نداء لسعادة وزير الداخليه لوقف النزيف المستمر على الشوارع

[BoFahed]

السلام عليكم ورحمة الله

الكل تاثر بالحادث المأساوي اللي صار امس على خط الشمال وراح ضحيته 5 شباب من خيرة ابناء هذا الوطن الغالي وانضموا لقافلة المئات من الشهداء الي انتقلت ارواحهم الى بارئها بسبب حوادث السير والسرعه

الدوله حاولت تحد من هذي الظاهره بتشديد القوانيين والمخالفات ولكن دون جدوى

العدد في ازدياد ولا يمر اسبوع الا وتنصب خيام العزاء في بيت احد العائلات القطريه بعد ما فقدت احد ابنائها ولا ابالغ بانه مافيه بيت او عائله في قطر الا وفقد احد ابنائها في حادث سير


ارجو من سعادة وزير الداخليه ومجلس الشورى في اعادة النظر وتقييم قوانين العقوبات على تجاوزات السرعه بزيادة تشديدها وعدم الاكتفاء ب العقوبات الحاليه فقط ولكن لابد من تعديل قوانين تتضمن تنفيذ الشاب المخالف بالسرعه ل خدمة مجتمعيه بزيارة مرضى حوادث السيارات والاسعاف وزيارة المقابر وغيره اللي تكون عبره لهالشباب

ومحاربة الواسطه في تنفيذ القانون اللي ادت الى التساهل في تجاوز القانون ( منامن العقوبة اساء الادب ) وسببت بالتالي هذي الحوادث في كثير من الاحيان


لابد من اعادة النطر في الجهود المبذوله في التوعيه من خلال وسايل الاعلام والمدارس خصوصا فئة المراهقين من 16 -25 واللي غالبيه الحوادث المميته تكون في هذه الفئه للاسف

احنا ندري انها السيارات والسرعة ثقافة منتشره في مجتمعنا من الثمانينات بس السنوات الاخيره تحولت لكارثه تحوم على بيت كل قطري عنده شباب في عمر الزهور هم نواة قطر المستقبل خصوصا بعد توافر المادة( لله الحمد ) والثورة في صناعات السيارات وتعديل المحركات


لا بد من صحوة وطنية لمحاربة هذي الظاهره في جميع النواحي القانونيه والتربوية والتوعوية والاعلامية والدينية .تكون النواة والاساس من المدارس لمحاربه هذا الفكر وثقافة السرعه والاستعراض العالق في عقول ابنائنا الطلبه منذ مرحلة الاعدادية


اللهم احفظ شبابنا واخوانا وعيالنا وجميع المسلمين من كل شر

[بوخالد911]

الله يحفظ شبابنا
اكثر الاسباب هي السرعة
وعدم الانتباة
الانشغال بغير الطريق

[بوخميس]

السرعة والجوالات هي السبب الرئيسي للحوادث

[عيون الدوحة]

الله يرحمهم ويغفر لهم
أنا من سكان الدحيل والله من تجي الساعة ظ،ظ¢ أصوات مسابق السيارات كأنها طيارت حربية

[سليمان احمد]

تسمح لي اني اعلق على نقطه انت ذكرتها وهي ( لقافله المئات من الشهداء ) وهذا ليس بصحيح الشهيد في الشرع

هو ماحددته الشريعه اما وفيات الحوادث فلا يطلق عليه شهيد وهم ان شاء مسلمين موحدين وعندالله ان شاء في

مستقر رحمته ولكن الشهيد حكمه معروفه

الله يرحمهم جميع وكل موتى المسلمين

تقبل تحياتي

[مضارب دوسري]

تسمح لي اني اعلق على نقطه انت ذكرتها وهي ( لقافله المئات من الشهداء ) وهذا ليس بصحيح الشهيد في الشرع

هو ماحددته الشريعه اما وفيات الحوادث فلا يطلق عليه شهيد وهم ان شاء مسلمين موحدين وعندالله ان شاء في

مستقر رحمته ولكن الشهيد حكمه معروفه

الله يرحمهم جميع وكل موتى المسلمين

تقبل تحياتي

الله يجزاك خير ويحفظك


والله يرحمهم ويغفر لهم

[بريق الحق]

هاي الي باقي نقول حق الحكومة ربو اعيالنا

[بانغ بانغ]

لازم حد من اعيالهم ايموت عشان تسن القوانين

[بريق الحق]

بوفيصل
اسمحلي اقولك مب موضوع يموت واحد من هله والخ
ياخي ربعنا جوفهم الحين الجو مطر وخير ويمشي 140 ياخي شحاده ليش يعني شيبي يقلونا انا الي اقدر ادعس في مثل هالاجواء ياخوك والله عقليات بعض مشكله والله مادري شلون يفكرون الناس الله يصلحهم

[حرف]

دام مافيه تنفيذ القانون بالقوة ماراح يتوقف النزيف
نبي نفس امريكا الدولة الاولى في العالم
الشرطي اول مايوقف الواحد يرهبه بالقوة واذا تكلم مسحوا بوجهه على الارض

[white bird]

:(
الله يرحمهم

..

[<اضرب واشرد>]

الله يرحمهم
نسبة عالية من الحوادث حاليا بسبب الانشغال بالجوال

" ويعرف الإدمان بأنه حاجة قوية -غير قابلة للسيطرة أو التحكم- للقيام بسلوك معين يصبح أهم شيء لدى الشخص ويؤثر على حياته، وهو وصف يرى البعض أنه ينطبق على علاقة الكثيرين بالأجهزة المحمولة.
وفي الولايات المتحدة، على سبيل المثال، أشارت الدراسات إلى أن أكثر من 25% من حوادث السير سببها الانشغال بالهواتف المحمولة، وأن 70% من مقتني الهواتف الذكية يستخدمونها أثناء قيادتهم بالشوارع.
وفي بريطانيا تعمل الحكومة على دعم حملات توعية بعد أن أظهرت الدراسات أن نحو 45% من المواطنين يتعرضون لمشاكل وإصابات نتيجة انشغالهم بالتحديق في الشاشات التي بين أيديهم.
أما الحكومة اليابانية فقد دقت ناقوس الخطر منذ سنوات، مع تصاعد نسبة الأضرار المادية والبشرية من عام إلى عام بسبب هذا الهوس، إذ أصبح المحمول بالنسبة لشريحة كبيرة من المواطنين من أخطر مسببات الوفاة خاصة بين الشباب بالإضافة لأضراره الاجتماعية. "


تسمح لي اني اعلق على نقطه انت ذكرتها وهي ( لقافله المئات من الشهداء ) وهذا ليس بصحيح الشهيد في الشرع
هو ماحددته الشريعه اما وفيات الحوادث فلا يطلق عليه شهيد وهم ان شاء مسلمين موحدين وعندالله ان شاء في
مستقر رحمته ولكن الشهيد حكمه معروفه
الله يرحمهم جميع وكل موتى المسلمين
تقبل تحياتي

من مات في حادث فهو شهيد كالغريق وصاحب الهدم والمبطون
لكن إذا كان متسبب في الحادث بتهوره واستهتاره، فما له أجر الشهادة بل قد يكون آثم

[بانغ بانغ]

بوفيصل
اسمحلي اقولك مب موضوع يموت واحد من هله والخ
ياخي ربعنا جوفهم الحين الجو مطر وخير ويمشي 140 ياخي شحاده ليش يعني شيبي يقلونا انا الي اقدر ادعس في مثل هالاجواء ياخوك والله عقليات بعض مشكله والله مادري شلون يفكرون الناس الله يصلحهم

طال عمرك القصد كالتالي

اتذكر في الوكرة كان عندنا الشارع وانت رايح الدوحة اتجاهين رايح جاي وفي نخل على الجزيرة

يوم توفي وزير الاعمال فهد بن جاسم الله يرحمه ... سووا سياج حديدي

انزين ليش ماكان فيه في الاساس ...

حتى جسور المشاة ..

ناس بالعشرات ماتوا خلال عشرين سنة اللي راحت على خط الوكرة ...

