>> المبالغه في الاعراس والطلاق السريع <<

[شبح الصمت]

السلام عليكم ورحمة الله وبركاته ،،،


لاهمية الموضوع وللشراكة الزوجيه بين المتزوجين الجدد ..

يرجى كتابه غير عقد الزواج

عقد ترابط اسري لا يقل عن 5 سنوات يمكن تتغير نفسياتهم ويحبون بعض وتستمر الحياه

في حال الاخلال في هذا العقد يغرم الطرف الثاني قيمة 500 ألف ريال قطري ..:rolleyes2:

عيل ناس تصرف نص مليون ومليون وآخرتها تطلب الطلاق في أقل من شهر والرجال يأكلها !!!



اليوم تطرقوا في كيف اصبحت عن المبالغ في الاعراس وكانووا محددين المتصلين هل قطر ..
عاد هل قطر والا مب اهم المتصلين اهم شيء انه الاتصالات كانت كلها نقد على الي يحصل ..


عيل بطاقة عرس بطاقة وحده بـ 1500 ريال واخرتها يحذفونها في الزبالة تكرمون لو انقول الغلاف من ذهب ويمكن بعد الواحد يفكر يخليها ذكرى
كوشه قريب الـ 500 ألف
فستان عرس من 50 الف وطالع
قاعة اعراس بـ 100 الف
مغنين من 100 الف وطالع ..
طبعاً كل هالامور على جمب وحسابهم عند رب العالمين ..

لكن انهم ما يكملون شهر واخرتها مطلقها لاسباب تآفهه !!


نتمنى نشوف حلول ونتمنى العالم تقلل من هالمصاريف الي تنصرف
ترى مهب عيب والا غلط اني اقلل من العرس واسويه بطريقة جميلة وغير مكلفه ..

وآلا اطالعين فلانه وعلانه سوت وسوت ..

اعرف رجال تزوج وما سوى عرس حق مرته وعطها المهر وفلوس القاعه حسب طلبها في يدها آخرتها طلقها ما كمل سنه !!
الاسباب عدم التوافق اهي خبرة من قبل وهو توه على ويه وكلها ولين اليوم يسدد قريب الـ 300 الف غير الي في يدها ..


انتم اش رايكم !!!

وين الخلل يا عالم ودي اعرف الخطأ من شبابنا والا من البنات

[عـ العبيدلي]

^^

من الأهل ..

الكل يتكلم ويرفض .. ولي تنخطب بنته يقول لا ابي و ابي ..
يعني يبي ولده يتزوج باقل الأسعار ولي تنخطب بنته يكسر ظهر الريال
إلا ما رحم ربي ..

والشي الثاني ..
اذا الولد اقنع زوجته مثلا بعرس بسيط .. بيجون امه وخواته بيقولون لا
نبي و نبي ونبي ..

يعني يلقاها من وين وله من وين !!

والشي الثالث ..
يقولون خلاص كل الناس سوو ما ابي اكون اقل منهم ..
مادري من مفهمم انه مكانتك تكون بشكل عرسك :) ..

والشي الأخير ..
لو البنت شووووي تشغل عقلها ..
وبدال ما تقط 500 الف على عرس .. تخليها وتصرفها على وناستها وشهر العسل واغراضها ابرك ..
يعني اشياء بتم لها ..
يعني بالعقل وحده عرسها يكلف 300الف .. وسيارتها قيمتها 100 الف .. ياخي اعكسي
اشتري سياره ب 300 الف وبتم لج .. وادفع ال 100 حق العرس ..
يعني في خطأ في توزيع الأولويات

والله ولي التوفيق ..

[شبح الصمت]

^^

من الأهل ..

الكل يتكلم ويرفض .. ولي تنخطب بنته يقول لا ابي و ابي ..
يعني يبي ولده يتزوج باقل الأسعار ولي تنخطب بنته يكسر ظهر الريال
إلا ما رحم ربي ..

والشي الثاني ..
اذا الولد اقنع زوجته مثلا بعرس بسيط .. بيجون امه وخواته بيقولون لا
نبي و نبي ونبي ..

يعني يلقاها من وين وله من وين !!

والشي الثالث ..
يقولون خلاص كل الناس سوو ما ابي اكون اقل منهم ..
مادري من مفهمم انه مكانتك تكون بشكل عرسك :) ..

والشي الأخير ..
لو البنت شووووي تشغل عقلها ..
وبدال ما تقط 500 الف على عرس .. تخليها وتصرفها على وناستها وشهر العسل واغراضها ابرك ..
يعني اشياء بتم لها ..
يعني بالعقل وحده عرسها يكلف 300الف .. وسيارتها قيمتها 100 الف .. ياخي اعكسي
اشتري سياره ب 300 الف وبتم لج .. وادفع ال 100 حق العرس ..
يعني في خطأ في توزيع الأولويات

والله ولي التوفيق ..



هذه اهي اخوي المضحك المبكي في الموضوع ..

انهم يقولون هذه ليلة العمر
الله على هالليلة الي ينتظرونها

واخرتها سنه ما كملوا وين راحت ليلة العمر والتعب والصرف
راحت على ورقة مكتوب فيها

طلاق
استغفر الله العظيم
بس ان خذت الفلوس العالم بتاكل وجيهم ليش ما سوو عرس وليش وليش ومن هالامور ..
اشكره في شيء يعني كلام الناس ما يخلص
ما قلنا ما يسوون يسوون لكن كل ما قل ربك بارك لهم في الزواج

[جبر ال جبر]

كلامك صحيح جدا وصارت منافسه شديده ومهايط قوي والمشكله اكثر هالامور تطلع من ناس مع الاسف محدوودي الدخل يضرب سلفيه قويه متوهم انه هالشي ضروري وبيتفشل اذا ماسواه وخصوصا بطاقات العرس( الحريم ) توصل 1000 و1500 عسى ماشر شهالمسخره البطاقات بس اوقات تكلف نص مليون بس بطاقه دعوى
عرس الرجال 500 بطاقه ب500 ريال واوقات يوزعها عنك بعد ويوديها الخطاط عنك
المفوشر والمسخره كلها من النسوان والله ولا تعال لعرس الرجال خيمه وذباح وعرضه وتصوير كل هذا ب15 الف هي تكرمون جوتيها هذيك الليله ب15
انا اشوف عروس ناس يملكون ملياارت ومستعد يخلي عرسه حديث العالم شهر كامل الرجال في مجلسه والحريم داخل البيت وبطاقه العرس ورقه مب بخل ولاهو اقتصاد بعكس ماهو هذا العرس الصح بسيط وانيق وفرحه وبس
اما البلاوي كلها ماطلعت الا من محديثي النعمه مع الاسف والي يبي يعرس يخلي مقاليد الامور عنده هو مايخلي النسوان يلعبون به لانه هو الي بيدفع ف الاخير

[لـبـيـه]

المطربين والمبالغه في الكوشه والصاله

معصية لله من نعم الله

[A-Alansari]

هذه اهي اخوي المضحك المبكي في الموضوع ..

