هل هو مختلف ولا اول مره يحولون دوار لـ اشارات ؟ [الأرشيف]

مشاهدة النسخة كاملة : هل هو مختلف ولا اول مره يحولون دوار لـ اشارات ؟

.قطر.

10-01-2016, 01:30 PM

السلام عليكم ورحمه الله وبركاته

المقصود هو دوار كليه شمال الاطلنطي اشدعوه من شهر سبعه اللي طاف وهم يشتغلون فيه !!! :eek5:
المشكله مب هني المشكله انه زحمه والسيد واصل لين نص الشارع ومرات من هالدوار لين الدوار اللي قبله ومايمشي متى يتحول اشارات ونفتك من هالمشكله :anger1:
دوارات شكثر صارت اشارات واصلا بدوا الشغل فيها عقب هاي وهو مكانك سر ماشوفهم يشتغلون فيه حتى !
متى بيفتحونه يعني وشنو الاختلافات اللي بينه وبين الدوارات اللي تحولت اشارات بالله عليهم يعني ؟ :omen2:

شبح الصمت

10-01-2016, 01:34 PM

تم التطرق لهذا الموضوع سابقاً ..

والاشكالية او ليست اشكالية انما هي شراكة بين 3 جهات او اكثر ..

اشغال
المرور
اريدو

وحد يصحح لي اذا في جهات اخرى مشاركة ..
يعني كل جهة لها شغل خاص وكل جهة يبي لها وقت ..

البرونزي

10-01-2016, 01:40 PM

ياريال اذا انت جاي من اشارات الجامعة كمل سيده واطلع على شارع 22 فبراير وادخل من جسر الخريطيات او جسر الخيسه على حسب
المنطقة الي تبيها صدقني بتوصل اسرع

معماري قطري

10-01-2016, 02:38 PM

تصدقون ما ادل وين ذيه شمال البيزنطي

.قطر.

10-01-2016, 05:18 PM

.قطر.

10-01-2016, 05:20 PM

ياريال اذا انت جاي من اشارات الجامعة كمل سيده واطلع على شارع 22 فبراير وادخل من جسر الخريطيات او جسر الخيسه على حسب
المنطقة الي تبيها صدقني بتوصل اسرع

مافهمت عليك عدل :secret:

.قطر.

10-01-2016, 05:21 PM

تصدقون ما ادل وين ذيه شمال البيزنطي

ماتدليه ولا تعرف اسمه عدل حالتك صعبه ياخوي خخخخ :tease:
بين ايكيا وتقاطع دحيل

المبرمج صلاح

10-01-2016, 05:39 PM

هذا الموقع لمن لا يعرفه

https://goo.gl/maps/ZySvYgTkhep

ودوار اللي بعده دوار وقود حاليا ( دوار الرادار سابقا )
اشتغلو فيه من 4 شهور وقربو يخلصونه

النهار

10-01-2016, 05:58 PM

تصدقون ما ادل وين ذيه شمال البيزنطي

هههههههههههههههههههه

اتدل جامعة قطر لازقه فيها لزق وجدامها ساحة الاحتفالات والاعراس
كم واحد انسدح على الشبك وهو يستعرض

بانغ بانغ

10-01-2016, 05:58 PM

تصدقون ما ادل وين ذيه شمال البيزنطي

بوعبدالله حسستني تتكلم عن سان بيترسبيرغ

كلها داعوسين وشارعين ودوار

.قطر.

10-01-2016, 06:10 PM

هذا الموقع لمن لا يعرفه

https://goo.gl/maps/ZySvYgTkhep

ودوار اللي بعده دوار وقود حاليا ( دوار الرادار سابقا )
اشتغلو فيه من 4 شهور وقربو يخلصونه
وهالدوار صار له خمس شهور تقريبا وحتى القار ماحطوه :rolleyes2: :omen2:

.قطر.

10-01-2016, 06:10 PM

هههههههههههههههههههه

اتدل جامعة قطر لازقه فيها لزق وجدامها ساحة الاحتفالات والاعراس
كم واحد انسدح على الشبك وهو يستعرض
ايه انا من فتره شفت واحد داش ف الشبك مال طوفه الجامعه :omg:

.قطر.

10-01-2016, 06:11 PM

بوعبدالله حسستني تتكلم عن سان بيترسبيرغ

كلها داعوسين وشارعين ودوار
خخخخخخ
شوي شوي على يبهة بو عبدالله هههه

تجاوز

10-01-2016, 06:29 PM

الله يعين ...

مختلف جداََ

10-01-2016, 06:34 PM

وين جامعة قطر ؟ :secret:

النهار

10-01-2016, 06:46 PM

وين جامعة قطر ؟ :secret:

اتدل الكرعانه مهب اللفه الاولى تروح سيده تحصل مطب وبعد المطب في حفره تحمل تطيح فيها هناك الجامعه ههههههههههههههههههههههه

مختلف جداََ

10-01-2016, 07:09 PM

اتدل الكرعانه مهب اللفه الاولى تروح سيده تحصل مطب وبعد المطب في حفره تحمل تطيح فيها هناك الجامعه ههههههههههههههههههههههه

ههههههههههههههههههه

هاي صوب مدينة خليفة

.قطر.

10-01-2016, 07:31 PM

الله يعين ...

شنسوي بعد :(

.قطر.

