افضل عوازل الماء وانواعها

[BUHASSEN]

السلام عليكم ورحمة الله

بغيت اعرف افضل انواع عوازل الماء

وفي النوع الي يجي نفس الصبغ لونه ابيض اذا حد سمع فيه


ولا استخدم الاسود الرول

انا ابغيه لارضية البيت قبل الا يصب القواعد

[معماري قطري]

فيه كذا نوع وغالبيتها من تركيبات البيتومين وفرق الأسعار بينها كبير حسب الجودة .. كانت عندي لستة وضيعتها بس تقدر تسئل تدمر قسم العوازل أو المسند ولو بتركب الرول الأسود للعوازل بعد بتكون مسوي حماية قصوى .. وفي رأيي ما تحتاجه أهم شيء الحديد الأخضر المغلف بايبوكسي والخرسانة تكون جيدة وتصبغ بتومين كم غاط وعليه تحط حماية بنايلون سميك

[BUHASSEN]

جزاك الله خير اخوي معماري

بالنسبه لي اتفقت مع المقاول انه يحط عازل ماي الرول الاسود لانه بيسمنت قبل لايصب القواعد

وتسلم علي الافاده

[معماري قطري]

جزاك الله خير اخوي معماري

بالنسبه لي اتفقت مع المقاول انه يحط عازل ماي الرول الاسود لانه بيسمنت قبل لايصب القواعد

وتسلم علي الافاده

الله يسلمك ويطول عمرك على الطاعة والخير

للبيسمنت يا اخوي نصيحة تسوي نظام شفط أي مياه تتجمع قرب الأساسات والجدران .. ما تخسر شيء كلها بايبات وكنكري حولها وقماش خاص ينلف به البايب حتى ما يدخل الرمل .. شوف النظام في يوتيوبيات البناء وكتبت عنه كم مرة .. تقدر تسوي منهول أو إثنين ممكن ينفحصون وتركب مضخات شفط للمياه مع عوامة من يرتفع الماي تشفط وتفتك من أي تسريب

بعدين انتبه للبايبات اللي تتركب للحديد اللي يمسك الخشب اللي للخرسانة هذا يتركونه ويعزلون فوقه وتكون نقطة ضعيفة تنخرق بعد الدفان .. وأي عازل حد ضمانه 15 سنة وبعدها تنتهي صلاحيته لذلك نظام الشفط ضروري لكل من يبني بيسمنت