ابواب اليو بي في سي وسعر النوافذ ؟؟

[وحيد-الشوق]

السلام عليكم

شرايكم في ابواب اليو بي في سي للبيت شركة الدوحة عطوني عرض سعر ابواب ونوافذ للبيت كامل ب105000 النوافذ دبل جلاس مع فريم 7 سم مع نظام فتح بطريقتين بالنسبة للنوافذ بوقع معاهم ان شاء الله لكن الابواب متردد خشب من شركات ثانية او يو بي في سي اقصد للغرف والصالات النوافذ سعرها 49 الف

محتاج رايكم ياجماعة بارك الله فيكم

[RAGA]

السلام عليكم

شوف شركة معماري قطر يوبي في سي طريق سلوى بعد شغلهم زين وتعاملت معاهم كذا فيلا
هاي رقمهم 55857334 احمد

شكرا

[وحش الصناعات]

وعليكم السلام،

بخصوص الدرايش وابواب الحمامات تكرمون، انا معاك وافضل ولكن لابواب الغرف الداخليه خلك مع الخشب لعدم توفر اشكال كثير في اليو بي في سي.

[وحش الصناعات]

بخصوص الشركات هناك الاختياري الالماني ولكن سعره غالي شوي بالنسبه للباقي

وبالنسبه لمعماري قطر تعاملت معاهم يعيبهم مواعيدهم مش دقيقه أو على حسب الفني اللي متفق معاه يكون التأخير والفلسفة الزايده منه ولكن مشتهدين وعندم شغلات حلوه وحتى الشتر متوفر لديهم.

وحاسب من أخذ القياسات مضبوطه لانها صارت معاي اخذ قياس خطأ وعلل بشي اقبح من الواقع وطبعاً كلنا عارفين انه بعض الاشخاص عنده الرد ما يحتاج كل شي له جواب.

[معماري قطري]

غريبة شلون شركة فنيها ياخذ المقاسات وبعدين يتهرب ويغالط نفسه هو المسؤول .. يا اخوي الهنود يجون كم مرة ويشيكون صح وبعدين لو المقاس فيه شوية انحراف يجيب قطعة كرتون يقص عليها ويصنع حسب القطعة بالضبط

شوف اخوي وحيد لو تحصل ألمنيوم تيوبلار قطاع عريض ينفتح معلق ولاف .. Hinged .. وسعره مناسب خذه إذا همك السعر والجودة ولا شوف الشركات الزينة مثل قطر يو بي في سي - الألماني - وعندك الاختصاصي وميزة الاختصاصي يحطون غاز الأرغون كما يقولون ما جربتهم .. تقدر تشوف حاط للعملية مقطع في يوتيوبيات البناء

قطر يو بي في سي عندهم بعد ألمنيوم والاختصاصي للألمنيوم غنيين عن التعريف

[وحيد-الشوق]

السلام عليكم

شوف شركة معماري قطر يوبي في سي طريق سلوى بعد شغلهم زين وتعاملت معاهم كذا فيلا
هاي رقمهم 55857334 احمد

شكرا

وعليكم السلام

انا مابغيت اروح بعيد قلت اشوف المحل في الوكرة واخلص وافتك :)

اشكرك ياخوي


وعليكم السلام،

بخصوص الدرايش وابواب الحمامات تكرمون، انا معاك وافضل ولكن لابواب الغرف الداخليه خلك مع الخشب لعدم توفر اشكال كثير في اليو بي في سي.


انا من النوع الي مايهمني الشكل وايد لأنه في الاخير باب بيبان الحمامات امر مفروغ منه خلاص بركب ان شاء الله يو بي في سي بس الغرف متردد مع ان الاشكال حلوة بس الي مخوفني قبضات البيبان اخاف تخترب واتوهق ما احصلها الا عند الوكيل وشكلها تقليدي بحت



بخصوص الشركات هناك الاختياري الالماني ولكن سعره غالي شوي بالنسبه للباقي

وبالنسبه لمعماري قطر تعاملت معاهم يعيبهم مواعيدهم مش دقيقه أو على حسب الفني اللي متفق معاه يكون التأخير والفلسفة الزايده منه ولكن مشتهدين وعندم شغلات حلوه وحتى الشتر متوفر لديهم.

وحاسب من أخذ القياسات مضبوطه لانها صارت معاي اخذ قياس خطأ وعلل بشي اقبح من الواقع وطبعاً كلنا عارفين انه بعض الاشخاص عنده الرد ما يحتاج كل شي له جواب.

