موظفين مركز العظام والمفاصل

[شيخ القبيلة]

السلام عليكم ورحمة الله وبركاته،،
لاحظت ان موظفين الاستقبال مركز العظام اللي جنب الصحة المدرسية اغلبهم اجانب يامصري ولا تونسي ولا سوري
السؤال : ليش اجانب ومب قطريين او قطريات واعتقد ان مثل هالوظايف مب معقده ويبيلها خبره
حتى بعض موظفين الاستقبال في العيادات الخارجية اجانب مادري ليش
لا وبعضهم ماعنده اسلوب الاستقبال ولاعنده حتى اسلوب في التعامل
انا مب قصدي قطع ارزاق الناس لا بس القطري اولى بهالوظايف
ارجو ان محد يفهمني غلط وارجو اذا انا غلطان بملاحظتي حد يفهمنا
مع الشكر للجميع

[بانغ بانغ]

انا امس كنت في احد البنوك القطرية الاسلامية والا وحدة عربية في خدمة العملاء قاعدة تخدم العالم غصب كأنها مجبورة ونفسية كلش

مستغرب ليش ما يعطونهم دورات او ايحطون ناس بشوشة ... او عالاقل مواطنين يحشمون

حتى في المركز الصحي في الوكرة عندنا .... كأنك داش مصحة نفسية من شدة التعقيد والاستقبال الثقيل والتعامل الجاف من بعض الجنسيات ....

طبعا مب معاي !!! مع المراجعين الغلابى

[شيخ القبيلة]

السؤال اللي يطرح نفسه لييييش اجانب ليش مافي قطريين يعني
لو نقول مستشفى خاص ولا عيادة خاصة هذا موضوع مختلف
لكن دائرة حكوميه مستشفى، مركز صحي ، بنك الخ من المؤسسات الحكومية الخدمية المفروض قطريين

[شيخ الديرة]

انا امس كنت في احد البنوك القطرية الاسلامية والا وحدة عربية في خدمة العملاء قاعدة تخدم العالم غصب كأنها مجبورة ونفسية كلش

مستغرب ليش ما يعطونهم دورات او ايحطون ناس بشوشة ... او عالاقل مواطنين يحشمون

حتى في المركز الصحي في الوكرة عندنا .... كأنك داش مصحة نفسية من شدة التعقيد والاستقبال الثقيل والتعامل الجاف من بعض الجنسيات ....

طبعا مب معاي !!! مع المراجعين الغلابى

لأن هذيلة أحسن ناس قبلو هذي الوظيفة بهذا الراتب, ومستحملين معاملة بعض الناس

أحسن طريقة للشكوى انك توصل خبر للمدير, لو يفنشها لو تبتسم وتساعد الزبائن

[شيخ القبيلة]

اماكن تستحق الشكر ومناطر تثلج الصدر اللي لاحظت مثل:
الجوازات ماشاء الله كلهم قطريين
ومستشفى القلب لاحظت كل الكاونتر قطريين او اغلبهم
ناس منا وفينا مب احسن ياجماعة الخير

[شيخ القبيلة]

المشكلة ان معاملة بعضهم كأنك تطر من عنده ياشيخ ارجع بلادك احسن لك ولثقافتك

[بانغ بانغ]

لأن هذيلة أحسن ناس قبلو هذي الوظيفة بهذا الراتب, ومستحملين معاملة بعض الناس

أحسن طريقة للشكوى انك توصل خبر للمدير, لو يفنشها لو تبتسم وتساعد الزبائن

تبي الصراحة يا شيخ

انا من طبعي خاصة مؤخرا قمت ما الوم الناس ما تدري عن ظروف بيته او حياته او وضعه .... نعم صحيح المفروض ما ينقل اموره الخاصة للشغل لكن يبقى انسان

بس الموضوع المفروض ما ينسكت عنه لانها مصالح ناس

[مختلف جداََ]

لا تسألون الأجنبي ليش اشتغلت

سألوا الموارد البشرية ليش شغلتوا غير قطري .

أما موضوع اللباقة و التعامل ، فماله علاقة قطري أو غير قطري .

[معماري قطري]

صحيح اللباقة والبشاشة تعتمد على أُمور كثيرة لكن حسن الاستقبال عند الموظف القطري ما عليه كلام ومن خلال تجربة في مختلف الدوائر .. آخرها من أيام موظف في الدولي الاسلامي مع كثرة الشغل عليه والتلفونات والضغط كان بشوش ويخلص بالعميلين في وقت واحد

[معماري قطري]

المشكلة ان معاملة بعضهم كأنك تطر من عنده ياشيخ ارجع بلادك احسن لك ولثقافتك

دخلت مرة إدارة حكومية من زمان وشفت اللي يصبون القهوة عندهم لباقة ولبسهم مرتب وسئلت عنهم قالوا لي يتعينون بمعايير خاصة ومب بسهولة وينعطون دورات في اللباقة في الشيراتون .. حتى الطباخين يطبخون طبخات على مستوى فنادق .. تذكرت فراشنا مسكين اللي زعل واستقال وكان يبي يستوي صباغ حتى يزيد راتبه ورفضوا

