ليش بيعات السيارات اصبحت صعبة هالايام؟؟؟؟؟؟؟؟؟؟؟؟؟؟؟؟؟؟؟؟؟؟؟

[بومتعب]

الواحد يحط اعلان ويعرض في المعرض وقطر سيل ويحاول بين فترة وفترة ينزل في السعر ...... لكن مافي مشترين ..... واحيانا مافي اتصالات او استفسار اوحتى سوم على الاقل ............بالرغم ان السعر المعروض يعتبر الاقل مقارنة بالدول المجاورة .............

وش السبب في العزوف عن شراء السيارات المستعملة ............

[بوسـعد]

السوق ميت جدآ لعدة أسباب

أولآ- المبالغه في قيمة السياره المستعمله والجديده مثال : لكزس موديل2016 مستعمله حاطلك سعر اكثر من سعرها الجديده اصفار الناس مب مثل قبل ينقص عليهم حتى vxr 2016 نفس قصة الكزس مبالغه بالاسعار فا على قولة المثل خلك على مجنونك

ثانيآ - بالنسبة للأسعار الكزس حاليآ اصفار سعرها بالوكالة 425.800 من التضامن أو عبدالغني وفي المعارض وقطر سيل اسعار متفاوته من 440 الف ونزل علمآ بأن سعرها حاليآ تنباع عند الشباب 430 الف أصفار ولي يبغي اصفار 430 متوفره بكثره عند ناس اعرفهم ومب محصلين حد يشتري ولكن ترقب هاذا الشهر الكزس و vxr موديلات 2016 والنزول في اسعارها مثل الوكالة لان المعروض صار أكثر من الطلب


اما بالنسبة للموديلات القديمه من 2015 ونازل الناس يبغون يستعملون سيارات ومايبغون يخسرون فيها غريب أمرهم أي سياره لازم ينزل سعرها مع الأستخدام ومع مرور السنوات على السياره لابد ينزل السعر وماقارنه بالسياره الي أجدد منها

والمشكله ينتضرون مايبيعون يقولوك بننتظر سعر احلى وفي الأخير ينباع بسعر اقل من السومه الزينه الي جاته في البدايه كل تأخير في بيع السياره ينزل سعرها هاذا الي شفته من السوق

[qatari 111]

السوق ميت جدآ لعدة أسباب

أولآ- المبالغه في قيمة السياره المستعمله والجديده مثال : لكزس موديل2016 مستعمله حاطلك سعر اكثر من سعرها الجديده اصفار الناس مب مثل قبل ينقص عليهم حتى vxr 2016 نفس قصة الكزس مبالغه بالاسعار فا على قولة المثل خلك على مجنونك

ثانيآ - بالنسبة للأسعار الكزس حاليآ اصفار سعرها بالوكالة 425.800 من التضامن أو عبدالغني وفي المعارض وقطر سيل اسعار متفاوته من 440 الف ونزل علمآ بأن سعرها حاليآ تنباع عند الشباب 430 الف أصفار ولي يبغي اصفار 430 متوفره بكثره عند ناس اعرفهم ومب محصلين حد يشتري ولكن ترقب هاذا الشهر الكزس و vxr موديلات 2016 والنزول في اسعارها مثل الوكالة لان المعروض صار أكثر من الطلب


اما بالنسبة للموديلات القديمه من 2015 ونازل الناس يبغون يستعملون سيارات ومايبغون يخسرون فيها غريب أمرهم أي سياره لازم ينزل سعرها مع الأستخدام ومع مرور السنوات على السياره لابد ينزل السعر وماقارنه بالسياره الي أجدد منها

والمشكله ينتضرون مايبيعون يقولوك بننتظر سعر احلى وفي الأخير ينباع بسعر اقل من السومه الزينه الي جاته في البدايه كل تأخير في بيع السياره ينزل سعرها هاذا الي شفته من السوق

نفس الكلام اللي كنت بقوله وازيد عليه كثرة العرض اكثر من الطلب وغير اصحاب شيك فالمخمبى لين الحين يقصون على نفسهم مع احترامي لهم الناس ماعاد مثل قبل هي كانت طفره مرة مرور الكرام وردت الناس اتحاسب كل ملي يطلع من جيبه .
طبعا مب بس فالسيارات في سلع كثيره الناس صارت عندها وعي اقتصادي شلون ومتى حط فلوسه في شي مهم .

