ياالبنك الدولي الإسلامي ماهذا ؟ ولماذا ؟

[ساعي الخير]

منذ أسبوع صرف لي هذا البنك - الذي أنا عميل عنده منذ تأسس تقريبا- صرف لي رقما سرياجديدا للفيزا، وقالوا لي : فعله من ال ((call senter)) ومنذ ذلك الحين وأنا أحاول في هذا العمل البسيط ولم يتم بسبب تجاهل البدالة لاتصالاتي.
أنا لاأعتقد أنني الوحيد في هذه الشكوى فهو بنك كبير وله عملاء كثر، وهذه الخدمة ليست على مستوى حجمه وسمعته التي يصبو إليها.

[عابر سبيل]

فعلا..اخريومين ثلاث..تحديدا
الأربعاء و الخميس
لاحظت ان "حليمة رجعت لعادتها القديمة"!!

فما ادري هل لنزول اسعار البترول تأثير على
كفاءة
او عدد موظفي البدالة
لديهم:telephone:

[qatara]

مهب جديده الدولي الاسلامي

من تاسس وخدمه العملاء تعيسه معطين الناس طاف

[h9466]

لما تتصل فيهم اختار خيار انك عميل للبنك،،

[qatara]

لما تتصل فيهم اختار خيار انك عميل للبنك،،

مهب شرط اكون عميل للبنك
يمكني مش عميل وافكر اكون عميل مع البنك

واشوف هلسلوب لا والله بخليه يولي

[بانغ بانغ]

انا نفس الشي عميل لهالبنك

اللي امصبرني معاهم قروضهم ( مرابحة ) لان سياستهم وتقسيطهم وايد زين

اما خدماتهم وتعاملهم تعبان صراحة

[حرف]

انا نفس الشي ربع ساعة لين يردون علي
تهقون بينهم وبين شركات الاتصالات اتفاق ؟

[سليمان احمد]

كنت عميل لبنك قطر الدولي الاسلامي لمدة 15 سنه وفي السنوات الاخيره ومع تطور البنوك وتطور وسائل التواصل

وخدمة العملتء الا اني لاحظت كل البنوك تتقدم وتواكب التطور الا البنك لا مركز اتصال احترافي ولا خدمات تقنيه
،
سريعه وسافرت لامريكا ووضعوني في موقف لا انساه طوال حياتي 11 يوم وبطاقتي متوقفه وبدون فلوس بسبب

اني استخدمتها مره وحده ووقفوها بحجه انها يمكن تكون مسروقه رغم اني متصل قبلها بكم يوم ومخبرهم

واتصالات على حسابي لساعات من امريكا على مركز الاتصال وبعد عناء تم فتح البطاقه

وقررت اني اتخذ قرار اني اغير وانقل عنهم وبعد تقديم الطلب قالي الموظف لابد من ذكر اسباب واعطاني ورقه

اوقع عليها واذكر السبب وكتبت السبب ( التاخير تقنيا في مواكبه التطور ) ماحبيت اكتب ( فشل كبير من بنك عريق )

وانتقلت لمصرف الريان ولله الحمد بنك متطور / خدمه احترافيه / خدمه عملاء جيده جدا / خدمه الكترونيه لاداره

حساباتك / وهذا انا في امريكا لي شهرين والبطاقه الحمدلله ماتوقفت ولا الفيزا والامور طيبه

نصيحتي للجميع اللي يبي عوار الراس يقعد عندهم واللي يبي يرتاح ينتقل لاي بنك

لان البنك قامت عليه الحجه وكتب هنا اكثر من موضوع وكان هناك شخص ممثل للبنك او يدعي انه ممثل للبنك

وكان بصراحه يغالط ويجادل في حقائق وواضحه ويدافع فقط على ملاحظات الاخوان وكان كل ردوده يرجى التواصل

معنا على خدمة العملاء رغم ان اساسا الموضوع المفتوح كان ان دمه العملاء مايردون وهو يرد يقول التواصل معنا

