استفسار عن زراعة الشعر في تركيا ؟! ستار هير

[Bin Hood]

السلام عليكم ورحمة الله وبركاته

كما تعلمون ان تركيا اصبحت وجهه رئيسية لزراعة الشعر

التجارب التي حولي - على قلتها - متباينة بين متوسطة الى جيدة جداً

دخلت على منتدى خليجي لزراعة الشعر لكن هناك بعض الامور لم ارتح لها

احسست ان في اعضاء مدسوسين من قبل بعض العيادات او المراكز بمعنى اصح (الصراحة ما عندي اثبات)

سؤالي للاعضاء احد جرب او يعرف شخص قريب منه زرع في تركيا يشاركنا التجربة

واذا احد يعرف احد جرب عيادة ستار هير ( اسمها القديم ماجيك هير)

وجزاكم الله خير

[سعود.]

والله يمدحونها الربع

وهي تقريبآ اشهر عيادة في تركيا

[Bin Hood]

تسلم يالغالي

[ممنوع اللمس]

كلمني خاص
في عياده احسن بواجد بس اغلى شوي

[بـن عدوان]

بحسب بحوثاتي انا اشوف محمد جوتشلو افضلهم بلا منازع

النتايج الكاملة تبين بعد سنة

[بـن عدوان]

كلمني خاص
في عياده احسن بواجد بس اغلى شوي


شرايك تفيدنا عالعام ياخوي

[ممنوع اللمس]

ابشر
في تركيا العمليات رخيصه والناس تلجا لتركيا بحكم الرخص
لكن لو نتكلم بحرفيه لا والله ينقصهم الكثير
الدكتور قبل العمليه يازينه ولكن يجي وقت العمليه يرسم ويقعد شوي ويحرك والشغل كامل عالمساعدين وطبعا العمليه تاخذ ساعات
واهم شي قوة المنطقه المانحه ودرجة الصلع
في عياده جدا ممتازه في الصين ولكن غاليه بالنسبه لاسعار تركيا
بس شغل فن بمعنى الكلمه والدكتور من اول ساعه لين اخر ساعه لو 10 ساعات هو يشتغل عليك ومعاه مساعدين ومايخليك ويهتم بادق التفاصيل حتى في النهايه يجيب لك مرايه ويقولك عجبك والا تبي نكثف بمكان وغيره من الامور
طبعا اغلى شوي لكن افضل بواجد
اتكلم عن تجربه شخصيه اول تجربه في تركيا وكانت فاشله
وثاني تجربه في الصين وتوني سويتها
لكن شفت نتايجها على ناس وشي ممتاز جدا
وكل شخص براحته وبالتوفيق للجميع

[Bin Hood]

^

اخوي ممنوع اللمس

جزاك الله خير على مشاركتك تجربتك وعلى النصيحة

[قدها وقدود]

وعليكم السلام

اعرف شباب زارعين في عيادة محترمه في الصين ونتايجها ممتازة .

واعرف واحد توه زارع في تركيا من شهرين تقريبا بس النتيجه النهائيه تطلع بعد سبع شهور لكن حاليا اشوف زراعتة مب لين هناك

وعمليات الزراعة في تطور

تحياتي

[@فهد@]

اخوي ممنوع اللمس وقدها وقدود ... ياليت تطرحون لنا عناوين ومعلومات العيادات الي في الصين عشان الاخوان يستفيدون ..وجزاكم الله خير

[Bin Hood]

قدها وقدود وفهد

شكراً على المشاركة

وبانتظار المزيد من المشاركات

[الصريح99]

اخوي ممنوع اللمس ،،،، اذا ممكن التفاصيل والعنوان والسعر ولا تهون

[وجه السعد 2]

