبروك على التخرج والله يوفقك

ثاني شي : اول اجراء اتسويه انك بكرة الصبح ان شاء الله تروح مقرهم في الوعب وتسجل وتستفسر وتشرح لهم الوضع


بالتوفيق

[مضارب دوسري]

الف مبروك يالكواري
وخطاك الشر يا راعي الكورفت


تروحون تشيكون معاهم
ترى حتى لو الشخص مريض او عنده اسباب خاصه
ممكن يقدم اوراقه عادي
وعقب يكلم الضابط عن تاجيل ويشرح وضعه

هم عندهم مرونه في موضوع تاجيل الدوره اذا كان هناك سبب مقنع

بس ان الشخص ما يقدم ولا يروح لهم يحطونه كمتخلف وتتمدد دورته

روحوا لهم مع تقاريركم

والله يوفقكم

[Boost]

السلام عليكم

مواليد 82 عليهم شي؟
كنت أدرس وتخرجت شهر سبتمبر ولله الحمد, الحين وش الوضع يعني أروح لهم أسألهم ولا أنتظر لين يعلنون؟
الصراحة متكيسل أروح أسأل وأشوف الموضوع وما أعرف مكانهم وين بالضبط...

بخصوص الجامعي يحتاجون شهادتي مصدقة ولا عادي أطنش موضوع مصادقة الشهادة؟

[مضارب دوسري]

السلام عليكم

مواليد 82 عليهم شي؟
كنت أدرس وتخرجت شهر سبتمبر ولله الحمد, الحين وش الوضع يعني أروح لهم أسألهم ولا أنتظر لين يعلنون؟
الصراحة متكيسل أروح أسأل وأشوف الموضوع وما أعرف مكانهم وين بالضبط...

بخصوص الجامعي يحتاجون شهادتي مصدقة ولا عادي أطنش موضوع مصادقة الشهادة؟
الف مبروك اخوي
هم طالبين الى 84


اللي اكبر من 84 ما طلبوهم

[Boost]

الف مبروك اخوي
هم طالبين الى 84


اللي اكبر من 84 ما طلبوهم

الله يبارك فيك يالغالي

إنتا كدا :nice:

[محمد2]

مادري ليش العالم تاجل ..
خلصو وافتكو والامور طيبة الحمدلله !


والكلام صحيح عن تمديد شهر .. في الخدمة ..
اما حرمان الراتب ما سمعت فيه ..



موفقين
والله يأجلون يمكن عندهم امل ان هالقانون يلغونه مثل ما تم الغاء قانون عدم بيع الجرايد عالاشارات الضوئية والدوارات ، لان القانون تم تفعيلة وبعد سنتين او ثلاث سنوات تم الغاءة وعدم العمل به والدليل ما نشوفة الصبح عالاشارات والدوارات

[ya3coub]

السلام عليكم ورحمة الله
اللي تخلفوا عن التقديم للخدمه الوطنيه
عليهم عقوبه تمديد شهر ف اكثر
في خدمتهم الوطنيه


وفي كلام (شبه مؤكد) ان شهر التمديد بدون راتب من جهة عملك
وتحتاج انك تقدمه اما من اجازتك السنويه
او انه ماراح ينزلك راتب عن ذلك الشهر

يعتمد على التخلف أخوي

انا ولد عمتي المفروض يدخل قبلي و كل دورة يروح بنفسه يقدم يقولونله فل مافي مكان لك حاليا معنه مواليد 90
و إلى يومك يقولونله لما يوصلك مسج بس تعال.


و انا دخلت و تخرجت و لله الحمد قانون التخلف موجود و واضح.