انهم يقولون هذه ليلة العمر
الله على هالليلة الي ينتظرونها

واخرتها سنه ما كملوا وين راحت ليلة العمر والتعب والصرف
راحت على ورقة مكتوب فيها

طلاق
استغفر الله العظيم
بس ان خذت الفلوس العالم بتاكل وجيهم ليش ما سوو عرس وليش وليش ومن هالامور ..
اشكره في شيء يعني كلام الناس ما يخلص
ما قلنا ما يسوون يسوون لكن كل ما قل ربك بارك لهم في الزواج

الي بيحاتي كلام الناس مابيقدر يعيش غير في الديون والمشاكل

بس سالفه العرس صارت مرض لازم كل وحده عرسها احسن من الي قبلها

والتجار مستغلين هالشي ويرفعون في الاسعار على كيفهم لانه يدرون في ناس بتدفع مهما كان السعر

+ الضغط الي يصير على الاثنين سواء المعرس او العروس من اهلهم نبي كذا ونبي كذا وعادي تلقى المعرس والعروس مايبون حتى عرس لكن اهلهم ينشبون ويخلونهم يسون عرس بالغصب

[qatarman8008]

مشروع الزواج صار تنافس في المظاهر والكشخة والموضة..
صار الاهم فيه هو كم التكلفة وليس كيف الطريقة..
صار بعيد كل البعد عن جوهر موضوع الزواج..
صار الكل يعتقد انه كلما كانت التكلفة اكثر كان الزواج انجح.. ونسوا جوهر الموضوع الاساسي..
لاشك ان مشروع زواج مثل هذا سينتهي بالفشل..

[qatari911]

هذه اهي اخوي المضحك المبكي في الموضوع ..

انهم يقولون هذه ليلة العمر
الله على هالليلة الي ينتظرونها

واخرتها سنه ما كملوا وين راحت ليلة العمر والتعب والصرف
راحت على ورقة مكتوب فيها

طلاق
استغفر الله العظيم
بس ان خذت الفلوس العالم بتاكل وجيهم ليش ما سوو عرس وليش وليش ومن هالامور ..
اشكره في شيء يعني كلام الناس ما يخلص
ما قلنا ما يسوون يسوون لكن كل ما قل ربك بارك لهم في الزواج

يعطيك العافيه
اعاني من هالشي قاعد اقول للوالدة الله يحفظها ابي وحده ماتشتغل لاني انا الي ابي اصرف عليها وعلى بيت
وبعطيها مهرها الي تحددها
بس ما ابي اسوي عرس ابي حفله بسيطة اعزم فيها اهلي وربعي الي قريبين مني فقط وصلى الله وبارك
والفلوس الي بسوي فيها العرس نسافر فيها شهر عسل محترم ونشتري اشياء نكون في حاجتها ونأجر بيت او نبني ملحق الى ان ابني بيتي ونتوسع فيه
بس مافي امل الوالدة تقول ليه ماتسوي عرس والناس والناس ((كلام الناس صار مهم ؟؟!!))

[شبح الصمت]

كلامك صحيح جدا وصارت منافسه شديده ومهايط قوي والمشكله اكثر هالامور تطلع من ناس مع الاسف محدوودي الدخل يضرب سلفيه قويه متوهم انه هالشي ضروري وبيتفشل اذا ماسواه وخصوصا بطاقات العرس( الحريم ) توصل 1000 و1500 عسى ماشر شهالمسخره البطاقات بس اوقات تكلف نص مليون بس بطاقه دعوى
عرس الرجال 500 بطاقه ب500 ريال واوقات يوزعها عنك بعد ويوديها الخطاط عنك
المفوشر والمسخره كلها من النسوان والله ولا تعال لعرس الرجال خيمه وذباح وعرضه وتصوير كل هذا ب15 الف هي تكرمون جوتيها هذيك الليله ب15
انا اشوف عروس ناس يملكون ملياارت ومستعد يخلي عرسه حديث العالم شهر كامل الرجال في مجلسه والحريم داخل البيت وبطاقه العرس ورقه مب بخل ولاهو اقتصاد بعكس ماهو هذا العرس الصح بسيط وانيق وفرحه وبس
اما البلاوي كلها ماطلعت الا من محديثي النعمه مع الاسف والي يبي يعرس يخلي مقاليد الامور عنده هو مايخلي النسوان يلعبون به لانه هو الي بيدفع ف الاخير



ارحم الله والديك يا جبر ..

وهذا الكلام المنطقي بس احنا كرجال بنشل ايادينا من هالامور .
اول كلمة بتقوله هذه سوالف حريم اش عرفك انت !!!

اقوى بريك ههه
بقول في خاطري سوالف حريم خلاص عيل
خلهم ..
بس لو كان لي يد وجلست وخليتهم يشرحون لي الموضوع راح يختلف ..
ونفس ما تفضلت لو نلاحظ الدولة ما قصرت
سوت قاعات الرفاع ويا زينها شيء يفرح الواحد ويقلل من اشياء كثيرة
الخيام الملكية وضعها

والواحد يستانس يوم يشوف فرحة اخوانا وربعنا انه بيتزوج ..
لكن ما نعرف الخبايا شلي اصرفه وشلي سووه
وفي ناس من بداية العرس تحندى دفعت وسويت وسويت وتحسه مسكين متحسر بس شيسوي خلاص ..

لاجل يفرح امه وخواته ويفرح شريكة العمر .