مثل ماقال الشاعر الجاهلي ؛ يبات طوال الليل ينتف شعره / وبعد عناء فسر الماء بالماء

[سليمان احمد]

نسيت اضيف نقطه البنك اكثر من مره وصلت لها ملاحظات العملاء

كتب في المنتديات وفي الجريده مره في الشرق

يعني باختصار هم يعرفون السلبيات والمشاكل وماهم مفكرين يطورون ويحلون المشاكل

اذا العميل اخر من يفكرون فيه الحل هو ان الواحد يشتري راحته مثل ماقال ربعنا المصريين

بلاش وقع الدماغ

[qatara]

نسيت اضيف نقطه البنك اكثر من مره وصلت لها ملاحظات العملاء

كتب في المنتديات وفي الجريده مره في الشرق

يعني باختصار هم يعرفون السلبيات والمشاكل وماهم مفكرين يطورون ويحلون المشاكل

اذا العميل اخر من يفكرون فيه الحل هو ان الواحد يشتري راحته مثل ماقال ربعنا المصريين

بلاش وقع الدماغ

اذا كان بهذه الطريقه فالبنك هو الخسران

سمعه وعملاء


ودليل خسارة السمعه النقد من الاخوه بالموضوع

[bus3od]

كنت عميل لبنك قطر الدولي الاسلامي لمدة 15 سنه وفي السنوات الاخيره ومع تطور البنوك وتطور وسائل التواصل

وخدمة العملتء الا اني لاحظت كل البنوك تتقدم وتواكب التطور الا البنك لا مركز اتصال احترافي ولا خدمات تقنيه
،
سريعه وسافرت لامريكا ووضعوني في موقف لا انساه طوال حياتي 11 يوم وبطاقتي متوقفه وبدون فلوس بسبب

اني استخدمتها مره وحده ووقفوها بحجه انها يمكن تكون مسروقه رغم اني متصل قبلها بكم يوم ومخبرهم

واتصالات على حسابي لساعات من امريكا على مركز الاتصال وبعد عناء تم فتح البطاقه

وقررت اني اتخذ قرار اني اغير وانقل عنهم وبعد تقديم الطلب قالي الموظف لابد من ذكر اسباب واعطاني ورقه

اوقع عليها واذكر السبب وكتبت السبب ( التاخير تقنيا في مواكبه التطور ) ماحبيت اكتب ( فشل كبير من بنك عريق )

وانتقلت لمصرف الريان ولله الحمد بنك متطور / خدمه احترافيه / خدمه عملاء جيده جدا / خدمه الكترونيه لاداره

حساباتك / وهذا انا في امريكا لي شهرين والبطاقه الحمدلله ماتوقفت ولا الفيزا والامور طيبه

نصيحتي للجميع اللي يبي عوار الراس يقعد عندهم واللي يبي يرتاح ينتقل لاي بنك

لان البنك قامت عليه الحجه وكتب هنا اكثر من موضوع وكان هناك شخص ممثل للبنك او يدعي انه ممثل للبنك

وكان بصراحه يغالط ويجادل في حقائق وواضحه ويدافع فقط على ملاحظات الاخوان وكان كل ردوده يرجى التواصل

معنا على خدمة العملاء رغم ان اساسا الموضوع المفتوح كان ان دمه العملاء مايردون وهو يرد يقول التواصل معنا

مثل ماقال الشاعر الجاهلي ؛ يبات طوال الليل ينتف شعره / وبعد عناء فسر الماء بالماء

على فكره معظم اللي قاله ممثل البنك اللي تقصده تم تطبيقه و تطويره و كان تواصله جدا احترافي مع عملاء البنك في المنتدى

هذا للانصاف فقط

[al saad]

من افشل البنوك الي تعاملت معاها وسكرت الحساب وحولت بنك ثاني

[جبر ال جبر]

