لماذا لا يتم أيقاف التأمين الصحي عنهم بالمثل ؟ ؟ ؟

[أبو سعود]

لقد تم أيقاف التأمين الصحي عن المواطنين والمواطنات

مع بدايه السنه الجديده بحجه أنه يكلف أعباء ماليه

( كثيره ) على الدوله



بينما لم يتم أيقاف التأمين الضحي عن الكثير

من المقيمين والمقيمات


في حين نرى هؤلاء المقيمين والمقيمات هم

نفس الشي يكلفوا أعباء ماليه ( كثيره )

على المؤسسات التي يعملوا بها ! ! !


وهذه المؤسسات تابعه للدوله وهي تكلف أعباء

ماليه ( كثيره ) على الدوله ولكن

لم يتم أيقافها ! ! !


ولو رجعنا للخلف سنرى أن هؤلاء المقيمين والمقيمات

كانوا يحصلوا على التأمين الصحي من ( فتره طويله )

وتم الصرف عليهم ( كثيرآ )

وسيستمر الصرف عليهم ( كثيرآ ) أيضآ


في حين أهل البلد تم تطبيق خدمه التأمين الصحي

من فتره بسيطه وتم أيقافها الآن ! ! !



السؤال :

لماذا لم يتم التعامل وأتخاذ خطوات الأيقاف بالمثل ؟ ؟ ؟


فأبناء هذا البلد هم الأولى والأحق أن يتلقوا هذه الخدمه



أعتقد المثل اللي يقول :

( خيرنا لغيرنا )

والمثل الأخر :

( حلال عليهم و حرام علينا )

ينطبق على هذا الموضوع



وسلامتكم

[A-Alansari]

لانه من ضمن عقودهم التأمين الصحي

وبعض الشغلات تحتاج تأمين صحي ولا المؤسسة ولا الشركة بتاكلها لو صار للموظف شي

[qatari 111]

بس اعتقد المواطنين اللي شغالين في موسسات شبه حكوميه ماتوقفت عليهم التأمين الصحي .
حد يفيدنا

[جبر ال جبر]

لانهم هم من الي وقفوه علينا وهم من يامرون ويخططون والمسؤل القطري يوقع ويرفعه للجهات العليا بناء على دراسه الخبير والاستشاري (المقيم) وطبعا بيوقفه عليك ومب موقفه على ربعه الحلو فيهم هالاجانب انه مافيهم حسد ع بعض ويعتبرون نفسهم مساكين بس ع الكطري لا هيدا بدو كسر راس فلوسه كتير وشايف حالوه وهلا بعد لمرض نعالجه فري بيكفي عليه الكهرب والما بلاش ماهو لازم نعمل بلنس الكطري كهرب ماي بلاش صحه بيدفع الاجنبي صحه بلاش كهرب ماي بدنا بلاش بس مازبطت ولكن ابشركم انها زبطت في وايد جهات حكوميه واجنبيه المقيم معفي مثل القطري واحسن

[GENIUS]

هذا النوع من التأمين الصحي من قبل شركات خاصة للتأمين الصحي ولها باع طويل وخبرة في التحكم في هالامور لكن تأمين صحة الذي تم إيقافه كانت المشكلة في عدم وجود نظام رقابي أو تحكم أو معرفة لذا كانت العملية خارجة عن السيطرة . والتأمين الصحي الخاص سواء كان للمواطنين أو الوافدين على حسب عقد العمل.

[فريج النجادة]

المفروض من ربعنا الله يهديهم ما يتوقف التامين الطبي

حتى ولو تم تغيير النظام الاداري

المشكلة في المريض الذي ينتظر العملية الصبح وقالو له

روح بيتكم ما فية تأمين !!!!!

[غريب الدّار]

لانهم هم من الي وقفوه علينا وهم من يامرون ويخططون والمسؤل القطري يوقع ويرفعه للجهات العليا بناء على دراسه الخبير والاستشاري (المقيم)

بس ماتلاحظ اخوي جبر ان احنا كقطريين كانت عندنا شكاوى من نظام التامين تحت مظلة(صحة)؟ قصدي من ناحية استنزاف أموال الدولة لأسباب انت تعرفها؟
والمنتدى زاخر بمثل هالمواضيع
ومجلس الشورى ناقش هالمسألة مرة
اذن المقيمين مااعتقد لهم علاقة بإيقاف النظام