لازم اتصير كارثة عشان اتصرف

تحياتي لك شيخنا

[حرف]

^
يعني المقتول بالخطا شهيد ؟

[<اضرب واشرد>]

^
يعني المقتول بالخطا شهيد ؟

السلام عليكم
كل مسلم يموت ميتة صعبة وفيها ألم فهو شهيد، كالغريق والمحروق والمطعون والمبطون(مات بسبب مرض في بطنه، ويقاس عليه مرضى السرطان إلخ) والمرأة الحامل أو أثناء الولادة ومن انهدم عليه جدار(ويقاس عليه من مات في حادث سير)

بالطبع أعظم مراتب الشهادة هي (الموت في سبيل الله جهادا)
http://fatwa.islamweb.net/fatwa/index.php?page=showfatwa&Option=FatwaId&Id=34588

[ضوى]

يارب ارحم امواتنا واموات المسلمين اجمعين

اذا لم يكن السبب السرعه الجنونيه فبالتأكيد السبب الاخر هو الانشغال بالجوال

والله يا انه ولدي وانا معاه يرن جواله يرد عادي ويطرش مسج لين حلفته مايسويها عاد مدري وانا مب معاه شنو وضعه الله يحفظهم ويبعد عنهم شر الحوادث

[بعيد النظر]

الله يحفظ كل من يعز عليكم ..


وزير الداخلية .. وادارة المرور مش مقصرين ..
والحملات التوعوية كثييييرة !

بسسسسسسسسسسس

الاهل يحنون على عيالهم ..
وياخذون لهم مواتر وهم في قمة طيشهم ..
والولد .. مخرووش ولازم يطلع القوي عند ربعه ..


وقدر الله ما شاء فعل !



احمل الاهالي المسؤولية الكاملة ..
اذا ما عرفوه وين رايح وين راد ودلعوه بزيادة ..
ولا يعرفون ربعه ولا يدرون مع من رايح ومع من راد ..




والله لا يراويكم مكروه في احد من عيالكم

[BoFahed]

بو خالد 911

بو خميس


عيون الدوحه

عيون الدوحه

سليمان الدوحه

مضارب دوسري

حرف

white bird

اضرب واشرد
ضوى

الف شكر على اثراء لكم للنقاش ومشاركتكم وتوضيحكم

[BoFahed]

الله يحفظ كل من يعز عليكم ..


وزير الداخلية .. وادارة المرور مش مقصرين ..
والحملات التوعوية كثييييرة !

بسسسسسسسسسسس

الاهل يحنون على عيالهم ..
وياخذون لهم مواتر وهم في قمة طيشهم ..
والولد .. مخرووش ولازم يطلع القوي عند ربعه ..


وقدر الله ما شاء فعل !



احمل الاهالي المسؤولية الكاملة ..
اذا ما عرفوه وين رايح وين راد ودلعوه بزيادة ..
ولا يعرفون ربعه ولا يدرون مع من رايح ومع من راد ..




والله لا يراويكم مكروه في احد من عيالكم

اسمحلي اخوي انا معاك بانه الاهل يتحملون غالبية المسؤولية بس الدولة والقوانيين له دور كبير في مواجهة هذي الظاهرة

(إن الله يزع بالسلطان ما لا يزع بالقرآن)

لازم الدولة تدرس وتقييم عوامل تفشي هذي الظاهرة لين صارت قطر الاعلى عالميا بالنسبة للسكان

[Al-Kuwari]

نحتاج نغير قوانين المرور

مثلا لو كنت ماشي 160 وصادك رادار ثابت او متحرك وبس دفعوك فلوس ماسوينا شي ,

لكن لنفرض كان القانون غرامة 10 الاف ريال وسجن اسبوع ؟ ويكون عندك نقاط لو تكرر الامر خلال اقل من سنة غرامة 20 وسجن اسبوعين ؟ وهكذا يتدبل المبلغ ومدة السجن كل ما استهترت اكثر خلال سنة من تاريخ اول مخالفة رادار بسرعة جنونية ؟

صدقوني اذا مالقيتوا الشباب يسوقون مثل الهنود 60 كيلو انا ماعرف شي , ربعنا مايخافون من المخالفات تلاقي الواحد عليه 30 و40 الف وعادي مطنش ولا له نية يجدد استمارته اصلا بس لو تقوله سجن ومافيها واسطات ولا شردة , وش بيصير؟ بيتأدبون كلهم

[BoFahed]

هاي الي باقي نقول حق الحكومة ربو اعيالنا

لا ياخوي ما نبيها تربي بس اللي نبي منها مثل بقية دول العالم وضع حدود وتنفيذ القانون لتفشي ظاهرة المسابق والسرعه اللي تبلع المئات من شبابنا واللي وصلت لنسب خطيرة بشهادة احصائيات عالمية

يعني فيه خلل بالموضوع عندنا

[شبح الصمت]

الله يرحمهم ويغفر لهم

ويتجاوز عنهم يارب ...

مشهد امس 3 شباب يندفنون في نفس الوقت ..
لا حول ولا قوة الا بالله ..

تآثر العميد محمد سعد الخرجي وحوله سعادة رئيس مجلس الوزراء واهله وربعه ..
التفاف حوله لتذكيره بان الموت حق وهو في حاله الله العالم فيها ..

ابن يفقد في لمح البصر .

ما لنا الا الدعاء لهم ولسائر المسلمين انه الله يرحمهم ويغفر لهم ويتجاوز عنهم
اللهم آمين

[بعيد النظر]

نحتاج نغير قوانين المرور

مثلا لو كنت ماشي 160 وصادك رادار ثابت او متحرك وبس دفعوك فلوس ماسوينا شي ,

لكن لنفرض كان القانون غرامة 10 الاف ريال وسجن اسبوع ؟ ويكون عندك نقاط لو تكرر الامر خلال اقل من سنة غرامة 20 وسجن اسبوعين ؟ وهكذا يتدبل المبلغ ومدة السجن كل ما استهترت اكثر خلال سنة من تاريخ اول مخالفة رادار بسرعة جنونية ؟

صدقوني اذا مالقيتوا الشباب يسوقون مثل الهنود 60 كيلو انا ماعرف شي , ربعنا مايخافون من المخالفات تلاقي الواحد عليه 30 و40 الف وعادي مطنش ولا له نية يجدد استمارته اصلا بس لو تقوله سجن ومافيها واسطات ولا شردة , وش بيصير؟ بيتأدبون كلهم

صبحك الله بالخير .. معاك في نقطة ان الولد مامنله واسطة ..
وعارف انه مرده بيطلع لو شسوى ! او مب شرط هو موتره !


بس ياخوي .. اني انصاد على 160 وانسجن ..
اسمحلي .. بتظلم فيها عالم !! وانا اولهم !

160 عن 160 تفرق ..

[BoFahed]

لازم حد من اعيالهم ايموت عشان تسن القوانين

لا يخوك مافي فرق بينا كلنا خوان

القوانين موجودة ورادعه والدولة مب مقصره بس نبي نعرف ليش تاثيرها مب واضح ؟؟؟؟

اكيد فيه تقصير في التنفيذ والتساهل

انا قصدي لابد من دراسة الاسباب باستفاضة

[بعيد النظر]

اسمحلي اخوي انا معاك بانه الاهل يتحملون غالبية المسؤولية بس الدولة والقوانيين له دور كبير في مواجهة هذي الظاهرة

(إن الله يزع بالسلطان ما لا يزع بالقرآن)

لازم الدولة تدرس وتقييم عوامل تفشي هذي الظاهرة لين صارت قطر الاعلى عالميا بالنسبة للسكان

الدولة شلون بتصرف اذا ولدك باق موتر البيت تالي الليل ودعم لا سمح الله ؟
ولا تبي الدولة تحاسب المشتري ؟ شاري السيارة حق من ؟ ولدك كم عمره ؟ كروزر لا .. خذله كورولا ؟


صعببببب صعبببب ان الدولة تسوي كنترول ..
والولد عند هلله ..

[Al-Kuwari]

صبحك الله بالخير .. معاك في نقطة ان الولد مامنله واسطة ..
وعارف انه مرده بيطلع لو شسوى ! او مب شرط هو موتره !