[العنيده]

مبالغه كبيره والله المستعان ..
حتى لو الزواج مانتهى بالفشل والطلاق كفايه الديون اللي بتنحط عليهم والثقل:rolleyes2:
المشكله وايد ناس يحطون بالهم للناس ورايهم .. وانا عندي قناعه حتى لو العرس كان فخم في ناس بتدور شي بسيط تتكلم عليه يعني مايهم راي حد ..
الزواج بداية استقرار اللي يقدر يدفع بالعقل واللي مايقدر يتزوج باللي يقدر عليه بالعقل .. والاهم القناعه :victory:

[شبح الصمت]

المطربين والمبالغه في الكوشه والصاله

معصية لله من نعم الله



الله يغفر لهم ويرحمهم ..
مب لو امبادل هالمبالغ الي تنعطى لهم
والله لو الانسان يفكر فيها مب في ناس احوج

او ما نبي نقول يرسلونها او يخصصونها لمساعدة احد
يخلونها لهم يصرفون منها اهم يسوون لهم شيء ..

اما فلوس اطير في لمحة بصر ..

لا حول ولا قوة الا بالله

[شبح الصمت]

الي بيحاتي كلام الناس مابيقدر يعيش غير في الديون والمشاكل

بس سالفه العرس صارت مرض لازم كل وحده عرسها احسن من الي قبلها

والتجار مستغلين هالشي ويرفعون في الاسعار على كيفهم لانه يدرون في ناس بتدفع مهما كان السعر

+ الضغط الي يصير على الاثنين سواء المعرس او العروس من اهلهم نبي كذا ونبي كذا وعادي تلقى المعرس والعروس مايبون حتى عرس لكن اهلهم ينشبون ويخلونهم يسون عرس بالغصب


كلام الناس داير ياخوي ..
وفي ناس تحاسب عليه واكثرهم الحريم لانه اسهل شيء يتنقل بينهم وفلانه قالت لفلانه وفلانه وصلت لعلانه وجرررر

وفي نقطة قلتها
ياخي ما اتوقع بنت ما تبي عرس آلا من رحم ربي ..

المبالغه شيء عجيب ياخي .
وترى اوقات المعاريس الابو يدفع مب الولد تحصل الابو بخير ..

اخبر مره كنت جالس مع شيبه الله يرحمه الا يقول ولدي كلفني عرسه مليون !!!

امه تبي تستانس فيه .
الله يرحمه ويغفر له الشيبه من خيرة الشيبان ..
لكن قوة وسلطة زوجته كانت اقوى من امور لا يمكن يتجاوزها .

[شبح الصمت]

مشروع الزواج صار تنافس في المظاهر والكشخة والموضة..
صار الاهم فيه هو كم التكلفة وليس كيف الطريقة..
صار بعيد كل البعد عن جوهر موضوع الزواج..
صار الكل يعتقد انه كلما كانت التكلفة اكثر كان الزواج انجح.. ونسوا جوهر الموضوع الاساسي..
لاشك ان مشروع زواج مثل هذا سينتهي بالفشل..



ان شاء الله انه يستمر والا يفشل ..
لكن ويجب وضع حلول له او التزامات تجبر الواحد على الاستمرارية فيه ..
وتكون لمصلحة الطرفين

[فريج النجادة]

الله يذكر الدكتور عبدالعزيز الانصاري بالخير

كان يقول لو كان فية رجال يوقفون الحريم عند حدهم

ما وصلنا الى هذا الحال

[شبح الصمت]

يعطيك العافيه
اعاني من هالشي قاعد اقول للوالدة الله يحفظها ابي وحده ماتشتغل لاني انا الي ابي اصرف عليها وعلى بيت
وبعطيها مهرها الي تحددها
بس ما ابي اسوي عرس ابي حفله بسيطة اعزم فيها اهلي وربعي الي قريبين مني فقط وصلى الله وبارك
والفلوس الي بسوي فيها العرس نسافر فيها شهر عسل محترم ونشتري اشياء نكون في حاجتها ونأجر بيت او نبني ملحق الى ان ابني بيتي ونتوسع فيه
بس مافي امل الوالدة تقول ليه ماتسوي عرس والناس والناس ((كلام الناس صار مهم ؟؟!!))



جعل عمرها طويل الغالية ..
كلام الناس
كلام الناس

خل اتفاقك مع شريكة حياتك والوالده مع الايام بتقبل اشرح لها وقول لها يمه ما تبين تشوفيني متضغض والا اتطلب من حد ..
خليني حر
وصدقني راح تقتنع

والله يوفقك ويزرقك ببنت الحلال الطيبه يالغالي تستاهل في ذمتي

[ضوى]

هل ممكن تحديد قيمة المهر من قبل الدولة ؟؟وتحديد النفقات على هذا الزواج ؟

الله يعافينا بس صج صار الزبو مبالغ فيه بزيااادة

[شبح الصمت]

مبالغه كبيره والله المستعان ..
حتى لو الزواج مانتهى بالفشل والطلاق كفايه الديون اللي بتنحط عليهم والثقل:rolleyes2:
المشكله وايد ناس يحطون بالهم للناس ورايهم .. وانا عندي قناعه حتى لو العرس كان فخم في ناس بتدور شي بسيط تتكلم عليه يعني مايهم راي حد ..
الزواج بداية استقرار اللي يقدر يدفع بالعقل واللي مايقدر يتزوج باللي يقدر عليه بالعقل .. والاهم القناعه :victory:



كلنا نتفق انه هالناس ورآي الناس مهم في الشراكة الزوجية الجديدة .
وبعدين هالناس
ما نحصل منهم الا النقد او المدح واغلبهم مهب عاجبهم شيء
الا فلان ماخذ فلانه وما يستاهلها الا العكس
الا العرس مب شيء
الا والا

وانتم ادرى وابخص يالحريم في الامور التي تطلع بين الحريم من مدح والا ذم ..
يعني في النهاية

هي حياتي والا حياة الناس !!!

[شبح الصمت]

الله يذكر الدكتور عبدالعزيز الانصاري بالخير

كان يقول لو كان فية رجال يوقفون الحريم عند حدهم

ما وصلنا الى هذا الحال



في رجال صدقني وفيهم خير بس في المقابل في من يقف عثرة في وجيهم ..

هههه
وانت ادرى اوقات القوه بيت من .
والقوي رب العالمين ..

[qatari 111]

الله يرحم الاعراس فالبيت كلها كرسيين وورد صناعي وزوليه كشخه تحتهم هاذي هي كانت الكوشه ايامنا .

[شبح الصمت]

هل ممكن تحديد قيمة المهر من قبل الدولة ؟؟وتحديد النفقات على هذا الزواج ؟

الله يعافينا بس صج صار الزبو مبالغ فيه بزيااادة



تهقين لو صار تحديد ضوى العالم بترضى في هالشيء ..
والا هذا شيء شخصي خاص فينا محد له خص فيه !!

