معقولة ؟؟!!

[الحياة الخالدة]

السلام عليكم و رحمة الله


http://cdn.top4top.co/p_560d0tu0.jpeg (http://up.top4top.net/)


http://cdn.top4top.co/p_5605sj60.jpeg (http://up.top4top.net/)

هذا العدد من السيارات .. في وسط منطقة سكنية !!
و تستغل هذه المساحة كمكان لتخزين السيارات إلى أن يتم تصريفها

ملاحظة : العدد كبير ما قدرت أبين كل السيارات و اللي ظاهر جزء منها فقط

[al saad]

يمكن صاحب السيارات هو صاحب الأرض ^____^ مادري وين المشكله هل امظايق حد

[بصمة قطرية]

يمكن صاحب السيارات هو صاحب الأرض ^____^ مادري وين المشكله هل امظايق حد

يس
السيارات مب حلوة .. :tooth::tooth:

[kuwari]

يمكن الرجال امأجر الارض خلوه يسترزق واذا عن المنظر الجمالي شوراعنا امحفر والبوكلينات تارسه شوراعنا

[الحياة الخالدة]

السلام عليكم و صبحكم الله بالخير
إخواني :
آل سعد .. بصمة قطرية .. الكواري

شكراً على مروركم .. الله يرزق راعي الأرض و السيارات و يفتحها عليهم من أوسع ابوابه .. و الرزق مو بيدي .. بيد رب العالمين أكيد
بس أنا كان استغرابي من وجود هذا الكم ( ما شاء الله تبارك الرحمن ) في وسط المنطقة السكنية
يعني هالشي يصير عادي ؟؟!! لأني أول مرة أشوف شي مماثل
أنا حسبت هالاشياء مب مسموح بها الا في الاماكن التجارية أو الصناعية مثلاً
و بس هاذي كل السالفة

[بانغ بانغ]

صحيح كلامك

خاصة المناعي حاطين سياراتهم مقابل ماريوت وشرق واعرف ملاك الاراضي وبدون موافقات الا اذا عطوهم عقب

يعني وكالة ماعندكم مكان ... الظاهر هاي سيارات نيسان

ايشوه المنظر صراحة

[حرف]

هذا الي اتكلم عنه
تعال شوف شوارع الفرجان الضيقة ماتحصل مكان تصف في دقيقه

[ضوى]

اتوقع انها لمدرسه سواقه من شكلها ولونها الموحد

[معماري قطري]

عبدالله عبدالغني مأجر مزرعة والمفتاح عندهم بيت وبباب وحائط عالي وغالبية السيارات في طبيلة أما سيارات بتكون حلال ناس وعلى انها جديدة منقعة في الشمس بعضها فوق 6 شهور هنا المشكلة .. الشمس تيبس التواير وأهواز المكينة والرطوبة تصدي الحديد والدرام ويل وتخرب حتى البريكات .. لازم فيه قوانين للتخزين وحماية المستهلك تتدخل

[الحياة الخالدة]

هذا كان قصدي يا جماعة
و هذا المكان اصلاً مب مرصوف يعني يوم نزل المطر صار طين و لغلاغة تحت السيارات
غير ان جنبهم جامع يستقطب الكثيرين للصلاة و تعالوا شوفوا الزحمة وقت صلاة الجمعة
يعني يالله محصلين مواقف لسيارات المصلين و ينسد الشارع وقت صلاة الجمعة

[Boost]

وقفت على هذا؟
نص الدوحة تحصل مخازن وستورات بين البيوت السكنية, لا وسكن عزاب جنب مدرسة إبتدائية وبين عوائل
وبيوت يتم تأجيرها وتحويلها لمخازن رخيصة نسبيا وقريبة من المحلات (مثل سوبرماركت السعودية اللي على شارع ال شافي وبدون تحفظ أقولها نص البيوت اللي وراه مأجرها مخازن وسكن عمال)

الصراحة نحتاج قانون صارم يتعامل مع الشركات اللي تستخدم مناطق سكنية كمخازن بدون تراخيص ومساكن عمال لكن للآن كل اللي شفناه من محاولات للحد من هالمشكلة فاشلة