والله يوفق الجميع

[المخفي]

سببين

الاول الي فنشوهم باعوا سياراتهم او معروضة للبيع
الثاني الناس خايفة من التفنيشات فلذلك ماسكين فلوسهم عشان لا تضيع

[Tomford_qtr]

بس اللي أنا اعرفه لازالت الكزس 2016 بالحجز في الوكالة و عليها طلب

[naklan]

والله يا بو متعب اصبر شوي بتشوف العجب نزول أسعار النفط
وعجز في ميزانيات الدول ارتفاع الدولار مفروض ينزل سعر العملات
الاخرى يعني تنزل أسعار السيارات اليابانية وعندنا الوكالات
تزيد والسبب ربعنا يشترون كل السيارات ويحتجزون الدفعة
الي بعدها لسبب بيعها بأكثر من سعر الوكالة في الدول
المتحضرة ينسجن الي يعبث في السلع او يحتكر
بقصد البيع بسعر اعلى وعندنا لا حسيب ظ*ظ*ظ*ظ*ظ*ظ*ظ*


اعتقد والله اعلم ان الشريطية بييحصدون الخسائر في الوقت
الحالي للاسباب الي ذكرتها في اول مشاركتي نزول أسعار النفط
فتحت عيون الكثيرين اليوم غير الامس والي يلي يشتري سيارة
لكزس اوغيرها يدفع مقدم ويطلب ويستلم بعد شهرين ويوفر
على عمره ان يكون صيد سهل ويشجع أهل الجشع
على اعادة الكرة مع غيره

[naklan]

تعقيب اخير شوف أسعار الانفنتي كيو اكس وهي أحسن
استعمال من الكزس ما توصل 300 الف بسبب المقاطعه وعدم
تهافت الناس عليها لو تركو السيارات مرمية عند الوكيل
لأخذت الكزس بدون هذا السعر والوكيل ربحان

[بومتعب]

الاخوة الكرام .....

بوسعد ..... Qatari111......المخفي.......Tomford...... naklan

شكرا على المشاركة بالموضوع...... بالفعل احدى الاسباب الرئيسية لقلة البيع هو انخفاض اسعار النفط وقلة السيولة لدى الناس اضافة الى انهاء عقود الكثير من المقيمين بالدولة مما سبب زيادة في حجم المعروض من السيارات المستعملة ........ بل حتى من تتوافر لديه سيولة الان وكان له نية في السابق بشراء سيارة مستعمله اصبح مترددا في عملية الشراء بسبب الركود الحاصل في سوق السيارات.......

[monatee]

ادور فكسار 2015 سعرها يفرق عن 2016 حول 40 الف :)

[وبشرالصابرين]

اخوي اذا تبغي تبيع خل اعلانك واضح ومحدد وبدون مبالغه بالسعر
ولا تكتب على السوم واعلى سعر لانه محد بيسوم والناس صارت تكره فكره المزايده

[وبشرالصابرين]

بسم الله الرحمن الرحيم

السبب يرجع

1- سعر المستعمل قريب من سعر الجديد
2- كثرت الغش بالمستعمل وكثرت الشريطه
3- ارتفاع اسعار الصيانه والكرجات وقطع الغيار
4- عروض الوكالات ضمان 5 سنوات تشتري جديد افضل
5- واسلوب اصحاب المستعمل في البيع يقولك سوم بعدين يزعل والمزايدات الوهميه في المواقع

[ناسداك]

من وجهة نظري ارتفاع الرواتب خلت الكل يفكر بالسيارات الجديدة لانها اضمن بالاضافة للفروقات مب كبيرة بين الجديد و المستعمل يعني عشرين او ثلاثين الف ما هو بالفرق الكبير فالاضمن اشتري من الوكالة احسن لي بالاضافة لوفرة المعروض يعني شوف عدد اللكزات في قطر سيل اشكثر معروضه رغم اني اشوف اسعارها جيده مقارنة بالجديد سعرها مشجع اللكزس موديلا 2015 و 2014
ودمتم بود

[زقرتي ومزاجي]

انا ملاحظ هالشي بعد ان مافي مشتري جاد

[بويعقوب]

الوضع خطير جدا ..

بس الملاحظ ان الطلب يكاد يكون معدوم .

3شهور عارض موتر للبيع وبسعر حلو , وعدد الاتصالات معدوده على اليد :)


الله المستعان

[جبر ال جبر]

كلنا نعاني من هالاشكاليه وماتقدر تبيع تحت السوق بوايد يعني سعر السياره مثلا في السوق حسب ماتشوف ب200 الف مستعمل ممكن تنزل 10-20 حد اقصى يتصلك واحد مطفي الليتات يقولك 140 !!!
تقول لا والله خله للبيت ولا ابيعه بهاسعر وخصوصا سيارات في السابق عليها طلب قوي ولكن لكل سلعه لها ناسها لاتستعيل والسومه الطيبه القريبه من سعرك لاتردد

[bentelyarnag]

فعلا الإقبال على السيارات المستعمله أقل من الأول أيام 2000

[MMD]

انخفاض اسعار النفط
عدم وجود امان اقتصادي (الدوله لم تقم بإرسال رسائل مطمئنه للسوق القطري)
عدم وجود آمان وظيفي. كل هذه العوامل أدت الى زيادة المعروض وقلة الطلب... هذا بخصوص المستعمل

اما الجديد فالوكالات مراقبه السوق واسعار السيارات الجديد اقل بالمقارنه باسعار العام ، وايضا العروض اكثر.
ومع ذلك الاقبال على الشراء ضعيف.

[برويقن]

تقشف.

[qatarman8008]

في كل سنة مثل هذا الوقت تنزل الاسعار..
لانه يتم طرح موديلات سنة جديدة..