ناس وايد امدحوا لي الدوحة شغلهم زين ومواعيدهم مضبوطه ان شاء الله انا وقعت عقد النوافذ معاهم بس باقي الابواب


غريبة شلون شركة فنيها ياخذ المقاسات وبعدين يتهرب ويغالط نفسه هو المسؤول .. يا اخوي الهنود يجون كم مرة ويشيكون صح وبعدين لو المقاس فيه شوية انحراف يجيب قطعة كرتون يقص عليها ويصنع حسب القطعة بالضبط

شوف اخوي وحيد لو تحصل ألمنيوم تيوبلار قطاع عريض ينفتح معلق ولاف .. Hinged .. وسعره مناسب خذه إذا همك السعر والجودة ولا شوف الشركات الزينة مثل قطر يو بي في سي - الألماني - وعندك الاختصاصي وميزة الاختصاصي يحطون غاز الأرغون كما يقولون ما جربتهم .. تقدر تشوف حاط للعملية مقطع في يوتيوبيات البناء

قطر يو بي في سي عندهم بعد ألمنيوم والاختصاصي للألمنيوم غنيين عن التعريف


كنت ناوي اركب المنيوم بس الكل نصحني في ubvc قلتا نتوكل على الله

نصيحه من شخص مبتدىء خفوا من تركيب الدرايش يا اخوان في البيوت استغرب من بعض البيوت درايش ماشاء الله مالها داعي بتزيد عليكم التكلفه والستاير يعني مخاسير عالفاضي وماراح نفتحها الاوقت الشتاء

اشكر جميع الاخوان على التفاعل والافاده الله يرحم والديكم

[معماري قطري]

الألمنيوم في كل العالم أغلى وأجود من اليو بي في سي وقصدي الألمنيوم عالي الجودة .. عندنا استوى العكس بسبب رداءَة نوعيات الألمنيوم وقلة سمك جدرانها وضعف قطاعه وتسريبه للهواء والرطوبة والغبار وتفوق اليو بي في سي عليه مع إن اليو بي في سي تم انتاجه ليكون بديل أرخص للألمنيوم ويحل هذي المشاكل .. في الوقت الحالي دخلت ماركات تصنيع رخيصة على اليو بي في سي واستوت المنافسة في تنزيل السعر وتنزيل الجودة الا عند الشركات القوية واللي تصنع حسب معايير منتهجها مصنع عالمي .. بتروح صوب الصين وتركيا والأُردن مع احترامي لهذي الدول لكن جودة تصنيعهم متدنية مقارنة بألمانيا وفرنسا وبريطانيا وهم الأوائل في استخدام هذي المادة وابتكارها

ألحين توها أمريكا مهتمة بهذا المجال وتصنع نوعيات جيدة وبقطاعات أقل عرض حتى ما تحجب الرؤية .. بس تصنيعهم بهالطريقة لدرايش صغار والكبار لازم يستخدمون قطاعات عريضة .. والدرايش الصغيرة عندهم مقاسات محددة يعني المقاول اللي يركب يقول للمورد ابغي عدد كذا نوع اي أو بي أو سي وأُموره سهلة إحنا عندنا لا مليون مقاس مختلف جتى بالملي وبعضها تجيك فيها انحراف .. بعد ما يطلبها المقاول تكون مصنعة وجاهزة تنشحن له خلال يومين وتوصله ويركبها وحتى إجراءات التركيب متعارف عليها

ليش قلت لك استخدم ألمنيوم؟ لمعرفتي إنه أفضل من اليو بي في سي اللي حصلت منافسة على تنزيل سعره وتنزيل مواصفاته وجودته .. بس ما دام انك وقعت وتوكلت على الله الله يوفقك وخذ منهم عينة موقعة مع العقد أو كإلحاق للعقد .. العينة قطاع زاوية وشلون طريقة تركيبها وتثبيتها والحديد المقوي داخلها والربلات وقطاع من المفصل وشلون تركيبه ونوعية البراغي وقطاع من المفتاح ولو جزء بسيط من الربلات وطريقة تثبيتها في الفريم والقزاز، وخلها عند الاستشاري يتابع تركيب باقي الدرايش بنفس الطريقة ونفس العينة.

[وحيد-الشوق]

ماشاء الله عليك يامعماري ربي يحفظك ولايحرمنا من ملاحظاتك

اشكرك عالمعلومات المفيدة :)

[معماري قطري]

ماشاء الله عليك يامعماري ربي يحفظك ولايحرمنا من ملاحظاتك

اشكرك عالمعلومات المفيدة :)

هذا مجال عملي اخوي أما الكهربة شيء ثاني وبحر اغرق فيه

[بوخالد911]

كل التوفيق.