[راعي الكورفت]

هذي نيسان صني وهي ملك للمعرض او يمكن لمكتب تأجير السيارات

وهي سياره اقتصاديه ومرغوبه جدا للاسيوين بسبب عمليتها وتوفيرها للبنزين
وايضا اهم شي بالنسبه لهم هي رخص سعرها للجديد التي تصل الى 30 الف ريال للسياره الوحده :)

[Dana’1]

معقوله ونص كل شي معقول بهالخصوص!
ياكثر ما شفت مره بالبراحه يم نادي السد خلف احد المجمعات السكنيه مليانه سيارات لونها اسود

وفيه براحه مليانه باصات صغيرة تابعه لأحد المخابز وحولها البيوت ولاهي مسوره

بصراحه مناظرها مو حلوه وحتى أمنيا خطره


إذا هو راعي الأرض وهذي سياراته فتسويرها أمر بسيط بالنسبه له ^_^

[الحياة الخالدة]

وازيد على كلام اخوي راعي الكورفيت
كل هالسيارات باجر بتلقاها منثرة في شوارعنا و مسببة الزحمة
صج نشوفها وايد .. أطقم كاملة من السيارات من نفس النوعية

و نقول من وين تصير الزحمة

حتى احياناً فرجان كاملة نحصلها محتلة من هالسيارات .. لدرجة أتساءل معقولة كل هالسيارات مستخدمة ،، و أصحابها ساكنين داخل البيوت !!

[النهار]

اذا السيارات عليها لوحات ارقام تكون لمكتب تأجير السيارات لانهم مستغلين المواقف العامه في كل مكان
نفس المنظر شفته عند مطعم ملك الكباب في بن عمران حوال 60 سياره من نفس النوع ونفس اللون حاجزين المواقف العامه على مدار الساعه
تعال انت دور لك موقف لين تطلع عيونك والدوخ سبع دوخات والاخوان مأخذينها بارده مبرده
اما انها لمدرسة تدريب السواقه لا لانه تم توحيد الاولوان لجميع ا لمدارس بالاصفر والبني مع لوحه فوق التنده تحت التدريب اوالتعليم

[الحياة الخالدة]

مثل ماهو واضح في الصور .. السيارات عليها لوحات

[جبر ال جبر]

انا اذكر في قصه حصلت من سنه لصديق لي نفس قصتج يقول الصديق هذا انه سكن منطقه جديده وهالمنطقه تفتقر لبعض الخدمات واقرب مسجد لها يبعد تقريبا كيلو وشوي الزبده كان يوميا يستخدم سيارته للوصول الى المسجد وكان قريب من المسجد بيت مقسم وعليه سيارات كثيره الله العالم 6 او 7 سيارات وكلهم عوائل يقول صارلي شهور امر على هالبيت ويقول للامانه الباب مشرع ومافي اي حد اشوفه يدش ويطلع ومسبب ازعاج حق حد الا بعض الاشخاص الي ساكنين البيت يصلون معانا في المسجد يدشون ويطلعون من البيت
المهم يقول اتصلت على صديق لي شغال في البلديه وقلت له عن هالبيت انه مقسم ويقول في لمح البصر طرش لي صديقي مفتش ودليته البيت يقول ثاني يوم رايح اصلي الظهر في المسيد الا دوريات وحشره عن البيت ونزلت وحصلت المفتش وبعد اسابيع طردوهم من البيت ولين اليوم البيت فاضي يقول حسيت اني ملقوف وتحسفت وطلع البيت حق يتامى قطريين وكان مصدر رزقهم الوحيد غير راتب ابوهم التقاعدي وصكوهم بغرامه والبيت محتاج صيانه وواقف حاله ويقول انه البيت ماجر من سنين ومحد كلمهم وماكانو يعرفون
صحيح الامر يمكن مش نظامي بس دام انهم مب مزعجيني ومب مشكلين ضغط ع الخدمات بدال ماشتت اسر واقطع رزق حد واخذ اثم او ضرر مسلم يدعى عليك وخصوصا نص قطر صارت تقسيم ومحد يكلمهم ودك الواحد ماله علاقه ويدخل بمثل هالاشياء تجي من غيرك ولا منك
فالرجال متحسف لين اليوم عن الموضوع اما بنسبه لموضوعج اعتقد هالشي مسبب ازعاج ومعاج حق هالشي حتى لو ارضه بين بيوت ماله حق يضايق الباقي بالعدد الكبير من هالسيارات بس حبيت اذكر قصه هالصديق لانه فعلا الواحد ينتبهه قبل لايشتكي ماتعرف الظروف ولا الامور الي حدت على هالشي

