#الصالونات النسوا_رجالية

[الجـــوديّ]

السلام عليكم ورحمة الله وبركاته ،،



موضوعي اليوم يا جماعة الخير .. أطرحه وأبي فيه رايكم وخاااااصة أخوانا الرجال وأولياء الأمور بشكل عام .


من استوينا واحنا نسمع ان الفنادق الكبيرة فيها صالونات نسائية .. حق نزلاء الفندق ..

وعادة يكون المستفيدين منها هم النزلاء الاجانب ..

وعاد اللي يطلع لهم من العاملين في الصالون سواء من رجال أو نساء لأن هم في بلادهم بهالوضع...ويكون فيه قسم للمحجبات صاد ومستور.




اللي عندنا شي جديد .. واللي قاعد يستوي فيه منكر من المناكر ... وسبب طرحي لهذا الموضوع هو إنكار للمنكر وعدم الرضا فيه...


أصبح في الفنادق الآن صالونات نسائية لكن العاملين في الصالون رجال !

والمستفيدات من خدمة هذول الرجال .. النساء على اختلاف جنسياتهم وبخاصة القطريات

أنا سمعت من قبل ... قلت يمكن وحدة والا ثنتين ... العدد قليل كيفهم .. الله يهديهم

لكن اكتشفت ان هالصالونات ناسها وايد وزحمة عليها من زمان .. والعدد في تزايد لأن هذول الزباين يشوفون

" الكوافير الرجال يسوي التسريحة للمراة أحلى من الكوافير المراة .. ويعرف يبرز جمالها وجمال شعرها "




من المشاهد .. المراة القطرية قاعدة بكامل ارادتها .. واثنين على راسها يدهم فيه يضبطون لها التسريحة !

مشهد آخر.. أن الرجال هو يغسل شعر المراة وهي في حالة استرخاء كامل على كرسي الغسيل ..

ويده في راسها .. والكلام همس .. والملابس شبه عارية والوضع مخزي!!

وكلكم تعرفون جماعة جورج وأعوانه .. وتكرم عيونك شيخة ..

يحطونهم خصيصاً في المحلات النسائية علشان يدللون الصبايا والعجايز المتصابيات يخزي العين عليون ..

ويحطون لهم الشزلونغ للزبونيه الكطرية علشان تكون في كامل راحتها .. وتدفع لهم من غير حساب !!!



كان فيه صالون لكوافير مشهور .. سكروه لأن استوت فيه المناكر وما استمر .. الحمدلله

واللي قاعد يصير في هالصلونات.. مستنقعات فساد ونشر رذيلة .....

واستغرب اذا كانت هذي الصالونات مرخصة ومسموح بها في البلاد

ما أدري ليش ما أمنعوها مثل ما مانعوا دخول القطريات لصالات الديسكو ؟!



من هذا الموضوع أرجو من المسؤولين المحافظة على حشمة المرأة القطرية ..

والابقاء على مكانتها المحفوظة في المجتمع كما عهدناها

والضرب بيد من حديد على العابثين بها ...

كانت ولازالت قطر وأهلها ممن يتمسكون بدين الله .. والشرفاء يرفضون وجود هذي الأماكن المنكره ..

كما أرجو أن ينكرها الرجال على نسائهم .. فإن ضلت هي وتهاونت وخذتها الدنيا ومفاتنها ... فلعل الله يهديها على يده .

...


لا نقول إن المرأة القطرية ملاك .. لاتخطئ .. ولكن كانت ممن يتمسك بدين الله وبحجابها وعبايتها .. وغيرتها كبيرة على نفسها وعلى حرمات الله

وعزز ذلك العادات والتقاليد اللي أيضاً تنكر هذه المنكرات من منطلق ديني بحت وتدخل في العيب المحظور.



الله يهديهم ويصلح أحوال البلاد والعباد.

[سليمان احمد]

السيده : فاطمه بنت النبي صلى الله عليه وسلم كانت تحدث احدى الناس وتوصيها اذا ماتت انهم لايضهروها

بجسدها في حملها للدفان وكانت من شرفها وعفتها تفكر في جسدها الشريف وقد فارقت روحها جسدها ان يضهر

رغم انها ستكون مسجاه

وهولاء لم يفكرو في ذره من عفتها ويريدون ان يحشروا مع ابيها ويشربون من حوضه الكريم

وقدد تمددن بجسدهم المكشوف امام الغادي والرايح وايدي الرجال تلعب بهم احد بشعرها والاخر بيدها

وبدنها قد اصبح ملك للرجال ان يتلاعبون به

اين غيرتها اين عفتها اين زوجها اين اخوها اين ابوها اين حياوها من الله

او من الناس اين شرفها اين تربيتها

ولا حول ولا قوه الا بالله

[kuwari]

الموضوع حساس وخطير والسؤال الاتي :

ظ،- هل الرجال راضي انه اهله يروحون هالاماكن ؟
ظ¢ - هل الحريم يروحون بالدس ؟
ظ£ - الوزع الديني اين وصل ؟
االتطور شي والانحراف شي اخر وياما ناس راحت فيها بحجه التطور ، وغير الاسلام لا عزة لنا .