[<اضرب واشرد>]

السلام عليكم
اللي يعرف مسؤول في مستشفى الوكرة يبلغه عن طبيبة حاطينها تسوي تخطيط قلب للرجال!
إذا للحين موجودة ينقلونها صوب الحريم، ويحطون مكانها شنب

الصورة من قوقل
http://i.ytimg.com/vi/Pt5zD3ALeJA/hqdefault.jpg

[مختلف جداََ]

السلام عليكم
اللي يعرف مسؤول في مستشفى الوكرة يبلغه عن طبيبة حاطينها تسوي تخطيط قلب للرجال!
إذا للحين موجودة ينقلونها صوب الحريم، ويحطون مكانها شنب

الصورة من قوقل
http://i.ytimg.com/vi/Pt5zD3ALeJA/hqdefault.jpg


هاي صج ولا نكته :omg: ؟
أي قلبي يعورني

[بانغ بانغ]

السلام عليكم
اللي يعرف مسؤول في مستشفى الوكرة يبلغه عن طبيبة حاطينها تسوي تخطيط قلب للرجال!
إذا للحين موجودة ينقلونها صوب الحريم، ويحطون مكانها شنب

الصورة من قوقل
http://i.ytimg.com/vi/Pt5zD3ALeJA/hqdefault.jpg

ههههههه ابشر بتصرف بكلم واحد

[معماري قطري]

هاي صج ولا نكته :omg: ؟
أي قلبي يعورني

صج بس الأجهزة أنواع وكلها تدلدغ

لازم اسوي هالفحص بأسرع وقت

[طلعة الروح]

سؤال دايما يطرح والاجابه غالبا
ان الزين والشين موجود في كافة الجنسيات
وانا مع رد العضو الي قال اسأل الجهة المستقدمة والجهة الي عطت تصريح العمل لا تسأل الموظف لانة في النهاية أي موظف اشتغل فهو يا من حبه للشغله او لانة مضطر يشتغلها

[الجـــوديّ]

السلام عليكم ورحمة الله وبركاته،،
لاحظت ان موظفين الاستقبال مركز العظام اللي جنب الصحة المدرسية اغلبهم اجانب يامصري ولا تونسي ولا سوري
السؤال : ليش اجانب ومب قطريين او قطريات واعتقد ان مثل هالوظايف مب معقده ويبيلها خبره حتى بعض موظفين الاستقبال في العيادات الخارجية اجانب مادري ليش
لا وبعضهم ماعنده اسلوب الاستقبال ولاعنده حتى اسلوب في التعامل
انا مب قصدي قطع ارزاق الناس لا بس القطري اولى بهالوظايف
ارجو ان محد يفهمني غلط وارجو اذا انا غلطان بملاحظتي حد يفهمنا
مع الشكر للجميع



من من القطريين بيستحمل أطباع ناس مختلفة وألسنة سليطة .. وأشكال والوان وأجناس إلا واحد حاط أعصابه في ثلاجة ؟
كلٍ بيقول شحادني على الغربال .. وبلاها شغله دام فيه أحسن منها


الحين عيال الثانوية أول ما يتوظفون يبون مكتب وكمبيوتر موصل بانترنت .. وبوي يخدمهم
وين هذول يخدمون الناس ؟!؟!؟

[شيخ القبيلة]

أنا سمعت ان مستشفى حمد في وحدة اغمى عليها لما فنشوها ولازم تطلع من الدوام بعد استلام الاشعار
معقولة؟؟؟!!!! زين المفروض يعطونهم فترة عشان يضبطون اوضاعهم

[شيخ القبيلة]

يالربع طبعا انا اتكلم عن التفنيشات اللي صايرة

[معماري قطري]

أنا سمعت ان مستشفى حمد في وحدة اغمى عليها لما فنشوها ولازم تطلع من الدوام بعد استلام الاشعار
معقولة؟؟؟!!!! زين المفروض يعطونهم فترة عشان يضبطون اوضاعهم

مسكينة والله ما تستاهل لو وشي جنسيتها .. يوم تحولت كيوتل إلى شركة وطنية بعد تأسيسها من قبل الانجليز تم الاستغناء عن الموظفين القدامى بتعويض مليون دولار للواحد ولا كان من ضمن عقدهم وانتهت صلاحيتهم وعلى ذاك الوقت المليون مليون

[Riku3]

طباع الناس مب مربوطة بالجنسية بس تقدر تضبطها في التأسيس بسهولة جداً ..