هاذي نقطة

النقطة الثانية :
اخوي الكريم صاحب الموضوع

هل المقيمين اللي تقصدهم كانوا مشمولين بنظام (صحة) ؟؟؟


اذا كان الجواب نعم (وهذا غير صحيح طبعا) فالمفروض يوقف نظم التامين عندهم
اما اذا كان الجواب لا : فهذا يعني انهم تعاقدوا معاهم على هالأساس

وانت تعرف اخوي ان العقد شريعة المتعاقدين ولا يجوز تعديله الا بموافقة الأطراف


الا اذا كنت تقصد اخوي من موضوعك لفت النظر إلى هذه المسالة
أو تقترح ضمناً إلغاء التامين عنهم لتقليل التكاليف

والله يوفق الجميع

[ضوى]

مدري ليش مب كل جهة عمل تسوي لموظفينها في الشركة اللي تشوفها مناسبة ، تأمين صحة كان سبهللة وتجاوزات لها أول ولا أخر مبالغات ونصب واحتيال

[غايه الطواش]

لان تامينهم من جهه عملهم ومب من الدوله انا جهه عملي ماوقفت التامين علي

[بعيد النظر]

وليش يوقفونها وهي امتيازات وظيفية وقع عليها فـ العقد ؟


وقبل صحة كان السستم مثل الحين .. شاللي تغير ؟ عشان تطالب بايقافها عنهم ؟

[أبو سعود]

وليش يوقفونها وهي امتيازات وظيفية وقع عليها فـ العقد ؟


وقبل صحة كان السستم مثل الحين .. شاللي تغير ؟ عشان تطالب بايقافها عنهم ؟


ولماذا تغير وأيقاف ( السستم ) النظام عن

المواطنين والمواطنات فقط



المقيمين هم من أهدر أموال التأمين أكثر من

أهل البلد


والدليل أنهم يحصلوا عليها من

فتره طويله


يعني مثل ما قلت

حلال عليهم وحرام علينا

نظام ( السستم ) ممكن يتعدل ويتغير

وليس ( ثابت ) للمقيمين ( ويتغير )

عن أهل البلد

[A-Alansari]

ولماذا تغير وأيقاف ( السستم ) النظام عن

المواطنين والمواطنات فقط



المقيمين هم من أهدر أموال التأمين أكثر من

أهل البلد


والدليل أنهم يحصلوا عليها من

فتره طويله


يعني مثل ما قلت

حلال عليهم وحرام علينا

نظام ( السستم ) ممكن يتعدل ويتغير

وليس ( ثابت ) للمقيمين ( ويتغير )

عن أهل البلد

اخوي القطريين ماوقعو على عقود عشان تامين صحه

المقيم وقت توظيفه من الامتيازات انه له تأمين صحي

والقطري الي ماعنده تأمين صحي من شغله اكيد مافي تأمين صحي للمقيمين الي معاه في الشغل

واذا كان لهم تأمين والقطري ماله تأمين هني لك الحق انك تحتج عليهم

[الحياة الخالدة]

احنا القطريين في مؤسسة حمد الطبية ما عندنا تأمين

[رذاذ]

بوسعود صباح الخير من قالك المقيم له تامين صحي !
شفت بعينك او سمعت ان مقيم له تامين من صحه ....!!!

يمكن شغال بمؤسسسه ومتكفله باعطاءه تامين صحي ... اكسا او قطر للتامين او غيرها من الشركات

مسرع ما تقول ( خيرنا لغيرنا )

والمثل الأخر :

( حلال عليهم و حرام علينا )

[qatari911]

احنا القطريين في مؤسسة حمد الطبية ما عندنا تأمين


حتى عندنا بدوامي مافيه تأمين للقطري والمقيم
بس المراكز الصحيه والبطاقه الصحية عليهم من تجديد :shy:

[غريب الدّار]

لان تامينهم من جهه عملهم ومب من الدوله انا جهه عملي ماوقفت التامين علي

اعتقد اختي هالنقطة بحاجة لتوضيح

الموضوع صار فيه التباس لان صاحب الموضوع ذكر ان :


وهذه المؤسسات تابعه للدوله


فهل المقصود القطاع الخاص ؟؟ ام مؤسسات الدولة ؟

او أي جهة بالضبط؟

[غريب الدّار]

المقيمين هم من أهدر أموال التأمين أكثر من

أهل البلد




؟؟؟؟؟؟؟

ياجماعة حد يفهمني هالنقطة :
المقيمين كانوا تحت مظلة تأمين صحة؟؟؟؟


اللي اعرفه ان لا !!!