[kuwari]

السيده : فاطمه بنت النبي صلى الله عليه وسلم كانت تحدث احدى الناس وتوصيها اذا ماتت انهم لايضهروها

بجسدها في حملها للدفان وكانت من شرفها وعفتها تفكر في جسدها الشريف وقد فارقت روحها جسدها ان يضهر

رغم انها ستكون مسجاه

وهولاء لم يفكرو في ذره من عفتها ويريدون ان يحشروا مع ابيها ويشربون من حوضه الكريم

وقدد تمددن بجسدهم المكشوف امام الغادي والرايح وايدي الرجال تلعب بهم احد بشعرها والاخر بيدها

وبدنها قد اصبح ملك للرجال ان يتلاعبون به

اين غيرتها اين عفتها اين زوجها اين اخوها اين ابوها اين حياوها من الله

او من الناس اين شرفها اين تربيتها

ولا حول ولا قوه الا بالله

كلامك لا غبار عليه لاكن بجيك ويقولك انك معقد للاسف ...

[Dana’1]

على الارجح الأهل يدرون

والله يهدي الجميع

[الحياة الخالدة]

و عليكم السلام و رحمة الله و بركاته

أستغفر الله و أتوب إليه
( وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ )

كنا قبل نسمع عن بعض الحريم أو البنات الغير قطريات يسوون هالسوالف .. و نستنكرها و نقول شلون وشلون و شلون
و للأسف الشديد أن هالأمور وصلت حق بعض بناتنا و حريمنا .. و صاروا يسوونها بكل أريحية من غير أي حرج أو حيا

طبعاً المسألة مرفوضة سواء من القطريات أو غيرهم
لكن لما تجي من بناتنا يكون وقع الألم علينا أشد لأن احنا كنا في حال .. و صرنا في حال ثاني .. ولا حول ولا قوة إلا بالله

إذا كانوا هم نسوا دينهم و تساهلوا لهالدرجة ( كما هو حاصل ) .. و إذا كانوا الأهل على علم بفعايلهم ( مثل ما قالت أختي ديور ) و راضين و ساكتين ( و يمكن حتى يشجعونهم )
و إذا كان هناك أشخاص أو جهات مستفيدين مادياً من هذا الوضع
فالأحرى بالسلطات العليا المسؤولة أنها تتدارك الأمر .. و تجتث مثل هذه الأوكار من جذورها .. و تضرب بيد من حديد
لأن في ناس تخاف بس ما تستحي .. و القوانين الصارمة وضعت لمثل هؤلاء

ولا حول ولا قوة إلا بالله

[غير البشر]

لاحول ولاقوه الابالله

لاتعليق

[بانغ بانغ]

طبعا اعارض وبشدة لكن اعرف شباب عندهم صالونات داخل فنادق للجنسين يعني حريم ايسوون حق شباب والعكس وايكون برغبة شخصية

يعني الخلل في التربية مب في الاماكن

[A-Alansari]

لهالدرجه وصلت قله الادب

المفروض من المسؤولين يغلقون مثل هالصالونات او مثل ماتكون برع صالون للنساء ويشتغلون فيه نسوان وللرجال ويشتغلون فيه رجال

اما مكس شحقه مصخره والله

[ضوى]

اللوم بكامله على الحكومة ، كيف سمحت لرجل بالعمل في صالونات نسائية وكيف سمحت للمراة بالعمل في صالونات رجالية ، وكيف اصلا طلع ترخيص صالون للجنسين ، الخلل من حكومتنا يجب التصدي لهالامور عن طريقهم هي اللي تسن القوانين وهي اللي تطبق دستورنا كجهة تنفيذية واللي اعرفه لازم يكون فيه تفتيش عالصالونات لرصد المخالفات وتجاوزها

[شبح الصمت]

شيء يضحك

في الصالونات الحريمية يحطون عند الباب يمنع دخول الرجال ..

وهالصالونات بداخلها الرجال ويا هلا ومرحبا بالنساء

[لـبـيـه]

ماعمري سمعت حلاق وتحلق فيه مره الى كلهم يا هندي او تركي او فلبيني

اما الصالونات وتعال شوف واضحك لا والمصيبه في اشباه الرجال الي يحلقون للحريم هذول شلون يعطونهم اقامات مادري مايجيكون على شاصيهم

والحريم الي يرضون على اعمارهم ويدخلون على رجال في الفنادق لصالون الفندق فما اقول الى الله يهديهم وان عذاب ربك لشديد

والحريم الي عافين نفسهم وهم كثره ولله الحمد فما اقول الى الله يثبتهم ويوفقهم بلدنيا والاخره

[شبح الصمت]

ماعمري سمعت حلاق وتحلق فيه مره الى كلهم يا هندي او تركي او فلبيني

اما الصالونات وتعال شوف واضحك لا والمصيبه في اشباه الرجال الي يحلقون للحريم هذول شلون يعطونهم اقامات مادري مايجيكون على شاصيهم

والحريم الي يرضون على اعمارهم ويدخلون على رجال في الفنادق لصالون الفندق فما اقول الى الله يهديهم وان عذاب ربك لشديد

والحريم الي عافين نفسهم وهم كثره ولله الحمد فما اقول الى الله يثبتهم ويوفقهم بلدنيا والاخره



اشفيك لبيه ..