بنك فاشل بكل المقاييس وانا حكمت عليه بهالشي من التسعينات وسحبت رصيدي كامل منه وحولت على المصرف افضل منه ومطور اكثر ويوم رجعت افتح حساب فيه من كم سنه قالو لازم تدفع 3270 ريال عشان نعيد فتح الحساب قلت لهم انا عندي حساب توفير مابي اخربط حسابتي بفتح بس توفير وبحولكم 5000 قالو انت عليك 10 ريال عن كل شهر لانه رصيدك صفر طول هالسنوات مع العلم كنت في اكثر من بنك مسوى هالشي محول راتبي عليهم فتره وعقب انقل بنك ثاني اجرب كل بنك لين استقريت ع الافضل فيهم ومن حقي كعميل اجرب واشوف الافضل لي ورجعت ع بنكين سابقين رصيدي فيهم صفر من قبل ورحبو وافتحو حساب وانا واقف هالفرق بين البنوك المحترمه والي تحترم عملاءها وبين بنك همه تطفيش العملاء لو يشل كلمه اسلامي اعتقد محد بيقعد عنده

[سليمان احمد]

على فكره معظم اللي قاله ممثل البنك اللي تقصده تم تطبيقه و تطويره و كان تواصله جدا احترافي مع عملاء البنك في المنتدى

هذا للانصاف فقط



كلامك ان شاء الله في محله

لكن لو فعلا البنك طبق اللي طالب فيه العملاء

وفعلا تم حل المشاكل ليش الاخ صاحب الموضوع يشتكي ومحد رد عليه

تدري يا اخوي الكريم ان اهم شي في الشركات هو خدمه العملاء وهو بوابه الدخول للشركه

فاذا كان البنك لايرد على هواتف يدعي انها على مدار الساعه وموظفين خدمه عملاء لايردون على العملاء

كيف يكون البنك يهتم بالعملاء وكيف حل جميع المشاكل ومازالت المشاكل اللي يذكرونها الاخوان وصاحبنا

يقول انهم حلوها مازالت هي نفسها موجوده

اعتقد ان البنك في اذا استمر في ماهو عليه من اهمال اعتقد انه سيفقد كثير من العملاء

لان غالبيه البنوك الجديده في ضرف 5 سنوات تجاوز البنوك القديمه في شي مهم جدا والجميع يطلبيه وينشده

وهو راحه العميل من خلال ( مركز اتصال / خدمة عملاء ) وسائل تواصل / برامج تقنيه لاداره الحسابات )

وهذا سر نجاح اغلب البنوك الجديده والبنوك القديمه مثل الدولي الاسلامي وبعض البنوك القديمه مستند على

سمعته القديمه فقط واغلب العملاء لولا انه متورط في مديونيات وحسابات كان من زمان شفتها تصفر مافيها احد

[khalid525]

يعني تبون البنوك الاسلامية تصير بنفس كفاءة البنوك الربوية ؟؟ ماذا دهاكم
شوي شوي وبيطورون خدماتهم ، اصبروا عليهم عشرين او ثلاثين سنه وبيتحسنون

[مضارب دوسري]

فاشل منذ مبطي
الحمدلله ما عمري فكرت افتح حساب فيه

بس اسمع شكاوي عملائه من ربعي ودايم ارد عليهم هالبنك اساسا بيكون متطور
لو فتح في افريقيا لان حرام نقارنه ببقية المصارف والبنوك


حتى المصارف الاخرى الريان والمصرف وبروه
يعتبرون متاخرين مقارنة بالبنوك التجاريه


بس عالاقل يكفيهم انهم (اسلامي)
وفيهم بعض التطور حتى لو كانوا متاخرين بس عالاقل قاعدين يتطورون مب نفس الدولي اللي كانه التكنولوجيا للحين ما وصلت لهم


بنك رافع شعار اهم شي المرابحه اقل من باقي المصارف ومطنش لكل شي ثاني
مع انه الفرق بينه وبين المصارف الثانيه فالمرابحه
اقل ب 10000 ريال فالمليون في افضل الاحوال
والمصارف الثانيه تكون اقل منه مرابحه في (رمضان) وعروضهم فالشهر الفضيل