شلون هم اللي اهدروا أموال التأمين ؟؟؟؟؟\


اعتقد يابو سعود ان في لبس عندك

انت تقصد القطاع الخاص

القطاع الخاص اخوي يأمن المواطن والمقيم (في الغالب) لما يشتغلون عندهم

يعني البنوك على سبيل المثال توفر التامين لموظفينها أيا كانوا : مواطنين او مقيمين

ومافي شي يمنع القطاع الخاص انه يأمنهم او يوقف التأمين عنهم

[المخفي]

المؤسسات و الهيئات الحكومية تدفع اشتراكات عن موظفينها القطريين و المقيمين و زوجاتهم و ابنائهم

الحكومة بعد ايقاف صحة ستدفع اشتراكات المواطنين في شركات التأمين الخاصة و هذه خطوة اولى في رفع يدها من علاج القطريين بالمجان

ترى البترول نازل

[khaldoon]

يا جماعه انا عايش على التأمين الصحي اللي موفره مكان عملي.... في تأمين غيره تتكلمون عنه للمقيمين ارجو التوضيح

[شيخ الديرة]

المقيم اللي عنده تأمين عنده قبل صحة

[أبو سعود]

بوسعود صباح الخير من قالك المقيم له تامين صحي !
شفت بعينك او سمعت ان مقيم له تامين من صحه ....!!!

يمكن شغال بمؤسسسه ومتكفله باعطاءه تامين صحي ... اكسا او قطر للتامين او غيرها من الشركات

مسرع ما تقول ( خيرنا لغيرنا )

والمثل الأخر :

( حلال عليهم و حرام علينا )


نعم قبل تطبيق نظام صحه على المواطنين والمواطنات


شفت عند قسم الأستقبال حالات كثيره

للمقيمين والمقيمات و أستفادوا من التأمين الصحي

بالعيادات الخاصه

وهم كانوا يعملوا خصوصآ بالمؤسسات الكبيره

التابعه للدوله

وكما نعلم أن أعدادهم بهذه المؤسسات أكثر

من المواطنين


بينما نحن تعالجنا وأجرينا عده عمليات

وكلها من حسابنا الخاص


( والآن ) بعد أيقاف التأمين عن أهل البلد

أنصحك بأن تذهب للمستشفيات الخاصه ( المشهوره )

وشوف بعينك أعداد كثيره للمقيمين يتعالجون

بهذه المستفشيات على حساب التأمين الصحي


بينما ستلاحظ حالآت نادره للمواطنين والمواطنات

بهذه المستشفيات


أرجع وأقول بأن هذه المؤسسات التي يعمل

بها المقيمين تكون تابعه للدوله


أي أنهم يتسببون في أهدار المال العام للدوله

بينما أهل البلد تم حرمانهم من خيرات الأستفاده

من العلاج من خلال التأمين الصحي

والتي هم الأولى والأحق أن يستفيدوا منها



ولا زلت أرى المثل ( خيرنا لغيرنا )

ينطبق على هذا الموضوع

[الدوحه1]

في جهات حكوميه 100% توفر التأمين الصحي لموظفينها والسبب انها لاتتبع قانون الموارد البشريه!!
مثال: شبكة الجزيره , بين سبورت , اسباير,....

الحكومه تقدر تلغي التامين الصحي لو بغت حتى لو مكتوب في العقد.

فمثلا في جهات ماكانت تتبع قانون الموارد البشريه وكانت تصرف بدل سكن اعلى بوايد من ال 6000 ريال(اعل بدل للسكن في القانون الحالي) ويوم نزل القانون وتم ضم هالجهات تحت قانون الموارد الجديد(سنة 2009) تم تطبيق القانون عليهم بدون اخذ موافقتهم؟؟؟
انا كنت في احدى هالجهات وكان بدل السكن فوق ال 12 الف ريال والحين 6000 ريال؟؟؟

[mr. abdulla]