[بانغ بانغ]

وقفت على هذا؟
نص الدوحة تحصل مخازن وستورات بين البيوت السكنية, لا وسكن عزاب جنب مدرسة إبتدائية وبين عوائل
وبيوت يتم تأجيرها وتحويلها لمخازن رخيصة نسبيا وقريبة من المحلات (مثل سوبرماركت السعودية اللي على شارع ال شافي وبدون تحفظ أقولها نص البيوت اللي وراه مأجرها مخازن وسكن عمال)

الصراحة نحتاج قانون صارم يتعامل مع الشركات اللي تستخدم مناطق سكنية كمخازن بدون تراخيص ومساكن عمال لكن للآن كل اللي شفناه من محاولات للحد من هالمشكلة فاشلة

اي والله صادق

[شبح الصمت]

يمكن موقفينهم لفترة محدده يالحياه وعقب يشلونهم

لانه الوانهم غريبه يمكن بتفتح مدرسة سواقه جديدة

ومجهزين هالكم الهائل ..

اهي المشكلة انه مش في السيارات في السطحات الي تسبب زحمة في المنطقه وتخرب الشوارع الداخلية ..

[قطريه ماركه]

صح صرنا نشوف هالمناظر ف الدوحة و المفروض الجهات المختصه تتدخل
و يكون لهم مكان مخصص ف الصناعية

[حرف]

المفروض هالشركات تستأجر اماكن لسياراتها
لازم يدفعون فلوس

[الحياة الخالدة]

يمكن مثل ما قالوا باتفاق بين راعي الارض و مالك السيارات
أو أنه نفس الشخص

الله لا يجعلنا من قطاعين الارزاق .. بس هذا الوضع نشوفه و ما ندري مدى شرعيته

[أم محمد 90]

واو معقولة .. مشكلة كبيرة .. تتطلب تدخل الجهات المعنية ..

[بانغ بانغ]

اتذكر الكروزرات قبل واقفة في الشمس عفنت وقاموا ايبيعونها عالناس

لا والقطاوة عششوا داخلها

[الحياة الخالدة]

واو معقولة .. مشكلة كبيرة .. تتطلب تدخل الجهات المعنية ..

معليش اذا مو شايفتها مشكلة .. تعليقج ماله داعي اختي ام محمد

[sweet qatar]

شفتها بأكثر من مكان

فعلا ودي أفهم ليش ؟؟

الي أعرفه ان الجو يأثر علي السيارة !!

هل الطريقة هذي مقبولة ؟؟ ولا مخالفة ؟؟

[أم محمد 90]

معليش اذا مو شايفتها مشكلة .. تعليقج ماله داعي اختي ام محمد

معليش اختي تعليقي عادي وطلبت تدخل الجهات المعنية .. اذا تعليقي ما اعجبج ف ما اشوف انه مشكلة ..

[الحياة الخالدة]

معليش اختي تعليقي عادي وطلبت تدخل الجهات المعنية .. اذا تعليقي ما اعجبج ف ما اشوف انه مشكلة ..