[شبح الصمت]

الله يرحم الاعراس فالبيت كلها كرسيين وورد صناعي وزوليه كشخه تحتهم هاذي هي كانت الكوشه ايامنا .



جيل الطيبين تعال يمي ياخوي ..

:shy:

[qatari911]

جعل عمرها طويل الغالية ..
كلام الناس
كلام الناس

خل اتفاقك مع شريكة حياتك والوالده مع الايام بتقبل اشرح لها وقول لها يمه ما تبين تشوفيني متضغض والا اتطلب من حد ..
خليني حر
وصدقني راح تقتنع

والله يوفقك ويزرقك ببنت الحلال الطيبه يالغالي تستاهل في ذمتي

تستاهل الخير
شريكة حياتي ما اعرفها ومختارها على اختير الوالدة وماعندي اي مشكله بختيار الوالدة
بس الوالدة عنيده جدا لكن مايمنع اني احاول معها اكثر من مره


هل ممكن تحديد قيمة المهر من قبل الدولة ؟؟وتحديد النفقات على هذا الزواج ؟

الله يعافينا بس صج صار الزبو مبالغ فيه بزيااادة

اختي العزيزه ضوى
لا يمكن تحديده من الدوله ولكن من العائلة او القبيله
عندنا
اذا بتاخذ بنت عمك مهرها 50000 اذا كانت بنت واذا كانت مطلقه 30000 (((بس طبعا الزوج لازم يزيد في المهر اكثر بس مو يفوشر ويدفع 500000 ا اكثر من غير مصاريف العرس وبالاخير يقول العرس كسرني هذا غلط)))

اما اذا بتاخذ من قبيلة ثانية البنت مهرها 100000 والمطلقة 50000
طبعا هذا الكلام من الي حولي
كل واحد وقناعاته وطلباته
وفيه الي يقول ريال وشيمة رجال
واعتذر على الاطاله

[شبح الصمت]

تستاهل الخير
شريكة حياتي ما اعرفها ومختارها على اختير الوالدة وماعندي اي مشكله بختيار الوالدة
بس الوالدة عنيده جدا لكن مايمنع اني احاول معها اكثر من مره



اختي العزيزه ضوى
لا يمكن تحديده من الدوله ولكن من العائلة او القبيله
عندنا
اذا بتاخذ بنت عمك مهرها 50000 اذا كنت بنت واذا كانت مطلقه 30000 (((بس طبعا الزوج لازم يزيد في المهر اكثر بس مو يفوشر ويدفع 500000 ا اكثر من غير مصاريف العرس وبالاخير يقول العرس كسرني هذا غلط)))

اما اذا بتاخذ من قبيلة ثانية البنت مهرها 100000 والمطلقة 50000
طبعا هذا الكلام من الي حولي
كل واحد وقناعاته وطلباته
وفيه الي يقول ريال وشيمة رجال
واعتذر على الاطاله



حاول حاول في الغالية
وإن شاء الله تقتنع ..

[بعيد النظر]

الله يهدي النااس ..

الله يشل البركة عقب هـ الزبو ..
يا زين البساطة والحياة السهلة !


انا من يومين عرفت ان احلامو تجي العرس ب 800 الف ..
بغيت انجلط والله وانا كل يومين جايفلها فيديو ف الدوحة !


ياخي الله يبارك للناس في فلوسها والله يزيدهم ..
بس حرام والله حراااااااااااااااااااااااااااام

[عطر فرنسي]

اسعد الله صباحك يالذيب

موضوع التكلفه في الزواج كل واحد على حسب مقدوره يعني الي يبي يسوي شي فخم يسوي والي مايبي لايسوي

بالنسبه لي الطلاق في هذا الوقت زاد نسبه الطلاق بكثره مع الجيل الجديد بسبب نقص الوعي والفكر

الجيل هذا فكر ان الزواج مجرد شوه يعني ديكور جميل الواحد يتزين فيه لكن لي الاسف ليس لهم اي علم بان هذا الشي مسؤوليه

نسأل الله لهم السعاده

دمت بخير

[شبح الصمت]

الله يهدي النااس ..

الله يشل البركة عقب هـ الزبو ..
يا زين البساطة والحياة السهلة !


انا من يومين عرفت ان احلامو تجي العرس ب 800 الف ..
بغيت انجلط والله وانا كل يومين جايفلها فيديو ف الدوحة !


ياخي الله يبارك للناس في فلوسها والله يزيدهم ..
بس حرام والله حراااااااااااااااااااااااااااام



ااخ بطني

لا يمكن تقصد اكثر من مغني جايبينه !!

سي دي من سوق العلي بـ 20 ريال ..

ههاههاي ومش حالك

[شبح الصمت]

اسعد الله صباحك يالذيب

موضوع التكلفه في الزواج كل واحد على حسب مقدوره يعني الي يبي يسوي شي فخم يسوي والي مايبي لايسوي

بالنسبه لي الطلاق في هذا الوقت زاد نسبه الطلاق بكثره مع الجيل الجديد بسبب نقص الوعي والفكر

الجيل هذا فكر ان الزواج مجرد شوه يعني ديكور جميل الواحد يتزين فيه لكن لي الاسف ليس لهم اي علم بان هذا الشي مسؤوليه

نسأل الله لهم السعاده

دمت بخير



صحيح ياخوي كلن يمد ريله على قد لحافه ..
بس بعد ياخوي مفروض الواحد يكون واعي انه راح يحاسب على هالمبالغ ..