[مضارب دوسري]

لذلك اللي يبي يحول مديونيته من الدولي الى مصرف اخر يفضل يتصبر عليهم لين رمضان


ولا تنسون قرار المركزي بشان المصارف
اذا حولت مديونيتك من مصرف اسلامي الى اخر او الى اي بنك اخر

فوايدهم (مرابحتهم) ياخذونها كاااامله وما يعطونك مكافئه سداد مبكر ولا ريااال


لا تسالوني ليش ياخذون مرابحتهم مقدما كاااامله وان هذا حراااااااااااام
لان الفتوى في بطن القره داغي
كيف اعطاهم هالفتوى مااااادري (بحكم انه ماسك الامور الشرعيه فالمصارف الاسلاميه)
الله يغفر لنا ولهم

[معماري قطري]

يا حلو البنك اللي فيه حسابي

[حرف]

يا حلو البنك اللي فيه حسابي

ربوي ؟

[سهم ماينزل]

اغلب البنوك الإسلامية سيئة وخاصة هذا البنك

[معماري قطري]

ربوي ؟

ما ادري يا اخوي الدولة تحط فلوسها فيه ولا كان ذاك الوقت فيه بنوك اسلامية .. وجربت كم مرة تعامل البنوك الاسلامية اللي ظهرت بعدين ما عجبني

[طلعة الروح]

وليش تكلم مركز الاتصالات روح اي فرع وخلهم يعلمونك طريقه الحصول ع الرقم السري أكيد ماعطوك المعلومه اول مره.

[مضارب دوسري]

وليش تكلم مركز الاتصالات روح اي فرع وخلهم يعلمونك طريقه الحصول ع الرقم السري أكيد ماعطوك المعلومه اول مره.

تفعيل البطاقه دايم يكون عند الكول سنتر فقط

الرقم السري عند العميل

[حرف]

ما ادري يا اخوي الدولة تحط فلوسها فيه ولا كان ذاك الوقت فيه بنوك اسلامية .. وجربت كم مرة تعامل البنوك الاسلامية اللي ظهرت بعدين ما عجبني

ماحدنا على البنوك الاسلامية التعبانه والي اغلب موظفينها تعبانيين الا للهروب من الربا
مع ان كلها نفس الشي
الدعوى خربانه

[بعيد النظر]

مافي عقب الـ qnb
بس بلشونا يوم سكرو الفرع الاسلامي ..
واحتدينا على بروة ..

لكن الحمدلله جيييد مقارنة ببنوك كثيرة !

[لـبـيـه]

البنك هذا غير عن البنوك ولا فيه اي امتياز لاصحاب الحسابات القديمه ولا نقاط ولا شي

مايعتمدون على مدة بقائك معاهم بلبنك ولا يقدمون لك اي خدمه اضافيه اذا انت من الكستمر الدائمين لهم وانما يعتمدون على رصيدك كم فيه

هني يقيمونك بلي في رصيدك

[راعي الكورفت]

جميع البنوك الاسلاميه تعيسه بالتعامل لكنا مجبورين عليهم!!

ياليت بنك قطر الوطني يفتح له فرع اسلامي :weeping:

[sweet qatar]

كان عندي حساب سابقا في الدولي الاسلامي كنت مرتاحة فيه لين بدت احتياجاتي تكبر

غيرته .. والحين عندي حسابات في اكثر من بنك

الافضل على الاطلاق هو مصرف الريان

[المحاميه]

صحيح بنك تعيس ومشاكله كثيره
مادري متى باغيرهم

[المحاميه]

البنك هذا غير عن البنوك ولا فيه اي امتياز لاصحاب الحسابات القديمه ولا نقاط ولا شي

مايعتمدون على مدة بقائك معاهم بلبنك ولا يقدمون لك اي خدمه اضافيه اذا انت من الكستمر الدائمين لهم وانما يعتمدون على رصيدك كم فيه