ما فهمت ايش الهدف اخوي ابو سعود... هل انت تشتغل في البترول او الغاز او شركة أجنبية مثل شُل او مرسك؟ فجميع الموظفين سوى ان كان قطري او اجنبي عندهم تأمين صحي.. انت تبي يلغون التأمين عن الاجانب و يخلون التأمين للقطرين ؟ او انت تبي الشركات كلها مع الشركات الأجنبية يلغون التأمين الصحي عن الكل ؟ بعدين هل الاجانب في مجلس الأعلى للتعليم او وزارة التجارة عندهم تأمين صحي و القطرين في نفس الجهة ما عندهم ؟

[معماري قطري]

لانهم هم من الي وقفوه علينا وهم من يامرون ويخططون والمسؤل القطري يوقع ويرفعه للجهات العليا بناء على دراسه الخبير والاستشاري (المقيم) وطبعا بيوقفه عليك ومب موقفه على ربعه الحلو فيهم هالاجانب انه مافيهم حسد ع بعض ويعتبرون نفسهم مساكين بس ع الكطري لا هيدا بدو كسر راس فلوسه كتير وشايف حالوه وهلا بعد لمرض نعالجه فري بيكفي عليه الكهرب والما بلاش ماهو لازم نعمل بلنس الكطري كهرب ماي بلاش صحه بيدفع الاجنبي صحه بلاش كهرب ماي بدنا بلاش بس مازبطت ولكن ابشركم انها زبطت في وايد جهات حكوميه واجنبيه المقيم معفي مثل القطري واحسن

هههههه شكلك قلبك متروسة مثل ما يقولون

اليوم متصلة بي وحدة من صحة تسئل عن الحال .. وقالت بدك إشي تاني قلت عطيني رقم المستشفى الكوبي باخذ موعد قالت ما عندي ولو حصلته باتصل بك .. يحليلهم صج متعاونين مع بعض أما الكطري بيحسد الكطري التاني

[راعي الكورفت]

حلال على الاجانب التامين ودايما خيرا لغيرنا ونسوي خير وانقط بالبحر وان الله يحب المحسنيين

قال تعالى في ذكر الاحسان الى الغير (وأحسنوا إن الله يحب المحسنين)

اذكر كانت مواضيع كثيره من الاعضاء تطالب بايقاف التأمين بسبب نصب المستشفيات ومبالغتهم برفع الاسعار على التامين!


والحين بعد ما سمعت الحكومه لمطالبكم وقررت توقف التامين على المواطنيين حفاظا على اهدار المال العام للمستشفيات الخاصه التي وصفتموها بأنها ترهف بالمال العام بلاحسيب ولا رقيب


صرتم تبوون ترجعوون التامين وتشتكوون !


انتم حددوا موقفكم بالاول :whistling:

[العنيده]

شغلي موفر لي تامين الحمدلله بس كانت المشكله ان العيادات يقولون صحه افضل :)
الفرق ان الاجانب يستخدمون التامين و ماعتقد حد يسال بكم وليش المهم اندفع بكل هدوء وياخذ علاجه وفاهم ان من حقه مبلغ مععين اندفع له لخدمته
ويمشي واحنا نروح بميزانيه مفتوحه اكيد بيصير هالخلل ..
ياليت في دراسه تبين فرق الصرف بين المواطنين والمقيمين بامانه ..

عشان مااطلع عن الموضوع .. يارب يكون تامين المواطن نفس المقيم مانقول يوقف عشان مانظلم اللي محتاج منهم ..

[جبر ال جبر]

بس ماتلاحظ اخوي جبر ان احنا كقطريين كانت عندنا شكاوى من نظام التامين تحت مظلة(صحة)؟ قصدي من ناحية استنزاف أموال الدولة لأسباب انت تعرفها؟
والمنتدى زاخر بمثل هالمواضيع
ومجلس الشورى ناقش هالمسألة مرة
اذن المقيمين مااعتقد لهم علاقة بإيقاف النظام



هاذي نقطة

النقطة الثانية :
اخوي الكريم صاحب الموضوع

هل المقيمين اللي تقصدهم كانوا مشمولين بنظام (صحة) ؟؟؟


اذا كان الجواب نعم (وهذا غير صحيح طبعا) فالمفروض يوقف نظم التامين عندهم
اما اذا كان الجواب لا : فهذا يعني انهم تعاقدوا معاهم على هالأساس

وانت تعرف اخوي ان العقد شريعة المتعاقدين ولا يجوز تعديله الا بموافقة الأطراف


الا اذا كنت تقصد اخوي من موضوعك لفت النظر إلى هذه المسالة
أو تقترح ضمناً إلغاء التامين عنهم لتقليل التكاليف