بس ياخوي .. اني انصاد على 160 وانسجن ..
اسمحلي .. بتظلم فيها عالم !! وانا اولهم !

160 عن 160 تفرق ..

لا ما تفرق ياخوك

امش بسرعه الشارع ولا تخالف

لا تبوق لا تخاف

يعني لو مشيت 160 بدل 120 بتوصل اسرع ؟

احسبها الارقام ماتكذب تلاقي الفرق 5-10 دقايق بس لمسافة 300-400 كيلو يعني السالفة ماتسوى

[BoFahed]

نحتاج نغير قوانين المرور

مثلا لو كنت ماشي 160 وصادك رادار ثابت او متحرك وبس دفعوك فلوس ماسوينا شي ,

لكن لنفرض كان القانون غرامة 10 الاف ريال وسجن اسبوع ؟ ويكون عندك نقاط لو تكرر الامر خلال اقل من سنة غرامة 20 وسجن اسبوعين ؟ وهكذا يتدبل المبلغ ومدة السجن كل ما استهترت اكثر خلال سنة من تاريخ اول مخالفة رادار بسرعة جنونية ؟

صدقوني اذا مالقيتوا الشباب يسوقون مثل الهنود 60 كيلو انا ماعرف شي , ربعنا مايخافون من المخالفات تلاقي الواحد عليه 30 و40 الف وعادي مطنش ولا له نية يجدد استمارته اصلا بس لو تقوله سجن ومافيها واسطات ولا شردة , وش بيصير؟ بيتأدبون كلهم

هذا اللي اقصده بالضبط اخوي تنفيذ القانون لانه العقوبات المادية الاعلى عندنا بس ربعنا مب معتبرين فيها

يعني لو الشاب المتسابق او المتهور انسجن على لاقل 48 ساعه وتحول لخدمة مجتمعية ويشوف ضحايا الحوادث من الشباب او يشارك في غسل الموتى ويتذكر نعمة الصحة والعافيه ويشوف شنو شعور اهل المتوفي من عذاب وحزن على فراق فقيدهم اكيد بيتاثر وبيرتدع

[أعمار]

الإشكالية ليست في القانون فالقوانين موجودة الاشكالية في التطبيق
تطبيق القانون يضعف في بعض الاحيان لابد عدم التهاون

[Al-Kuwari]

هذا اللي اقصده بالضبط اخوي تنفيذ القانون لانه العقوبات المادية الاعلى عندنا بس ربعنا مب معتبرين فيها

يعني لو الشاب المتسابق او المتهور انسجن على لاقل 48 ساعه وتحول لخدمة مجتمعية ويشوف ضحايا الحوادث من الشباب او يشارك في غسل الموتى ويتذكر نعمة الصحة والعافيه ويشوف شنو شعور اهل المتوفي من عذاب وحزن على فراق فقيدهم اكيد بيتاثر وبيرتدع

صادق ياخوي حلك افضل بكثير , كفى بالموت واعظاً , خل يغسل موتى الحوادث ويمر على المقعدين لعل وعسى يحس ويخاف

[بعيد النظر]

لا ما تفرق ياخوك

امش بسرعه الشارع ولا تخالف

لا تبوق لا تخاف

يعني لو مشيت 160 بدل 120 بتوصل اسرع ؟

احسبها الارقام ماتكذب تلاقي الفرق 5-10 دقايق بس لمسافة 300-400 كيلو يعني السالفة ماتسوى

بالنسبة لك ما تفرق ..
انا كل يوم رايح وراد من لفان .. من الهلال لييي لفان ..

ما عندي مشكلة في الروحة ..
الردة .. عشان ما انود ادعس ..

140 - 160 .. لين اوصل الخيسة او دحييل ..
السالفة مش فالارقام كثر ما هي نفسية بالنسبة لي ..

عقب 9 ساعات ودك توصل البيت باي طريقة ..

[BoFahed]

الدولة شلون بتصرف اذا ولدك باق موتر البيت تالي الليل ودعم لا سمح الله ؟
ولا تبي الدولة تحاسب المشتري ؟ شاري السيارة حق من ؟ ولدك كم عمره ؟ كروزر لا .. خذله كورولا ؟


صعببببب صعبببب ان الدولة تسوي كنترول ..
والولد عند هلله ..

اخوي جزاك الله خير انت تتكلم عن حالات فردية

انا اتكلم عن فكر مستشري بين عيالنا واخوانا المراهقيين و الشباب لابد من مواجهته بالكلمة الطيبة والنصح ومكان لتفريغ طاقاتهم بامن ويسلامه وتنفيذ القانون بحزم اذا تطلب الامر (سياسة العصا والجزرة ) وعلى فكرة الكثير من حالات الوفاة كانو مرافقين للسايق او متضررين

واتفق معاك بانه لابد من توعية الاباء والامهات بخطورة هالشي .

اخوي انا اطالب الجميع افراد ومؤسسات ورموز المجتمع (شيوخ دين -ابطال رياضة -فنانين -مثقفين ) للتكاتف الجهود في مواجهة هذه الظاهره

[BoFahed]

الإشكالية ليست في القانون فالقوانين موجودة الاشكالية في التطبيق
تطبيق القانون يضعف في بعض الاحيان لابد عدم التهاون

هذا اللي نطالب فيه والحوادث والوفيات موجودة في جميع دول العالم

[BoFahed]

بالنسبة لك ما تفرق ..
انا كل يوم رايح وراد من لفان .. من الهلال لييي لفان ..

ما عندي مشكلة في الروحة ..
الردة .. عشان ما انود ادعس ..

140 - 160 .. لين اوصل الخيسة او دحييل ..
السالفة مش فالارقام كثر ما هي نفسية بالنسبة لي ..

عقب 9 ساعات ودك توصل البيت باي طريقة ..

الله يحفظك اخوي ويعينك

[لـبـيـه]

الله يرحمهم ويتجاوز عنهم ويبدلهم بدار خير من دارهم

سبحان الله التشديد اشوفه اصبح مامنه فايده الوفيات في زياده في السبعينات والثمانينات مافي تشديد مثل الحين لاكن ماكنا نشوف وفيات مثل يومنا

اغلب الوفيات دون 30 سنه

فعلا لاراد لقضاء الله

الوعي راح الشاب يدفن رفيجه واليوم الثاني تشوفه بوالين ويستعرض بدون اتعاض ويسابق

في خلل في مدارسنه

مش من البيت ارد واقول في خلل في التربيه بلمدارس راحت الرهبه من المدرس ومن الصلاه ومن الاحترام ومن الموت

[BoFahed]

الله يرحمهم ويتجاوز عنهم ويبدلهم بدار خير من دارهم

سبحان الله التشديد اشوفه اصبح مامنه فايده الوفيات في زياده في السبعينات والثمانينات مافي تشديد مثل الحين لاكن ماكنا نشوف وفيات مثل يومنا

اغلب الوفيات دون 30 سنه

فعلا لاراد لقضاء الله

الوعي راح الشاب يدفن رفيجه واليوم الثاني تشوفه بوالين ويستعرض بدون اتعاض ويسابق

في خلل في مدارسنه

مش من البيت ارد واقول في خلل في التربيه بلمدارس راحت الرهبه من المدرس ومن الصلاه ومن الاحترام ومن الموت

صادق اخوي اكيد الوضع اختلف وعوامل عديدة ساهمت في زيادة الظاهرة

مثل ما ذكرت بالسابق نتمنى دق ناقوس الخطر ومعالجة الاسباب من بداية نشأتها (المدارس )

ونطالب التوعية ثم التوعيه ثم التوعيه في البيت والاسرة والمدرسة والمجتمع

الارقام خطيرة احنا كلنا 260 الف مصيبة عظيمة في مجتمع صغير المئات من شبابه تنتهي حياتهم بالسيارات

[راعي الكورفت]

لتقليل الحوادث على وزارة الداخليه رفع سن اكتساب الرخصه الى 21 سنه
وعدم سماح للمراهقين (دون 25 عام) بركوب الكروزرات وبتقل الحوادث والوفيات بنسبة 90%

يوميا على خطوط الشمال او بوسمره او دخان بعد 12 منتصف الليل سيكثر المراهقون الطائشون بالشارع بشكل مخيف !
كروزر يسابق كروزر بسرعات فوق 200 وكل الحوادث كروزرات .

