عزيزي الرجل !!! هل اتشل امور البيت .....

[بانغ بانغ]

كنت اسولف مع بعض الشباب في اوقات واماكن مختلفة ..... وعرفت منهم انهم ما يطبون الجمعية مثلا لشراء اغراض البيت بل يعطون حريمهم مبلغ وهن يشترين حاجيات البيت

استغربت صراحة ان البعض ما يكلف على عمره ويشتري امور البيت وايخلي السواق او مرته ايروحون سواء سوق السمك او الخضرة

هل هذا بداية عصر خمول الرجل اللي امطيح في القهاوي والعنن والسفر ... طبعا ما اعمم

وهل المرأة (( مسكينة )) اتلحق على امور البيت واليهال والدراسة .....

طبعا كل ما اروح الجمعية ... كله حريم ... حتى الاجانب والمقيميين ...

سؤال ... واللي عنده حاجة في جعبته ... ايقوله !

[المخفي]

نعم و الحمد لله و مثلي كثير

[بانغ بانغ]

الحمد لله حصلت واحد مثلي

[غريب الدّار]

؟

شدعوة يالربع !!
طبعا كل واحد ابخص في بيته وبامور بيته


بس خلونا نكون واقعيين :
اذا المسالة مسألة تفاهم بين الطرفين مب مشكلة
هاذي وجهة نظري


يعني اذا الزوج امخلي هالشغلة على زوجته في مقابل انه يقوم بأعمال أخرى اهم فهذا شي انا اجشع عليه بصراحة


لكن مثلا تقول له : هات أغراض من الجمعية لان محتاجين كذا وكذا

يرد عليها مثلا : مب فاضي لج الربع ينطروني في الميلس روحي انتي !!!!


هاذي شوي قوية


وبعدين اذا في شخص قاط كل شي على مرته هذا الصراحة مادري شاقول عنه !!
او ادري ومابي أقول في المنتدى :)


بس بشكل عام (وقد أكون مخطئ) :
الحرمة ماتسوي كل هالشغل الا اذا شافت ان زوجها مامنه فايدة في هالامور

ولا أي حرمة اللي تحب تروح سوق السمج او سوق الخضرة ؟؟
هاذي (في الغالب) تعرف ان زوجها راقد على اذنهولا بيجيب شي

في الغالب
ويمكن أكون غلطان

[مخطط قطري]

لانه الرجل قام يخلو مسئوليته من البيت ترى حتى رواتب مايدفعها فاذا السالفة على الجمعية هذا غيض من فيض لاسف ان الله لا يغير مابقوما حتى تغيروا ما في انفسكم.

[smart_os]

مسكينه مره وحده

شالمشكله اذا المرأه قضت اغراض البيت
خصوصا اذا كانت ربه منزل والرجل في الدوام

[شبح الصمت]

يعطيك العافيه بانغ

اتكلم عن نفسي
ولله الحمد ما قد اخبر مرتي راحت بروحها الجمعية او غيرها من مراكز التسوق الا اذا اني مسافر او لظرف طارئ ..

اغلب الوقت معاي واستمتع في الشراء ..

[ضوى]

تدري وين الغريب ؟

انه حتى بالعيادات حريم حتى بالالعاب حريم حتى بالمدارس حريم بالجمعيات بمجالس الامهات كله حريم ، طبعا الاغلبية

لدرجة اني فكرت انه الرياييل انقرضوا

بالنسبة لي مقاضي البيت كنت انا اتقاضها واحيانا ريلي واحيانا احنا الاثنين سوا ، بس الحين ريحت نفسي الشغالة مع الدريول وانا مرتاحة بالبيت ومجابلة عيالي ودراستهم ابرك لي من التفرفر في الجمعيات

[ضوى]

لانه الرجل قام يخلو مسئوليته من البيت ترى حتى رواتب مايدفعها فاذا السالفة على الجمعية هذا غيض من فيض لاسف ان الله لا يغير مابقوما حتى تغيروا ما في انفسكم.

بسم الله الرحمن الرحيم
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
صدق الله العظيم

[بانغ بانغ]

؟

شدعوة يالربع !!
طبعا كل واحد ابخص في بيته وبامور بيته


بس خلونا نكون واقعيين :
اذا المسالة مسألة تفاهم بين الطرفين مب مشكلة
هاذي وجهة نظري


يعني اذا الزوج امخلي هالشغلة على زوجته في مقابل انه يقوم بأعمال أخرى اهم فهذا شي انا اجشع عليه بصراحة


لكن مثلا تقول له : هات أغراض من الجمعية لان محتاجين كذا وكذا

يرد عليها مثلا : مب فاضي لج الربع ينطروني في الميلس روحي انتي !!!!


هاذي شوي قوية


وبعدين اذا في شخص قاط كل شي على مرته هذا الصراحة مادري شاقول عنه !!
او ادري ومابي أقول في المنتدى :)


بس بشكل عام (وقد أكون مخطئ) :
الحرمة ماتسوي كل هالشغل الا اذا شافت ان زوجها مامنه فايدة في هالامور

ولا أي حرمة اللي تحب تروح سوق السمج او سوق الخضرة ؟؟
هاذي (في الغالب) تعرف ان زوجها راقد على اذنهولا بيجيب شي

في الغالب
ويمكن أكون غلطان

مرحبتين اخوي العزيز غريب

بالضبط الجزئية الخاصة بان الرجل قاط كل شي على مرته هاي الموضوع .... مادري كسل او ماله بارض ...