والله يوفق الجميع

طويل العمر بنسبه للشق الاول من سؤالك انا كمواطن مالي علاقه بمشاكل تامين مع الصحه ولا الحكومه يفترض فيهم حلو اشكاليتهم وخطائهم الفادح بينهم البين
الحين انا عندي علاج مثلا ومواعيد مع عياده سين جيت انت في النص ووقفت كل شي انا مب حاسب حساب هالشي والعياده الي اتعامل وياها فوق طاقتي قبل متعنز على التامين الحين انت وهقتني بدون تعطيني حلول بالله عليك شسوي في هال 6 شهور من وين اجيب قيمه العلاج هذا كوست علي الحمدالله اني مب في هالموقف بس اكيد مرضى وايد عندهم هالمشكله هذا الشق الاول
الشق الثاني احنا دايمن نشوف المشكله من زاويه وحده وجود مزود فاشل ومتخبط مثل صحه هو الي عفس الامر يفترض فيه مستعد وجاهز لاداره وكنترول هذا الامر
لانه التامين الصحي موجود من عشرات السنين للشركات الشبه حكوميه مثل كيوبي ماحد اشتكى الاهلي والعمادي وعياده الدوحه جيراني مقيمين وشهاداتهم اقل مني وانا المواطن اخسي ادش هالعيادات لين ارخي الدراهم وهو يدشها بلاش يعني عليه بالعافيه والله لايحدنا اصلن للمستشفيات وانا شخصيا اعرف ناس وايد ماستفادو من التامين الصحي الحكومي لانه العافيه والصحه تاج ع روس الاصحاء يعني مب مثل غيره استغل هالشي وقام يلعب
كل الي قصدته ولب الموضوع في هالشي انه الي وضع هذا المقترح والي وقفه اجنبي
وبنسبه انه التامين يوقف عنهم لا والله لاابيه يوقف عنهم ولا عنا بس انت قطري ومواطن وصاحب اسره المستشفيات والعيادات الخاصه حالها حال اي نشاط في بعضهم سيء جدا وفي بعضها ممتاز وذو جوده عاليه وخصوصا الي يكون خاص لانه ماعندهم لعبه الاخطاء محسوبه عليهم وفيها خساير فتحصل الاكشن سريع منهم مب مثل الامور الحكوميه اخطاء بالهبل ولاحد يكلمهم ومواعيد بالشهور للاسنان في حين انت ماتتحمل الم سنك او الم سن اي واحد من عيالك فتضطر توديه خاص انت تدفع الالاف الريالات عند الكاشير والمقيم جنبك مايدفع شي وحكومتك تدفع عنه!!( عليه بالعافيه) وترى سوالف شركات وحكومه في الاخير الميزانيه وحده من الحكومه تطلع الحين يوم استبشرنا خير في الفتره الماضيه صرنا مثلهم اللهم لك الحمد شليتها عني وخليتهم!!!!
عشان مشكله مع مزود الخدمه

[جبر ال جبر]

هههههه شكلك قلبك متروسة مثل ما يقولون

اليوم متصلة بي وحدة من صحة تسئل عن الحال .. وقالت بدك إشي تاني قلت عطيني رقم المستشفى الكوبي باخذ موعد قالت ما عندي ولو حصلته باتصل بك .. يحليلهم صج متعاونين مع بعض أما الكطري بيحسد الكطري التاني