اللاندكروزر موتر لايوجد به ادنى مقومات السلامه وليس مخصص للسابقات بالاساس بل هو موتر عائلي لكن الجناغل وين تفهمهم :confused:

[لـبـيـه]

لتقليل الحوادث على وزارة الداخليه رفع سن اكتساب الرخصه الى 21 سنه
وعدم سماح للمراهقين (دون 25 عام) بركوب الكروزرات وبتقل الحوادث والوفيات بنسبة 90%

يوميا على خطوط الشمال او بوسمره او دخان بعد 12 منتصف الليل سيكثر المراهقون الطائشون بالشارع بشكل مخيف !
كروزر يسابق كروزر بسرعات فوق 200 وكل الحوادث كروزرات .

اللاندكروزر موتر لايوجد به ادنى مقومات السلامه وليس مخصص للسابقات بالاساس بل هو موتر عائلي لكن الجناغل وين تفهمهم :confused:

طالبت بلموضوع هذا من قبل وماعجب اغلب الشباب الي بلمنتدى

[معماري قطري]

لازم حد من اعيالهم ايموت عشان تسن القوانين

الملتزم بالقانون واللي متابعينه هله الله يوفقه ويمد في عمره لكن المغامرين صعب وضعهم والموت هفوة بسيطة ولا الحديد متداخل في بعض وفي أجسامهم

دوم أحذر عيالي وولدي الكبير استوى يتابع اخوه ويحذره والله يوفقهم

حتى بعض الأبرياء يروحون ضحية هذي الحوادث بسبب استهتار البعض وعدم انتباه بعض البطيئين جداً .. السواقة المعتدلة ضرورية والتزام الجميع بأخلاقيات الطريق شيء مهم .. تجي عند الإشارة تحصل واحد متنح تدقق فيه بعد ما تطوفه بصعوبة الا الأخ يرضع التلفون وهذا ينطبق على الكل ومن كل الأعمار

المرور وراه شغل كبير ولازم يحددون جرائم القيادة الخطرة ويركزون عليها ويحطون عقوبات صارمة مب بس جمع فلوس .. أشوف الناس مستانسين على الخصم والكل يسرع والرقابة يفترض تكون آنية وسريعة .. عن طريق الكاميرات مثلاً اتصال سريع يجي للمخالف يقول له انت سويت كذا وكذا وهذا انذار مبدئي لك لو اللي سواه بسيط .. المخالفات القوية تعال يالحبيب المركز ولا بنلقي القبض عليك وبنسحبك جدام الناس

إستويت الزم نفسي بعدم مسك التلفون عند الاشارات ولو جاني اتصال استخدمت الهاند فري لأَني أَحاسب نفسي قبل أن أُحاسب واتمنى الكل من إخواني صغار وكبار يحاسبون نفسهم .. يا اخوان الطريق للكل ومن أخلاق المسلم يشيل الأذى عن الطريق .. الأذى مادي ومعنوي

[معماري قطري]

لتقليل الحوادث على وزارة الداخليه رفع سن اكتساب الرخصه الى 21 سنه
وعدم سماح للمراهقين (دون 25 عام) بركوب الكروزرات وبتقل الحوادث والوفيات بنسبة 90%

يوميا على خطوط الشمال او بوسمره او دخان بعد 12 منتصف الليل سيكثر المراهقون الطائشون بالشارع بشكل مخيف !
كروزر يسابق كروزر بسرعات فوق 200 وكل الحوادث كروزرات .

اللاندكروزر موتر لايوجد به ادنى مقومات السلامه وليس مخصص للسابقات بالاساس بل هو موتر عائلي لكن الجناغل وين تفهمهم :confused:

راعي الكورفيت انا ما اصدقك .. مسوي لنا اغراء بالكورفيت هذي اللي تفتر حتى انا اللي خلصت المراهقة المتأخرة خاطري اسوي مثل الصورة

لا تزعل مني كلامك صحيح ولازم فيه تشديد وحلول فعالة

[بعيد النظر]

الله يحفظك اخوي ويعينك

ويحفظك ويعين الجمميع يا بو فهد



لتقليل الحوادث على وزارة الداخليه رفع سن اكتساب الرخصه الى 21 سنه
وعدم سماح للمراهقين (دون 25 عام) بركوب الكروزرات وبتقل الحوادث والوفيات بنسبة 90%

يوميا على خطوط الشمال او بوسمره او دخان بعد 12 منتصف الليل سيكثر المراهقون الطائشون بالشارع بشكل مخيف !
كروزر يسابق كروزر بسرعات فوق 200 وكل الحوادث كروزرات .

اللاندكروزر موتر لايوجد به ادنى مقومات السلامه وليس مخصص للسابقات بالاساس بل هو موتر عائلي لكن الجناغل وين تفهمهم :confused:



معااك ولو انها مستحييييييييييييييييييييييييييييييييييييييل تصير

[معماري قطري]

الله يرحمهم ويتجاوز عنهم ويبدلهم بدار خير من دارهم

سبحان الله التشديد اشوفه اصبح مامنه فايده الوفيات في زياده في السبعينات والثمانينات مافي تشديد مثل الحين لاكن ماكنا نشوف وفيات مثل يومنا

اغلب الوفيات دون 30 سنه

فعلا لاراد لقضاء الله

الوعي راح الشاب يدفن رفيجه واليوم الثاني تشوفه بوالين ويستعرض بدون اتعاض ويسابق

في خلل في مدارسنه

مش من البيت ارد واقول في خلل في التربيه بلمدارس راحت الرهبه من المدرس ومن الصلاه ومن الاحترام ومن الموت

صدقت والله .. كلمت مشرف مدرسة من فترة قلت له انتوا تستعملون الكلام والتهديد والفعل غير موجود .. ينشئون عيالنا يتخيلون البلاد قانونلس ( بلا قانون بالعربي ) وما يحسون بمعنى العقاب ولو يبات ليلة في سجن وخلوا نقول مناسب لسنه ويحس إن الحكم بيكون عليه طويل وبصعوبة يتعبون هله لين يطلعونه بيعرف إن العقاب وراه وبيلتزم

[اليحصبي]

سؤال بريئ : اذا كانت السرعه خطر مميت ليش شركات السيارات ماتحط طبلون السياره 100 او 120 حد أعلى للسرعة ؟؟
تخيل سيارتك طبلونها 100 كيلومتر في الساعه !!

[monatee]

طريقة هندسة شوارعنا والاخطاء الفادحة في التصميم ، وسواقة البعض يلف فجأة ولا يسوق ببطئ في شارع سريع وحيوي

اخطر من السرعه نفسها

[شيخ الديرة]

تشديد العقوبات، وبدون رحمة، واللي ما يعجبه ياخذ تكسي

[حرف]

تشديد العقوبات، وبدون رحمة، واللي ما يعجبه ياخذ تكسي

هذا الي انقوله

اما مخالفات مالية
الكل هالوقت يقدر يدفع

[<اضرب واشرد>]

https://twitter.com/Eyaaaad/status/685924527226904576

[Qt.1]

اذا المشكله في الي يسوق السياره فصعب اتحصل حل , الاا اذا بعد بيصير تحكم عن بعد بالسياره عن طريق المرور بعد زين , دام شبابنا هذي عقليتهم عمرها الحوداث ولاا القوانين بتمنعهم .