هذا يسمى عند هالاشكال الي تتسابق عليهم تحضر وانفتاح ..

يعني وجات على هالصالونات النسائية ..

مش بعض الحريم يروحون لمصممي ازياء رجال ويخلونهم يقايسون الفساتين قدامه ويشيك عليه وسيع ضيق ..

ترى من زمان هالصوالين وسامعين عنهم واماكنهم معروفه ..

الله يستر على من تريد الستر
والله يهدي من غرتها الدنيا ..

[qatari911]

ماعمري سمعت حلاق وتحلق فيه مره الى كلهم يا هندي او تركي او فلبيني

اما الصالونات وتعال شوف واضحك لا والمصيبه في اشباه الرجال الي يحلقون للحريم هذول شلون يعطونهم اقامات مادري مايجيكون على شاصيهم

والحريم الي يرضون على اعمارهم ويدخلون على رجال في الفنادق لصالون الفندق فما اقول الى الله يهديهم وان عذاب ربك لشديد

والحريم الي عافين نفسهم وهم كثره ولله الحمد فما اقول الى الله يثبتهم ويوفقهم بلدنيا والاخره


وين الناس الي تفهم ان عذاب الله شديد
والي يقهر اذا دخل قطري عليها قامت تتغطى بهالصالون او بمحل على اساس ان الي قاعده معه محرم لها ؟؟!!
للعلم جاني بالموافقه على فتح صالون بفندق بس لما دريت انه خلط تركت المحل بالي فيه الله يغنيني عنهم






اشفيك لبيه ..

هذا يسمى عند هالاشكال الي تتسابق عليهم تحضر وانفتاح ..

يعني وجات على هالصالونات النسائية ..

مش بعض الحريم يروحون لمصممي ازياء رجال ويخلونهم يقايسون الفساتين قدامه ويشيك عليه وسيع ضيق ..

ترى من زمان هالصوالين وسامعين عنهم واماكنهم معروفه ..

الله يستر على من تريد الستر
والله يهدي من غرتها الدنيا ..


لا ويقولون لك انت متخلف شفيك عادي اصلن الرجال يسون الشعر احلى من الحريم
بس لو قطري ((محشومين ياهلي وناسي)) الي يسوي الشعر والمكياج والله يكش ذبان

[طبيب قطري]

ليش الصالون ابي افهم ؟ مايصير تسوون الشغلات اللي تبونها بالبيت؟

[ضوى]

ليش الصالون ابي افهم ؟ مايصير تسوون الشغلات اللي تبونها بالبيت؟

يصير بس مب مثل حرفنة الصالون ، في امور الصالون اقدر على ضبطها

[مختلف جداََ]

يصير بس مب مثل حرفنة الصالون ، في امور الصالون اقدر على ضبطها

دقي على الكوافيرة تجيج البيت :)

[بعيد النظر]

قالولي هلي والله بس ما صدقت !!!!!!!!!!!!!!!
الله يهديهم ويصلحهم ويتجاوز عنهم

[ضوى]

دقي على الكوافيرة تجيج البيت :)

ليش ؟ الصالونات لا حرام ولا هي عيب ولا انا رايحة مكان فيه شبهه ، رايحة يقدمون لي خدمه وارد بيتي ، وليش ادفع زيادة ؟ وادخل ناس غريبة بيتي تطيح عينها على شي في بيتي والا شي ثاني ؟

[أم محمد 90]

محد ضرب حد على يده وقال لها روحي هالصالون خل نكون منطقيين طيب ؟؟؟

انتي لو رحتي امريكا او لندن او اي بلاد اجنبية تبين صالون نسائي بحكم ان دينج المكان اللي طلعتي منه الصالونات فيه نسائية او دكتورة بدل دكتور تبين شي اكيد من العرف والدين يكون هناك !


هالصالونات مثل ماقلتي افتحوها فالفنادق والمستفيد الاجانب !


القطرية تروح هناك ليش؟؟!


مثل اللي يدش البارات ويشرب ويجي يقول سكروا البارات والخمر ..


منطقياً شي مفتوح مادام ادري انه حرام + غلط + عيب

ما اروح له وخلاص .. بعد فكري البلاد فيها سياحة بكرة لو امتلت صالوناتنا النسائية من هالاجانب تستضيقون وتتشكون !!

عتبي الوحيد : ياليت هالصالونات والمحلات مايكون فيها المتشبهين بالنساء استنفر منهم وايد وايد

[ضوى]

وليش اصلا يفتحون مكان مختلط للجنسين في بلد اسلامي ، اكبر خطا التصريح اللي انعطى لهم ، وفي ذمه المسؤولين المسلمين اللي صرحوا بشي حرام مثله مثل الخمور والبنوك الربوية كلها في ذمه اللي وافق ان كان مسؤول والا ولي امر

[sweet qatar]

أتمني منع القطريات من دخول الصالونات هذي مثل منع البارات

التصرف حتي لو شخصي وهي شايلة ذنبها

لكن ما نبيه ينتشر وبعد ما كنا ننكره يصير عادي

[Dana’1]

أتمني منع القطريات من دخول الصالونات هذي مثل منع البارات

التصرف حتي لو شخصي وهي شايلة ذنبها

لكن ما نبيه ينتشر وبعد ما كنا ننكره يصير عادي

نتمنى
لكن
هم مايمنعون القطريات هم يمنعون الزي القطري العبايه والشيله للمرأه والثوب والغتره للرجل

عقب يقلطون عادي!