والله يوفقهم
ولك وحشه

[BoFahed]

اسعد الله صباحك يالذيب

موضوع التكلفه في الزواج كل واحد على حسب مقدوره يعني الي يبي يسوي شي فخم يسوي والي مايبي لايسوي

بالنسبه لي الطلاق في هذا الوقت زاد نسبه الطلاق بكثره مع الجيل الجديد بسبب نقص الوعي والفكر

الجيل هذا فكر ان الزواج مجرد شوه يعني ديكور جميل الواحد يتزين فيه لكن لي الاسف ليس لهم اي علم بان هذا الشي مسؤوليه
نسأل الله لهم السعاده

دمت بخير

صدقت صار التساهل في الطلاق شي عااااااااااادي جدا ولاتفه الاسباب (بيسوي اللي ابيه مع ويهه او اشتري راحة بالي بالطقاق اللي يطقه )وكانه شي عادي حتى لو كان فيه عيال

باختصار انتشر في الجيل الحالي موديل التسعينات (الاستبياع )

[معماري قطري]

متى بنكون واعيين كفاية ونفتخر بالصرف الأقل وتوفير المال لإحتياجات العائلة الجديدة؟

انا قصة زواجي تضحك .. كنت مالج وناوي اتزوج الصيف بعد ما اخلص دراستي ورجعت قطر الكرسمس طبعاً بدون نية الزواج نهائياً وتركت شقتي شقة طالب كسول حتى الأكواب مخليها باغسلها لين رجعت من قطر

اللي صار حصلت اخوي اللي يصغرني بسنة محدد زواجه قبل رجوعي بيومين .. هنا أبت المروءة الا اتزوج قبله بيومين على ما اعتقد وكل شيء بسرعة وكان زواج بسيط وسافرت بعد حضور زواجه ومعاي زوجتي .. وركبنا ذاك الكراون فكتوريا ( تكسي )من مطار ميامي للشقة وانكشفت الفضايح من ناحية نظافة الشقة والترتيب

[معماري قطري]

كان الحمد لله الرصيد جيد والأُمور متيسرة وحتى ما مشوا راتب اضافي وتذاكر لزوجتي بس بقينا هناك لآخر شهر 8 واستمتعنا بوقتنا أكثر خصوصاً كانت دراستي بسيطة ومواد قليلة وقتها

[qatari 111]

جيل الطيبين تعال يمي ياخوي ..

:shy:

:unsure:

[شبح الصمت]

متى بنكون واعيين كفاية ونفتخر بالصرف الأقل وتوفير المال لإحتياجات العائلة الجديدة؟

انا قصة زواجي تضحك .. كنت مالج وناوي اتزوج الصيف بعد ما اخلص دراستي ورجعت قطر الكرسمس طبعاً بدون نية الزواج نهائياً وتركت شقتي شقة طالب كسول حتى الأكواب مخليها باغسلها لين رجعت من قطر

اللي صار حصلت اخوي اللي يصغرني بسنة محدد زواجه قبل رجوعي بيومين .. هنا أبت المروءة الا اتزوج قبله بيومين على ما اعتقد وكل شيء بسرعة وكان زواج بسيط وسافرت بعد حضور زواجه ومعاي زوجتي .. وركبنا ذاك الكراون فكتوريا ( تكسي )من مطار ميامي للشقة وانكشفت الفضايح من ناحية نظافة الشقة والترتيب



ههه
كل شي بسيط فيه بركه وما نقول الشيء الغالي ما فيه ابركة
الله يسعدك ياخوي ويبارك لك في هالزواج الطيب ..

ويبلغك في عيالك إن شاء الله ..

وترى مهب عيب اني اسويه بسيط حتى لو اقدر وفي استطاعتي
اهم شيء ما اقصر على نفسي وعليها ونكون الاثنين متفقين ..

الحين الواحد ما قام يهمه المبلغ كثر ما يفكر في من سبقووه وتزوجوا وتطلقوا

تحصل اغلب الشباب يقول ليش اتزوج خلني جذيه احسن لي طليق
والبنات نفس الشيء بعد فالمقابل نفس التفكير

( ألبعض )

[شبح الصمت]

كان الحمد لله الرصيد جيد والأُمور متيسرة وحتى ما مشوا راتب اضافي وتذاكر لزوجتي بس بقينا هناك لآخر شهر 8 واستمتعنا بوقتنا أكثر خصوصاً كانت دراستي بسيطة ومواد قليلة وقتها



تبي تضحك يا معماري تزوجت وراتبي تدري كم 4000 ريال ..

[الحياة الخالدة]

يعطيك العافية أخوي شبح الصمت على الموضوع
و المبالغة في الصرف على الأعراس مرفوضة قلباً و قالباً
و تمنيت لو المتزوجين و المتزوجات حديثاً أدلوا برايهم في الموضوع
لأنهم أقرب الناس تجربة و أعلم بالتكاليف في ظل الغلاء الفاحش

و نقطة أخرى : الطلاق السريع ليس له علاقة بالضرورة بارتفاع مصاريف و تكلفة الاعراس

تحياتي للجميع

[بانغ بانغ]

مافي ابركة وانا ابوك يا بوشبيح

كل ما زادت المظاهر وان كل وحدة تبي تحرق عرس رفيجتها

راحت النية الحقيقية للزواج والبركة وصارت امناحس وزبو

حتى النقوط ... باليورو

[بانغ بانغ]

احين حفلات طلاق قامت انصير

وفي سوريا ناس اتموت جوع

[رآعي موآجيب]

قال صلى الله عليه وسلم ( أقلهن مهراً أكثرهن بركة )

ويقولون الاولين

ماهان تبارك ،، يعني كل شي يكون هين وبسيط ومافيه مبالغه الله يبارك فيه

والشرهه والعتب والمنقود علينا احن كرجال ، مع الاسف الشديد ماعاد الرجال يقدرون يقولون للنسوان خلوكم على بساط الكرامه والسنع عندنا

إلا ما ندر الصراحه

على العموم الحديث في هذا الموضوع يطول ويتشعب ويزعل النسوان حيل ، ولكن احنا ما ندور إلا المصلحه العامه وعدم تفكك الاسر وكثرة المطلقات والعوانس اللي يكابرون على انهم سعيدات بالعزوبيه

كان لي مداخلات كثيره في هذا الجانب هنا تحديدا ، واتضح ان افضل حل هو تحديد المهور عرفياً لأنهاء هالمبالغات وعدم قبول الزياده من المعرس اللي مسوي نفسه حاتم الطائي وعدم الرضوخ لطلب الزياده من الحريم اللي يسوون العجب في الاعراس وفي الاخير يحشون في بعض بسبة تلبيسة الطاولات او البوفيه ناقصه رهش !!

[الحياة الخالدة]

خل الذكور يشدون حيلهم و يمارسون دورهم كرجال
و بتختفي الظاهرة

[رآعي موآجيب]

مافي ابركة وانا ابوك يا بوشبيح

كل ما زادت المظاهر وان كل وحدة تبي تحرق عرس رفيجتها

راحت النية الحقيقية للزواج والبركة وصارت امناحس وزبو

حتى النقوط ... باليورو


صدقت :nice:

[أم محمد 90]

مثل ما الحج لمن استطاع اليه سبيلا...

الزواج مفروض نفس الشي لمن يستطيع ولا الواحد لا يضغط على نفسه ..