• المادة 43
مع عدم الإخلال بأي عقوبة أشد ينص عليها قانون آخر، يُعاقب بالحبس مدة لا تقل عن شهر ولا تجاوز سنة، وبالغرامة التي لا تزيد على (20,000) عشرين ألف ريال، أو بإحدى هاتين العقوبتين:
1- كل مكلف قدم غيره بدلاً عنه في إحدى الفحوص المقررة أو أرسله ليقوم عنه بالخدمة.
2- كل مكلف قدم بيانات كاذبة أو مستندات مزورة لتوفير سبب من أسباب تأجيل الخدمة أو الاستثناء أو الإعفاء منها.
3- كل مكلف أحدث عاهة بجسمه، سواءً بنفسه أو بواسطة غيره، بقصد التخلف عن أداء الخدمة.
4- كل من ساهم أو اشترك في إخفاء شخص، بقصد عدم أداء الخدمة العاملة أو خدمة الاحتياط الفعلية أو تأجيل أدائه لها بغير حق، ولا يسري هذا الحكم على والدي المكلف أو شقيقته أو زوجته.

• المادة 44
مع عدم الإخلال بأي عقوبة أشد ينص عليها قانون آخر، يعاقب بالحبس مدة لا تجاوز سنة، وبالغرامة التي لا تزيد على (50,000) خمسين ألف ريال، أو بإحدى هاتين العقوبتين، كل مكلف تخلف دون عذر عن الالتحاق بالخدمة العاملة حتى تجاوز سن التكليف.

• المادة 45
مع عدم الإخلال بأي عقوبة أشد ينص عليها قانون آخر، يعاقب بالحبس مدة لا تجاوز شهراً، وبالغرامة التي لا تزيد على (5000) خمسة آلاف ريال، أو بإحدى هاتين العقوبتين، كل من تخلف دون عذر مقبول عن الالتحاق بالخدمة الوطنية خلال شهر إذا كان داخل قطر، وشهرين إذا كان خارجها، اعتباراً من تاريخ دعوة دفعته للتجنيد، أو من تاريخ زوال سبب تأجيله أو استثنائه.
وتكون العقوبة الحبس مدة لا تجاوز شهراً، والغرامة التي لا تزيد على (10,000) عشرة آلاف ريال، أو إحدى هاتين العقوبتين، إذا وقعت الجريمة في حالتي التعبئة العامة أو إعلان الأحكام العرفية.
كما تكون العقوبة الحبس مدة لا تقل عن شهر ولا تجاوز ستة أشهر، إذا وقعت الجريمة المشار إليها في حالة الحرب.
وفي جميع الأحوال، يجوز وقف تنفيذ العقوبة إذا التحق المخالف بالخدمة من تلقاء نفسه، خلال الأيام الثلاثة التالية لانقضاء المدة المحددة لاعتباره متخلفاً عن التجنيد.

• المادة 46
لا تنقضي الدعوى الجنائية عن جريمة التخلف عن أداء الخدمة الوطنية بالتقادم، كما لا تسقط العقوبة المحكوم بها على مرتكب تلك الجريمة.


المصدر
http://www.almeezan.qa/LawArticles.aspx?LawTreeSectionID=16335&lawId=6216&language=ar
القانون واضح جدا

[غريب الدّار]

اها


معناها الحبس سنة والغرامة 50 الف فقط في حالة التجاوز لين تطوف سن التكليف :
• المادة 44
مع عدم الإخلال بأي عقوبة أشد ينص عليها قانون آخر، يعاقب بالحبس مدة لا تجاوز سنة، وبالغرامة التي لا تزيد على (50,000) خمسين ألف ريال، أو بإحدى هاتين العقوبتين، كل مكلف تخلف دون عذر عن الالتحاق بالخدمة العاملة حتى تجاوز سن التكليف.