[qatari 111]

من بداية شهر 12 / 2015 الوكالات قامت تخفض اسعار السيارات من موديلات 2016 وهذا دليل قلة الطلب وزيادة المعروض سواء جديد او مستعمل لدرجة ان الشاري قام يتشرط وتدلع بخيارات كثيره كلون وموديل وسعر افضل .

[زقرتي ومزاجي]

فعلا الإقبال على السيارات المستعمله أقل من الأول أيام 2000

هذيك الأيام الله يسلمك مايمديك تحط موترك في المعرض الا ويجيك اتصال ويساومونك على 1000 ولا 2000 اما الحين 20.000 و 30.000 وبعد يطلع لك عيوب في الموتر يبيك تنزل من السعر اكثر
يبي السيارة ببلاش والتسجيل عليك وعمولة المعرض عليك ورسوم الفحص عليك والبترول اذا موترك مصفر عليك

سبحان مغير الأحوال

[رآعي موآجيب]

هذيك الأيام الله يسلمك مايمديك تحط موترك في المعرض الا ويجيك اتصال ويساومونك على 1000 ولا 2000 اما الحين 20.000 و 30.000 وبعد يطلع لك عيوب في الموتر يبيك تنزل من السعر اكثر
يبي السيارة ببلاش والتسجيل عليك وعمولة المعرض عليك ورسوم الفحص عليك والبترول اذا موترك مصفر عليك

سبحان مغير الأحوال

والاسعار بعد تلعب دور كبير
في سنة 1998 شريت جي اكس ار من الشركه بسعر 128000 ، اليوم الجي ستاندر في الشركه بـ 165000 والجي اكس ار سعره 230000

يعني عندك زياده في السعر حوالي 100 الف ريال تقريبا ، فاللي بيشتري مستعمل خصوصا الشريطيه او خلنا نقول التجار لازم يدخل في الامان بخصوص السعر مع شوية طمع

مثلا ، عندي جي اكس ار 2016 ببيعه وقيمته في الشركه اصفار 230 الف ، وقت البيع التاجر مستحيل يشتريه بأكثر من 200 الف اذا كان ماشي اقل من 10 الاف كم
لانه يبغي يربح فيه من 5000 الى 10000 وبنفس الوقت اذا عرض السياره بأكثر من هالقيمه بتكون قريب من سعر الجديده وبالتالي انا كشراي لو شفت السعر قريب على الاصفار بروح اخذ الاصفار بكل تأكيد

فالبايع يزعل ويتضايق من الـ 30 الف او الـ 40 الف اللي خسرهم في فتره قصيره

وانا ما الوم الوم الأثنين صراحه

والمصيبه الاكبر والخساره الاقوى اصحاب السيارات اللي بـ 300 الف وانت طالع !!

[الكاسر007]

وين حماية المستهلك من هالشي للعلم احنا نتعامل بالدولار والدولار قوي مقابل العملات لكن الاسعار هي هي لازم تحرك من حماية المستهلك التاجر قبل ربحه بسيط الان ربحه دبل موب حسد لكن رغبه بالنزول للاسعار مانشوف الا طلوع من زمان ما في شي نزل لكن نسال الله رحمته

[Dexter]

والاسعار بعد تلعب دور كبير
في سنة 1998 شريت جي اكس ار من الشركه بسعر 128000 ، اليوم الجي ستاندر في الشركه بـ 165000 والجي اكس ار سعره 230000

يعني عندك زياده في السعر حوالي 100 الف ريال تقريبا ، فاللي بيشتري مستعمل خصوصا الشريطيه او خلنا نقول التجار لازم يدخل في الامان بخصوص السعر مع شوية طمع

مثلا ، عندي جي اكس ار 2016 ببيعه وقيمته في الشركه اصفار 230 الف ، وقت البيع التاجر مستحيل يشتريه بأكثر من 200 الف اذا كان ماشي اقل من 10 الاف كم
لانه يبغي يربح فيه من 5000 الى 10000 وبنفس الوقت اذا عرض السياره بأكثر من هالقيمه بتكون قريب من سعر الجديده وبالتالي انا كشراي لو شفت السعر قريب على الاصفار بروح اخذ الاصفار بكل تأكيد

فالبايع يزعل ويتضايق من الـ 30 الف او الـ 40 الف اللي خسرهم في فتره قصيره

وانا ما الوم الوم الأثنين صراحه

والمصيبه الاكبر والخساره الاقوى اصحاب السيارات اللي بـ 300 الف وانت طالع !!



موديل 2016 ويبي يبيعه؟! وزعلان؟!

ليش ان شاء الله؟ الموضوع موب لعبة اشتر موتر وبيعه بعد شهرين ودور غيره

اشوف ان اذا بتشتري موتر عالاقل استخدامه يكون 3 سنوات وفوق

وبعدين اعرضه بسعره في السوق وشوف لك غيره

اما كل شهرين ثلاث شهور بتقعد تبيع وتشتري فالمشكلة منك