مثل هالوظايف ما تحتاج خبرة فقط تأسيس صحيح لشباب صغار حتى لو بعمر 19 سنة تعلمه على الالتزام من اول يوم واحترام الناس وعطه حقوقه وخل البيئة مناسبة حوله بتلاقيه يبدع معاك .. فما في اي حجة لهالجهات الحكوميه لتوظيف الاجانب ..

انا اشتغلت مع شباب صغار متطوعين في مؤتمرات كبيرة كانت وظيفتهم الاولى .. وكانوا اكثر التزام واحترام من كل الموجودين .. اول ناس يوصلون والواحد منهم ما يطلع قبل لا يستأذن !!! ..

بس للاسف من يدخلون الوظايف الحقيقية ينصدم بواقع ان مديره ولد بلاده ما يحترمه وما يعطيه حقوقه ولدرجة ان ما يعطيه شغل علشان يتعلم !! .. ومع الوقت يتطبع من الي حوله وبعدها نقول ليش الشباب متسيبين .. وبعض الوظايف مع الجمهور تأثر على نفسية الموظف لو ما عنده خبرة بتلاقيه مكشر طول الوقت ..

من كم يوم كنت في وزارة وكان في شاب اعرفه من ايام دراسته وتوه متخرج من سنتين .. واعرف عنه مؤدب ومحترم لابعد الحدود بس صدمني وهو في وظيفته !!! .. قدامي في اقل من 10 دقايق قال لشخص "توكل على الله" بغرض طرده بشكل غير مباشر لسبب تافه ..

وقال لشخص معلومه يمشيه مب متأكد منها .. ولما دخل مسئوله سأل عن صحتها وطلع غلطان ، وضحكوا الاثنين على الشخص الي خذ المعلومه وراح ..

واخر شي كذا مره حاولت امشي بس هو مب راضي الا اقعد اسولف شوي واشرب شي مع ان المكتب فيه اكثر من 5 مراجعين ناطرين يكلمونه .. وحسيت الكره لي وله في عيونهم :omg: بس شسوي .

مثل هالاشكال خلوا الجهات تخاف توظف الشباب وما فكروا ان البيئة هي السبب في تصرفاتهم مب طبع في كل الشباب !! .

[بانغ بانغ]

السلام عليكم
اللي يعرف مسؤول في مستشفى الوكرة يبلغه عن طبيبة حاطينها تسوي تخطيط قلب للرجال!
إذا للحين موجودة ينقلونها صوب الحريم، ويحطون مكانها شنب

الصورة من قوقل
http://i.ytimg.com/vi/Pt5zD3ALeJA/hqdefault.jpg


هاي صج ولا نكته :omg: ؟
أي قلبي يعورني

بخصوص ملاحظة اخونا اضرب ... انا كلمت مكتب الاخ الخاطر ومادري هل تصرفوا او لا

اللي بيصادفه الموضوع ايشيك كمان

مختلف شخبار قلبك لحين ايعورك !

[بوخالد911]

لان هالجنسيات اقبلت تشتغل براتب 2500-3500 وبسسسسس

[R 7 A L]

لو فيه رقابه من المسئولين على موظفين الاستقبال
والعمل على مبدأ الثواب والعقاب مع اعطاء دورات داخلية وخارجية في فن التعامل مع الجمهور
كان ضبطت الامور

وعلى فكرة موب شرط الجنسية وموب شرط المكان حتى إدارة الجوازات الرئيسية في قطريات نفسيات والتعامل
معهم صعب .

[ام روز]

المؤسسه هذي يبي لها لجنه فيها بلاوي وماخفي اعظم

واااامعتصماه

[ام روز]

سبحان الله ..انا لفت انتباهي شي في مدرسة الدحيل الابتدائيه........كل الموظفات من جنسيه وحده.........والقطريات ينعدون على الاصابع

وخلال تواجدي كان فيه وحده قطريه تبي وظيفه قالو لها مافي شواغر ..........وين الخلل ليش الوظايف ماعليها حسيب ولا رقيب

[شيخ القبيلة]

لو فيه رقابه من المسئولين على موظفين الاستقبال
والعمل على مبدأ الثواب والعقاب مع اعطاء دورات داخلية وخارجية في فن التعامل مع الجمهور
كان ضبطت الامور

وعلى فكرة موب شرط الجنسية وموب شرط المكان حتى إدارة الجوازات الرئيسية في قطريات نفسيات والتعامل
معهم صعب .

بس سؤال حوالي 6 موظفين اجانب على كاونتر واحد ليش مب مسألة قطع ارزاق بس من الاول شكله التوزيع غلط
وبعضهم المعاملة زفت هاي اللي يبيلهم شيل وطرد بعد

[شيخ القبيلة]

من الاول لو كان فيه تخطيط صح واختيار سليم ماكان شفنا التكدس في بعض الكاونترات اللي مالهم معنى الا التمشي والسوالف اقصد البعض وليس الكل