اما المادة 45 تقول ان في حبس شهر وغرامة لاتجاوز 5000 ريال
اعتقد هذا اللي خلاهم يمددون فترة شهر للي تخلفوا ولازالوا في سن التكليف


بالنسبة لي الأمور وضحت الحين


تسلم يامضارب وتسلم يايعقوب

[أم محمد 90]

متى الخدمة للنساء ؟ في عنها خبر او لا؟

[غريب الدّار]

متى الخدمة للنساء ؟ في عنها خبر او لا؟

اللي اعرفه وقريته من فترة ياام محمد ان تم إلغاء الموضوع

[أم محمد 90]

ليييش :(

[غريب الدّار]

ليييش :(

والله مب متذكر شكان الخبر بالضبط ياام محمد

بس اعتقد مراعاة للعادات والتقاليد
او شي جذيه

مب متذكر عدل والله


بس اذا تذكرين هم في البداية (شهر 2 تقريبا 2014 لما صدر القانون) قالوا ان بيكون في للبنات بداية 2015

وهاذي 2015 خلصت ومافي شي

[أم محمد 90]

والله مب متذكر شكان الخبر بالضبط ياام محمد

بس اعتقد مراعاة للعادات والتقاليد
او شي جذيه

مب متذكر عدل والله


بس اذا تذكرين هم في البداية (شهر 2 تقريبا 2014 لما صدر القانون) قالوا ان بيكون في للبنات بداية 2015

وهاذي 2015 خلصت ومافي شي

يخلونه اختياري طيب ,, وقت الطواري مافي عادات وتقاليد !
الواحد يبي يتعلم يتدرب .. عموما انا شكلي باخذ دورة اسعافات اولية من الدوام ..

[غريب الدّار]

يخلونه اختياري طيب ,, وقت الطواري مافي عادات وتقاليد !
الواحد يبي يتعلم يتدرب .. عموما انا شكلي باخذ دورة اسعافات اولية من الدوام ..


خلاص ولا يهمج باكلمهم لج :telephone:

[المحاميه]

الحمدلله اني بنيه

يالله شدوا حيلكم
خدموا الوطن

[نظرة شجاع]

الحمدلله اني بنيه

يالله شدوا حيلكم
خدموا الوطن

نخدم الوطن بعز ولكن حتى لو انك محامية اخرتك مطبخ وخدمة زوجك

[أم محمد 90]

نخدم الوطن بعز ولكن حتى لو انك محامية اخرتك مطبخ وخدمة زوجك

مطبخ وخدمة زوج !!؟

نتيجة زواجها يجون العيال يعني باب من ابواب الجنة تحت رجلها

انت وشو تحت رجلك بالله ؟!!

[بعيد النظر]

الحمدلله اني بنيه

يالله شدوا حيلكم
خدموا الوطن

و أحمد الله الف مرة اني رجااااااال ..
والخدمة كانت شرف لي وزادها شرف حضور صاحب السمو الشيخ تميم بن حمد في التخريج ..



والله يوفق كل من بيدخل الخدمة وشكرررا"

[..عاشق قطر..]

انا عندي عذر طبي والمفروض اكون من الدفعه الي تخرجو الحين
يوم رحت عندهم قالولي انت معفي من الميدان فقط محاظره ورمايه
ويوم جيت عشان استلم العهده قالولي اسمك مش مسجل للحين*

[بريق الحق]

مطبخ وخدمة زوج !!؟

نتيجة زواجها يجون العيال يعني باب من ابواب الجنة تحت رجلها

انت وشو تحت رجلك بالله ؟!!

حتى الاب باب من ابواب الجنه
وللعلم ليس بحديث الجنه تحت اقدام الامهات

[معماري قطري]

الحمدلله اني بنيه

يالله شدوا حيلكم
خدموا الوطن

انتي واحنا ما نقصر نخدم بعض ونفسنا وبالتالي نخدم الوطن

بس شفيهم عليج محامية الكل فهمج غلط

[رذاذ]

ياليت يسونها لمواليد الدوحة بعد

[بومحمد المطاوعه]

السلام عليكم ورحمة الله وبركاتة

تخرجنا اليوم ولله الحمد من المعسكر من بعد ما عشنا شهرين في المعسكر والميدان

الخدمه الوطنيه

شرف انا ان
نخدم الدين
ونخدم هذي الأرض الطيبه
ولله الحمد

وشدو حيلكم يالي بتدخلون الحين
والله يوفقكم