طبعا اتكلم عن الجروب اللي تناقشت معه بس صج معظم الجمعيات كلهم حريم

[بانغ بانغ]

يعطيك العافيه بانغ

اتكلم عن نفسي
ولله الحمد ما قد اخبر مرتي راحت بروحها الجمعية او غيرها من مراكز التسوق الا اذا اني مسافر او لظرف طارئ ..

اغلب الوقت معاي واستمتع في الشراء ..


وايعافيك بوشبيح

انا نفسك اروح بنفسي اما اذا كنت مشغول حدي او مسافر ... المرة اتروح مع العيال والحمدلله الميرة قريبة من البيت

[بانغ بانغ]

تدري وين الغريب ؟

انه حتى بالعيادات حريم حتى بالالعاب حريم حتى بالمدارس حريم بالجمعيات بمجالس الامهات كله حريم ، طبعا الاغلبية

لدرجة اني فكرت انه الرياييل انقرضوا

بالنسبة لي مقاضي البيت كنت انا اتقاضها واحيانا ريلي واحينا احنا الاثنين سوا ، بس الحين ريحت نفسي الشغالة مع الدريول وانا مرتاحة بالبيت ومجابلة عيالي ودراستهم ابرك لي من التفرفر في الجمعيات

لاحظت هالشي ان الخدامة مع السواق يتبضعون للبيوت ... طبعا بعضهم اشوفهم سواق الجيران

اعتقد هذي اخطر من سابقتها بس الحاجة والاولويات هي اللي تقاس

[بانغ بانغ]

مسكينه مره وحده

شالمشكله اذا المرأه قضت اغراض البيت
خصوصا اذا كانت ربه منزل والرجل في الدوام

صراحة مسكينة اذا كل شي طاح فوق راسها

اشوف حريم ربعي احيانا عند بنشري ... اشرايك ؟

[غريب الدّار]

...

طبعا اتكلم عن الجروب اللي تناقشت معه بس صج معظم الجمعيات كلهم حريم

والله يابانغ قد يكون سبب ذلك ان المرأة أقدر على معرفة احتياجات البيت بالضبط

أكثر من الرجل

وهاذي ميزة في المراة

المرة تعرف المطبخ ومحتويات المطبخ على سبيل المثال اكثر من الرجل (او قد يكون هذا المفروض) فبالتالي تعرف المطبخ شنو يحتاج (قصدي من الاكل والشرب)
المرأة تعرف حاجيات ومحتويات بيتها أكثر من راعيه :) خخخخخخخخخخخ ( او قد يكون هذا المفروض) فبالتالي هي أقدر على تحديد احتياجات المنزل

المراة ملكة بيتها (او نقدر نقول قد يكون هذا المفروض) خصوصا هالايام :)

[mr. abdulla]

الحمدلله اخوي بانغ انا في الجمعية مره الى مرتين في الأسبوع.. و لا مدير الميرة يتضايق اذا يشوفني... بهدلت الرجال.. شي ماله تسعيرة انادية.. مكان الخضرا و الفاكهة وسخ او غير مرتب انادية... طماطة وحدة بين الف طماطة فاسدة تعال يا مدير... يضحك يقولي عطني مس كول قبل ما أجي الجمعية نرتب لك المكان... و استأنس اذا قدرت أودي العيال او أخذهم من المدرسة .. و شباب الكونتر في طوارئ السد يعرفوني ... و الحمدلله متابع البيت اول بأول

[بانغ بانغ]

الحمدلله اخوي بانغ انا في الجمعية مره الى مرتين في الأسبوع.. و لا مدير الميرة يتضايق اذا يشوفني... بهدلت الرجال.. شي ماله تسعيرة انادية.. مكان الخضرا و الفاكهة وسخ او غير مرتب انادية... طماطة وحدة بين الف طماطة فاسدة تعال يا مدير... يضحك يقولي عطني مس كول قبل ما أجي الجمعية نرتب لك المكان... و استأنس اذا قدرت أودي العيال او أخذهم من المدرسة .. و شباب الكونتر في طوارئ السد يعرفوني ... و الحمدلله متابع البيت اول بأول

يعطيك العافية اخو عبدالله عساك عالقوة

زين سويت فيه هههه

[بنت شرق]

وحده مصرية تقول ابوها كان ولا زال يرفض زوجته تروح الجمعية تجيب أي غرض ، سواء بالسعودية مكان اغترابهم أو بمصر تقول الحين أمي من كثر ما تعرف ولا ادل ما تقدر تطلع برع البيت ولا ادلي وين اتروح اذا تبي غرض
فاحنا مانبي لا المرأة والريال يصيرون واسمحوا لي سذج مب عارفين وين الله قاطهم حلاة الشخص يكون فهيم ويقضي أي مهمة تطلب منه سواء رجل أو خادم أو ربة بيت

[بانغ بانغ]

وحده مصرية تقول ابوها كان ولا زال يرفض زوجته تروح الجمعية تجيب أي غرض ، سواء بالسعودية مكان اغترابهم أو بمصر تقول الحين أمي من كثر ما تعرف ولا ادل ما تقدر تطلع برع البيت ولا ادلي وين اتروح اذا تبي غرض
فاحنا مانبي لا المرأة والريال يصيرون واسمحوا لي سذج مب عارفين وين الله قاطهم حلاة الشخص يكون فهيم ويقضي أي مهمة تطلب منه سواء رجل أو خادم أو ربة بيت

صادقة بنت شرق كلامك صحيح

الاثنين يتعاونون والاثنين لازم ايكونون ملمين باحتياج البيت وايش قاعد تيصير في البلد من اسعار واغراض متوفرة