[sweet qatar]

نتمنى
لكن
هم مايمنعون القطريات هم يمنعون الزي القطري العبايه والشيله للمرأه والثوب والغتره للرجل

عقب يقلطون عادي!

افا !!

والحل ؟؟

[بريق الحق]

افا !!

والحل ؟؟

البار معروف شلون يدخلون لازم البطاقه الشخصيه اتوقع يقدرون يوفقونهم انا الصالون !!!!

[sweet qatar]

البار معروف شلون يدخلون لازم البطاقه الشخصيه اتوقع يقدرون يوفقونهم انا الصالون !!!!

ما كنت أعرف شلون بس الي أعرفه انه ممنوع


لازم حد يفكر بحل يمنع القطريات من ممارسة هذا الفعل

ولا يمكن الاتكال علي الرغبة الفردية أو حتي علي ولي أمرها

[المخفي]

الغلط من المراة الي تتكشف على الرجال

الله يهديهم

[qatari911]

ما كنت أعرف شلون بس الي أعرفه انه ممنوع


لازم حد يفكر بحل يمنع القطريات من ممارسة هذا الفعل

ولا يمكن الاتكال علي الرغبة الفردية أو حتي علي ولي أمرها

القطريين رجال ونساء ممنوعين من البار
والي بيدخل يدخل بالبخشيش والواسطه (هذا كلام واحد من المحيطين فيني الله يهديه )

[مرتبش]

موضوع مهم
الصراحة ما اعرف سبب السماح لمثل هذه الصالونات بالعمل لكني اخمن هنا فقط اننا نعتقد ان الفنادق للاجانب ولذلك الفندق يسوي اللي يسويه مافي مشكلة.

هذا التخمين بسبب مواضيع اثيرت من قبل حتى في المنتدى وقرأت فيها ان البعض لايمانع في احتفالات الكرسمس في الفنادق لانها "لهم" الاجانب. وهذا الاعتقاد قد يكون منتشر في الادارات المسؤولة عن ترخيص وتشغيل الفنادق.

[Dana’1]

افا !!

والحل ؟؟

إي والله أفا..والشكوى لله
الحل بيد الدوله منع هالأمور من أساسها
والشي الثاني الدعاء ومناصحة وتوعيه البنات والشباب وكلن عقله براسه

[Tomford_qtr]

ليش دائما تَحُطُّون اللوم على الحكومة .. اللوم الاول و الأخير على البنت و اَهلها اللي راحت برضاها لمثل هذه الأماكن

[بصمة قطرية]

في ذمة ولاة الأمر ..
قلة حيا من اللي تروح هالصالونات ..


فترة العيد كنت حاجزة لعيالي في فندق عشان البحر و البركة ..
كان في صالون في الفندق قلت بمر بشوف شلون نظامه
شكله مافي موظفين رجال ..
دخلت الصالون ثنتين من جنسية عربية و كانوا مشغولين
قالت لي إنتظري مدام دقايق وبخلص
كنت أبي أستفسر بس ..
دقيقتين أنفتح الباب و درعم لبناني
قمت طلعت على طول ..
قلت يمكن هالصالون نسائي بس
طلع نفس باقي صالونات الفنادق ..!!!
والله حرام اللي قاعد يصير
أستغرب من البنات وايد صاروا يروحون هالصالونات
بحجة الرجال شغلة أحسن
أنزين و الحلال و الحرام ..!!!!
الله لا تحاسبنا بما فعل السفهاء منا ..

[بانغ بانغ]

شيء يضحك

في الصالونات الحريمية يحطون عند الباب يمنع دخول الرجال ..

وهالصالونات بداخلها الرجال ويا هلا ومرحبا بالنساء



ذكرتني بالدورات

للنساء فقط ويعطون الدورات رجال

ودي اشوف شي للرجال فقط .... حتى البنشري ما يحط

[durra]

اصحاب هالصالونات قطريات ومن بنات البلد..
يعني نضحك على نفسنا.. هم عندهم سلطة المال
وفي صالون فتح قبل خمس سنوات في الدوحة بعد ما كان البنات يطيرون خصيصا للبنان عشان الصبغ والقص على يد زكريا واخوه

[بـن عدوان]

اللوم ع اهلها وابوها واخوانها اللي مايدرون وين البنت تروح

[معماري قطري]

صدقتي والله الكثيرات من اللي يروحون لهالصالونات عقلهم مضروب وبعضهم ما يعتبرون الأجنبي رجال

وأول مره اعرف هالشيء وشكلنا بنشوف ( تطور ) للخلف قصدي في النواحي اللاأخلاقية قريب وبنشوف بعض المطاعم تتحول لبارات شوي شوي مثل فرايديز وغيره

[نوفا91]

البنات استخفوا وماعاد في حيا :)

[Al-Kuwari]

في ذمة ولاة الأمر ..
قلة حيا من اللي تروح هالصالونات ..