يزاج الله خير

[أم محمد 90]

يزاج الله خير

اجمعين ان شاء الله :o

[النهار]

يس
السيارات مب حلوة .. :tooth::tooth:

هههههههههههههه
حد قالج تعالي اشتري

يايبن من الموديل قديم 2010 او 2011
اكيد حد شراهم من مزاد احدى الشركات وبعدين يايصدرهم او يبعهم
لان الحين جميع الشركات الكبيره وحتى الموسسات الحكوميه ماتشتري سيارات تأجر السيارات من الوكالات لمدة 3 سنوات
نفس كروه واوريدو وشركات البترول بعد 3 سنوات يبعونهم بمزاد

[شيخ الديرة]

حتى اذا صاحبها مأجر المكان ودافع فلوس, البلدية والدفاع المدني لا يسمحون باستخدام اي مساحة او بناية لأي غرض غير ما هو مرخص بها. هذه مخالفة صريحة.

[الحياة الخالدة]

رحم الله والديك أخوي شيخ الديرة

[Azizuk]

قانون شركات التامين تامن السيارات التأجير لمدة 3 سنوات

مابعد 3 سنوات بعض الشركات الشخصية تتحول الى اسماء أفراد عشان يقدر ياجرها مأمنه

اما الشركات الكبيرة العالمية مايقدر يتلاعب مثل شركة بدجت وافيس ويوروب كار وهرتز وسكت واغلب الشركات العالمية

بعد الثلاث سنوات تعرض السيارات للبيع

ويأخذها حد تجار سيارات الجملة يصرفها في حدا الدول وغالباً تتصرف للدول الافريقية


معظم المنتجات الغير مطابقة للقوانين العالمية تترحل لدول الفقيرة مثل المكيفات اللي تم منعها من استخدام غاز 22

وغير وغير من المنتجات الغير مطابقة للمقايس تترحل الى دول اخرى

[Azizuk]

حتى اذا صاحبها مأجر المكان ودافع فلوس, البلدية والدفاع المدني لا يسمحون باستخدام اي مساحة او بناية لأي غرض غير ما هو مرخص بها. هذه مخالفة صريحة.



صحيح اخوي ممكن تكدس السيارات يتسبب بنشوب حريق :telephone: ( لا قدر الله ) ويتسبب بإيذاء المنطقة السكنية

[باراكودا]

يس
السيارات مب حلوة .. :tooth::tooth:

شبيك لبيك ..........ولايهمك بنغير السيارات تبين
بي ام ولابورش ولابنتلي .

[مرتبش]

مالذي دفع هذه الشركة لايقاف سياراتها بين البيوت؟
هل عندها امكانية للحصول على مخزن في الصناعية؟
اذا هالشركة (الكبيرة) مو قادرة تتصرف فكيف الحال بصغار التجار

[الحياة الخالدة]

بما أني أمر على هالسيارات وانا طالعة من بيتنا و انا راجعة
حاولت اليوم أحسبهم : طبعاً على السريع بس وانا اسوق سيارتي هههههههه
هم مصفوفين و مرتبين .. تقريباً 14x14 يعني في حدود 196 سيارة
بس بدأت تتناقص تدريجياً يعني نقصوا كم وحدة

ماعتقد أنه صعب عليهم يلقون مكان في الصناعية ( مجرد فرضية )
بس احتمال هالمكان بالنسبة لهم أوفر .. و أقرب ( أقول يمكن )
و الله أعلــــــــم

[بوخالد911]

بالفعل شفت هالشي في اكثر من فريج

[كاشف الغطاء]

اذا مايضر حد شالمشكلة ؟؟
صارت نفوسنا ضيقة للأسف ومحد طايق الثاني

[kuwari]

السلام عليكم و صبحكم الله بالخير
إخواني :
آل سعد .. بصمة قطرية .. الكواري

شكراً على مروركم .. الله يرزق راعي الأرض و السيارات و يفتحها عليهم من أوسع ابوابه .. و الرزق مو بيدي .. بيد رب العالمين أكيد
بس أنا كان استغرابي من وجود هذا الكم ( ما شاء الله تبارك الرحمن ) في وسط المنطقة السكنية
يعني هالشي يصير عادي ؟؟!! لأني أول مرة أشوف شي مماثل
أنا حسبت هالاشياء مب مسموح بها الا في الاماكن التجارية أو الصناعية مثلاً
و بس هاذي كل السالفة

في قطر شفنا العجب العجاب ولا تنصدم اذا اقلبوا فريجكم ستور صناعيه