[شيخ الديرة]

الحلول التقنية موجودة بسعر لا يتعدى 200 دولار لمراقبة أي سرعة أي سيارة كل الوقت عن طريق جهاز يثبت داخل السيارة ويرسل البيانات لحاسوب مركزي يتم حينها تحديد قرارات معينة للتحذير او الحجز او غير ذلك قبل الحادث. المشكلة انه كيف تقرر اي سيارة يستوجب تركيب هذه الاجهزة

[بريق الحق]

السرعه مش السبب
الناس تقعد تناحس بعض وتلف على بعض واذا مافتح له المجال راح قدامه وكع بريك ولا فالزحمه ايك واحد يدخل عليك غصب وغير هاي الشاحنات الصراحه شي مخيف الصراحه
ثقافة السواقه عندنا مدفونه
ترى في ناس تسرع بس بسرعه معقوله يعني في حد بمشي فالمطر 150 هاي يهلك نفسه وبعدها نقول لا السرعه هي السبب
اذا الشخص نفسه عنده مشكله في فهم معنى السياره هاي مصيبه

[بصمة قطرية]

الله يرحم اللي توفوا و يغفر لهم و يصبر قلوب أهاليهم ..
و يحفظ عيالنا و عيال المسلمين من شر هالحوادث ..
والله العظيم الوحدة منا تتم تحاتي طول ما عيالها برع
بسبب هالحوادث اللي كل يوم تحصد أرواح شباب في عمر الزهور ..
شبابنا راحوا بسبب هالحوادث ..
يروحون و يتركون غصة في قلب الأم ..
بسنا حوادث ..
والله أعصابنا تعبت كل يوم نفجع بحادث مأساوي
ووفيات بالجملة ..!!!!
شي يروع اللي قاعد يصير ..
لازم يلقون حل سريع ..
لازم يدخلون من ضمن المخالفات السجن
يمكن هالشي يمنع الشباب من السرعه ..
السرعه في الشوارع صايرة جنونية
و الأجانب سواقتهم كللللللش يلفون على العالم
و بريكات ما لها داعي و شبابنا يتنرفزون من هالحركات ..

[السكين]

الله يرحم جميع من توفى ويغفر لهم ويصبر أهاليهم خاصة الأمهات .

والله الحل بسيط جداً ثقافة فقط وتعلّم الصبر .. كل مستهتر عارف انه غلط وكل مخالف عارف انه مخالف بس المشكلة الثقافة ، يعني مهما سوت ادارة المرور بيتم نفس الشي يمكن تتناقص بعض الحالات بس الأغلب بيدفع والسلام .

الحل هو السجن والعقوبات المشددة لتغير ثقافة اغلب المستهترين ..

السبت قبل الماضي كان مطر العصر ، قلت أطلّع الوالد شوي يشوف الشوارع ، واحنا على طريق الشمال وتحديداً قبل الجسر ومقابل معسكر الدحيل الخط واقف ، ودرويتنين نيسان باب واحد واقفين بالعرض على جانب الشارع اللي ييجي لونها فضي وكحلي اتوقع مرور وبينهم وبين بعض 100 متر ومشغلين الونانات وواقفين ، جا كروزر وزرق ودخل قدام لكزس بطريقة استفزازية على اقصى اليسار وضرب بريك عشان الزحمة ، لما تحرك الخط اللكزس كان شايلها له وتجاوزه من اليسار يعني على الخط الأصفر، ولما تجاوزه الكروزر لف عليه بس اللكزس كمل ودعمه ومشى .. وبعدين لحقوا بعض ووقفوا على اليمين قدام الله اعلم ايش صار ..

الشرطة ما قصرت ومتواجدة بالمكان بس اللي صار سببه استهتار شباب ، وقس على ذلك الكثير ..

[رجل مثالي]

الله يحفظ شبابنا
اكثر الاسباب هي السرعة
وعدم الانتباة
الانشغال بغير الطريق

[بنت شرق]

ايسون حظر خروج لفئة الشباب بعد الساعة التاسعة ليلا وبتقل الحوادث

[mr. abdulla]

السرعه مش السبب
الناس تقعد تناحس بعض وتلف على بعض واذا مافتح له المجال راح قدامه وكع بريك ولا فالزحمه ايك واحد يدخل عليك غصب وغير هاي الشاحنات الصراحه شي مخيف الصراحه
ثقافة السواقه عندنا مدفونه
ترى في ناس تسرع بس بسرعه معقوله يعني في حد بمشي فالمطر 150 هاي يهلك نفسه وبعدها نقول لا السرعه هي السبب
اذا الشخص نفسه عنده مشكله في فهم معنى السياره هاي مصيبه

للأسف انا مضطر أخذ خط 22 فبراير مرتين باليوم و بأوقات الزحمة.. هالاشكال تمر علي كل يوم ... ناس ما تخاف على عمرها و لا تخاف على الموجودين معاهم بالشارع... المشكلة الحركات الوسخة من بس من شباب صغار .. في ناس واضح عليهم في ال30 اذا مو اكبر يسوون نفس الحركات... الله يحفظنا كلنا

[mr. abdulla]

الحل بسيط ... نحتاج شرطة مرور غير متساهله... شرطة مرور لها هيبه و يكونون متواجدين في جميع الأماكن...

شوف شرطة أمريكا... اخبر ايام الدراسة اذا مسكنا شرطي نقوم ندعي ربنا يفرج علينا من الخوف.. يكلمنا و احنا من الخوف ننسى الانجليزي كله... اخرتها موقفنا على مخالفة اللف من دون إشارة او ليت البريك محترق.... في أمريكا أوقات الزحمة الشرطة في كل مكان متواجدين... اذا الخط السريع ثلاث مسارات سيارتين دورية يمسكون اول السيد و يمشون 10 كلم فوق السرعة القانونية.. و يخلون كل اللي وراهم قصب يمشون السرعة القانونية.. عاد عندنا تعال خلهم يحجزون موترك ... تليفونين تشوف لك واسطة و موترك مطليعنه... تعال خالف.. شوف لك حبيب عنده واسطة صح و يقطون عنك المخالفة او النقاط او يخفظون عنك المخالفة... نبي مرور اكثر صرامة و نبي نشوف لهم تواجد اكبر..

[BoFahed]

الله يرحم اللي توفوا و يغفر لهم و يصبر قلوب أهاليهم ..
و يحفظ عيالنا و عيال المسلمين من شر هالحوادث ..
والله العظيم الوحدة منا تتم تحاتي طول ما عيالها برع
بسبب هالحوادث اللي كل يوم تحصد أرواح شباب في عمر الزهور ..
شبابنا راحوا بسبب هالحوادث ..
يروحون و يتركون غصة في قلب الأم ..
بسنا حوادث ..
والله أعصابنا تعبت كل يوم نفجع بحادث مأساوي
ووفيات بالجملة ..!!!!
شي يروع اللي قاعد يصير ..
لازم يلقون حل سريع ..
لازم يدخلون من ضمن المخالفات السجن
يمكن هالشي يمنع الشباب من السرعه ..
السرعه في الشوارع صايرة جنونية
و الأجانب سواقتهم كللللللش يلفون على العالم
و بريكات ما لها داعي و شبابنا يتنرفزون من هالحركات ..

الله يحفظ عيالج ويبلغج فيهم

احنا نبي نشيل الخوف من قلوب امهاتنا ودراسة مواضع الخلل

لابد من دراسة وخطة حتى ولو استغرقت سنوات بس تكون واضحه وسليمه وتتنفذ صح وتوصل للهدف المرجو منها

[BoFahed]

الحل بسيط ... نحتاج شرطة مرور غير متساهله... شرطة مرور لها هيبه و يكونون متواجدين في جميع الأماكن...

شوف شرطة أمريكا... اخبر ايام الدراسة اذا مسكنا شرطي نقوم ندعي ربنا يفرج علينا من الخوف.. يكلمنا و احنا من الخوف ننسى الانجليزي كله... اخرتها موقفنا على مخالفة اللف من دون إشارة او ليت البريك محترق.... في أمريكا أوقات الزحمة الشرطة في كل مكان متواجدين... اذا الخط السريع ثلاث مسارات سيارتين دورية يمسكون اول السيد و يمشون 10 كلم فوق السرعة القانونية.. و يخلون كل اللي وراهم قصب يمشون السرعة القانونية.. عاد عندنا تعال خلهم يحجزون موترك ... تليفونين تشوف لك واسطة و موترك مطليعنه... تعال خالف.. شوف لك حبيب عنده واسطة صح و يقطون عنك المخالفة او النقاط او يخفظون عنك المخالفة... نبي مرور اكثر صرامة و نبي نشوف لهم تواجد اكبر..