فترة العيد كنت حاجزة لعيالي في فندق عشان البحر و البركة ..
كان في صالون في الفندق قلت بمر بشوف شلون نظامه
شكله مافي موظفين رجال ..
دخلت الصالون ثنتين من جنسية عربية و كانوا مشغولين
قالت لي إنتظري مدام دقايق وبخلص
كنت أبي أستفسر بس ..
دقيقتين أنفتح الباب و درعم لبناني
قمت طلعت على طول ..
قلت يمكن هالصالون نسائي بس
طلع نفس باقي صالونات الفنادق ..!!!
والله حرام اللي قاعد يصير
أستغرب من البنات وايد صاروا يروحون هالصالونات
بحجة الرجال شغلة أحسن
أنزين و الحلال و الحرام ..!!!!
الله لا تحاسبنا بما فعل السفهاء منا ..

عذر اقبح من ذنب

الله يستر علينا ولا يبلانا :weeping:

[بشائر]

وعليكم السلام ورحمة الله وبركاته ..

بارك الله فيج عزيزتي على غيرتج .. وكثر الله من أمثالج ..




من هذا الموضوع أرجو من المسؤولين المحافظة على حشمة المرأة القطرية ..

والابقاء على مكانتها المحفوظة في المجتمع كما عهدناها

والضرب بيد من حديد على العابثين بها ...



مساكين هالمسؤولين بيحافظون على إيش والا إيش ؟!
طيب إذا كانت هي نفسها ( اللي تروح هالصالونات ) راضية بإهانة نفسها
وسامحة للعابثين بالعبث !

المسألة مرتبطة بالإيمان .. كنا في منتجع وبغينا نروح للصالون اللي فيه ولما شفنا رجال داخله على طول
طلعنا .. لحقتنا عاملة فيه من جنسية عربية وتمدح لنا شغل الماكيير وقصاته المميزة
وانه معروف وعنده كثير من الزباين حريم .. ضحكنا عليها واحنا ماشيين .. اللهم عافنا .

[راجي الْعفو]

(((( نتأمل قرار من الدوله بالمنع )))))

بخصوص الرجال اللي يرضى : فوصفه معلوم

اما النساء ، فأبي اسال سؤال :

الدين الاسلامي اللي انتي تنتسبين له
هذا حق الناس ولا حق ربج ؟!

اذا كان للناس فينطبق عليج وصف ( منافقه ) مثل نفاق عبدالله بن أبَيّ بن سلول
واذا كان لربج ، فوين مراعاة هالشي من عالفعل المشين اللي ترفضه حتى الفطر السليمة ؟!!

وسؤال اخر مهم :

ليش الرجال القطري صار يستحي من المراه
بينما نجد فئة من القطريات قد انعدم حياءهم في تعاملهم مع الرجال؟!!
وأتوقع انه واقع لا يُنكر !!

الله يهدينا و ياهم ..


وجزاج الله خير ع غيرتج الدينية و الموضوع المهم ..

[بانغ بانغ]

من يومين اسمع شباب ايقولون انهم كل فترة وفترة ايروحون حق مادري شسمها مناكير بدكير زفتير خرابيطير

معقوولة ايسوون هالاشياء ربعنا في اماكن عامة


استغربت ... انا الحلاق وبالدز اروح

[طلعة الروح]

من يومين اسمع شباب ايقولون انهم كل فترة وفترة ايروحون حق مادري شسمها مناكير بدكير زفتير خرابيطير

معقوولة ايسوون هالاشياء ربعنا في اماكن عامة


استغربت ... انا الحلاق وبالدز اروح

نعم يهتمون ويحافظون على جمالهم الزايد هالأيام

[بن لادن]

اللوم بكامله على الحكومة ، كيف سمحت لرجل بالعمل في صالونات نسائية وكيف سمحت للمراة بالعمل في صالونات رجالية ، وكيف اصلا طلع ترخيص صالون للجنسين ، الخلل من حكومتنا يجب التصدي لهالامور عن طريقهم هي اللي تسن القوانين وهي اللي تطبق دستورنا كجهة تنفيذية واللي اعرفه لازم يكون فيه تفتيش عالصالونات لرصد المخالفات وتجاوزها

تفتيش على صالونات مرخصة ؟ واللي يشتغلون فيهم مرخص لهم العمل في صالون ؟

التفتيشات موجودة ولكن لاقانون يمنع الرجل في صالون نسائي :)

[بن لادن]

أتمني منع القطريات من دخول الصالونات هذي مثل منع البارات

التصرف حتي لو شخصي وهي شايلة ذنبها

لكن ما نبيه ينتشر وبعد ما كنا ننكره يصير عادي

مازالوا يدخلون البارات والخمور تقدم في بعض المطاعم ..

[بن لادن]

ليش دائما تَحُطُّون اللوم على الحكومة .. اللوم الاول و الأخير على البنت و اَهلها اللي راحت برضاها لمثل هذه الأماكن

لو رحنا وتصرفنا مع الصالون ، شاللي ممكن يصير لو جات الشرطة ؟ من الغلطان ؟ هل المواطن يقدر يمنع المنكر المسموح فيه ؟

مرت علي حالات ناس انسجنوا لما حاولوا يمنعون بناتهم من الطلعة مع ربعهم ولا لانهم يتصرفون معاهم لما يتاخرون فالليل :)

[غير البشر]

كم مره اكتب رد وامسح

خلاص مايبغي ينزل

فمان الله

الله يهديهم ويهدينا معاهم

[ضوى]

لو رحنا وتصرفنا مع الصالون ، شاللي ممكن يصير لو جات الشرطة ؟ من الغلطان ؟ هل المواطن يقدر يمنع المنكر المسموح فيه ؟

مرت علي حالات ناس انسجنوا لما حاولوا يمنعون بناتهم من الطلعة مع ربعهم ولا لانهم يتصرفون معاهم لما يتاخرون فالليل :)

هااااا!!!