هني يقيمونك بلي في رصيدك


صحيح يحرون من هالناحيه
واكثر شي يحرني اذا عندي رصيد وماقدر اسحب منه ولا ريال
انا حاطه فلوسي وماقدر اسحبها شاستفيد انا؟ ها يالبنك؟

[معماري قطري]

ماحدنا على البنوك الاسلامية التعبانه والي اغلب موظفينها تعبانيين الا للهروب من الربا
مع ان كلها نفس الشي
الدعوى خربانه

الله يوفقكم صحيح السلفيات من هالبنوك حلال وانا الحمد لله ما تسلفت من البنك اللي انا فيه الا احتديت لشراء سيارة مرة بالأقساط وسددتها خلال سنة ونص

[معماري قطري]

مافي عقب الـ qnb
بس بلشونا يوم سكرو الفرع الاسلامي ..
واحتدينا على بروة ..

لكن الحمدلله جيييد مقارنة ببنوك كثيرة !

انا فيه من حول 40 سنة والحمد لله مرتاح للتعامل معاهم ولو البنوك الاسلامية يرتقون شوي ويعاملون اللي مثلي معاملة خاصة باحول

عجبني التجاري دخلته مرة باصرف شيك وخذت رقم وقعدت على طاولة مستديرة وكم واحد حولي والجرايد على الطاولة وشوي يجيك اللي يصب القهوة كاشخ بثوب وصديري وحركات وعنده ذاك التمر اللي ينعنش الواحد .. الديكور حلو والرائحة والتبريد تقول خلهم يتأخرون ما عندي مشكلة وجاء دوري بسرعة وخلصوني بسرعة

ومرة رحت باكتتب في شركة ودخلت مصرف الريان في طريق سلوى .. دخلت من الباب الرئيسي جدام صوب المواقف قالوا لي شؤون الاكتتاب ورا قلت زين بادخل لهم من الباب اللي بينكم وبينهم .. قالوا لا ذيك شقق فوق رحت ورا الا الوقوف على طريق ترابي وكله حفر ونقع ماي وروائح .. نزلت ودخلت الا درج ضيق ومغبر وكله أعقاب سجائر مطفية على الأرض وكتمة وركبت لين وصلت فوق حول دورين ودخلت الا الباب من ضيق المكان يضرب في كرسي .. سلمت ووقفت اشوف حد فاضي الموظفين بعضهم يطالعوني باستنكار شمدخل هذا هنيه وكلهم يسولفون مع عملاء ولا حد عطاني وجه وانا تكلمت وسئلت واحد ورد علي قبل عندهم الحين لا طلعت وانا ماخذ فكرة تعبانة عن الخدمة

آخر زيارة لبنك قطر الوطني كانت من فترة بسيطة وفرع نادي قطر دخلت عند المدير وكان عنده عميل .. رحب بي وسئلني شحاجتي وكنت ابي اسوي بطاقة سحب جديدة قال عطني بطاقتك وشافها وقال لي تعال معاي ومشى وهو يسولف معاي إنهم يقدرون يخلصون لي كل البطاقات في خلال 5 دقايق .. ببشاشة وطيب نفس وكان من أهل قطر الله يحفظه ويكثر من أمثاله .. ابي حد يشوف لي بنك اسلامي يتعامل بطريقة فيها نص التعامل ذيه

وفي السفر معروف هذا البنك بسرعة تسهيل اجراءاتك وانت برا غير عن البنوك اللي تتخبط وتخبط بالعميل

[أم هشام]

عن تجربة و بحكم اني موظفة بنك سابقة باكثر من بنك .. البنك الوطني من افضل البنوك بالنسبة للتعامل مع العملاء و سرعة انجاز المعاملات

[Riku3]

انا بعد ما ادري ليش انا للحين في هالبنك التعيس .. الافضل الواحد يبعد عن البنوك العائلية لان فلوسك ما تهمهم اصلاً .. الميزة الوحديه لي انا ان صوبي 3 فروع منها فرع مستشفى العمادي مفتوح الظهر لين المسا ..