[بوخالد911]

لا تنسى تركب تور خارجي
لان بدون التور ما تقدر تفتح الدرايش
عشان تمنع دخول الحشرات

[معماري قطري]

لا تنسى تركب تور خارجي
لان بدون التور ما تقدر تفتح الدرايش
عشان تمنع دخول الحشرات

لو يركبه ألمنيوم وثابت على بعض الدرايش اللي تنفتح بيكون أحسن .. السحاب غالي ويخترب ولو ركب على كل الدرايش المنظر .. لو يسون نوع سهل ينفتح وينغسل عن الغبار بيكون زين .. والثابت ممكن ينغسل بسهولة

[SeniorTrader]

انصحك بمعماري قطر

انا خذت عرض سعر من الشركتين ومعماري قطر اسعاره افضل ووفرت فوق 10 الاف

والحمدلله تم التركيب في البيت والشغل فوق الممتاز والكوالتي عالي وضمان مدى الحياه

ترا كلها ربع ساعه وانت واصل محلهم بطريق سلوى

[معماري قطري]

انصحك بمعماري قطر

انا خذت عرض سعر من الشركتين ومعماري قطر اسعاره افضل ووفرت فوق 10 الاف

والحمدلله تم التركيب في البيت والشغل فوق الممتاز والكوالتي عالي وضمان مدى الحياه

ترا كلها ربع ساعه وانت واصل محلهم بطريق سلوى

معماري قطر شركة جيدة بس في شركات اليو بي في سي فيه ماركة تصنيع تحط ستاندرد عالي وتطور عليه ويكون نظام تصنيع بإسمها مثل فيكا اللي عند قطر يو بي في سي وكم ماركة عند الاختيار الألماني ما اذكرهم ولازم نقارن المواصفات وجودة التصنيع ونقارن السعر .. يمكن فرق 10000 يطلع غالي لو الثاني منتجه أجود .. ويمكن الثاني سعره 110000 واللي بناخذه سعره 100000 يطلع توفيرنا شيء بسيط .. لكن لو المادتين متساويتين في الجودة أكيد بناخذ الأقل

ألحين مناقصات الدولة استوت من مظروفين تسعير مالي ومواصفات وتعهدات وضمانات .. اللجنة تختار المواصفات الأعلى وبعدين يشوفون السعر لو مناسب ياخذون الأعلى في المواصفات حتى لو السعر كان شوي يفرق عن الأقل

[بوخالد911]

انا وقعت مع القطرية الكويتية
33 نافذة
دبل غلاس
17 باب
6000 ريال تكلفة تركيب تور خارجي.
التكلفة كلها 120000

[معماري قطري]

نسيت الاختصاصي هم بعد يصنعون حسب مواصفات ماركة معينة نسيتها صراحة .. والميزة عندهم الغاز الخامل اللي في الفراغ بين قطعتي الزجاج هذا عازل للحرارة ويسمح بدخول نور الشمس .. أول ما بدوا قطر يو بي في سي كان عندهم والحين شلوه حتى يخفضون التكلفة

لذلك في أي اختيار لمادة بناء لازم نقارن صح ولازم نخلي الاستشاري يساعدنا في المقارنة .. وفيه ممارسة تسمى ضمان الجودة أو كوالتي أشورانس وهذا كل محل يبيع مادة معينة المفروض يمارسها .. الوضع عندنا لا العكس بيع رخيص بغالي .. والمفروض يكون موفر الخدمة شعاره بيع جيد بسعر مناسب تكسب عملاء كثيرين وتبيع كثير وربحك يكون معقول

[معماري قطري]

انا وقعت مع القطرية الكويتية
33 نافذة
دبل غلاس
17 باب
6000 ريال تكلفة تركيب تور خارجي.
التكلفة كلها 120000

الله يوفقك انا ما جربتها لكن سمعت عنها شكاوي من قبل ويمكن طوروا منتجهم ألحين

بس انتبه لهم خصوصاً يا اخوي لو مسؤول المبيعات عربي .. بتحصل ما يركبون ربلات جيدة واللي يركبونها تفك وحتى قطاع اليو بي في سي ما فيه مكان خاص يمسك الربلة وتحصلها ملزقة .. وبعضهم ما يركبون حديد تقوية ما يصدي داخل وحتى يمكن يركبون الفريم ببراغي وبدون حديد في تجويف الفريم يقويه وبعد كم سنة ينحني الفريم لأَنه مب صلب .. حتى براغي التثبيت فيه الغالي وفيه الرخيص والاثنين يؤدون الغرض بس الرخيص يصدي ويجي قصير ولازم يركب خل نقول 10 براغي ولا 20 لأنه يثبت الفريم بالبراغي .. الثاني اللي يستخدم براغي طوال وتمر من الفريم ومن الحديد اللي داخله ممكن يستخدم 4 براغي وتطلع الدريشة قمة الثبات .. الربلة لها شق خاص وتتثبت بتدخيلها من الطرف وسحبها في هذا الشق وتكون لها مثل الكورة من ورا تسوي اغلاق محكم داخل الشق ولا تطلع الا تنسحب من الطرف وبقوة