يارب تعافينا ولا تبلينا

[بعيد النظر]

لو رحنا وتصرفنا مع الصالون ، شاللي ممكن يصير لو جات الشرطة ؟ من الغلطان ؟ هل المواطن يقدر يمنع المنكر المسموح فيه ؟

مرت علي حالات ناس انسجنوا لما حاولوا يمنعون بناتهم من الطلعة مع ربعهم ولا لانهم يتصرفون معاهم لما يتاخرون فالليل :)

صحيييح 100% للاسف !

[بصمة قطرية]

لو رحنا وتصرفنا مع الصالون ، شاللي ممكن يصير لو جات الشرطة ؟ من الغلطان ؟ هل المواطن يقدر يمنع المنكر المسموح فيه ؟

مرت علي حالات ناس انسجنوا لما حاولوا يمنعون بناتهم من الطلعة مع ربعهم ولا لانهم يتصرفون معاهم لما يتاخرون فالليل :)
ياربي لا تبلانا ..
اللهم عافنا مما ابتليتهم ..

[مهرة]

الجودي تسلمين عالطرح وعلى حرصج على سمعة بناتنا ودرء المفاسد .,

ولو انا مو مهرة كان اول رد بتشوفينه هو (وليش) رايحة هالاماكن الي فيها منكر؟؟ وكيف شفتي ودققتي ووصفتي هالمبالغات كلها.!!

انا قطعت علاقتي بوحدة من الزميلات (مستحيل) صارت ولا بتصير صديقتي بسبب انه اخوها عضيدها الي يوديها ويجيبها من هالصوالين وباعتراف منها وياحبذا لو كانت برع الديرة الحرفنة على اصولها ومكان مايجونه الا مشاهير العالم.!



ليش ؟ الصالونات لا حرام ولا هي عيب ولا انا رايحة مكان فيه شبهه ، رايحة يقدمون لي خدمه وارد بيتي ، وليش ادفع زيادة ؟ وادخل ناس غريبة بيتي تطيح عينها على شي في بيتي والا شي ثاني ؟


اما ردج ياضوى ماعليه غبار بنروح الصالون مرة مرتين في الشهر واذا فيه مناسبة بعد ,, مش كل ليلة خميس اودي ورعاني ودلالي ونكشت في وسط الصالون (نتحنى) ونقعد 4 ساعات واكثر وتزعل (ام الزين) على رجلها اذا قال لها ماعاد فيه روحه!!

[مهرة]

ليش دائما تَحُطُّون اللوم على الحكومة .. اللوم الاول و الأخير على البنت و اَهلها اللي راحت برضاها لمثل هذه الأماكن



اخوي في الله اكيد الغلط من الأهل وخاصة لا طلعت البنت مع الدريول طول اليوم هياته مادروا عنها وبعد مايصير نحط اللوم كله على الأهل هالجيل بالذات عنده ألف ومليون عذر ومخرج عشان طلعاتهم في البداية نشوفها عاديه وبريئة بتروح الجمعية تجيب (باشن فروت) تسوي سموذي وحليلها وهي في الواقع رايحة مع صديقاتها الخلوقات مثلاً هالصالون العالمي.!!! وبتاخذ بالضبط نفس الوقت وتحسب الروحة والردة والزحمة والأشارات وتصور سناب للماما انها في المكان السليم وبالتوقيت السليم.!

لذا وجب على حكومتنا الرشيدة سن وضبط بعض القوانين بردع مثل هالتصرفات الهوائية واللاهوائية.:rolleyes2:

[نظرة شجاع]

اسمحو لي على الكلمة ولكن لابد منها للتوضيح
العاهرة تسمح لنفسها للاماكن هذه وحتى لو قفلوها بتشوف اكثر من طريقة للاحتكاك في الرجال
والشريفة لاترضى
وانتهينا

[حرف]

خلكم من سمعنا
وخلكم من فلان قال
شي ماشفتوه بعيونكم لاتكلمون عنه
شي شفتوه بعيونكم انصحوا مباشرة
لاتفتحون عيون الناس عن شي مايدرون عنه

[بوخالد911]

أعوذ بالله !!!

[الجـــوديّ]

السلام عليكم ورحمة الله وبركاته ،،

شكراً لكل من شارك وعلق على الموضوع ...


للأسف مثل ما قال بن لادن .. اللي يشوق مايقدر يسوي شي لأن مافيه شي قانوني يقول ان هالمكان غلط ..
وهالشي يرجعنا لدوامة لوم الحكومة على سماحها بوجود مثل هذي الأماكن... هذي الاماكن وكر لفساد أكبر والله يستر على المسلمين.