انا افكر احول على الريان بس مالي خلق الاجرائات وتحويل الراتب -___- .

[العربية نت]

فيه موظف فلسطيني كان يشتغل بقسم قروض السيارات فرع سلوى والبنك عطاه مكافأه وعينه مدير فرع الدولي الاسلامي في معيذر المفاجأة انه ولا موظف قطري في هالفرع وحاط موظف واحد للصندوق والصراف الآلي الي لاصق في البنك وتابع له لايعمل مافيه فلوس والحياة تمشي :):)

باختصار الي يبي يتعب نفسه يروح لهالبنك البعيد جداً عن العصر الحديث وانتو الي خليتو له اسم يالله نتفق على الهروب لبنك آخر escape
السؤال المهم اين مصرف قطر المركزي من كل هالفوضى لا ويسمونه بنك البنوك:swoon:

[معماري قطري]

وأين مصرف قطر المركزي من بنك بروة اللي مساهمين فيه من حول 10 سنوات ولا شفنا ريال لا ويتبرعون ومديره عيونه خضر

[المحاميه]

انا بعد ما ادري ليش انا للحين في هالبنك التعيس .. الافضل الواحد يبعد عن البنوك العائلية لان فلوسك ما تهمهم اصلاً .. الميزة الوحديه لي انا ان صوبي 3 فروع منها فرع مستشفى العمادي مفتوح الظهر لين المسا ..

انا افكر احول على الريان بس مالي خلق الاجرائات وتحويل الراتب -___- .

والله نفس الحاله
المفروض انقل مصرف الريان بس عيزانه

[الجـــوديّ]

مادري ليش زعلانين على هالبنك الطيب .. بسيط وأحسه بنك الفريج ..:nice:

قروض ميسرة واجراءات بسيطة وسريعة ..
مدير فرع يطيب خاطرك ولا يرضى انك تزعل يقوم يسويلك المعامله بنفسه
ماقد شفت موظف والا موظفة منفسين ..
السيفتي في السفر من احسن مايكون
البطاقة تسحب من أي صراف .. ماقد مرة تعطلت الحمدلله..

يوم ان ماعجبني الكول سنتر في سنة من السنين ورحت لبنك ثاني أحسن يابلفيت ..
انصدمت لأي درجة ذاك البنك المشهور الكول سنتر مالهم سيء ..
موظفين يهالوه .. يصرفوني باي كلام و يعطوني معلومات غلط
بهذلوني .. رايحة رادة على الفرع بمعلومات غلط يخلون كل الحسبة عندي غلط .



امممم .. يبقى الأفضل بالنسبة لي
ومعليه لو غلط أو قصر .. مزاياه أكثر :victory:




الوطني الاسلامي .. راح وأتعب من بعده :weeping:

[المحاميه]

^

لا ياختي غلطانه
انا فالدوحه بغيت اسحب مبلغ ماستوى
لاحظي فالدوحه
ويوم كلمتهم قالتلي الموظفه ايه مايصير قلتلها شاسوي عيل
تقولي تعالي سحبي من البنك

نعم؟؟

كل مابغيت مبلغ اروح البنك اخذ رقم واقول ابي المبلغ الفلاني؟ عسى ماشر
زين لو انا برا
شالحل؟
اخذ معاي مبلغ كاش عود؟
شالمصخره ذي؟!!

[الجـــوديّ]

^

انزين اذا تقصدين بطاقة الصراف العادية .. أكيد لو ما اشتغلت ولوفيها مشكلة بيسون لج اصدار بدل فاقد
ماراح يخلونج في كل مرة تزورينهم علشان تسحبين

طبيعي راح تكنسلين كل شي عندهم وتحولين حسابج على بنك ثاني لو ماشافوا لج حل.

[المحاميه]

لا مافيها مشكله
بس فيها لمت اذا طفته فاليوم ماتسحب اكثر
طبعا اللمت من البنك مش مني

تخيلي تبين تشترين شي وماتقدرين
وللاسف للحين ماغيرت هالبنك