تصدق يامعماري اني ابي قطري واحد اتناقش معاه في مساله كانت في موضوع التامين الصحي خارج قطر ماعينت قطري اشرح له الامر وهالشي ترى مؤشر خطير
يعني بعض القطريين الله يهداهم من يمسكونه منصب اعتمد ع الاجنبي الي تحته وان قاله الاجنبي يمين ماينشده اقل شي ليش يمين عشان هشكل انا اقولك السلطه والقرار وصياغه الكتب والثغرات كلها بيدهم القطري ديكور واذا صار شي ينضرب ع راسه القطري احنا صحيح تطورنا وشفنا قطريين مسكو مناصب مهمه وحساسه بس مع الاسف اللوبيي الي تحت قوي وخصوصا في اي شي يتعلق بمصير المواطنين ابسط مثال التامين الصحي (صحه ) الامير عسى الله يطولنا في عمره كل الشعب يحبه وهو مانشك في حبه لشعبه الا بالعكس يحرص كل الحرص على رفاهيه وتوفير سبل العيش الكريم له والمقام مايتسع لسرد الامثله ولكن الي نبيه لمن سمو الامير يصدر اوامره الساميه للحكومه بتوفير خدمه معينه ويقوم رئيس الحكومه بتنفيذ مطلب الامير وتحويله للوزير المختص ويقوم الوزير ويحوله للمساعد او الوكيل ولين تنزل تحت للشخص التنفيذي هذا الشخص التنفيذي نبي منكم تسليط المجهر عليه او ليت الايفون اذا ماعندك مجهر وتابعه وتشوف شيسوي مب تحط يدك ورا ظهرك وتراقبه وتاخذلي جريده مقظوظه من النص ولابس نظارات سودا وتتبعه وين يروح لالالا تاخذ ورقه وقلم واذا ماعندك ورقه وقلم عادي دش الملاحظات بعد في الايفون وسجل كل خطوه يقوم بها هالموظف التنفيذي ونزل برامج من الابل ستور مختصه في الفلواب والمتابعه لين يتم انجاز المشروع كامل ويتم تنفيذ رؤيه وهدف سمو الامير حفظه الله بس المصيبه والطامه الكبرى اذا المراقب مب مواكب العصر وتفكيره متخلف وجواله نوكيا!!!

[غريب الدّار]

طويل العمر بنسبه للشق الاول من سؤالك انا كمواطن مالي علاقه بمشاكل تامين مع الصحه ولا الحكومه يفترض فيهم حلو اشكاليتهم وخطائهم الفادح بينهم البين
الحين انا عندي علاج مثلا ومواعيد مع عياده سين جيت انت في النص ووقفت كل شي انا مب حاسب حساب هالشي والعياده الي اتعامل وياها فوق طاقتي قبل متعنز على التامين الحين انت وهقتني بدون تعطيني حلول بالله عليك شسوي في هال 6 شهور من وين اجيب قيمه العلاج هذا كوست علي الحمدالله اني مب في هالموقف بس اكيد مرضى وايد عندهم هالمشكله هذا الشق الاول
الشق الثاني احنا دايمن نشوف المشكله من زاويه وحده وجود مزود فاشل ومتخبط مثل صحه هو الي عفس الامر يفترض فيه مستعد وجاهز لاداره وكنترول هذا الامر
لانه التامين الصحي موجود من عشرات السنين للشركات الشبه حكوميه مثل كيوبي ماحد اشتكى الاهلي والعمادي وعياده الدوحه جيراني مقيمين وشهاداتهم اقل مني وانا المواطن اخسي ادش هالعيادات لين ارخي الدراهم وهو يدشها بلاش يعني عليه بالعافيه والله لايحدنا اصلن للمستشفيات وانا شخصيا اعرف ناس وايد ماستفادو من التامين الصحي الحكومي لانه العافيه والصحه تاج ع روس الاصحاء يعني مب مثل غيره استغل هالشي وقام يلعب
كل الي قصدته ولب الموضوع في هالشي انه الي وضع هذا المقترح والي وقفه اجنبي

شلون مالك علاقة ياجبر؟

المشاكل هاذي استنزفت الدولة أصلا

هذا واحد

اثنين : انت تقول كان يفترض
الحين احنا تجاوزنا مرحلة كن يفترض لان للأسف صار

والحين التامين موقف
لاتنسى ان أصلا توهم بادين فيه
وبشكل عام أي نظام يبدون فيه تكون فيه ثغرات
بتقول لي يفترض ويفترض باقول لك صحيح

بس الحين احنانتكلم عن اليوم


اما بالنسبة لآخر سطر من كلامك فانا والله ماعندي معلومة تقول ان اللي وضع المقترح واللي وقفه اجنبي

اللي اعرفه ان الدولة هي اللي أصدرت وقامت بهالموضوع
والدولة هي اللي وقفته بسبب أمور احنا عارفينها

يمكن عندك معلومة اكيدة ماتكون عندي
:)

[غريب الدّار]

شلون مالك علاقة ياجبر؟

المشاكل هاذي استنزفت الدولة أصلا

هذا واحد

اثنين : انت تقول كان يفترض
الحين احنا تجاوزنا مرحلة كن يفترض لان للأسف صار

والحين التامين موقف
لاتنسى ان أصلا توهم بادين فيه
وبشكل عام أي نظام يبدون فيه تكون فيه ثغرات
بتقول لي يفترض ويفترض باقول لك صحيح