وبعد ..
أنا سبب طرحي الرئيسي .. الخوف على أنفسنا من الفتنة بالانفتاح اللي تبثه القنوات التلفزيونية ..
بدايتها بستار أكاديمي .. ومرورا بجويل والنيولوك .. اللي يسوونه الصالونات في ذيك البلاد يخلي بعض الحريم في خاطرها اتجرب
وهالشي مع التكرار ... يميع الاحساس بالعيب والحرام والحياء .. ويهدم القيم الدينية والاجتماعية في النفس ..
فتتجرأ اللي تبي على ربها ودينها .. وينعدم الحياء في نفسها. .. وبعد بنقول كيفها والله يهديها ويصلحها ...
لكن الخوف من انتشار هالامور ومعظم النار من مستصغر الشرر ..

في الحقيقة أنا ما افتح عين الحريم قد ما ألفت الانتباه وكلي أمل ورجاء أن يكون لولي الأمر للرجال والأمهات دور أكبر على شوفاتهم ..
يمكن تكون بنت صغيرة يغرر بها ..
يمكن تكون جاهلة .. وعلى نيتها .. ويسحبونها شلة الأنس ويأثرون عليها .. والدعوه سهالات
يمكن هي فيها سو وشيطان ومتأثرة باللي شافته بالتلفزيون .. وتحتاج من ينصحها ويوعيها

.... ويمكن .. تكون مراة كبيرة فوق الخمسين .. فيها جفاف عاطفي .. أو تحس بضياع ..
.. فتروح لجورج وربعه يسحرونها بكلمتين .. ويكونون واياها مثل ماهي تبي ..
ومن زمان ينخاف من المراة ذات المال والسلطان !


المراد ...

نرجو من المسؤولين عدم السماح والترخيص لهذي الأوكار لخطورتها .. وازدياد مرتاديها يوم عن يوم
وإن الله يزع بالسلطان ما لا يزع بالقرآن
فصلاح المجتمع والأسرة وأمنهما من صلاح المرأة .. والعكس صحيح.

الله يستر علينا وعلى نساء المسلمين ويثبتنا على دينه
ونعوذ بالله من الفتن ما ظهر منها وما بطن

وجزاكم الله خير.

[غير البشر]

اختي الجوده يعطيج العافيه

انتي كاتبه قله الحيا وبعض الاعضاء بعد بس الي اعرفها هذا مب قله حيا

قله الحيا الي مثلا ترفع صوتها بوجود رجال او ترادد رجال او او مطلعه جزء من شعرها او تشييش في اماكن عامه

لكن هذا الوضع مختلف ( ....... )

[الجـــوديّ]

الله يجيرنا واياك أخوي غير البشر .. هذول الحياء ميت عندهم .. ولأنه شعبة من الايمان
فما تشوف في وجيهم لا سماحة ولا نور
الحمدلله الذي عافنا


فمن جذيه اقول الله يهديهم ويصلحهم ويردهم إليه رداً جميلاً

[غير البشر]

اللهم امييييييين

الله يهديهم ويهدينا معاهم

بس انتي ظلمتي قليله الحيا

هذول فاصخين الحيا

[الجـــوديّ]

^
"الحيــــاء"

بدت هالكلمة تذوب في قاموس الكثيرين .. الله يكفينا الشر

مادري والله .. احنا مقصرين وايد والا الدنيا ماخذتنا .. والا الدنيا تغيرت ولازم نجاريها
والا يبي لنا دعوة وتوعية أكثر من وزارة الاوقاف والمطاوعة
كل يوم شي جديد
كل يوم فنتك جديد
صحيح هذا حال الدنيا .. في تحرك دائم
لكن ... تعبنااا من هالمحدثات والفتن

الحال ما يسر ... ولاحول ولا قوة إلا بالله

[رفيع الهامه]

السلام عليكم ورحمة الله وبركاته ،،



موضوعي اليوم يا جماعة الخير .. أطرحه وأبي فيه رايكم وخاااااصة أخوانا الرجال وأولياء الأمور بشكل عام .


من استوينا واحنا نسمع ان الفنادق الكبيرة فيها صالونات نسائية .. حق نزلاء الفندق ..

وعادة يكون المستفيدين منها هم النزلاء الاجانب ..

وعاد اللي يطلع لهم من العاملين في الصالون سواء من رجال أو نساء لأن هم في بلادهم بهالوضع...ويكون فيه قسم للمحجبات صاد ومستور.




اللي عندنا شي جديد .. واللي قاعد يستوي فيه منكر من المناكر ... وسبب طرحي لهذا الموضوع هو إنكار للمنكر وعدم الرضا فيه...


أصبح في الفنادق الآن صالونات نسائية لكن العاملين في الصالون رجال !

والمستفيدات من خدمة هذول الرجال .. النساء على اختلاف جنسياتهم وبخاصة القطريات

أنا سمعت من قبل ... قلت يمكن وحدة والا ثنتين ... العدد قليل كيفهم .. الله يهديهم

لكن اكتشفت ان هالصالونات ناسها وايد وزحمة عليها من زمان .. والعدد في تزايد لأن هذول الزباين يشوفون

" الكوافير الرجال يسوي التسريحة للمراة أحلى من الكوافير المراة .. ويعرف يبرز جمالها وجمال شعرها "




من المشاهد .. المراة القطرية قاعدة بكامل ارادتها .. واثنين على راسها يدهم فيه يضبطون لها التسريحة !