صادق اخوي نحس ان هيبة القانون مب حاسين فيها غالبية الشباب

[مضارب دوسري]

الحل السجن للمتهور

وليس مخالفات ماليه كما الحاصل الان

[بوخميس]

المشكلة في العقليات

وايد تهاوشت مع ربعي متزوجين وعندهم عيال، أحذرهم من السرعة الزايدة.

وكل واحد يحسب أن هو (شوماخر) ولا (ناصر العطية)

الواحد يموت مرة وحدة ، مافي مجال ان الواحد يتحسف عقب.

[qatari 111]

مب كل الشباب نفس الشي فالعقليه والتهور اعطيك مالا يزيد عن 5% من الشباب اللي هم متهورين ووفيات الشباب اسبابها السواق نفسه يموت معاه ويسسب لهم عاهه مستديمه للي راكبين معاه ماياخذ بالاعتبار اللي راكبين معاه أنهم امانه في رقبته وهو المسؤول عليهم اذا تهور وصار فيهم شي . والعكس صحيح في منهم اللي يشجعه ويعززه عالسرعه .
المفروض مايتهور اذا حد راكب معاه ويكون راكد عقب اذا انزلوا من السيار يتهور على كيفه .
والشي الثاني الرفجه والصحبه الطيبه لها دور كبير وتاثير عليهم عكس الصحبه المتهوره والطايشه ومالهم هدف بحياتهم .

فلازم الاب او لي الامر يدير باله على عياله ويسال عن ربعه منهم ويقابلهم ويركز على مواترهم وامور كثير ينتبه لها ولي الامر على ولده وعلى ربعه اللي يماشيهم .
حوادث الشباب كانت من ايامنا نشوفها ونسمعها منهم ربعنا توفوا واللي الله سلمهم من الحوادث والله كنا ننبهم يسرعون وتوايرهم منتهيه او مسابق يومينا ما ننكر انا كنا نتسابق ولكن كانت مواترنا يادوب يوصل 140 بعد المعاناه .
والمناحس فالعديد والسيلين كل واحد يدفن الثاني ويلف عليه وتطير .

[qatara]

الحلول بسيطه

لاكنها بنظر البعض صعبه

اصبح بعض الشباب دلوعين

ماحس في ابوه شلون كرف عشان يعيشه عيشه كريمه

ماتعب ولاكرف بقيمة السياره ليحس بقيمتها وقيمة روحه وقيمة

روح الاخرين مدام الماما والبابا عندهم فلوس بيشترون لي بدال السياره سياره

لو تكنسلت حتى الخادم لدريول مستهتر ماتعب بالسياره ولا بدافع حتا ريال مخالفات كفيل يدفع

ولا امي بتدفع عني المخالفات ولا ابوي وكما نسمع بعض البنات

يتسابقون معاشها قوي وتقلد الشباب

ولاحد يزعل من الحق

[bus3od]

الحل اغلاق سيلين و الزام وكالات السيارات ببرمجة السياره عشان ما تتجاوز ال100 كيلو في الساعه و سجن اللي يستعرضون نص الليل

[معماري قطري]

طال عمرك القصد كالتالي

اتذكر في الوكرة كان عندنا الشارع وانت رايح الدوحة اتجاهين رايح جاي وفي نخل على الجزيرة

يوم توفي وزير الاعمال فهد بن جاسم الله يرحمه ... سووا سياج حديدي

انزين ليش ماكان فيه في الاساس ...

حتى جسور المشاة ..

ناس بالعشرات ماتوا خلال عشرين سنة اللي راحت على خط الوكرة ...

لازم اتصير كارثة عشان اتصرف

تحياتي لك شيخنا

وأحياناً يكون التصرف ناقص والمنظر غلط .. يفترض التخطيط يواكب التطور العمراني مب هذي الشوارع من كانت قطر توها تحبي نحو المجد للحين نفسها

خصوصاً المدن اللي بدت تكبر مثل الوكرة والخور والقادمة الجديدة الشحانية وما جاورها .. شيء منها يعتبر إمتداد للدوحة مثل طريق سلوى والشحانية والخريطيات وبداية طريق الشمال .. هذي تتطلب طرق واسعة ومستقيمة وبتقاطعات حديثة من جسور واشارات وبدون دوارات لازم ينسون الدوارات نهائياً واتمنى يعملون تقاطعات متعامدة وقف على كل مسار وكاميرا تصوير اللي ما يوقف يتخالف مثل مخالفة الإشارة ولو تسبب في حادث مهما كان بسيط يغرم 50000 ريال ولو دخلوا التأويلات الثانية بنكون فتحنا المجال لقطع التقاطع بدون الوقوف تماماً واللي يوقف أول يمشي بعد التأكد من خلو التقاطع

للخور سووا طريق رئيسي ثانوي ويفترض ثالث ورابع وتخطيط صحيح مسبق قبل لنوصل لزحمة خيالية لا تطاق .. كذلك للوكرة لكن لو صبروا لتتكدس المباني حول كل مسار مفتوح نسبياً لعمل هذا الطريق بيتورطون في النهاية في عدم الحصول على مجال لفتح طريق رئيسي ثانوي وثالث وهكذا

[معماري قطري]

السلام عليكم
كل مسلم يموت ميتة صعبة وفيها ألم فهو شهيد، كالغريق والمحروق والمطعون والمبطون(مات بسبب مرض في بطنه، ويقاس عليه مرضى السرطان إلخ) والمرأة الحامل أو أثناء الولادة ومن انهدم عليه جدار(ويقاس عليه من مات في حادث سير)

بالطبع أعظم مراتب الشهادة هي (الموت في سبيل الله جهادا)
http://fatwa.islamweb.net/fatwa/index.php?page=showfatwa&Option=FatwaId&Id=34588

جزاك الله خير وهذا ما سمعته سابقاً .. إخواني لحد يفتي بفتوى إسلامية غير متأَكد منها والله يحسبنا وموتانا من الشهداء

[معماري قطري]

يارب ارحم امواتنا واموات المسلمين اجمعين

اذا لم يكن السبب السرعه الجنونيه فبالتأكيد السبب الاخر هو الانشغال بالجوال

والله يا انه ولدي وانا معاه يرن جواله يرد عادي ويطرش مسج لين حلفته مايسويها عاد مدري وانا مب معاه شنو وضعه الله يحفظهم ويبعد عنهم شر الحوادث

بعضهم اختي يتابع فلم طويل وهو يسوق على التلفون .. ما ادري وين الكاميرات وما ادري وين الفحص الفني عن بعض السيارات اللي مركب فيها شاشات تشتغل على طول حتى والسيارة تمشي .. وراء معليش بس قصدي جدام .. ووين الفحص الفني عن السيارات اللي تصدر صوت مرعب وكذلك اللي فاصلين نظام الأمان وعدم الانزلاق ونظام الدفع الرباعي المستمر حق يحفص شوي عن خاطره .. ولا ادري وينهم عن اللي مسوين سيارتهم ساجده وهي تمشي

[blueZircon]

حل مثل هذه المواضيع المتفاقمه ينقسم نصين:

- حلول وقائيه مثل التوعيه والمحاضرات ومواد التدريس بالمدرسه والحملات الاعلانيه
- حلول تصحيحيه وتأتي هذه الحلول في حال فشل الحلول الوقائيه,

انا اشوف ان الحلول الوقائيه لم تأتي بثمارها , فالبتالي تطبيق الحلول التصحيحه لابد منه, مثل تغليظ العقوبه والتشديد في مراقبة السيارات والتزويدات المركبه عليها وأنزال اقصى العقوبات على السائقين المتهورين حتى يتعض الاخرين.