[بانغ بانغ]

مثل ما الحج لمن استطاع اليه سبيلا...

الزواج مفروض نفس الشي لمن يستطيع ولا الواحد لا يضغط على نفسه ..

صارت شو اجتماعي

Under cover

[A-Alansari]

هل ممكن تحديد قيمة المهر من قبل الدولة ؟؟وتحديد النفقات على هذا الزواج ؟

الله يعافينا بس صج صار الزبو مبالغ فيه بزيااادة

اعتقد الامارات مطبقين هالشي حتى في نفقات العرس يفيدونها الربع من الامارات اكثر

[ريتويت]

بااااااااااااااااال يالله وش هذا الكلام!!!! عرس بهالمبلغ ليس متزوج الاميره ديانا؟!!!!!! اخره الي يفوشرون الفشل ولا المشاكل

الله لايبلانا الحمدلله علي نعمه القناعه والرضى

[بريق الحق]

مثل ما الحج لمن استطاع اليه سبيلا...

الزواج مفروض نفس الشي لمن يستطيع ولا الواحد لا يضغط على نفسه ..
مافهمت شلون نفس الحج ؟
يعني مصاريف الحج نفس الزواج ؟؟

[بريق الحق]

اجوف اكثرو الاعراس الي فالبيوت
انا اجوف الواحد يعطي مرته الفلوس الي بتنصرف فالعرس واليوم الثاني ياخذها منها (:

الله يبارك للجميع يارب

[ضوى]

مافهمت شلون نفس الحج ؟
يعني مصاريف الحج نفس الزواج ؟؟

اللي يقدر يتزوج يتزوج والا مايقدر يصبر

[بريق الحق]

اللي يقدر يتزوج يتزوج والا مايقدر يصبر

صحيح هذا حديث النبي صل الله عليه وسلم
شكرا عالتوضيح

[بانغ بانغ]

بس بو شبيح

اني اسوي عقد خمس سنوات او ما شابه .... اشدعوه متزوج لاعب محترف ؟

كلها كم شهر وبيمل منها ومن الديون وبيحط عينه عالثانية

سهالات

[الحياة الخالدة]

تمام تمام
جزاك الله خير أخوي راعي مواجيب

[ضوى]

بس بو شبيح

اني اسوي عقد خمس سنوات او ما شابه .... اشدعوه متزوج لاعب محترف ؟

كلها كم شهر وبيمل منها ومن الديون وبيحط عينه عالثانية

سهالات

عسى ماشر ديون ويفكر بالثانية ؟ اشلون ؟

[بانغ بانغ]

عسى ماشر ديون ويفكر بالثانية ؟ اشلون ؟

ماهو طال عمرك يمكن الثانية تصرف عليه

[رآعي موآجيب]

تمام تمام
جزاك الله خير أخوي راعي مواجيب

الله يجزاش بمثله اختي

[Al-Kuwari]

موضوع جميل يا شبح

ياخي المشكلة مهب في ال500 او 600 الف

ولو اني اتفق معاك في نقطة ان حرام هالمبلغ يندفع في ليلة وحده الا مهب ليلة 4 او 5 ساعات !

لكن المشكلة بعد ماتدفع هالمبلغ تجيك البنت صغيرة عقل او قليلة وعي وتقولك والله مابي طلقني

طيب ليش ؟ بس مابي اتزوج طلقني

او تطلب منك شي غصبة وان ماسويته طلقني يعني لوي ذراع

طيب الشاب طلق وانتهى الموضوع

طيب من وين يتزوج مره ثانية ؟ من وين يدبر 500 او 600 الف

خل نقول الزواج الاول جاته عانيات من الاهل والربع

الزواج الثاني محد بيعطيه طيب من وين يجيب وكيف يتزوج ؟ واصلاً تلقاه تعقد الحين خايف يتزوج ويقط نص مليون ثانية وتطلع البنت ردية مثل الاولى !

لذلك المشكلة هي مهب فالتكاليف ولو انها مشكلة في حد ذاتها

لكن المشكلة ان البنت صارت تتزوج وهي مب مقتنعه بالمتقدم بس خايفه مايجي غيره فتوافق وبعدين تحس ماتبيه او ماتتقبله شكلاً او خلقاً , طيب من الاول كان رفضتي !

او مثلا المتقدم يشرط انه يسكن عند اهله لكونه وحيد اهله او ماعنده استطاعه والبنت مب مقتنعه بس توافق على اساس قبل العرس بكم اسبوع بتولي ذراعه او بعد العرس بتقوله يابيت يا طلقني

طيب مب مقتنعه من الاول قولي لا , وانا سامع سالفة من هلي تقول والله سامعه باذنها ام البنت تقول لها وافقي وبعد الملجة اطلبي بيت !!

بالله هذي حالة !!

[العقل المدمر]

اصلا مصايب الزواج اغلبها من الاهل
كله نبي نفرح ونبي نستانس بعيالنا .. وصج يستانسون
بس ع حساب المعاريس المساكين اللي ياكلونها باقي سنينهم

[القلب المؤمن]

مع احترامي لوجهات نظركم جميعا انا رأيي يختلف ههه
اسباب الطلاق تعود لقلة التوعية في المجتمع لمفهوم الاسرة ودور الرجل والمرأة في بناء اسرة سعيدة ومتماسكة مب غلطة المتزوجين ولا الاهل وانما قلة معرفة في المجتمع والدليل ارتفاع نسب الطلاق في الدولة !
بالنسبة لمصاريف العرس اعتقد من حق الزوجة والاهل من الطرفين انهم يفرحون بعيالهم ويصرفون على عرس راقي وكله يوم واحد في العمر ، اما غلاء الاسعار لتجهيز عرس مرتب هذي مشكلة ارتفاع الاسعار في كل شي ونتمنى الحكومة تتدخل وتحد من هذي العشوائية ..
وشكرا لصاحب الموضوع :)

[CH Engineer]

لا تعليق

خساير مالها اول ولا تالي*
وآخر شي ساكنين في ملحق !!!!!