المفصلات وآلية الفتح والإغلاق البعض يجيبونها رخيصة جداً من الصين واحتمال من تركيا الماركة المعروفة تجيك هذي القطع المهمة مصنعة باسمها

للبيبان بعد تحصل نعلة المنيوم تثبت ببراغي في الأرض وتكون نازلة لكن ميزتها الباب يقفل معاها .. بعضهم صدقني ما يركبونها كلش ويستوي عندك يو بي في سي بنكهة الخشب بعد مب الألمنيوم .. في أطراف ألواح الزجاج فاصل معدني وفيه فتحات هذا حتى يتنفس هذا الفراغ بدون دخول الرطوبة ويستوي لنا بخار داخل .. شفت بيت واحد يستوي ضباب وقت البرد داخل هذا التجويف

بعض الشركات الله يهداهم يحاولون ويجي المنتج ملقط من كذا مكان .. كنك تبي تشتري سيارة وواحد يقول لك البدي ياباني لكن المكينة هندية والسيتات تمشي الحال .. وغيرها معروفة ولها ضبط جودة حتى لو القطع من كل دول العالم لأن وراها حسابات هندسية ثابتة وأي قطعة فيها خلل ما تدخل عندهم

[بوخالد911]

الله يوفقك انا ما جربتها لكن سمعت عنها شكاوي من قبل ويمكن طوروا منتجهم ألحين

بس انتبه لهم خصوصاً يا اخوي لو مسؤول المبيعات عربي .. بتحصل ما يركبون ربلات جيدة واللي يركبونها تفك وحتى قطاع اليو بي في سي ما فيه مكان خاص يمسك الربلة وتحصلها ملزقة .. وبعضهم ما يركبون حديد تقوية ما يصدي داخل وحتى يمكن يركبون الفريم ببراغي وبدون حديد في تجويف الفريم يقويه وبعد كم سنة ينحني الفريم لأَنه مب صلب .. حتى براغي التثبيت فيه الغالي وفيه الرخيص والاثنين يؤدون الغرض بس الرخيص يصدي ويجي قصير ولازم يركب خل نقول 10 براغي ولا 20 لأنه يثبت الفريم بالبراغي .. الثاني اللي يستخدم براغي طوال وتمر من الفريم ومن الحديد اللي داخله ممكن يستخدم 4 براغي وتطلع الدريشة قمة الثبات .. الربلة لها شق خاص وتتثبت بتدخيلها من الطرف وسحبها في هذا الشق وتكون لها مثل الكورة من ورا تسوي اغلاق محكم داخل الشق ولا تطلع الا تنسحب من الطرف وبقوة

المفصلات وآلية الفتح والإغلاق البعض يجيبونها رخيصة جداً من الصين واحتمال من تركيا الماركة المعروفة تجيك هذي القطع المهمة مصنعة باسمها

للبيبان بعد تحصل نعلة المنيوم تثبت ببراغي في الأرض وتكون نازلة لكن ميزتها الباب يقفل معاها .. بعضهم صدقني ما يركبونها كلش ويستوي عندك يو بي في سي بنكهة الخشب بعد مب الألمنيوم .. في أطراف ألواح الزجاج فاصل معدني وفيه فتحات هذا حتى يتنفس هذا الفراغ بدون دخول الرطوبة ويستوي لنا بخار داخل .. شفت بيت واحد يستوي ضباب وقت البرد داخل هذا التجويف

بعض الشركات الله يهداهم يحاولون ويجي المنتج ملقط من كذا مكان .. كنك تبي تشتري سيارة وواحد يقول لك البدي ياباني لكن المكينة هندية والسيتات تمشي الحال .. وغيرها معروفة ولها ضبط جودة حتى لو القطع من كل دول العالم لأن وراها حسابات هندسية ثابتة وأي قطعة فيها خلل ما تدخل عندهم


ملاحظاتك محل تقديرنا

والله يحفظك ويرعاك.

[معماري قطري]

اللي حبيت اوضحه فيه شيء اسمه اجتهاد شخصي وانتاج قليل التكلفة حتى يربح أكثر وفيه منتج مدروس وله علامة تجارية ومهما ربح فيه التاجر اللي يسويه ربحه يكون محدود .. أما الأول كل ما ركب شيء رخيص كل ما زاد ربحه