والحين دوري عشان اتكلم عن تجربتي لزراعة الشعر في تركيا ..
اولا انصح كل شخص بعدم التردد و الخوف من موضوع الزراعة لأنه موضوع بسيط و سهل .. وانا شخصيا زرعت الشعر في عيادة ميد هير في اسطنبول قبل سنتين تقريبا و النتيجة ايجابية بنسبة 60% من وجهة نظري .. و نفسيا نسبة النجاح 90% لأن شكلي رجع طبيعي و فيه شعر في الراس بعد الصحراء القاحلة ..
ورحلة زراعة الشعر في تركيا كاملة كلفتني 15 الف ريال بما فيها مصاريف العملية ( جلستين زراعة وكل جلسة 1200 يورو ) الإقامة في فندق 4 نجوم و التذكرة والمصاريف و قعدت هناك خمس أيام و رجعت الدوحة .
ما واجهتني أي مشاكل و عطوني إجازة مرضية أسبوعين معتمدة من السفارة و قبلوها في الدوام و الشعر المزروع ثابت في مكانه و ما تساقط الا بدرجة بسيطة جدا وهذا طبيعي .

والحين عادي امشط شعري و احط جل بعد و هاذي الصور قبل و بعد الزراعة :

http://www12.0zz0.com/2016/01/14/13/717853654.jpg (https://www.0zz0.com)


http://www12.0zz0.com/2016/01/14/13/372380025.jpg (https://www.0zz0.com)

[Bin Hood]

وجه السعد مشاركة تشكر عليها

جزاك الله خير ما قصرت

[ممنوع اللمس]

وجه السعد الله يقويك
لكن المشكله ان يطلع شعر صحيح لكن الفراغات موجوده
الحرفيه تعتمد عالتوزيع وتكون الكثافه تغطي الفراغات
هذا اللي اقصده

[وجه السعد 2]

وجه السعد الله يقويك
لكن المشكله ان يطلع شعر صحيح لكن الفراغات موجوده
الحرفيه تعتمد عالتوزيع وتكون الكثافه تغطي الفراغات
هذا اللي اقصده

اخوي ممنوع اللمس .
فعلا فيه فراغات موجودة ولكن بالنسبة لي التحسن كبير . خاصة ان مساحة الزراعة كبيرة بالنسبة لي و في نفس الوقت المنطقة المانحة الخلفية كانت ضعيفة شوي وما قدر الدكتور ياخذ شعر زيادة عشان ما يأثر وايد على المنطقة المانحة .
ولكن قال لي انه ممكن اعمل زراعة ثانية عبارة عن تكثيف المنطقة المزروعة بعد سنة بس انا اكتفيت بالزراعة الأولى فقط .

[دايموند]

ابشر
في تركيا العمليات رخيصه والناس تلجا لتركيا بحكم الرخص
لكن لو نتكلم بحرفيه لا والله ينقصهم الكثير
الدكتور قبل العمليه يازينه ولكن يجي وقت العمليه يرسم ويقعد شوي ويحرك والشغل كامل عالمساعدين وطبعا العمليه تاخذ ساعات
واهم شي قوة المنطقه المانحه ودرجة الصلع
في عياده جدا ممتازه في الصين ولكن غاليه بالنسبه لاسعار تركيا
بس شغل فن بمعنى الكلمه والدكتور من اول ساعه لين اخر ساعه لو 10 ساعات هو يشتغل عليك ومعاه مساعدين ومايخليك ويهتم بادق التفاصيل حتى في النهايه يجيب لك مرايه ويقولك عجبك والا تبي نكثف بمكان وغيره من الامور
طبعا اغلى شوي لكن افضل بواجد
اتكلم عن تجربه شخصيه اول تجربه في تركيا وكانت فاشله
وثاني تجربه في الصين وتوني سويتها
لكن شفت نتايجها على ناس وشي ممتاز جدا
وكل شخص براحته وبالتوفيق للجميع

سمعت ان ايران ارخصهم..

[Bin Hood]

سمعت ان ايران ارخصهم..

^_^

لو ابلاش ومضمون ما اروووح بعد!