10-01-2016, 07:31 PM

وين جامعة قطر ؟ :secret:

مناك :omen2:

معماري قطري

11-01-2016, 12:11 AM

ماتدليه ولا تعرف اسمه عدل حالتك صعبه ياخوي خخخخ :tease:
بين ايكيا وتقاطع دحيل

كلهم سيم سيم يا اخوي .. بس صج آخر مكان كنت اتوقعه .. والمفروض شغل أشغال يكون مركز من زمان على هالمناطق الخارجية والسهلة والمشكلة تشوف النتيجة بعدين تقول شاللي تغير وليش كل هالتعطيل

زين شلوا دوار كانوا حاطينه من فترة وبيسون اشارات والاشارات بتفشل لأني اتوقع هذا شارع رئيسي وعليه ضغط كبير شالحل بعدين؟ المفروض تطبيق حل مضمون لفترة طويلة مب حل مشكوك فيه .. وبعدين كل دوار يموت ينولد بداله كم دوار شقصتهم مع الدوارات ما ادري

شخص خطط لدوار في مدينة صغيرة في أمريكا ( تامبا - فلوريدا ) وصارت عليه حوادث كثيرة مع إنه داخلي وفي شارع زحمته قليلة .. شفت عنه تقرير في التلفزيون وهم يشيلونه ويسوون تقاطع اشارات في وقت قياسي اعتقد 3 أيام وبتنظيم السير أثناء الشغل .. ليش قطر غير ما ادري

بوخالد911

11-01-2016, 12:20 AM

نفس الوضع لدوار كهرماء
اللي للحين ما حولوه الى اشارات.
وشغاليين عليه من فترة طويلة.

Riku3

11-01-2016, 08:51 AM

نفس الوضع لدوار كهرماء
اللي للحين ما حولوه الى اشارات.
وشغاليين عليه من فترة طويلة.
انا رافع ضغطي هالدوار .. والي قاهرني الشارع بكبره جديد ما كمل كم سنة وشلوه ..

المشكلة ان هالتقاطع اعتقد عليه مخطط جسر .. هو ودوار العبيدلي ... ما ادري ليش تضيع اكثر من 6 شهور الى سنة تسوي اشارات وتلعوز العالم وبعد كم سنة تعيد كل شي وتسوي جسر !!! .. ليش ما بنوا نفق والا جسر وفكونا .

.قطر.

11-01-2016, 08:55 AM

كلهم سيم سيم يا اخوي .. بس صج آخر مكان كنت اتوقعه .. والمفروض شغل أشغال يكون مركز من زمان على هالمناطق الخارجية والسهلة والمشكلة تشوف النتيجة بعدين تقول شاللي تغير وليش كل هالتعطيل

زين شلوا دوار كانوا حاطينه من فترة وبيسون اشارات والاشارات بتفشل لأني اتوقع هذا شارع رئيسي وعليه ضغط كبير شالحل بعدين؟ المفروض تطبيق حل مضمون لفترة طويلة مب حل مشكوك فيه .. وبعدين كل دوار يموت ينولد بداله كم دوار شقصتهم مع الدوارات ما ادري

شخص خطط لدوار في مدينة صغيرة في أمريكا ( تامبا - فلوريدا ) وصارت عليه حوادث كثيرة مع إنه داخلي وفي شارع زحمته قليلة .. شفت عنه تقرير في التلفزيون وهم يشيلونه ويسوون تقاطع اشارات في وقت قياسي اعتقد 3 أيام وبتنظيم السير أثناء الشغل .. ليش قطر غير ما ادري
شغلهم تعبان اشغال كله تقاطعات للحين ماوصلوا للخطوط السريعه :rolleyes2:
الحين مع الاشارات بعد بتكون زحمه تخيل جامعه وكليه احذا بعض ويسوون اشارات تودي لهم لا والشارع ضيق سيدين مادري اذا عندهم مساحه يسوونه ثلاث سيود واذا اربعه احسن واحسن بعد
وهو مايبيله شي اصلا ليش كل هالتاخير بس شل الدوار وحط القار وعدل الارصفه ومبروك عليك الدوار
ياليت يتعلمون من امريكا مب ف الدوارات بس حتى ف الجسور والانفاق

.قطر.

11-01-2016, 08:57 AM

نفس الوضع لدوار كهرماء
اللي للحين ما حولوه الى اشارات.
وشغاليين عليه من فترة طويلة.

دوار كهرماء بدوا الشغل فيه تقريبا شهر 12 اللي طاف والحين قريب بيخلص واشوفهم يشتغلون فيه لكن هذاك الدوار نادر ماشوفهم يشتغلون اصلا اطل داخل الدوار مافي شي يختلف بين اسبوع واسبوع :rolleyes2:

بعيد النظر

11-01-2016, 08:57 AM

دوار كهرماء اللي بين الروضة والثمامة ..
صحيح في توسيعات بس طولو !

.قطر.

11-01-2016, 10:03 AM

انا رافع ضغطي هالدوار .. والي قاهرني الشارع بكبره جديد ما كمل كم سنة وشلوه ..

المشكلة ان هالتقاطع اعتقد عليه مخطط جسر .. هو ودوار العبيدلي ... ما ادري ليش تضيع اكثر من 6 شهور الى سنة تسوي اشارات وتلعوز العالم وبعد كم سنة تعيد كل شي وتسوي جسر !!! .. ليش ما بنوا نفق والا جسر وفكونا .

انزين اذا بيحولونه جسور..... مره وحده بعد ليش يسوونه اشارات وبعدين يردون يشتغلون يسوونه جسور
حسسوني ان هذي مرحله ف لعبه ولازم يعدونها عشان يوصلون المرحله اللي عقبها :rolleyes2:

.قطر.

11-01-2016, 10:04 AM

دوار كهرماء اللي بين الروضة والثمامة ..
صحيح في توسيعات بس طولو !

بس ع الاقل يشتغلون فيه وحطوا القار من اسبوع شايفه الحين مادري شنو اخر التطورات فيه
اما الدوار اللي انا اقصده للحين اقرع