الحصول على رخصة قيادة من سن ( 20 ) ظروري جدا ..

[هارون الرشيد]

السلام عليكم

يا أخوان أقترح بأن يرفعون السن للحصول على رخصة القيادة ... ترى الشاب في يوم تمام سن 17 يصبح في نظر القانون شاب بالغ مسؤل محاسب وهو مازال في ينتقل الى هذي المرحلة المقبلة !
( الاكسجين الحر يقتل ) و ( يجب أن نأكل العنقود حبه حبه )
وليس بأن نفتح عليه الدنيا ..... وخاصة هذي الالة الحديدية الخطيرة
فبعضهم لايفقه مدى خطورتها وبعضهم لم يأتهم الله رشدهم بعد ...

أشفيها لو أخرناه سنتين ! ( منها ينضج وتتحسن رؤيته للأمور ) ترى في سن ال18 و 19 الشاب يدور نفسه
وهذي أنا أعتبرها مرحلة حرجة جدا ... لانه هو في مرحلة أنتقالية من المراهقة الى سن الشباب

والله ماكتبة هذا الموضوع الى للحفاظ على شبابنا هم مستقبلنا وذخيرة الوطن

والله من ورى القصد

[حرف]

انا اقترح ان تكون مدة صلاحية الرخصة سنة واحدة فقط
وكل سنة اختبار سواقة وفحص نظر

[ya3coub]

أخوي موسكو ما بتسوي شي اللهم يمكن انك ترفع سقف الحوادث من 16-22 سنة إلى 18-25 سنة و بس

الشي اذا ما كان من الشخص نفسه و تربيته و صحبته و اهله لو شنو تسون بيتمون و بيزيدون


صحيح أخر اخبار الوفيات جات مع اول يوم رسمي لتخفيض المخالفات و واتمنى انه هالشي ما يأثر سلبا على الشي الي موجود.



بس الثقافه المرورية اذا لم توجد بالأب و الحزم من الأب بخصوص سرقة السيارة و قيادتها ولا مع من رايح او مع من جاي ولا حدود مكان الشخص بإعطاء مفتاح السيارة و الحرية الكامة للإبن بدون تعليمه المسؤولية تدريجيا شيء غلط..


مو كلشي سرعه و شباب.
و لا كل سنة فحص مثل ما ذكر أخوي حرف شالفائدة من فحص نظر و اختبار سياقة كل سنة غير تكليف و زيادة تعطيل و الشخص بالنهاية بينجح لأنه سنة عن سنة يصير متمكن أكثر من السواقه.

النضج أخوي ليس بالعمر بقدر ما اهو بوعي الشخص بنفسه و البيئة المحيطة فيه.

امس اثنين "يهال" كلن على لكسز جديد تصرفات تهورية فقط لأن واحد عطاهم ليت إلا يوصلون قبل و كانو بيتسببون بأكثر من حادث و مناحسين بعض.

ثقافه التسامح ثقافه اني ما اعرف الي بالشارع ولا يعرفوني ماله داعي اني اكون محط اهتمام الشارع و اي شي يصير يعني يقصدني.
ليش يطالعني , ليش لف علي, ليش عطاني ليت اشيبي فيني . و من هالتصرفات الي انتشرت للأسف من بعد ما ارتحنا منها اشوفها ارجعت للشارع و بقوة كبيرة جدا جدا

كله ينعكس عالتربية و عالبيئة

المرور مو مقصرين المحاكم مو ملحقين شركات التأمين يضرون اكثر من انهم ينفعون توعية مرورية و نشطاء و مبادرات شبابية ياكثرها.

بالنهاية التغير يكون من الشخص نفسه فقط لا غير و لا تعممون عالشباب شبابنا احسن من غيرهم صحيح في تهور بس هذولة مراهقين ليلحين ما وصلو لمرحلة الشباب.

شبابنا واعين و فاهمين و الملتزم اكثر من الي فالت و لله الحمد.

[monatee]

الخلل في البيت والتربيه

كان عمره 17 و 70 ماتفرق

يهال عندهم سياير .. ليش من عطاهم ؟

[شبح الصمت]

الخلل في البيت والتربيه

كان عمره 17 و 70 ماتفرق

يهال عندهم سياير .. ليش من عطاهم ؟



صحيح انا معاج ..
الخلل مش في العمر الخلل في الشخص نفسه ..
وفي البيئة ..

انا ولدي معوده من وهو صغير على السرعة ووديه اماكن استعراض وهالامور
شنو ابيه يطلع وهو كبير
او يمكن اخوه ربعه من اهل السرعة ..

فيجيك يبي السرعة ويحبها ..
عيالنا من وهم صغار سيارات والعاب قيمز ..

فالله يستر على عيالنا
والله يرحم من توفى ويصبر اهاليهم ويربط على قلوبهم

[Riku3]

في دول تعطي على 16 وما عندهم هالمشاكل .. المشكلة في التربية تلاقيه يمشي ويدوس الناس ومحد في شارع مالي عيونه !! .

[limited]

حاليا الشباب شعارهم

" دوس الفرامل عيب والموت سنّه "

ومنتشر عالسنابات بشكل كبير

[رجل مثالي]

ما شاءالله عندنا هل الفزعة ما يقصرون في المهمات وعلى
مستخدمي الطرق من السائقين التقيد بالسرعة المحددة
والانتباه وترك كل ما يعرقل اثناء السواقة في الطريق

http://youtu.be/1WWdEY6_Qv0

[حرف]

حاليا الشباب شعارهم

" دوس الفرامل عيب والموت سنّه "

ومنتشر عالسنابات بشكل كبير


مافيه رادع
مافيه قوه
الشرطة ماتخوف

[معماري قطري]

حاليا الشباب شعارهم

" دوس الفرامل عيب والموت سنّه "

ومنتشر عالسنابات بشكل كبير

الحزام عيب ويكسر الثوب .. زين السيت اللي يقعد عليه يكسر الثوب

[معماري قطري]

ما شاءالله عندنا هل الفزعة ما يقصرون في المهمات وعلى
مستخدمي الطرق من السائقين التقيد بالسرعة المحددة
والانتباه وترك كل ما يعرقل اثناء السواقة في الطريق

http://youtu.be/1WWdEY6_Qv0

مشكور على النقل واتمنى تتوسع قنواتنا في نقل هذي الأحداث وبطريقة أكثر تشويق واحتراف

[qatari 111]

انا ضد رفع السن القانوني اكثر من 18 سنه لان راح يكون بحاجه للسياره للدوام للجامعه مب كل الشباب نفس الشي فالعقليه والتهور اعطيك مالا يزيد عن 5% من الشباب اللي هم متهورين ووفيات الشباب اسبابها السواق نفسه يموت معاه ولا يسسب لهم عاهه مستديمه للي راكبين معاه ماياخذ بالاعتبار اللي راكبين معاه لانهم امانه في رقبته وهو المسؤول عليهم اذا تهور وصار فيهم شي .
المفروض مايتهور اذا حد راكب معاه ويكون راكد عقب اذا انزلوا من السيار يتهور على كيفه .
والشي الثاني الرفجه والصحبه الطيبه لها دور كبير وتاثير عليهم عكس الصحبه المتهوره والطايشه ومالهم هدف بحياتهم .

فلازم الاب او لي الامر يدير باله على عياله ويسال عن ربعه منهم ويقابلهم ويركز على مواترهم وامور كثير ينتبه لها ولي الامر على ولده وعلى ربعه اللي يماشيهم .
حوادث الشباب كانت من ايامنا نشوفها ونسمعها منهم ربعنا توفوا واللي الله سلمهم من الحوادث والله كنا ننبهم يسرعون وتوايرهم منتهيه او مسابق يومينا ما ننكر انا كنا نتسابق ولكن كانت مواترنا يادوب يوصل 140 بعد المعاناه .
والمناحس فالعديد والسيلين كل واحد يدفن الثاني ويلف عليه وتطير .

[رجل مثالي]

انا ضد رفع السن القانوني اكثر من 18 سنه لان راح يكون بحاجه للسياره للدوام للجامعه مب كل الشباب نفس الشي فالعقليه والتهور اعطيك مالا يزيد عن 5% من الشباب اللي هم متهورين ووفيات الشباب اسبابها السواق نفسه يموت معاه ولا يسسب لهم عاهه مستديمه للي راكبين معاه ماياخذ بالاعتبار اللي راكبين معاه لانهم امانه في رقبته وهو المسؤول عليهم اذا تهور وصار فيهم شي .
المفروض مايتهور اذا حد راكب معاه ويكون راكد عقب اذا انزلوا من السيار يتهور على كيفه .
والشي الثاني الرفجه والصحبه الطيبه لها دور كبير وتاثير عليهم عكس الصحبه المتهوره والطايشه ومالهم هدف بحياتهم .

فلازم الاب او لي الامر يدير باله على عياله ويسال عن ربعه منهم ويقابلهم ويركز على مواترهم وامور كثير ينتبه لها ولي الامر على ولده وعلى ربعه اللي يماشيهم .
حوادث الشباب كانت من ايامنا نشوفها ونسمعها منهم ربعنا توفوا واللي الله سلمهم من الحوادث والله كنا ننبهم يسرعون وتوايرهم منتهيه او مسابق يومينا ما ننكر انا كنا نتسابق ولكن كانت مواترنا يادوب يوصل 140 بعد المعاناه .
والمناحس فالعديد والسيلين كل واحد يدفن الثاني ويلف عليه وتطير .


كلام صحيح البقاء على السن السابق

[رجل مثالي]

انا مع هذا الرأي في البقاء على السن ثمان عشر سنة

[عيون الدوحة]

الامارات العربية السن القانوني ظ¢ظ، سنه لأخذ الرخصة
ويكون مرافج أبوة أو أخوة الكبير ويوصلونهم ماشوف قالو مدرسة او بيتاخر
ويتعلم منهم طول هذي السنوات فنون القيادة وأحترام الطريق

تعالو عند مدرسة الاندلس فرع دحيل
شوفو الكروزرات ومن يسوقها والله قلبي يحترق لي شفت طفل من 14 لين ظ،ظ¦ سنه ورى السكان

[دكستر]

السلام عليكم و رحمة الله تعالى و بركاته
و الله المشكل مو له علاقة بالسن , لو ترى كيف يسوق بعض الأسيويين ( لا احترام للسرعة , لا تسامح في الطريق , يرمي القمامة من النافذة ....) ,
بس و الله لاحظت أنو الهنود بينجحوا كثير في امتحان القيادة , الحين بقا لي سنة أرسب إمتحان السواقة انقهرت من كروة يا شباب :waiting: :waiting: :waiting:

[بانغ بانغ]

تأهيل نفسي شرط للحصول على ليسن وفترة اختبار لمدة ست شهور

هالايام الوضع يبدو وكان الواحد ايسوق دبابة في الشارع

ياهل ما تبين الا قحفيته وايسوق سيارة