بس الحين احنانتكلم عن اليوم


اما بالنسبة لآخر سطر من كلامك فانا والله ماعندي معلومة تقول ان اللي وضع المقترح واللي وقفه اجنبي

اللي اعرفه ان الدولة هي اللي أصدرت وقامت بهالموضوع
والدولة هي اللي وقفته بسبب أمور احنا عارفينها

يمكن عندك معلومة اكيدة ماتكون عندي
:)

وعلى فكرة اخوي جبر :
انا طرحت اكثر من تساؤل في هالموضوع ومالقيت ردود

لأني مب مقتنع بربط الموضوع بالاجانب اطلاقا بصراحة

يعني تأمين صحة تم إيقافه بسبب تجاوزات صارت واحنا عارفينها

وش علاقة الأجانب في الموضوع ؟

[Al-Kuwari]

مع احترامي لصاحب الموضوع

مقارنتك لا تجوز وتنم عن ادراك ضيق وتفكير غريب

صحة متمثله بالحكومة اوقفت التأمين الصحي
وصحة كانت تقدم التأمين للمواطنين فقط

الاجانب كانت عقود العمل تتضمن التأمين الصحي وتوفره جهات عملهم " قطر فاونديشن , قطر للبترول " كأمثله ضمن صفقة تقوم بها المؤسسة مع شركة تأمين محلية او عالمية " الكوت لشركات البترول مثلاً , قطر للتأمين , او اكسا العالمية " وتقوم الشركة هذي بتوفير التأمين الصحي لكل الموظفين للشركة اجانب ام قطريين ,

فبناء عالمذكور اعلاه مقارنتك لا تصح

كأنك تقول ابوي قطع خدمة الانترنت من بيتنا, ليش بيت جيرانا عندهم نت ؟ !! يعني السموحة منك بس جد شدخل !!!!

[العقل المدمر]

لانهم هم من الي وقفوه علينا وهم من يامرون ويخططون والمسؤل القطري يوقع ويرفعه للجهات العليا بناء على دراسه الخبير والاستشاري (المقيم) وطبعا بيوقفه عليك ومب موقفه على ربعه الحلو فيهم هالاجانب انه مافيهم حسد ع بعض ويعتبرون نفسهم مساكين بس ع الكطري لا هيدا بدو كسر راس فلوسه كتير وشايف حالوه وهلا بعد لمرض نعالجه فري بيكفي عليه الكهرب والما بلاش ماهو لازم نعمل بلنس الكطري كهرب ماي بلاش صحه بيدفع الاجنبي صحه بلاش كهرب ماي بدنا بلاش بس مازبطت ولكن ابشركم انها زبطت في وايد جهات حكوميه واجنبيه المقيم معفي مثل القطري واحسن

:happy::happy::happy::happy::happy:

[mr. abdulla]

كأنك تقول ابوي قطع خدمة الانترنت من بيتنا, ليش بيت جيرانا عندهم نت ؟ !! يعني السموحة منك بس جد شدخل !!!!


ههههههه كلامك سليم... بس اذا جاري اجنبي آي عادي اقطع عنه النت ... الله يخلينا و يديم نعمة الخير علينا كلنا

[بصمة قطرية]

بس اعتقد المواطنين اللي شغالين في موسسات شبه حكوميه ماتوقفت عليهم التأمين الصحي .
حد يفيدنا

الوقت اللي سوو فيه تأمين صحة
إنتهى وقت تأمين أكسا و ما جددوا مثل كل سنة
قالوا عندكم صحة ..
سنين و احنا مع أكسا ( ستار بلس ) و دولي
يعني ماشي في كل دول العالم ..
الحين لا أكسا و لا صحة ..

[بصمة قطرية]

الموضوع ما له داعي أبداً ..

المقيمين تأمينهم على مكان عملهم ..
ليش نقارن تأمين المواطن كان حكومي ..

[نمر بن عدوان]

موضوع ماله اساس. المقيمين الي عندهم تأمين يشتغلون في مؤسسات تعطي تأمين صحي حتى للمواطنين اما المقيمين في الوزارات او الاماكن الي مافيها تأمين من الاساس ماعندهم حتى لما كان التأمين يمشي للمواطن .