الله يحفظ شبابنا من كل مكروه

[معماري قطري]

والشيء الأهم وين هيبة الشرطة وهيبة تطبيق القانون وتوقيف السيارات المخالفة في الشوارع؟

ولدي يقول لي أحد زملاؤه يسوق وهو في ال 16 بس عنده ليسن تحت التعليم ووقف شوي غلط جدام سائق شاحنة وسائق الشاحنة كان يقدر يوقف لكن مر عليه بكل استهزاء وهو مطلع راسه من جامة السيارة ويضحك وهو يدعمه .. ما ادري من قوة الصدمة أو هول الموقف الولد أُغمي عليه للحظات وبعدها نزل وهو يتذكر شصار وراح لسائق الشاحنة وضربه .. وعلم ابوه بشصار وراح ابوه لصاحب الشركة اللي يشتغل فيها سواق الشاحنة وحاسبوا سائق الشاحنة .. حظهم هم عيال عم وخذوا جزء بسيط من حق ولدهم لكن كثيرين ما قدروا ياخذون لا حق ولا باطل خصوصاً مع القوانين الجديدة اللي تنصر سواق على مواطن والسواق يسوق باص أو شاحنة أو دنكر في فريج وبرعونة وسرعة واستهتار

وينكم يالمرور ويا قوى الأمن عن ذيلا؟

جدام بيتي صارت حادثة من هالنوع وذكرتها مرات .. رجال قطري في آخر الخمسينات وسواق سوري حول ال 30 ومعاه واحد في مازدا من الطوال اللي يسمونها ويدلعونها بالصروال .. وكانت نقعة مطر مسكرة مسار القطري ولف عنها وجاء في مسار السوري والسوري ساق بسرعة ووقف تقريباً 1 سم عند صدام القطري ويأشر له بيده باستهتار ارجع ورا ولا انزل في الماي واستوى توتر بينهم وصوت عالي .. جاوا الشرطة وقالوا للقطري انت الغلطان

[qatara]

والشيء الأهم وين هيبة الشرطة وهيبة تطبيق القانون وتوقيف السيارات المخالفة في الشوارع؟

ولدي يقول لي أحد زملاؤه يسوق وهو في ال 16 بس عنده ليسن تحت التعليم ووقف شوي غلط جدام سائق شاحنة وسائق الشاحنة كان يقدر يوقف لكن مر عليه بكل استهزاء وهو مطلع راسه من جامة السيارة ويضحك وهو يدعمه .. ما ادري من قوة الصدمة أو هول الموقف الولد أُغمي عليه للحظات وبعدها نزل وهو يتذكر شصار وراح لسائق الشاحنة وضربه .. وعلم ابوه بشصار وراح ابوه لصاحب الشركة اللي يشتغل فيها سواق الشاحنة وحاسبوا سائق الشاحنة .. حظهم هم عيال عم وخذوا جزء بسيط من حق ولدهم لكن كثيرين ما قدروا ياخذون لا حق ولا باطل خصوصاً مع القوانين الجديدة اللي تنصر سواق على مواطن والسواق يسوق باص أو شاحنة أو دنكر في فريج وبرعونة وسرعة واستهتار

وينكم يالمرور ويا قوى الأمن عن ذيلا؟

جدام بيتي صارت حادثة من هالنوع وذكرتها مرات .. رجال قطري في آخر الخمسينات وسواق سوري حول ال 30 ومعاه واحد في مازدا من الطوال اللي يسمونها ويدلعونها بالصروال .. وكانت نقعة مطر مسكرة مسار القطري ولف عنها وجاء في مسار السوري والسوري ساق بسرعة ووقف تقريباً 1 سم عند صدام القطري ويأشر له بيده باستهتار ارجع ورا ولا انزل في الماي واستوى توتر بينهم وصوت عالي .. جاوا الشرطة وقالوا للقطري انت الغلطان

داء يتم علاجه بغير دوائه لاتنتضر لجرحه ان يندمل

[نيساني]

دام مافيه تنفيذ القانون بالقوة ماراح يتوقف النزيف
نبي نفس امريكا الدولة الاولى في العالم
الشرطي اول مايوقف الواحد يرهبه بالقوة واذا تكلم مسحوا بوجهه على الارض


ياخي نبي مثل قوانينهم مب كل واحد يوقفك على مخفي والا على صوت حسب اجتهاده الشخصي

مثال الحين ناس مركبه 30% عازل يجيك واحد يمشيك والثاني يوقفك ونفس الشي لصوت الموتر

بالعربي نبي نفسهم في كل شي

وشكراً

[BoFahed]

ياخي نبي مثل قوانينهم مب كل واحد يوقفك على مخفي والا على صوت حسب اجتهاده الشخصي

مثال الحين ناس مركبه 30% عازل يجيك واحد يمشيك والثاني يوقفك ونفس الشي لصوت الموتر

بالعربي نبي نفسهم في كل شي

وشكراً


اخوي المخفي وصوت الدبه هين المشكله بعض رجال المرور يتشدد في هذي الاشياء بسيطه ويتساهل بالكبيرة

احنا نبيهم يتشددون في المسابق واللي عليهم رادرات بالالاف لازم موقف حازم لانهم يسببون كوارث لغيرهم

[معماري قطري]

داء يتم علاجه بغير دوائه لاتنتضر لجرحه ان يندمل

صدقت وصدق المثل حتى الدواء منتهية صلاحيته

[المحاميه]

اللهم اكفنا شر حوادث الطرق

[العنيده]

اول شي الله يكفينا شر الحوادث ان شاء الله ويرحم الشباب ويصبر اهلهم يارب ..
بعدين الموضوع مش موضوع سرعه وبس .. بحكم ان انا اسوق الموضوع ( سرعه , استهتار بالقوانين , تجاوز الشاحنات وسرعتها , سواقه شباب بدون ليسن ,
عدم التمكن من السواقه يعني يبين ان هالشخص توه جديد ويدخل الخط السريع :) , استعراضات في الفرجان مثال راعي معصرتنا امس :) )
الدوله ماقصرت قوانين ومخالفات والثبوت ..
الموضوع :-
1- شبابنا التوعيه ضروريه من الاهل وقوانين شوي عاد مب توه يسوق ضروري فورويل :rolleyes2:
2- اصحاب الشركات اللي عندهم شاحنات ياريت بس يركزون على سواقينهم لان البعض يتجاهل حجم شاحنته ويسرع وممكن يكون مو فاهم القانون صح
3- سواق توه يتعلم هل فترة التدريب القانونيه كفايه انه ياخذ الليسن ماعتقد ويطلع في الشارع


صح الاقدار بيد الله سبحانه بس انتبهوا والله يعين الاهالي ان شاء الله :weeping:

[qatari911]

يارب ارحم امواتنا واموات المسلمين اجمعين

اذا لم يكن السبب السرعه الجنونيه فبالتأكيد السبب الاخر هو الانشغال بالجوال

والله يا انه ولدي وانا معاه يرن جواله يرد عادي ويطرش مسج لين حلفته مايسويها عاد مدري وانا مب معاه شنو وضعه الله يحفظهم ويبعد عنهم شر الحوادث

عندنا وعندك خير
عندي2 سواقتهم رايحه فيها مره رحت مع واحد منهم ايدي على قلبي يطرش مسج ويسرع ويلف على خلق الله
وتهاوشت معه واذكره بالشباب الي ماتو من التهور بس للامانه حلفت ما اركب معه الا في الشديد القوي
انا سواقتي من السرعه 80 الى 100 فقط المكان الي بروح له ماراح يطير او يتغير مكانه
الله يهديهم



نحتاج نغير قوانين المرور

مثلا لو كنت ماشي 160 وصادك رادار ثابت او متحرك وبس دفعوك فلوس ماسوينا شي ,

لكن لنفرض كان القانون غرامة 10 الاف ريال وسجن اسبوع ؟ ويكون عندك نقاط لو تكرر الامر خلال اقل من سنة غرامة 20 وسجن اسبوعين ؟ وهكذا يتدبل المبلغ ومدة السجن كل ما استهترت اكثر خلال سنة من تاريخ اول مخالفة رادار بسرعة جنونية ؟

صدقوني اذا مالقيتوا الشباب يسوقون مثل الهنود 60 كيلو انا ماعرف شي , ربعنا مايخافون من المخالفات تلاقي الواحد عليه 30 و40 الف وعادي مطنش ولا له نية يجدد استمارته اصلا بس لو تقوله سجن ومافيها واسطات ولا شردة , وش بيصير؟ بيتأدبون كلهم


