شركة تمديدات صحية

[بوسعد82]

السلام عليكم ...
بغيت رأيكم في أفضل الشركات في مجال التمديدات الصحية .
و ما هي الأشياء ألي يجب الأنتباه لها و النصائح .
و ما هي أفضل البيبات هل النحاس أو البلاستيك الألماني ، و من هم وكلاء هالمواد .
و جزا الله كل من سعى لمساعدة أخونه بالمعرفة و الرأي .

و السلام عليكم و رحمة الله و بركاته ،،،

[$الملياردير$]

السلام عليكم ياخوي .... الله يوفقك و يبارك لك ...السباكة ممكن تكون كبند من بنود التشطيب رخيصة السعر مقارنة بالبنود الاخرى ...بس مشاكلها لو قدر الله تدمر بنود اخرى أغلى .... الفيصل اليد الماهرة مش شرط تكون شركة ...لان الشركات الكبيرة تحملك اجور عمال و مكاتب و سيارات ومهندسين ويسمونها مصاريف ادارية .وعلى فكرة اسهل بند ينحسب السباكة لانه واضح نوع التمديد خارجي و داخلي واسمة الشركة وعدد الحمامات وشغل اليد .... مثال بيت واحد من ربعي جاب له عرضين من شركات كبيره الاول 400 و الثاني 500 مع ان بيته لا يتعدى 60 الى 65 بنفس المواصفات و الجودة ادري ممكن تقول بالغت بس و الله انا شفت العرض بعيني حتى قلت له كلمهم يمكن غلطانين و كلمهم قالوا صح . الشاهد ما ابي أطول عليك بس في ناس تبي تترزق وتعيش بالمعقول و بالبركة و في ناس تبي تبالغ و تحلب بدون مبرر ... ودائما يقولك انا عندي و انا عندي ... كله خرطي . بالنسبة للتمديد الداخلي و الخارجي ترجع للذوق العام الخارجي الاستيل بيكون أغلى شوي وشكله ظاهر ...التمديد الداخلي بيكون بي بي ار ألماني ماركة بينجر او أكثيوم ...العالم تنصح بينجر ... اخوي لازم انت تحدد اللي تبي عشان لو خايف يليك لأي سبب ترى توافيق من رب العالمين ما عليك الا بذل السبب و هو المتابعة اثناء التمديد و عمل التست الخاص بالظغط و الباقي على الله عشان من وجهة نظر الحين الله يعزك الحمامات حديثة سيفون مخفي و شاور مخفي تخيل الوضع و انت مدد بيبات ستيل ..... اذا انت بتمدد خارجي ماله داعي تحط اي مرفقات للحمام مخفية . نصيحة اخيرة راح تلاقي اغلب السباكين بنغال ابعد عنهم مالهم امان ابعد عنهم نفسهم دنية ممكن يغشك لو 5 ريال حاول تدور هنود والله يوفقك مره ثانية وحاضر للرد باللي تبي والربع ماراح يقصرون

[معماري قطري]

عند شركة تدمر شغل بيع وتركيب والنحاس عندهم كله ملحوم ونوعية جيدة .. شغل الشركات اخوي الملياردير ستاندرد واضح أما شغل الأفراد كله شورت كت وخلص وروح

وحتى شغل الشركات لازم ما تزعل العمال وتكون طيب معاهم حتى ما يغشونك .. واحد من الأهل باني ومشتغلين له عمال على كفالة عمه ولاحظت لهم أخطاء ونبهته عنها وقلت له شغلهم يخوف دقق عدل وراهم .. هم مشتغلين كهرباء وسباكة .. يوم خلص قبل ليسكن مجمع الكهرباء يطلع ريحة شيء محترق وكلمهم وغيروا فيوزات فيه ومشى الحال .. بعد ما سكن رطوبة على الطوفة طلعت وجاب الفني وحاسبه قال له انا تذكرت الحين انا نسيت بيب ما لحمت الوصلة وشغل التعديل والتكسير مكلف ومزعج والواحد ساكن والشغلة تافهة لو سواها من قبل صح

بايبات البي بي ار زينة بس لا تاخذ الا ألماني ومن الوكيل حسين فكري أو غيره وبالوصلات الخاصة واسئل عن طريقة التركيب والمواد الخاصة بالتركيب وأي واحد بيركب اسئله وشوف اذا فاهم زين ولا وده خلهم يعلمونه .. البي بي آر ينفع خارجي في الشمس يعني بس بعضهم يقولون لا لأن اللي عندهم صناعة رديئة وما ينفع .. الألماني مضمون 50 سنة وللجو الحار

[بوسعد82]

السلام عليكم
بيض الله وجيهكم على هالردود الطيبة من ناس فيها خير و تحب الخير للغير و ما على الباقي قصور ، و في ميزان حسناتكم ، و نطمع بالمزيد ...

[الفني]

مرحبا اخوي شيك الخاص وفالك طيب طرشتلك رقم لتمديدات الصحية والكهربائية الرجال اسمه محمد وهو باكستاني الجنسية الرجال محترم وشغله ممتاز وفالك طيب