مشهد آخر.. أن الرجال هو يغسل شعر المراة وهي في حالة استرخاء كامل على كرسي الغسيل ..

ويده في راسها .. والكلام همس .. والملابس شبه عارية والوضع مخزي!!

وكلكم تعرفون جماعة جورج وأعوانه .. وتكرم عيونك شيخة ..

يحطونهم خصيصاً في المحلات النسائية علشان يدللون الصبايا والعجايز المتصابيات يخزي العين عليون ..

ويحطون لهم الشزلونغ للزبونيه الكطرية علشان تكون في كامل راحتها .. وتدفع لهم من غير حساب !!!



كان فيه صالون لكوافير مشهور .. سكروه لأن استوت فيه المناكر وما استمر .. الحمدلله

واللي قاعد يصير في هالصلونات.. مستنقعات فساد ونشر رذيلة .....

واستغرب اذا كانت هذي الصالونات مرخصة ومسموح بها في البلاد

ما أدري ليش ما أمنعوها مثل ما مانعوا دخول القطريات لصالات الديسكو ؟!



من هذا الموضوع أرجو من المسؤولين المحافظة على حشمة المرأة القطرية ..

والابقاء على مكانتها المحفوظة في المجتمع كما عهدناها

والضرب بيد من حديد على العابثين بها ...

كانت ولازالت قطر وأهلها ممن يتمسكون بدين الله .. والشرفاء يرفضون وجود هذي الأماكن المنكره ..

كما أرجو أن ينكرها الرجال على نسائهم .. فإن ضلت هي وتهاونت وخذتها الدنيا ومفاتنها ... فلعل الله يهديها على يده .

...


لا نقول إن المرأة القطرية ملاك .. لاتخطئ .. ولكن كانت ممن يتمسك بدين الله وبحجابها وعبايتها .. وغيرتها كبيرة على نفسها وعلى حرمات الله

وعزز ذلك العادات والتقاليد اللي أيضاً تنكر هذه المنكرات من منطلق ديني بحت وتدخل في العيب المحظور.



الله يهديهم ويصلح أحوال البلاد والعباد.






و القطريه ليش ماتحشم نفسها وتترك عنها المنكر



ياخي الانسان اذا ما ضبط نفسه صعب ان الحكومه تسيطر عليه

[ضوى]

عيل يالجودي لو تشوفين الفيديو اللي شفته لواحدة قطرية عالفيس بوك تروج للصالون اللي سوالها النيولوك ، طرشت لها تعليق مهذب بانه مايجوز تروج لشي مثل هذا لانه منكر ،طرشوا لي الفيس بوك انه لغينا تعليقج لانه ازعج فلانة

[الحياة الخالدة]

عيل يالجودي لو تشوفين الفيديو اللي شفته لواحدة قطرية عالفيس بوك تروج للصالون اللي سوالها النيولوك ، طرشت لها تعليق مهذب بانه مايجوز تروج لشي مثل هذا لانه منكر ،طرشوا لي الفيس بوك انه لغينا تعليقج لانه ازعج فلانة

شر البلية ما يضحك
الله يهديج يا ضوى ليش ازعجتي فلانة
مسكينة الحين نفسيتها زفت كله بسبتج
احمدي ربج ألغوا تعليقج ما رفعوا عليج دعوى ضرر نفسي و طلبوا تعويض مادي

[الجـــوديّ]

و القطريه ليش ماتحشم نفسها وتترك عنها المنكر



ياخي الانسان اذا ما ضبط نفسه صعب ان الحكومه تسيطر عليه


لأنها .. مب ملاك .. ولاهي معصومة من الخطأ ولا حتى احنا .. الله يثبتنا

قلت قبل ان الله ليزع بالسلطان ما لا يزع بالقرآن ..
ومن جذيه الرسول عليه الصلاة والسلام .. قال: كلكم راعي وكلكم مسؤول عن رعيته .



عيل يالجودي لو تشوفين الفيديو اللي شفته لواحدة قطرية عالفيس بوك تروج للصالون اللي سوالها النيولوك ، طرشت لها تعليق مهذب بانه مايجوز تروج لشي مثل هذا لانه منكر ،طرشوا لي الفيس بوك انه لغينا تعليقج لانه ازعج فلانة


لا حول ولا قوة إلا بالله ..

احنا نتكلم هني والناس تقول لا تبطلون عيونا على شي غافلين منه ..
وهذي تفاحر وتجاهر باللي سوته ... وتسوي دعاية ..في الفيسبوك
عيل الحريم وراها بيسوون ..
الا اللي خايفة ربها وتنكر المنكر.. وولا راح يقبلون بالنصيحة ..
اقلها ... ماتبين تشوفين انفلو .. ومالج خص فيني !!

هنيه الخوف في مجتمع الحريم ... كل وحدة تبي تكون احسن من الثانية ..
وكل وحدة تبي تسبق بالفنتك الجديد .. والاطلالة الحصرية .. والكوافير الحصري والماكيير الحصري ...
ويشتغل سباق التهافت على المناكر يا كاف الشر .