اخوي الكواري اتفق معك ياليت يوصلهم اقتراحك

[جبر ال جبر]

الخلل مب في ثقافه السائق المتهور فقط والي يشخطه بسرعه 180 و200 ,,, (محدثكم ايام الطيش كانت افرش الطبلون وامشي 260 و280 وعلى مدى سنوات والله الحافظ)
وندائك لوزير الداخليه ماراح يغني ولا يسمن من جوع اولا لانه وزير الداخليه اكثر شخص في الدولة حريص على سلامه المواطن وليس لدينا ادنى شك في ذلك
المطلوب تظافر الجهود اولا من الساده (سبب الفيضانات في شوراع قطر المكيفات) عرفتوهم هذولا مناط بهم سلامه الطريق ولي الامر يثثقف ولده ثقافه مروريه صح مب يحطه في حظنه ويدور فيه في البر ولكبر شوي خلاه يسوق في البر وقال خلاص ولدي دريول
لازم الثقافه المروريه ماده تدرس في مناهج المدارس الثانويه مثل التدبير المنزلي للبنات ماده نجاح ورسوب وبهشكل يمكن مانقضى على المشكله بشكل اساسي ولكن بنخفف منها
الي الله كاتبه يصير ولكن ناخذ بالاسباب

[بانغ بانغ]

الخلل مب في ثقافه السائق المتهور فقط والي يشخطه بسرعه 180 و200 ,,, (محدثكم ايام الطيش كانت افرش الطبلون وامشي 260 و280 وعلى مدى سنوات والله الحافظ)
وندائك لوزير الداخليه ماراح يغني ولا يسمن من جوع اولا لانه وزير الداخليه اكثر شخص في الدولة حريص على سلامه المواطن وليس لدينا ادنى شك في ذلك
المطلوب تظافر الجهود اولا من الساده (سبب الفيضانات في شوراع قطر المكيفات) عرفتوهم هذولا مناط بهم سلامه الطريق ولي الامر يثثقف ولده ثقافه مروريه صح مب يحطه في حظنه ويدور فيه في البر ولكبر شوي خلاه يسوق في البر وقال خلاص ولدي دريول
لازم الثقافه المروريه ماده تدرس في مناهج المدارس الثانويه مثل التدبير المنزلي للبنات ماده نجاح ورسوب وبهشكل يمكن مانقضى على المشكله بشكل اساسي ولكن بنخفف منها
الي الله كاتبه يصير ولكن ناخذ بالاسباب

صح لسانك وازيدك ... ترتيب زيارات لاقسام الحوادث للعبرة

[باظلوف]

الله يحفظ كل من يعز عليكم ..


وزير الداخلية .. وادارة المرور مش مقصرين ..
والحملات التوعوية كثييييرة !

بسسسسسسسسسسس

الاهل يحنون على عيالهم ..
وياخذون لهم مواتر وهم في قمة طيشهم ..
والولد .. مخرووش ولازم يطلع القوي عند ربعه ..


وقدر الله ما شاء فعل !



احمل الاهالي المسؤولية الكاملة ..
اذا ما عرفوه وين رايح وين راد ودلعوه بزيادة ..
ولا يعرفون ربعه ولا يدرون مع من رايح ومع من راد ..




والله لا يراويكم مكروه في احد من عيالكم

أتفق معاك، الخلل من الشباب نفسهم وليس من قوانين المرور

للأسف لا زال لدينا شباب طائش ولا يتحمل المسؤولية

[A-Alansari]

ياجماعه الحل مب في القوانين الصارم لانه القوانين موجوده اصلا بس مايلتزمون بعض الشباب

الحل يحطون حلبات للشباب للاستعراض وحلبات للسباقات

ولحد يقول الحلبات موجوده

الي عندنا ماتفتح طول الوقت عشان الي يبي يروح يطلع حرته هناك والي يروح عشان يشارك يتنقع بالساعات عشان ينتظر دوره

ياخي بدل هالملاعب الي مسوينها كل واحد اكبر من الثاني ومحد يروح يشوف المباريات

سوو اكثر من حلبه وخلو الشباب يروحون الحلبات ويطلعون الي براسهم هناك

بس دام مافي شي يساعد هالشباب على الهوايه الي يحبونها راح يمارسون هالهوايه في الشوارع

[الحياة الخالدة]

يعني شلون نبي نمنع الشباب و ( الشابات حالياً ) من التهور و الرعونة و هم وين ما راحوا لقوا الشي اللي يشجعهم و يحمسهم
ذاك اليوم أول ما فتحت على قناة قطر والا البرنامج اللي يستضيف اصحاب سيارات السباق و المحترفين و المهتمين بهالأمور
طبعاً هم يركزون على ضرورة الانتباه و أخذ كافة اجراءات السلامة .. لكن من العاقل اللي بيرد عليهم
عيالنا تربوا و كبروا على الالعاب الالكترونية اللي كلها سباق و سيارات رياضية و سرعة و حوادث و دماء و طق و مطاقق
الشاب أو الشابة ( و أحياناً شياب و عجايز ) يركبون السيارة الرياضية الكشخة أو السيارة الضخمة المزودة و يسوقونها يا أرض انهدي ماعليج قدي .. و يتمتعون بنظرات الاعجاب بسيارتهم من كل اللي يمرون عليهم

عقول صغيرة و غير ناضجة بغض النظر عن العمر

والله ان يمرون علينا نقول هذيلا بايعين اعمارهم و اكيد أكيد مب في وعيهم من الحركات الخطرة اللي يسوونها و في وسط الزحمة
معقولة هذيلا ما يدرون !! ما يشوفون !! ما يسمعون بالحوادث و الارواح و الدماء اللي تنزف في الشوارع ؟؟
أكيد عندهم خبر .. لكن العقل مغيب

[جبر ال جبر]

صح لسانك وازيدك ... ترتيب زيارات لاقسام الحوادث للعبرة

صح بدنك اخوي بانغ بانغ لو رتبت زيارات محد بيروح الا اعرض السيارات والاصابات في شاشه عرض كبيره في المجعات التجاريه من الخارج وخلهم ياخذون منها العبر
ويليت وزاره التخطيط والاحصاء تسوي احصاء للحوادث واسبابها في جداوال وواضحه ووسهله للقارئ العادي ونشوف هل القوانين الي وضعت والتدابير المروريه الحديثه اسهمت في انخفاضها ام العكس لانه الي الاحظه وقد اكون مخطي انه النسبه في ازدياد مش العدد العدد منطقيا قاعد يزيد بس الغريب النسبه يعني في خلل اخر غير القوانين الموجوده

[fahed]

انا من زمان ودي اقول شي بخاطري عن هالموضوع, طبعا اول شي نطلب من الله الرحمه و المغفرة لمن استوفى الله اجله , كلنا متفقين ان الحامي هو الله لكن يوجد اسباب ( وجعلنا لكل شيء سببا ), حزام الأمان و الالتزام بالسرعه القانونيه من اسباب السلامه, أنا عن نفسي كنت افكر اني اخر واحد بالعالم راح يربط حزام الامان, لكن الله اراد اني اتوظف بشركة في رأس لفان و عطونا كورسات عن القياده و خلانا نقتنع ان الحزام و الالتزام بالسرعه القانونية مطلب لابد منه, الموضوع توعيه لا أكثر, صعب تفرض على الناس شي مو مقتنعين فيه, لكن اذا اقتنعوا فيه مستحيل يخلونه, التوعية و التثقيف المروري في القياده هي اللي راح تحد من الحوادث ان شاء الله و ليس زيادة العقوبات و المخالفات, اجمع الشباب في قاعه و جيب واحد يعرف يتكلم مع فيديوات و صور و احصائيات بتحصل الفرق ان شاء الله, مو تجيب ضابط وتخليهم كأنهم في مدرسه قاعدين قدام مدرس مع أسلوب القاء ممل (نفس ماهو حاصل الان) وتبيهم يسمعون و يتثقفون مروريا. ارد اقول التوعيه المروريه هي الفيصل. والله أعلم.