[qatara]

المبالغه في الاعراس لان الشور اصبح بيد
العروس وامها معاده بيد الاب والاخوه الا شكليا
بسسب مساوواه ومساوواه

فولي الامر يبي الستر والام والبنت يبون يفوشرون
وين تبي من ناقصات عقل ودين
موازنة الامور


وسرعة وكثرة الطلاق بسبب قانون الحضانه
لان كل شي مضمون لصالحها حتا لو كانت مقصره
االذي خرب البيوت

ونرجع ونقول (البعض )عشان محد يتحجج


ستكبر هذه المشاكل كرة الثلج اكبر واكبر
مهما خترعو من موسسات ومحاضرات
ومهما خترعو لن تحل هذه المشاكل بالمنضرين و
بالفلسفه والحلول النضريه ولو وضع لها
ستين الف دكتور ودكتوره وستين موسسه


الحلول ان ارادو حلول حقيقيه :

الغاء قانون الحضانه
ارجاع سلطة الاب وولي الامر كما كانت
والتربيه والتعليم كما كانت
وسلطة المدرس كما كانت
والمعلمه كما كانت

[مختلف جداََ]

المبالغه في الاعراس لان الشور اصبح بيد
العروس وامها معاده بيد الاب والاخوه الا شكليا
بسسب مساوواه ومساوواه

فولي الامر يبي الستر والام والبنت يبون يفوشرون
وين تبي من ناقصات عقل ودين
موازنة الامور


وسرعة وكثرة الطلاق بسبب قانون الحضانه
لان كل شي مضمون لصالحها حتا لو كانت مقصره
االذي خرب البيوت

ونرجع ونقول (البعض )عشان محد يتحجج


ستكبر هذه المشاكل كرة الثلج اكبر واكبر
مهما خترعو من موسسات ومحاضرات
ومهما خترعو لن تحل هذه المشاكل بالمنضرين و
بالفلسفه والحلول النضريه ولو وضع لها
ستين الف دكتور ودكتوره وستين موسسه


الحلول الغاء قانون الحضانه
ارجاع سلطة الاب وولي الامر كما كانت

هههههههه

ضحكتني يوم قلت ( البعض )

مجهز الدوا قبل الفلعه

يسعدلي جوك يا شيخ

ههههههههههههه

[qatara]

هههههههه

ضحكتني يوم قلت ( البعض )

مجهز الدوا قبل الفلعه

يسعدلي جوك يا شيخ

ههههههههههههه

أي يخوي شنسوي حتا لو قلنا نصيحه من قلب ويشهد الله
انها ولوجه الله ينقزون لك بعضهن لتخريبها باي حجه
كانك بتحصل فلوس يكرهون أي حد يفيد او يستفيد
حتا وان كانت غلط فمستفاد منها بنقدها
فمثل مانتمنى الخير لبيوتنا ولهلنا نتمناه لمجتمعنا
وهناك من يحارب هذا الخير والنصح بيينا لا اعلم ماذا يستفيدون

من نقص عقولهم ناسين اننا بنفس المركب


لاكن الله المستعان

[العقل المدمر]

مع احترامي لوجهات نظركم جميعا انا رأيي يختلف ههه
اسباب الطلاق تعود لقلة التوعية في المجتمع لمفهوم الاسرة ودور الرجل والمرأة في بناء اسرة سعيدة ومتماسكة مب غلطة المتزوجين ولا الاهل وانما قلة معرفة في المجتمع والدليل ارتفاع نسب الطلاق في الدولة !
بالنسبة لمصاريف العرس اعتقد من حق الزوجة والاهل من الطرفين انهم يفرحون بعيالهم ويصرفون على عرس راقي وكله يوم واحد في العمر ، اما غلاء الاسعار لتجهيز عرس مرتب هذي مشكلة ارتفاع الاسعار في كل شي ونتمنى الحكومة تتدخل وتحد من هذي العشوائية ..
وشكرا لصاحب الموضوع :)

يوم واحد فالعمر
ويدفعون فيه اللي جمعوه العمر كله
وفوقها ديون باقي عمرهم
ومن قال من حقهم .. الاسلام نهى عن الاسراف
واتحدى شخص ينكر ان هالمبالغ اللي تنقط فالعرس مب اسراف
وغالبا الطلاق السريع يصير عند هذول اللي بالغوا باعراسهم
كنه عقاب من الله على اسرافهم

[العقل المدمر]

المبالغه في الاعراس لان الشور اصبح بيد
العروس وامها معاده بيد الاب والاخوه الا شكليا
بسسب مساوواه ومساوواه

فولي الامر يبي الستر والام والبنت يبون يفوشرون
وين تبي من ناقصات عقل ودين
موازنة الامور


وسرعة وكثرة الطلاق بسبب قانون الحضانه
لان كل شي مضمون لصالحها حتا لو كانت مقصره
االذي خرب البيوت

ونرجع ونقول (البعض )عشان محد يتحجج


ستكبر هذه المشاكل كرة الثلج اكبر واكبر
مهما خترعو من موسسات ومحاضرات
ومهما خترعو لن تحل هذه المشاكل بالمنضرين و
بالفلسفه والحلول النضريه ولو وضع لها
ستين الف دكتور ودكتوره وستين موسسه


الحلول ان ارادو حلول حقيقيه :

الغاء قانون الحضانه
ارجاع سلطة الاب وولي الامر كما كانت
والتربيه والتعليم كما كانت
وسلطة المدرس كما كانت
والمعلمه كما كانت

ما شا الله رياييل اخر زمن لا يهشون ولا ينشون صاروا ديكورات وشكليا
مالوم الحريم عيل بعد هم الله خلقهم ناقصات عقل مساكين
وينه كامل العقل صاير صنم خوش ولي وراعي :tease:

[qatara]

وليش ما كان عن الاولين الي بعضكم مسميهم ايام التخلف كل هلنسب
من الطلاق وين التوعيه التي تدعون عنهم لما لا نجد طلاق الا فيما
ندر بينهم برقم فقرهم وقلة تعليمهم وبالعكس
اشوف تعليهم ارقى فتعليمهم كتاب الله وسنة نبيه

لا لا الا الخلل ليس التوعيه ولا رجل يطلق مره
فيها خير بالعكس يتمسك بها بكل حواسه وجوارحه

الا سكير هذا له وضع اخر

لا الخلل فيما حصل من تقويه المراه
ضد الرجل فكابرت وستقوت فختلت الموازين وتفككت الاسر

وهنا الفرق بين المكابره على الزوج والاخرى العاقله التي يتنمنى أي رجل الزواج بمثلها



https://www.youtube.com/watch?v=jI4cuduXU3I


الا من رحم ربي

[qatara]

ما شا الله رياييل اخر زمن لا يهشون ولا ينشون صاروا ديكورات وشكليا
مالوم الحريم عيل بعد هم الله خلقهم ناقصات عقل مساكين
وينه كامل العقل صاير صنم خوش ولي وراعي :tease:

هذا هو الخلل في حين ان الله شرع له تادييبها عند النشوز
مب منهم صارو ديكورات لانها لو تمادت
ونشزت وادبها راح بخرايطها وهو على حق
لاقيه سند يسندها سوا قصرت او غلطت

شلون ماتخرب مالطا

ههههههه

[بانغ بانغ]

والله اعرف تجار واعيال ناس كبار املكوا وسافروا ...روعقب بس عشاء رسمي

لا خساير لا خرابيط

لو اتوزع ذهب عالمعازيم ... بعد بيتكلمون

[qatara]

والله اعرف تجار واعيال ناس كبار املكوا وسافروا ...روعقب بس عشاء رسمي

لا خساير لا خرابيط

لو اتوزع ذهب عالمعازيم ... بعد بيتكلمون

تدري من المشكله والي خرب هلعادات الحميده

مثل الي يغسل يده بدهن العود
الي ماتبخر تبخر وحترق

الله لايوخذنا بما يفعلون

النعم زواله

[العقل المدمر]

هذا هو الخلل في حين ان الله شرع له تادييبها عند النشوز
مب منهم صارو ديكورات لانها لو تمادت
ونشزت وادبها راح بخرايطها وهو على حق
لاقيه سند يسندها سوا قصرت او غلطت

شلون ماتخرب مالطا

ههههههه

انزين ومن السند اللي يسندها على غلطها ؟ ماعتقد حريم بعد
مصيبة اذا الحريم صاروا اقوى من الرياييل
الشرع حلل اربع والريال مايقدر على وحدة
خسارة فيه الرجولة اللي مايقدر يسيطر على هله

[بانغ بانغ]

تدري من المشكله والي خرب هلعادات الحميده

مثل الي يغسل يده بدهن العود
الي ماتبخر تبخر وحترق

الله لايوخذنا بما يفعلون

النعم زواله

اي والله

في ناس تبي تستر نفسها بالحلال وظروفهم كلش

الحمدلله افتكينا وخلصنا والله ايعين اعيالنا

[qatara]

اي والله

في ناس تبي تستر نفسها بالحلال وظروفهم كلش

الحمدلله افتكينا وخلصنا والله ايعين اعيالنا


الله المستعان ياخوي اخر الزمان كل شي اصبح مقلوب

الله لا يواخذنا ويعنينا في مابقي من عمر بالستر وحسن الخاتمه

[qatara]

انزين ومن السند اللي يسندها على غلطها ؟ ماعتقد حريم بعد
مصيبة اذا الحريم صاروا اقوى من الرياييل
الشرع حلل اربع والريال مايقدر على وحدة
خسارة فيه الرجولة اللي مايقدر يسيطر على هله

الشرع به كل الحلول مشكلتنا دخلت علينا قوانين
وضعيه اسريه خربت الاسره ولم تحافظ عليها

الله خلقه رجل وخلقه قادر لاكن انتو تدعون مايقدر

الله خلقه وجعله قادر حتا على اربع اتقو الله فيما تفترون به على الله

والا لم يشرع له ويفتح له المجال لاربع نساء

لاكن

الحين وحده ويخسرعياله و بيته ونص معاشه
ويتبهدل بالشكاوي مايقدر ياخذ اربع بضل
هذه القوانين الاسريه الغير منصفه للرجل


كلامج مجدر مجادله مافيه حل واقعي ومنطقي
اسمحي لي اخر رد ارده عليج

[القلب المؤمن]

وسؤال المسابقة اليوم : كم مرة تم ذكر (ناقصات عقل) من الاعضاء الموقرين في هذا الموضوع :nice:؟
هل برايكم اجي انصح شخص نصيحة وابدي كلامي بأنت ترى غبي بياخذ بنصيحتي ؟
اترك التعليق لكم ههه

[qatara]

وسؤال المسابقة اليوم : كم مرة تم ذكر (ناقصات عقل) من الاعضاء الموقرين في هذا الموضوع :nice:؟
هل برايكم اجي انصح شخص نصيحة وابدي كلامي بأنت ترى غبي بياخذ بنصيحتي ؟
اترك التعليق لكم ههه

هروب جميل عن لب الطرح والحقيقه

ههههههه

لاننا يا الطيب او الطيبه

ذكرنا رجال ناقصين عقل بالفسوق ب
النعمه يغسلون اياديهم بدهن العود

ارجع فوق وتاكد بالرد #65

لله الحمد لسنا عنصريين الا ضد الباطل
كفران النعمه وكفران العشير

[العقل المدمر]

الشرع به كل الحلول مشكلتنا دخلت علينا قوانين
وضعيه اسريه خربت الاسره ولم تحافظ عليها

الله خلقه رجل وخلقه قادر لاكن انتو تدعون مايقدر

الله خلقه وجعله قادر حتا على اربع اتقو الله فيما تفترون به على الله

والا لم يشرع له ويفتح له المجال لاربع نساء

لاكن

الحين وحده ويخسرعياله و بيته ونص معاشه
ويتبهدل بالشكاوي مايقدر ياخذ اربع بضل
هذه القوانين الاسريه الغير منصفه للرجل


كلامج مجدر مجادله مافيه حل واقعي ومنطقي
اسمحي لي اخر رد ارده عليج

والله القانون حطوه رياييل مب حريم
يعني اذا في خلل فالخلل من الرياييل مب من الحريم
كل شي تبون تقطونه على راسنا .. الحمد لله الله خلقنا ناقصات عقل
يعني الشرهة عليكم انتوا والحجة عليكم والحساب عليكم يا مسؤولين عن رعيتكم
مستانسين عالحديث رايحين جايين تعيدون وتزيدون فيه واخرتها كاملين العقول مب قادرين على ناقصات العقول
الظاهر بعض الرياييل مافيهم عقول من الاساس وناقصات العقول وايد اهون منهم
وتراك للحين مارديت وقلت لي من اللي سندوها رياييل والا حريم بعد !!

[العقل المدمر]

وسؤال المسابقة اليوم : كم مرة تم ذكر (ناقصات عقل) من الاعضاء الموقرين في هذا الموضوع :nice:؟
هل برايكم اجي انصح شخص نصيحة وابدي كلامي بأنت ترى غبي بياخذ بنصيحتي ؟
اترك التعليق لكم ههه

اصلا حديث ناقصات عقل يبين نقص الرجولة فكاملين العقل :tease: